Last ned brosjyren om Sykkelturer. - visitBergen

Turforslag - Fitjar
Turforslag - Sveio
6 7
Fitjar
200m
0m
Rimbareid
Storavatnet
0m 3km 6km 9km 12km
Vanskegrad: Krevande løype
Lengde: 12,3 km
Underlag: Asfalt og grusveg
Maks. høgde: 387m
Svartavatnet
Svartavatnet (12,3 km)
Ei variert rute med bratt stigning. Her kan ein velje om
ein vil gå fjellturen opp eller sykle.
Ruta startar i Fitjar sentrum. Følg RV 545 sørover forbi Fitjar kyrkje og ta
etter 1 km av til venstre på ein smal landeveg. Følg denne vegen opp
til ein parkeringsplass med bom.
Ved parkeringsplassen startar grusvegen opp til Svartavatnet. Det er
bratt stigning i byrjinga, men flatar meir ut etter kvart.
Etter 1,7 km frå parkeringsplassen kjem ein til det første vatnet, Olskjødno.
Neste vatn heiter Kidnavatnet og ligg 0,8 km vidare. Like etter
ser ein Midtvatnet, og knappe 1 km til er ein oppe ved Svartavatnet,
som er eit av drikkevatna til Fitjar. Det er bord og benkar fleire stader
langs grusvegen.
Kystrunden (49 km) (Sveio – Rød – Auklandshamn – Bua – Vikse – Sveio)
Ruta varierar mellom sykkelsti langs hovudvegen,
bygdeveg gjennom fint kulturlandskap og veg langs
kysten. Det er fleire høve til å velja kortare ruter.
Start i Sveio sentrum og følg sykkelsti skilta til Bergen langs Rv47. Like ved
sykkelstien på Bjelland ligg eit verna våtmarksområde med rikt fugleliv. Her
er det fugletårn og tursti.
Frå Haukås held ein fram på sykkelsti langs E39, forbi bensinstasjonen, til
Rød.
Ta av frå E39 ved skilt til Auklandshamn. Turen går på smal og svingete
bygdeveg med noko trafikk. Bade- og fiskeplass ved Langavatnet.
I krysset med skilt mot Tjernagel kan ein ta ein avstikkar mot høgre til friluftsområdet
Slettene med badeplass, tursti og toalett. Elles held turen fram
mot Tjernagel. I Auklandshamn er det butikk, og ved butikken startar tursti
til Emberlandsnipen med flott utsikt over Bømlafjorden.
På Tjernagel er det ridesenter, og ein liten avstikkar fører ned til den gamle
handelsstaden.
Ta elles til venstre mot Bua. Badeplass ved Storavatnet like ved vegen.
I krysset med skilt mot Buavåg og Bømlo kan ein velja ei kortare rute og ta
rett fram mot Sveio sentrum igjen. Her er vegen noko kupert og trafikert.
Elles kan ein halda fram vidare sørover langs Fv 541 forbi ferjekaien i
Buavåg (toalett mm). Her kjem ein inn på Nordsjøsykkelruta som er merka
vidare mot Haugesund.
Frå Eltravåg kan ein følgja Markavegen til Nordskog og tilbake til Sveio.
Slakk og fin veg med lite trafikk. Elles kan ein halda fram vidare sørover. I
Mølstrevåg er vegen skilta til Ryvarden Kulturfyr – ein avstikkar på ca 3,5
km kvar veg, men vel verd eit besøk!
Turen tilbake til Sveio sentrum kan gå på lite trafikert grusveg over Paddevegen,
eller om Vikse og Tveit om ein ønskjer ein lenger tur. Då held ein
fram til krysset i Vågedalen, der ein tek til venstre og kryssar Rv47 på Byrkjeland.
Tveitevegen (omveg på ca 5 km) er merka som sykkelsti, grunna
stor trafikk og manglande sykkelsti er det ikkje tilrådd å følgja riksvegen
forbi Tveit. Resten av turen går på sykkelsti forbi byggjefeltet Krossleitet, i
undergang under riksvegen og tilbake til utgangspunktet i Sveio sentrum.
Mølstrevåg
Vikse
Buavåg
Auklandshamn
Tjernangel
Sveio
Tveit
0m 10km 20km 30km 40km
Vanskegrad: Middels løype
Lengde: 49 km
Underlag: Asfalt og grusveg
Rød
200m
0m