Last ned brosjyren om Sykkelturer. - visitBergen

Langturforslag
Langturforslag
18 19
Leirvik – Fitjar: ca 30 km
Frå Leirvik følgjer du skiltinga for Nasjonal sykkelveg nummer 1 til
Heiane og Fitjar. I Sagvåg kan du ta av til Litlabø og vitje eit tidlegare
gruvesamfunn for utvinning av svovelkis. Gruva er i dag museum.
Etter Sagvåg er resten av denne strekninga meir kupert. Ved
Storavatnet i Fitjar går ruta på vestsida av vatnet, småkupert og med
flott utsikt vestover. I nordenden av vatnet ligg ein fin badeplass med
toalett. Følg sykkelskilting (nr. 1) mot Fitjar/Bergen til Fitjar sentrum.
Bømlo
Leirvik gjestehamn, Stord
Skjergardsturen
Skjergardsturen har start i Mosterhamn eller på
Rubbestadneset på Bømlo, og endar på Hufthamar
i Austevoll. Hurtigbåt går til desse stadene
(www.tide.no). Det er og mogleg å sykle tilbake
til Bergen eller Haugesund.
Mosterhamn – Rubbestadneset: 25 km
Om ein kjem til Mosterhamn, følg Rv 542 nordover. Gangsti einskilde
strekningar. Ved Stokkajuvet tunnel er det eit godt vegalternativ utanom
tunnelen. Følg skilting mot Rubbestadneset.
Rubbestadneset – Brandasund – Svortland: ca 40 km
Frå Rubbestadneset til Brandasund er det 22 km. Ruta går 3 km tilbake
langs vegen frå Rubbestadneset, deretter tvers over øya til Svortland/
Bremnes. Fylkesvegen nordover til Brandasund er variert og morosam
å sykle, smal og kupert i enkelte parti. Vegen går over fleire øyar med
bruer mellom, og det er god sikt utover skjergarden. Den idylliske
gamle gjestgjevarstaden Brandasund heilt ute i havgapet har butikk
og serveringsstad. Retur same vegen til kommunesenteret Svortland/
Bremnes. Avstikkar kan takast til Hiskjo, som byr på vestnorsk kystlandskap
på sitt barskaste og mest sjarmerande.
Svortland – Leirvik: 37 km
Frå Svortland ta sørover mot Mælandsvåg og Sakseid (11 km). Vegen
er smal, svingete og ein del kupert, men flott for sykling. Etter
Sakseid går ferda austover mot Håvik (6 km) og Trekantsambandet.
Trekantsambandet har gode sykkelvegar over bruene, og er ei turoppleving
i seg sjølv. Ved Heiane næringsområde følg skilta for Nasjonal
sykkelveg nummer 1 mot Leirvik sentrum.
138 km
Fitjar
Fitjar sentrum
Fitjar – Bekkjarvik – Hufthamar: 31 km
Frå Fitjar sentrum til ferjeleiet Sandvikvåg er det 7 km. Ferja til Husavik
tek 20 minutt. Følg skilting til venstre mot Bekkjarvik. Bekkjarvik er ein
idyllisk gamal handelsstad der det er fint å ta seg ei rast – eventuelt
overnatte. På Bekkjarvik Torg finn du fiskebåtutstilling frå 1800-talet
og fram til i dag. I Galleri Bekkjarvik vert det vist utstillingar med
kjente kunstnarar innan olje- og akvarellmåling, grafikk og skulptur.
Frå Bekkjarvik kan du ta ein avstikkar, og sykle over Selbjørn og vidare
over bruene til Stolmen og Kvalvåg.
Nordover til Storebø følg Rv 546 på vestsida av Huftarøy. Kommunesenteret
Storebø har servicefunksjonar. Frå Hufthamar kan du ta ein
avstikkar til Austevollshella og sykle heilt vest på øya til Storekalsøy
og Kalve. Alternativt kan du avslutte turen og ta hurtigbåten til Bergen
eller Stavanger.
Tips! Bømlo: Besøk Mosterhamn og Moster Amfi. Moster var eit viktig
senter i vikingtida. Inne i Moster Amfi står utstillinga ”Frå heidendom
til kristendom”. Moster gamle kyrkje (frå ca. 1100-talet) ligg i same
område. Besøk landhandleriet på Brandasund og på Skjeret.
Stord: Borggata på Leirvik er verdt eit besøk. Sjekk ut Galleri Giga på
Leirvik, som inneheld kunstgalleri med separatutstillingar, galleributikk
m.m. Ein ettermiddagstur til Sunnhordlandstunet, eller besøk Stord
Maritime Museum på kaien. Frå sentrum er det og ein fin spasertur ut
til skulpturen ”Storddøra” - ytst på moloen i innseglinga til Leirvik.
Fitjar: Håkonarparken ligg midt i Fitjar sentrum. Her er det statue av
Håkon den Gode, som fall på Fitjar i år 961. Spør etter bilvandringskart
for kulturvandringa.
Overnatting:
Bømlo Hotell
5420 Rubbestadneset,
tlf. 53 42 93 53,
post@bomlo-hotell.no,
www.bomlo-hotell.no
Almås Hotell
5402 Stord,
tlf. 53 40 99 99,
post@almas-hotell.no,
www.almas-hotell.no
Grand Hotell
5401 Stord,
tlf. 53 40 96 00
booking@grand-hotell.com
www.grand-hotell.com
Stord Hotell
5411 Stord,
tlf. 53 40 25 00,
info@stord-hotel.no,
www.stord-hotel.no
Bekkjarvik, Austevoll
Fitjar Sjø og Camping
Kråko, 5419 Fitjar,
tlf. 53 49 78 69
fitjarcamping@haugnett.no,
www.fitjarcamping.no
Fitjar Fjordhotell, 5419 Fitjar,
tlf. 53 45 77 00
post@fitjar-fjordhotell.no
www.fitjar-fjordhotell.no
Bekkjarvik Gjestgiveri
5399 Bekkjarvik,
tlf. 55 08 42 40
post@bekkjarvikgjestgiveri.no
www.bekkjarvik gjestgiveri.no