2011 - Hordaland fylkeskommune

Hordaland fylkeskommune
sitt internasjonale engasjement
2011

Framside:
Fylkesordførar og varaordførar saman med songar Marianne Juvik Sæbø
etter adventskonserten i St. Giles Cathedral, Edinburgh

Internasjonalt engasjement 2011 3
Hordaland fylkeskommune sitt
internasjonale engasjement i 2011
Visjonen i strategien for fylkeskommunen sitt internasjonale
engasjement for perioden 2009-2012 er at fylkeskommunen skal
ha eit aktivt internasjonalt engasjement med sikte på å fremme
gjensidig kulturforståing og styrke Hordaland som ein attraktiv
og konkurransedyktig region.
Strategien vektlegg fire prioriterte tema:
Ungdom, Kunnskapsbasert innovasjon, Klima, energi og miljø og
Sjøretta aktivitetar.
Elevar frå Hjeltnes vidaregåande skule på utplassering i Slovenia fekk
møte det norske kongeparet på statsbesøk

4
Internasjonalt engasjement 2011
Danseshow på aktivitetshuset Fysak under Europeisk ungdomsveke i mai
1 Internasjonale
organisasjonar
Assembly of European Regions – AER:
Fylkeskommunen brukte òg i 2011 medlemskapen i
AER til å gi ungdom internasjonal erfaring gjennom å
invitere Ungdommens fylkesutval med på AER sin sommarskule
i august. Fylkesutvalet vedtok i møte 23. juni
2011 å avslutte Hordaland fylkeskommune sin medlemskap
i AER
Committee of Peripheral Maritime
Regions – CPMR: Hordaland fylkeskommune
var representert på generalforsamlinga til CPMR i
Århus i september. Fylkeskommunen sitt engasjementet
i CPMR er konsentrert om den geografiske underorganisasjonen
Nordsjøkommisjonen der fylkesordførar
Tom-Christer Nilsen er norsk styremedlem. Nordsjøkommisjonen
utarbeidde i 2011 strategidokumentet
”North Sea Region 2020”
Ungdom (…) var engasjerte i same tema
som oss men hadde både like og heilt ulike problemstillingar
enn dei me har i Hordaland. Det
er lærerikt å sjå korleis dei møter utfordringane
og kva løysingar som har fungert for dei.
Lisbeth Saksvik og Andrea Trengereid Gjerde, Ungdomens fylkesutval
i Hordaland i rapport frå AER sumarskule i Nederland 2011
2 Samarbeidsregionar
Nedre-Normandie: Opninga av den felles utstillinga
”Meeting Point Wood”, som tar for seg tradisjonell og
moderne bruk av tre, var ein av fleire sentrale aktivitetar.
Det var vidare stor deltaking under kulturfestivalen
”les Boréales” med publikumsrekord for utstillinga
med Munch-bilete utlånt av Kunstmuseene i Bergen, og
oppstart for dei første elevane i opplegget med eit fullt
skuleår i Normandie.
Cardiff: Den norske kyrkja i Cardiff var ferdig
oppussa og vart offisielt opna på nytt 17. mai 2011 av
daverande fylkesordførar Torill Selsvold Nyborg. I 2011
var det òg 15-års jubileum for ”Hordalandsklassen i
Cardiff”. Under den tradisjonelle tenninga av julelysa
i november vart det òg planta eit tre utanfor kyrkja til
minne om ofra etter 22. juli.
Orknøyane: I tilegg til dei ordinære aktivitetane som
elevutvekslinga og vinterfestivalen med juletretenningar,
var Hordaland fylkeskommune òg representert under
17. mai- markeringane på Orknøyane.
Kaunas: Hovudaktiviteten var deltaking under International
Hansa Days in Kaunas i mai. Folkemusikkgruppa
”Bociai” frå Kaunas spelte i mai på alders- og
sjukeheimar i Bergen. Fylkeskommunen, saman med
Tide, donerte for 25. gong ein buss til skulane i Kaunas.
Thüringen: Opplæringssamarbeidet har vore aktivt,
med ny elektroklasse i Erfurt frå august og utveksling
av lærlingar under programmet ”Gjør det!”. Fleire samarbeidsprosjekt
har vorte utvikla med støtte frå både
Leonardo-programmet, Interreg, Sosialfonda, Thüringenfonda
og Regionalt utviklingsprogram (RUP) for
Hordaland.

