Europeisk Ten Sing-festival - Norges KFUK-KFUM

More documents

Recommendations

Info

side LiV III LiV III – Ei annleis påskefeiring Øyvind Hagen I år bestemte 14 unge K/M’arar seg, frå Alta i nord til Stavanger i sør, for å feire påske på ein litt annan måte enn vanleg. På ein hufsete april dagen sette vi kurs for The Dark Continent. Afrika og Kenya var målet. Etter litt om og men kom vi alle fram til Nairobi og Ufangamano House. Iløpet av turen var vi på vitjing på forskjellige YMCA og YWCA branches (einingar). Det var stor skilnad på både arbeid og arbeidsforhold på dei stadane vi var, og det er noko som skildrar Kenya godt. Det er også stor skilnad på fattig og på rik, og dessverre så altfor mange fattige. Den vitjinga som gjorde størst inntrykk på oss alle var nok den dagen vi var i Kibera-slummen i Nairobi. I denne slummen bur det mellom ein og to millionar menneske, som myndigheitene ikkje vil verken vedkjennast eller hjelpe. Difor er mange av dei som bur der avhengige av hjelpa frå dei organisasjonane som driv hjelpearbeid i området. YMCA og YWCA gjer her ein stor innsats gjennom å drive skular i slummen. Det som var overraskande på mange av oss var den varmen og gleda vi vart møtte med. Sjølv om folk ikkje hadde mykje, og ikkje hadde det særskilt bra, hadde dei ei livsglede og eit engasjement utanom det vanlege. Noko å tenkje på for oss som bur i eit så materialistisk samfunn. Vi var og å vitja einingar som jobba imot omskjering av kvinner. Dette er eit stort problem på mange stader i Kenya, men det er håp om at det på lang sikt skal verte ein praksis som vil falle bort. Eit besøk på ein skule som tok seg av foreldrelause born gjorde og stort inntrykk. Mange born i Kenya har mista ein eller begge foreldra grunna HIV/AIDS, og smitta sprer seg stadig. Det er sett i verk mange kampanjer mot HIV/ AIDS problematikken, men det er fortsatt eit særs tabubelagt emne for mange. TTC, TenSing Training Camp var den mest inspirerande delen av turen. I fire dagar var vi saman med ungdom frå Kenya, for å lære dei om TenSing ideologien som har vorte så populær her heime. Her fekk vi møte, bli kjend med, snakke, utveksle erfaringar, inspirere og ikkje minst verte inspirert av kenyansk ungdom. Sidan Kenya er ein tidlegare britisk koloni (fram til 1964) snakka alle engelsk, så det var sjeldant problem med å gjere seg forstått. Ein opplevelse vi hausta mange gode idear og erfaringar med, som vi nok vil ha stor nytte av i K/M arbeider her heime. LiV III var delt opp i tre delar; Vitjingar hjå einigane, TTC, og tilslutt ein eigen kursdel om m.a. turplanlegging. Kurset er eit tilbod til dei som har gått på LiV-kurs, og er over 18 år. I år er det andre gongen LiV III vart heldt, som eit prøveprosjekt. Det skal no opp til vurdering om ein vil fortsette å ha kurset på same vis, eller om ein vil ha endringar på opplegget. Vi som var deltakarar denne gongen var særs fornøgde med opphaldet i Kenya, og håper at KFUK-KFUM vil fortsette med LiV III. Etter 14 fantastiske dagar i Kenya sit vi igjen med erfaringar og opplevingar vi vil ha for resten av livet. Ein inspirasjon og ein tankevekkjar i arbeidet vårt og i dagleglivet vidare. PS! Tusen takk til krinsen for stønad til turen!
Padleleir på Holesanden Johannes Halvorsen 9. - 12. august var ein flott flokk med ungar samla på Holesanden til padleleir. Padleleirane på Holesanden har med åra vorte ein fast seinsommartradisjon i krinsen, og fleire av ungdomane som var med som leiarar har sjølv vore deltakarar då dei var mindre. Det vert mykje liv og leven når 24 born frå 9 til 13 år bur, et og leikar saman i fire dagar. Vi padla, bada, leika og samla inn pengar til KFUK-KFUM Global. Tema for leiren var “Eit lite frø - eit stort tre”, og mange av tinga vi gjorde i lag handla om frø og trær: Nokon lærde å laga pil og boge, andre gjekk i skogen og fann eit knøttlite tre dei tok med seg heim, og alle fekk baka gjærbakst med rare frø i. Og badebrygga, ho søkk nesten. 12 ungar og eit par vaksne leiarar var nok meir enn ho kunne bære…. Eg veit at det ikkje berre er eg som gleder meg til neste års padleleir på Holesanden! Kor lang tid treng DU på å eta ein halv pakke Marie-kjeks....? Padleleir Ein dag hadde vi misjonsmarknad. Å få teikna på seg ”tatoveringar” vart ein populær aktivitet. side
Page 1 and 2: OPP og fram Europeisk Ten Sing-fest
Page 3: Smånytt Frivillige verv i kretsen
Page 7 and 8: ud! ETS2006 - Europeisk Ten Sing-fe
Page 9 and 10: BAUNEN Full fres på SUFH! Les mir
Page 11 and 12: ere vatn i bytter frå huset til mu
Page 13 and 14: kreativitet, dikting og litteratur.
Page 15 and 16: Presentasjon av årets elevar Ander

Europeisk Ten Sing-festival - Norges KFUK-KFUM

You also want an ePaper? Increase the reach of your titles

Delete template?

Save as template?