UGULSVIK KRAFTVERK

2.0 Skildring av tiltaket Ugulsvik kraftverk
Eit nytt stasjonsbygg vil ha ei grunnflate på kring 70 – 80m 2 . Utforming av bygget vil
følgje designmalen til Luster Småkraft AS og Småkraft AS med stein, glas og betong.
Endeleg utforming av stasjonsbygget vil verta bestemt under detaljplanlegginga og
måtte ta både estetiske og tekniske (inndeling, areal og støy) omsyn.
Figur 3: Eksempel på designmal. Vanndøla kraftverk bygd av Luster Småkraft AS.
Det er ingen andre særskilde stadar som utpeikar seg som alternative plasseringar av
kraftstasjonen. Det er ingen andre bygningar langs elva som har direkte innsyn mot
nedre del av elva. Vegtilkomst og nærleik til kraftlinje er viktig for endeleg plassering.
Plassering av kraftstasjonen lengre opp vil krevje bygging av ny permanent vegtilkomst.
Plassering av kraftstasjonen lenger nede krevje kryssing av fylkesvegen.
Vegbygging
Utanom fylkesvegen nede langs Veitastrondsvatnet og stølsvegen inn til Fossen, er det
ikkje veger i området. Inntaket er planlagt veglaust grunna det bratte terrenget. Ein
anleggsveg heilt opp til inntaket vil særleg gje store negative effektar for landskapet.
Transport til inntaket i anleggsfasen og driftsfasen vil i hovudsak skje med helikopter.
Etablering av vassvegen vil krevje maskintransport langs røyrgata der den skal gravast
ned (øvre og nedre del). I øvre del vil transport av materialar og maskinar skje ved hjelp
av helikopter. I nedre del planlegg ein å etablere anleggsveg langs vassvegen med
signing på kring 1:8 (kring 1700 meter).
Vassvegen vil verta dekt med stadeigen jordlag slik at området vert revegetert. For å
akselerere prosessen med oppslag av vegetasjon, kan det vere aktuelt å så einskilde
stadar.
Kraftlinjer
I kraftstasjonen skal det installerast ein 6,6/22 kV transformator for overføring av
straum til leidningsnettet. Tilkoplinga til nettet vil skje via ei ny 70 meter lang 22 kV
linje til påkopling på eksisterande kraftlinje. Linjetrase er vist på kart i vedlegg 10. For
nærmare detaljar sjå avtale med områdekonsesjonær Luster Energiverk AS (vedlegg
10). Ei ny kraftlinje frå Veitastrond til Hafslo er konsesjonssøkt med trafoanlegg på
Ugulsvik. Dette prosjektet er inkludert i utgangspunktet for planlegging av denne linja.
Overføring til det nye trafoanlegget vil skje via 22kV linje.
8