UGULSVIK KRAFTVERK

5.0 Verknadar av tiltaket Miljørapport Ugulsvik kraftverk
5.0 VERKNADAR AV TILTAKET
5.1 Omfang og konsekvens
Småkraftprosjektet vil redusere vassmengda i elva på den påverka strekninga. Artar som
er direkte knytt til vassføring og fuktigheit frå elva vil verta påverka. Det ikkje registrert
viktige arter/samfunn som er direkte knytt til fuktigheita frå elva. Lav- og mosefloraen i
undersøkingsområdet ganske triviell grunna lite kontinuitetsamfunn av t.d. skog (lite
død ved) og lite eigna substrat/soleksponering. I øvre og nedre del av tiltaksområdet
renn elva konsentrert i lausmassar. I det bratte partiet i midten renn elva grunnare og
over fast fjell. Her spreier vatnet seg meir ut i omkringliggande vegetasjon. Elva kan ha
for lite vassføring i periodar til å vere eigna habitat for fossekall. Det er kjent at fisk står
ved utløpsosen, men ikkje oppe i elva. Det er ikkje registrert viktige artar/samfunn i
tiltaksområdet og sannsynet for å finne raudlisteartar er vurdert som liten.
Prosjektet omfattar opparbeiding av vegar og røyrgate. Dette arbeidet vil påverke
flora/fauna direkte. Det er planlagt anleggsveg opp til den bratte delen av tiltaksområdet,
mens den øvre delen er planlagt etablert veglaust. Det er ikkje identifisert viktige
naturverdiar som vert påverka av vegar eller røyrgate. Støy vil kunne påverke fauna
midlertidig i anleggsperioden.
Samla omfang av tiltaket er vurdert som lite til middels negativt.
Omfang:
Stort neg. Middels neg. Lite/ingen Middels pos. Stort pos.
|---------------------|---------------------|---------------------|---------------------|
■
Sammenstilling av verdi og omfang av tiltaket gjer at konsekvensen av prosjektet
vurdert som liten til middels negativ for det biologisk mangfaldet.
Konsekvensvurdering:
Svært st.neg. Stort neg. Middels neg. Lite/ingen Middels pos. Stort pos. Svært st. pos
|----------------|----------------|-----------------|----------------|----------------|--------------|
■
5.2 Samanlikning med andre nedbørsfelt / andre nærliggande
vassdrag
Veitastrondsvatnet er reguleringsmagasin for Årøy kraftverk med ei reguleringshøgd på
kring 1,5 meter. På austsida av Veitastrondsvatnet er det få markerte elvar utanom
Vikaelvi før ein kjem fram til Kvam. På vestsida av vatnet er Yndesdalselvi og
Kjerringneselvi større og markerte. Begge desse elvane er betydeleg større enn Vikaelvi
med større vatn og myrområde. Nedste del av Yndesdalselvi er omsøkt utbygd som
småkraftverk (Holen kraftverk).
Verna vassdrag i nærleiken er Sogndalselvi, vest for Veitastrondsvatnet, som vart verna
gjennom Verneplan IV og Feigedalselvi, aust for Veitastrondsvatnet og Lustrafjorden,
som vart verna gjennom Verneplan III. Dette er relativt store vassdragsystem som strekk
seg frå fjord til fjell og viktige referanseområde for vassdragsnaturen i Sogn.
Luster Energiverk AS 17