RAPPOR T Evaluering av NVE sitt snøstasjonsnettverk

088.021.0 Grasdalen
Historikk: Snøputa i Grasdalen vart montert i 1997. Norges Geotekniske institutt (NGI) etablerte ein
feltstasjon for snø og snøskredforsking i Grasdalen i 1973 (NGI 2006). Den gamle hytta brann ned i
2005, og den nye hytta som vart opna i 2006 har moderne fasilitetar. Eit av formåla med hytta er å gje
aktiv felterfaring for skredekspertar i inn og utland, og den er veldig attraktiv for forsking i
skredaktive omgjevnader. I tilegg har NGI mange vær-, snø- og skredobservasjonar i feltet (NGI
2006). I Grasdalen ligg også Ryggfonn – eit fullskala feltlaboratorium for snøskredforsking (NGI
2007).
NVE sin målestasjon er heilt uavhengig av NGI sin feltstasjon. Stasjonen er kopla på faststrøm.
Lokalitet: Snøputa ligg 935 moh i høgfjellslandskap. Det er lite vegetasjon i området rundt puta og
veldig ujamt terreng. Stasjonen ligg i Grasdalen på veg opp mot Strynefjellet frå Stryn. Avkøyrsel like
før Grasdalstunellen på venstre side av vegen når ein køyrer opp frå Stryn. Det er omlag 15 min
skigåing bort til stasjonen på vinterstid, her er det viktig å vera obs på at elvene kan vera opne i
vårløysinga.
Observatør: Felthydrolog.
Parameter Etablert Kommentar instrumentering Kommentar data
17 05.04.1998
2002 26.10.2004 Snødjupsensor står ikkje over puta Gjev dårlege data
2003 15.10.1997 Rund snøpute type NVE1997. Trykkcelle
i skrukopling i røyrstubb ved puta. Puta
ligg delvis nedgrave i terrenget
Datakvalitet: Stasjonen har fullstendige data i 8 av 13 sesongar. Ein mistenker at puta registrerar for
lite SWE i fleire av vintrane. Akkumulasjonsperioden er for kort, og puta visar data der ein har maks
SWE i januar-februar. Det er usannsynleg at sublimasjonsperioden byrjar så tidleg i sesongen som
data frå puta viser. Data frå sesongane 06/07 og 07/08 er difor ikkje køyrt til hydag. Våren 2006
manglar data avdi trykkcellekabelen vart gnage over av ei mus.
Problem: Klimatiske forhold gjer at det vert danna mange is og skarelag i snøpakka. Det er registrert
opp til 11 is/skarelag i snøpakka. I tillegg kan det vera store snømengder i området. Dagens
instrumentering med lita snøpute med diameter 2 m er for lita til å gje korrekt måling av SWE, og ein
får upålitelege data der ein antek at SWE maksimum vert registert alt for tidleg i sesongen. Det er
veldig variabelt snødekke i området rundt puta og det kan difor vera vanskeleg å finna representative
lokalitetar for kontrollmålingar.
Anbefaling: Dagens instrumentering med lita snøpute fungerar ikkje tilfredsstillande. Den ”taklar”
dårleg dei store snømengdene i området kombinert med stor lagdeling i snøen. Det er her registrert
opp til 11 lag med is/skare i snøpakka. For liten storleik vart allereie påpeika i rapporten ”NOSITutvikling
av NVEs operasjonelle snøinformasjontjeneste” (Engeset red. 2000), utan at det har vorte
gjort tiltak. Dersom dette er ein lokalitet som ein ynskjer at det skal utførast snømålingar på, må
storleiken på puta aukast vesentleg eller ein bør finna alternative målemetodar.
36