Steens skrifter om Førde sokn. Bind 5. - Fylkesarkivet i Sogn og ...

Steens skrifter Bind 5 av 6
Fredrik Martin Budtz Steen (1836–1907) var sorenskrivar for Sunnfjord i åra 1880-1899. Han
var valt til Stortinget for Bergen i perioden 1880-1882. Då han var
på Stortinget, var han mykje på Riksarkivet og gjorde mange
«nedtegnelser» om Førde, og Sunnfjord. Han samla eit omfattande
lokalhistorisk materiale om Førde i den tida han var busett i bygda.
Etter sitt virke som sorenskrivar, flytta han til Bergen att. I 1903
byrja han å skrive det han hadde samla, i bokform. Det vart seks
handskrivne bind i alt, om lag 1900 sider. Han var nett ferdig då
han døydde, 1907.
Steen var ein tilbakehalden kar. Han skreiv mange artiklar, men
signerte dei aldri. Det er difor ei krevjande oppgåve å spore opp
artiklar etter han, og han er ikkje nemnd i noko forfattarleksikon.
Han vart utnemnd til riddar av St. Olavs Orden i 1897.
Dei handskrivne bøkene er på Statsarkivet i Bergen (Privatarkiv nr.
51). Dei har skanna originalbøkene og gjort dei tilgjengeleg på
Internett.
Ola Andreas Tjønneland (1878-1975) vaks opp i Angedalen i Førde.
Han var lærar og overlærar ved fleire skular i Bergen. Han jobba
mykje med gards- og slektssoge i Førde. Etter at han vart pensjonist,
om lag 1947-1950, gjorde han (og E. Haarstad) om dei handskrivne
bøkene etter Steen til maskinskrift (utan ”rettetast”). Han skreiv dei
same seks bind, men flytta noko av gardshistoria for Vie for å samle
alt i same bind. Historia om Kirketeig og Ulltang var ikkje med.
Elles skreiv han diverse kommentarar og tillegg til originalbøkene.
Dette arbeidet utgjorde omlag 1400 sider.Dei maskinskrivne bøkene
vart overleverte til Fylkesarkivet i Sogn og Fjordane etter å ha vore
lagra av Førde Sparebank/Sparebanken Sogn og Fjordane i over 50
år.
Ragnar Indrebø (1954-) vaks også opp i Angedalen. På
grunn av sine slekts- og lokalhistoriske interesser, gjorde
han i åra 2010-2012 eit prosjekt med å få bøkene til
elektronisk utgåve. Alle skulle få tilgang til å lese desse
bøkene. Fylkesarkivet skanna alle bøkene i eit
”tekstgjenkjenningsprogram” som er samanhalde med den
maskinskrivne teksten. Han retta opp mange avskriftsfeilar,
side for side, ord for ord, og laga om att tabellar, og lagra
som datafiler. Fylkesarkivet har lagt denne elektroniske utgåva tilgjengeleg på Internett. No
er også alt det Steen skreiv om Kirketeig og Ulltang kome med, - Dette var ein ”skatt” som
låg i ”nedtegnelsene” etter Steen på Statsarkivet i Bergen. - 68 handskrivne sider. I tillegg til
dette var det i originalutgåva åtte ekstra sider om garden Furebø. Dette prosjektet er også på
seks bind, omlag 1100 sider. Gardshistoriene gjeld for Førde sokn, dessverre ikkje for Holsen
og Haukedalen.
- 205 -