Styreprotokoll HF 25.01.2013 - Helse Førde

006/2013 A Høyringsuttale – Regional plan for kirurgi i
Helse Vest 2013 - 2017
Oppsummering:
Det er ei rekkje element som peikar mot auka behov for kirurgi:
o den demografiske utviklinga generelt og spesielt auken i talet på «eldre eldre»
o det er forventa 30 % auke i talet på krefttilfelle fram mot 2030 – og auke i talet på
kreftpasientar som lever med sin sjukdom og som har behov for gjentatt kirurgisk
behandling
o utvikling av ny teknologi og nye metodar som gjer at stadig fleire kan behandlast
o ei jamn og konsistent auke i ØH-(øyeblikkeleg hjelp) innleggingar over fleire år
o nye oppgåver, spesielt knytt til politiske lovnader (overvektskirurgi,
brystkonstruksjon)
o behandlingsratane for kirurgi på Vestlandet ligg under landgjennomsnittet
Planen tek opp dei utfordringar ein ser innan fagfeltet framover og kjem med forslag til
løysingar på utfordringane. Målet var å lage ein plan for kirurgi, som med basis i ei beskriving
av no-situasjonen og ei forventa utvikling, trekkjer opp overordna prinsipp og føringar for
utvikling av tenestetilbodet innan kirurgi i Helse Vest. Planen skal ligge til grunn for
vidareutvikling av tilbodet innan kirurgi i regionen og i det enkelte helseføretak.
Planen omfattar: Generell kirurgi, ortopedisk kirurgi, urinvegskirurgi, kirurgi i mage-tarm
området, kirurgi på organ i brysthola, bryst kirurgi/kirurgi på hormonproduserande organ,
plastisk kirurgi, gynekologisk kreftkirurgi, barnekirurgi og karkirurgi.
Viseadm. direktør Vie innleia om kirurgirapporten. Frå Helse Førde har direktør Dvergsdal og
avdelingssjef Sletteskog delteke i prosjektgruppa.
Uttale frå Brukarutvalet i Sogn og Fjordane til framlegg for regional plan for kirurgi i Helse
Vest vart utdelt ved behandling av saka. Brukarutvalet presiserer spesielt behovet for framleis
å kunne gjennomføre kirurgi på bryst og endokrin kirurgi i Helse Førde.
Fagdirektør Breidablik orienterte om kirurgirapporten:
- Bakgrunn - mandat
- Målsettingar
- Kapasitet og tilgjengelegheit
- Traumeorganisering i Helse Vest
- Kreftkirurgi
- Spesifikke tiltak på føretaksnivå
Styret drøfta kirurgirapporten og kommenterte:
- Side 22, dagkirurgi, oppgitt taldel ?
- Side 72, opplista 3 kulepunkt
- Rapporten er litt smalspora, er mykje om kreft
- Skulle vore meir info i rapporten om føretakets oversikt
- Generell kirurg, viktig at den ikkje forsvinn
- Brystkirurgi i Helse Førde er utfordrande, vi må ha ein kompetanse
- Dei som skal drive kirurgi, må kunne dokumentere kvalitet
- HF er avhengig av å sende våre LIS-legar til regionsjukehus
- Kan bli ei utfordring med nye LIS-legar
Viseadm. direktør og fagdirektør svara på spørsmål. Viseadm. direktør henviste til sak om
legestillingar som kjem opp i eit seinare styremøte.
Protokoll frå styremøte i Helse Førde HF 25.01.2013 6