Internasjonalt engasjement 2011 5
Blikkenslagarlærling frå Thüringen på utplassering i Bergen med Leonardo da Vinci-programmet
Edinburgh: I tillegg til den årlege tradisjonen med
tenning av lysa på juletreet frå Hordaland, har det òg
vorte etablert ei utplassering av volontørar frå Hordaland
i Edinburgh under Aktiv Ungdom-programmet.
Resten av verda: Hordaland har òg samarbeid med
land utanfor Europa. Det er eit kontinuerleg skulesamarbeid
i både USA, Zambia og på Zanzibar. Samarbeidet
med Kina har i 2011 vore noko redusert, men fylkeskommunen
var med Havforskingsinstituttet til Kina for
å diskutere mogleg samarbeid knytt til akvakultur. I tillegg
har kinesiske musikarar vore i Hordaland med skulekonsertane.
Daverande varaordførar Tom-Christer
Nilsen var med i ein stor delegasjon frå Bergensområdet
til oljemessa i Houston i mai.
3 Program- og
prosjektsamarbeid
Leonardo da Vinci: For 2011 har Hordaland fylkeskommune
fått ca 1,9 millionar frå Leonardo-programmet
til internasjonale prosjekt for skular, opplæringskontor,
kommunar og bedrifter. I tillegg har fem
vidaregåande skular fått tildelt midlar direkte. Fylkeskommunen
sin rolle som regionalt kontaktpunkt gjer
det enklare å bruke programmet og kvart år får 50-70
personar stipend for å gjennomføre eit praksisopphald
i Europa. Fylkeskommunen brukar òg programmet for
kompetanseheving av eigne tilsette.
Aktiv Ungdom har fokus på ungdom som viktige
aktørar i lokalsamfunnet. I 2011 organiserte Internasjonal
seksjon i samarbeid med fleire multikulturelle organisasjonar
ulike aktivitetar i samband med Europeisk
ungdomsveke. Ungdomsarbeidarar har vorte sendt på
kurs og seminar i Europa for å bli betre kjent med ikkjeformelle
læringsmetodar. Vidare har ti ungdomar fått
høve til å arbeide som frivillig i eit europeisk land, noko
som er eit svært godt tilbod. Ifølgje dei sjølve har dette
vore ei lærerik tid.
Interreg 2007-2012: Hordaland fylkeskommune
leia i 2011 tre Interregprosjekt; Coast Alive! og Clean
North Sea Shipping under Nordsjøprogrammet og Craft
International (som byggjer på Économusé-prosjektet)
under Nordlig Periferi-programmet. I tillegg har fylkeskommunen
deltatt i ytterlegare to prosjekt; StratMoS
under Nordsjøprogrammet og Baltic Biogas Bus under
Østersjøprogrammet. Hausten 2011 vart prosjektet
Eco-Regions, der fylkeskommunen er partnar, godkjent
under Interreg IVC-programmet. Aktivitetane startar
opp tidleg 2012. Hordaland fylkeskommune er nasjonalt
kontaktpunkt for Nordsjøprogrammet, utpeikt av
Vestlandsrådet, og representert i den nasjonale underkomitéen
for Interreg IVB og IVC.
Interact er EU sitt program for resultatoppfølging
og metodeutvikling. I 2011 har Hordaland fylkeskommune
vore med i eit pilotprosjekt saman med åtte regionar
frå fem EU-land for å formidle resultat frå vellukka,
transregionale samarbeidsmodellar. Hordaland sitt bidrag
var samarbeidsmodellen med Thüringen. Meir om
resultat og konklusjonar på
www.interact-eu.net. (2011).
Programsamarbeid ved dei vidaregåande
skulane: Kartleggingar syner at over 90 % av dei
vidaregåande skulane i fylket er engasjert i internasjonale
aktivitetar. Mange skular brukar europeiske program
som Leonardo da Vinci, Comenius og Grundtvig,
nordiske program som Nordplus og bilaterale program
som EØS-finansieringsordningane.

