UGULSVIK KRAFTVERK

2.0 Skildring av tiltaket Ugulsvik kraftverk
Dammen blir utstyrt med arrangement for tapping og måling av
minstevassføring/standard løysning der ein vil ta med i vurderinga dei
landskapsmessige, fysiske og klimatiske forholda på staden. Ein vil ta ut eit rør for
minstevassføring oppstrøms ventilen og føra den gjennom veggen og tilbake til elva.
Planlagt slipp av minstevassføring er på 25 l/s hele året.
Inntaket er planlagt plassert der elva begynner å falle ned i Ugledalen. Her er eit søkk i
terrenget og fast fjell. Inntaksdammen vert då avgrensa av dette søkket. Elva renn
relativt roleg ned i dette søkket. Med nok høgde på inntaket unngår ein isproblem og ein
får rolege vassforhold i inntaket. Dette betrar køyringa av kraftverket. Med fast fjell i
inntaket minimerar ein endring av dei lokale hydrologiske forholda og utvasking av
sediment.
Inntaket er tenkt plassert under ei flate som ligg over skoggrensa. Terrenget avgrensar
inntaket naturleg og her er rolege forhold i elva. Nedstøms denne plasseringa renn elva
brattare og det er meir sedimentering. Inntaksdammen vil då også verte høgare for å få
tilstrekkeleg volum.
Reguleringsmagasin
Det vil ikkje bli etablert reguleringsmagasin i samband med dette prosjektet.
Røyrgate
Frå inntaket er det planlagt å grave ned duktile støypejarnsrøyr til kote 530. Frå kote 530
til kote 405 er det planlagt at røyrgata vert plassert på betongelement i dagen. Vidare
ned til kraftstasjonen er det planlagt å grave ned duktile støypejernsrøyr. Vassvegen vil
ha ei lengde på kring 1490 meter og er planlagt med ein diameter på 500mm. Det må
ryddast rundt 20-25 meter bredda av skogen for å leggja rørgata. Røyrgata vil bli
tildekka med stadeigen masse der røyrgata skal gravast ned. Naudsynt omfyllingsmasse
i samsvar med tekniske krav vil verta tilført. Skog må i hovudsak ryddast langs heile
vassvegen.
Røyrgata er planlagt på nordsida av elva heilt ned til kraftstasjonen. Utan elvekryssing
reduserar ein inngrep i elva og elvekanten nedover elva. Terrenget er relativt jamt og
bratt. Den midtre delen er brattast (over 40 grader i snitt) og kan derfor ikkje gravast
ned. Boring i fjell vil vere ekstra kostbart midt i traseen då vassvegen har stort trykk og
sjakta må forast med røyr. Boring av heile vassvegen er teknisk enklare (utan foring i
loddsjakta), men gjere prosjektet for kostbart.
Tunnel
Det er ikkje planlagt tunnelanlegg i samband med dette prosjektet.
Kraftstasjonen
Kraftstasjonen vil liggje på oppsida av fylkesvegen mot Veitastrondsvatnet på nordsida
av utløpet til Vikaelvi. I kraftstasjonen skal det plasserast ein pelton-turbin på inntil 3,1
MW med ei slukeevne på 0,58 m 3 /s (200% av middelvassføringa). Minste slukeevne vil
verte kring 0,03 m 3 /s. Det må og installerast ein generator på 3,5 MVA og ein 6,6/22kV
transformator.
7