Klipp - Klivrelaget

Å bygge klatrevegg
Klivrelaget vedtok på stiftingsmøtet at
målet var å skaffe medlemmane
moglegheiter for å trene inne om
vinteren. Eit par månader seinare starta
stordugnaden. Det tok omlag 2000
arbeidstimar fordelt på 6 månader å
bygge klatresiloen som no er i daglig
bruk. Vi bygde alt sjølv, nøye tilpassa
dei krikar og krokar som siloen hadde.
Vi tok alt på sparket og arbeidde kun
etter grove skisser. Prosessen var
tidkrevande og vanskeleg, mykje fordi
løda sjølvsagt aldri var tenkt brukt til
klatrevegg. Vi har etter denne dugnaden
samla mange erfaringar som er gode å
ha for liknande prosjekt. Vi har og
medlemmar som har vore i kontakt med
fleire klatreveggprosjekt andre stadar på
Sunnmøre. Det siste av desse er Storhallen
i Ålesund. Det er og mogleg å
kjøpe ein ferdig klatrevegg hjå td.
«Eventyr i Sunndal» som har designa og
konstruert veggen som er i Storhallen i
Ålesund. Veggen i Ålesund kosta omlag
1 mill kroner. Viss ein vil ha mykje for
pengane, kan ein derimot bygge veggen
sjølv. Det er det vi meiner vi er i
stand til å gjere, og etter desse grunnleggande
prinsippa:
• Bygget som skal huse klatreveggen
vert planlagt og bygd med tanke på at
der skal vere klatrevegg.
• Før bygget vert bygd skal veggen
byggast modulvis ein annan stad.
• Omlag når bygget får tak, fraktar ein
modulane til bygget og set veggen
saman med kranbil.
Sjølve klatreveggen må detaljteiknast,
og ein passar då på å teikne den slik at
platestørrelsen «går opp» i designet. Det
fører til at ein slepp tidkrevande tilpassing
av kvar plate. I detaljplanlegginga
lager ein kapplister, slik at ein på nokre
få dagar kan kappe opp og merke alle
bitane som skal vere med i veggen.
Modulane vil då kunne byggast kjappt
og enkelt på flat mark. Planlegging er
stikkordet. Dette krev mykje kompetanse,
spesiellt for å teikne gode
teikningar. Klivrelaget har mange
medlemmar som kan slikt, her er vår
faglege kompetanse;
•Frode Bloch, Siv. Ing, Rolls-Royce
•Øyvind Kamsvåg, Siv Ing, Ulstein Verft
•Tommy Skeide, Ing, Rolls-Royce
•Berit Sandvik Skeide, Ing, Teknisk etat
•Øyvind Kvålsvoll, Ing, Odim
•Bjørn Sande, Ing, Odim