6
Internasjonalt engasjement 2011
Prosjektleiar Even Husby presenterer prosjektet ”Clean North Sea Shipping” under regionsmønstringa Open Days i Brussel
4 Vest-Norges
Brusselkontor
Vest-Norges Brusselkontor (VNB) representerer Vestlandet
sine interesser inn mot EU og Europa og formidlar
informasjon og nyheiter heim til medlemmane. I
2011 hadde VNB fleire arrangement med aktuelle problemstillingar,
både i Brussel og på Vestlandet. Hordaland
fylkeskommune er medlem av VNB.
Fleire representantar frå Hordaland var med under
”Open Days” - den fremste nettverksarenaen for regional
utvikling i Europa. Folkehelsearbeidet i Hordaland
vart presentert som eksempel under seminaret ”Innovation
for a Healthy Future” som VNB var medarrangør
for. Under fana ”Europa i min region” arrangerte VNB,
saman med Internasjonal seksjon, konferansen ”Demografiske
endringar – frå problem til ressurs” i Bergen 26.
oktober.
5 Andre internasjonale
aktivitetar
Erfaringsutveksling mellom regionar og institusjonar
er viktig. Hordaland fylkeskommune var i 2011
med på fleire studiereiser til andre regionar i Europa,
m.a. Liguria i Italia og Vestra Götaland i Sverige, og tok
i tillegg imot delegasjonar til Hordaland. Konferansar
og seminar er òg viktige kjelder til kunnskapsauke, og
fylkeskommunen hadde i 2011 arrangement med både
Eurisy og Historic Scotland.
Internasjonalt kultursamarbeid i Hordaland omfattar
både direkte kontakt mellom kulturinstitusjonar,
og aktivitetar der fylkeskommunen tar meir direkte del,
slik som deltaking av kinesiske musikarar i skulekonsertane
eller engasjementet knytt til den nye St. Olavskirken
i Covarrubias, Spania.
Informasjonsformidling: Nyheitsbrevet ”Brusselnytt”
vert redigert av Vest-Norges Brusselkontor og
sendt ut til ei rekkje abonnentar kvar fjortande dag. To
gonger i året oppsummerer fylkeskommunen sitt internasjonale
engasjement i eit internasjonalt nyheitsbrev
på engelsk. Anna internasjonal informasjon vert vidareformidla
per e-post og på nett –
www.hordaland.no/internasjonalt
Internasjonalt opplæringssamarbeid omfattar
både skule-til-skule samarbeid, prosjekt og dei etablerte
”utanladsklassane” til fylket, som i 2011 var i Cardiff
(UK), Orknøyane (UK), Erfurt (DE), Babolna (HU), Missouri
(US) og den nye klassen i Normandie (FR).
I tillegg heldt dei etablerte prosjekta i Zambia og på
Zanzibar fram.
Organisering
Alle avdelingane i sentraladministrasjonen er engasjerte
i internasjonale aktivitetar og fleire har sentrale roller
i internasjonale prosjekt. Det internasjonale arbeidet
i fagavdelingane har auka dei siste åra. Dei vidaregåande
skulane deltar m.a. i fleire internasjonale prosjekt.

Internasjonalt engasjement 2011 7
Fylkesordførar og –varaordførar frå Hordaland, saman med Lord Mayor i Cardiff møtte elevane i ”Hordalandsklassen i Cardiff
Nokre sentrale internasjonale
aktivitetar i 2011
Dei første elevane tar til i ”Hordalandsklassen i Normandie”
Utstilling av Munch-bilete frå Kunstmuseene i Bergen gir
publikumsrekord i Caen
Daverande fylkesordførar Torill Selsvold Nyborg foretar den offisielle
opninga av ”Hordalandsterrassen” utanfor den norske kyrkja i Cardiff
og ”Hordalandsklassen i Cardiff” feirar 15-års jubileum
”Europeisk ungdomsveke” vert markert med stort arrangement
på aktivitetshuset Fysak 8. mai
Prosjektet ”Eco-regions”, der Hordaland er med, kjem gjennom
nålauget til det europeiske programmet Interreg 4C.
Nasjonal digital læringsarena – NDLA, får diplom og heiderlig
omtale under European Public Sector Award
Prosjektet ”Craft International” (under Interreg sitt Nordlig
Periferi-program) tar over etter ”Economusée Northern Europe”
Europakommisjonen sin ambassadør til Noreg markerer
Europadagen i Bergen

Hordaland fylkeskommune har ansvar for å
utvikle Hordalands samfunnet. Vi gir vidaregåande
opplæring, tannhelse tenester og kollektivtransport
til inn byggjarane i fylket. Vi har ansvar for
vegsamband og legg til rette for verdi skaping,
nærings utvikling, fritid s opplevingar og kultur.
Som del av eit nasjonalt og globalt samfunn har vi
ansvar for å ta vare på fortida, notida og framtida
i Hordaland. Fylkestinget er øvste politiske organ i
fylkeskommunen.
Agnes Mowinckels gt 5
Postboks 7900
N-5020 BERGEN
Telefon: 55 23 90 00
www.hordaland.no
Mars 2012