Navigare 1 2013

Olav Akselsen
Sjøfartsdirektør
Vaagefoto.no
Målretta risikobasert tilsyn
Ei av Sjøfartsdirektoratet sine hovudoppgåver er å jobba for sikker
drift av norskregistrerte skip og utanlandske skip i norsk hamn.
Sjøfartsdirektoratet skal også påverka dei som driv skipsfart til å ha
høgt fokus på miljøet. Skal me nå målsettingane våre, om sikker og
miljøvennleg drift av skip, må me samarbeida. Dette avspeglar seg i
direktoratet sin visjon «Saman for auka sjøtryggleik i reint miljø».
Skipssikkerhetslova slår klart fast at det er reiarlaget som
er ansvarleg for sikker drift, liv, helse, miljø og materielle
verdiar. Reiarlaget er også ansvarleg for at lovar og
reglar vert følgt.
Eit av dei viktigaste hjelpemidla Sjøfartsdirektoratet
har til å påverka bransjen til å driva på ein trygg å miljøvennleg
måte, er gjennom tilsyn. Dette tilsynet vert utført
på ulike måtar og mot ulike aktørar. Sjøfartsdirektoratet
fører tilsyn med mellom anna reiarlag, skip,
sjøfolk, flyttbare innretningar, klasseselskap, godkjente
føretak og utdanningsinstitusjonar. Tilsynet skjer mellom
anna som hamnestatskontroll, flaggstatskontroll, ved
sertifisering, etter ulykker og gjennom ulike former for
revisjonar. Tilsynet kan vera umeld eller planlagd.
I tråd med strategiplanen vår, har direktoratet det
siste året jobba aktivt me å gjera tilsynsarbeidet meir
målretta og risikobasert. Målet er å retta tilsynsaktivitetane
mot dei områda som gir størst tryggings- og miljøgevinst.
Direktoratet ønskjer å påverka aktørane til i
større grad å tenkja sikker drift og førebygging av ulykker.
For å styrka arbeidet med større risikostyring av direktoratet
sine tilsynsaktivitetar er det oppretta to nye
einingar i direktoratet; «Seksjon for risikostyring og
HMS» og «Underavdeling for revisjon». «Seksjon for
4 | Navigare 1 - 2013