UGULSVIK KRAFTVERK

3.0 Verknadar for miljø, naturressursar og samfunn Ugulsvik kraftverk
Totalkonsekvensen for grunnvatn, flaum og erosjon som følgje av dette prosjektet er
vurdert som lite negativt (-).
3.4 Biologisk mangfald og verneinteresser
Kartlegginga av biologisk mangfald er utført basert på kjende data og synfaring i
området. Fylkesmannen har blitt kontakta ifbm. arbeidet av denne rapporten.
Registreringa av hubro er blant anna informasjon me har henta inn frå Fylkesmannen.
Det vart ikkje funne viktige naturtypar eller raudlisteartar i tiltaksområdet. Generelt er
området dominert av relativt ung bjørkeskog på sur djupbergartar. Varierande
vassføringa og relativt sterkt soleksponering gjer at det er lite grunnlag for etablering
særskilde av mikroklima som gjev særskilde naturverdiar. Lav- og mosefloraen i
undersøkingsområdet ganske triviell grunna lite kontinuitetsamfunn av t.d. skog (lite
død ved) og lite eigna substrat/soleksponering. Elva kan ha litt lite vassføring i periodar
til å vere eigna habitat for fossekall. Det er kjent at fisk står ved utløpsosen, men ikkje
oppe i elva. Samla verdivurdering av tiltaksområdet er vurdert som ”liten til middels”.
Det planlagde prosjektet vil påverke vassføringa i elva og dermed påverke dei artane
som er direkte knytt til vassføring og fuktigheit i/frå elva permanent. Anleggsarbeidet
vil påverke vegetasjonen fysisk. Då det ikkje er påvist særskilde lokalitetar som vert
påverka, vil vegetasjonen revegetere seg og påverknaden er midlertidig. Støy vil kunne
påverke dyrelivet, blant anna hekkande fuglar. Dette er likevel midlertidige
påverknadar.
Tiltaket påverkar ikkje verneområde, men reduserer INON-område sone 2 med kring
1570 daa og INON-område sone 1 med kring 33 daa. Rapporten om biologisk mangfald
konkluderar med at den samla verknaden av det planlagde prosjektet vil verta
”lite/middels negativ” (-/--)
3.5 Fisk og ferskvassbiologi
Veitastrondsvatnet er reguleringsmagasin for Årøy kraftverk (1,5 meter reguleringshøgd).
I 1996 og 2001 vart det gjennomført prøvefiske som viser at det er meir fisk i
sørenden av vatnet enn nordenden. Årsaka kan vere brepåverknaden. Mangel av
årsklassar tyder på sviktande gyteforhold, men dette vart ikkje undersøkt (Gladsø, J.A
og Hylland, S. 2002). Tilveksten var kring 4 cm dei første åra før veksten stagnerte over
30 cm.
I rapporten ”Vurdering av konfliktpotensial for landskap, natur og kulturmiljø i 43 små
vassdrag i Luster kommune”, kommenterer Aurland Naturverkstad at elva kan vere
viktig gyteplass for fisk i elva (Clemetsen M.& Skjerdal I.B. 2006 A). Elva er grov ved
utløpet i Veitastrondsvatnet og lite eigna som gyteplass. Liten vassføring gjev lite areal,
stor vassføring gjev for sterk straum og lite finare grus gjer gyteforholda lite eigna. Det
er berre i utløpsosen at det står fisk (pers.medd. Johannes Uguslvik). Kraftstasjonen er
planlagt plassert like oppstrøms brua og frå her vil vatnet renne som normalt. Forholda
ved utløpet vert dermed ikkje påverka.
Totalkonsekvensen for fisk og ferskvassbiologi som følgje av dette prosjektet er vurdert
som lite negativt (-).
15