Briller - Sogndal kommune

Retningslinjer for refusjon ved tap av briller /skade på briller
Vedtekne i adminstrasjonsutvalet sak 9/98
1. Einingsleiar eller den som har delegert mynde refunderer kostnader som fell innan
retningslinjene
2. Vilkår for refusjon er knytt til at brillene er øydelagde /tapt som følgje av ein situasjon
skapt av tredjeperson/klient.
3. Arbeidstakar søkjer om refusjon av kostnader ved tap av briller /skade på briller og gjer i
søknaden greie for korleis tapet av brillene / skaden på brillene skjedde. Søknad om
refusjon vedlagt kvittering vert sendt støtteeining administrasjon for handsaming. Einingsleiar
eller den som har delegert mynde skriv under svaret og tilviser.
4. Normalt refusjonsbeløp pr skade /tap av briller er inntil kr 4000,-. Arbeidskostnader vert
dekka med inntil kr 500,-. Skade/tap av innfatning vert dekka med inntil kr 1 500,-.
Skade/tap på glas vert dekka med inntil kr 2 000,- pr par.
5. Kostnader knytt til skade på briller/tap av briller vert å tilvise på konto ……………
innanfor tenesteeininga sitt budsjett.
6. Rådmannen kan justera satsane for refusjon av tap/skade på briller i samsvar med
prisstigninga.
ARBEIDSPLASSBRILLER FOR DATASKJERMARBEID I SOGNDAL KOMMUNE.
Med arbeidsplassbrille meiner vi:
Ei brille som arbeidstakar treng for å utføra arbeidet sitt ved dataskjerm
Brillene skal tilpassast arbeidssituasjonen og kunne leggjast att på arbeidsplassen
2.
Kommunen skal nytte følgjande retningslinjer for arbeidstakarar som i hovudsak arbeider ved
dataskjerm. I hovudsak vil seia at arbeidstakaren har meir enn 50% av total arbeidstid ved
dataskjerm. Næraste overordna skal, før undersøking hjå optikar, vurdera dataarbeidsplassen i
høve til krava i forskrifta om arbeid ved dataskjerm.
3.
Arbeidstakar avklarer med einingsleiar eller den som har delegert mynde om at han/ho kan få
dekka synsundersøkinga. Leiar vurderer behovet for synsundersøking i høve til forskrifta §
11.
4.
Arbeidstakar tingar time hos optikar /augelege viss søknaden vert godkjent. Optikar/augelege
tek synsprøve. Dersom undersøkinga/ synstesten viser at arbeidstakar har synsproblem, skal
han /ho få tilbod om arbeidsplassbriller. Synsproblem vil seia problem som gjer det vanskeleg
for arbeidstakar å fungera i arbeidet ved dataskjermen utan arbeidsplassbrille
5.

Utgifter som vert refunderte er:
Augeundersøking/synsprøve: Undersøkinga vert dekka sjølv om det viser seg at
arbeidstakaren ikkje har behov for brille.
Arbeidskostnader som vedk. undersøkinga.
Synskorrigerande hjelpemidlar som egnar seg for vedkomande sitt arbeid.
Innfatning: vert dekka med inntil kr 800.
Dersom arbeidstakaren tidlegare har fått refundert utgifter til arbeidsplassbriller, men
treng ny tilpassing, får vedkomande dekka utgifter til synsprøve og nye glas. Utgifter til
ny innfatning vert ikkje dekka.
6.
Søknad om refusjon vedlagt tilråding/rekvisisjon frå augelege/optikar vert sendt støtteeining
administrasjon for handsaming. Einingsleiar eller den som har delegert mynde skriv under
svaret og tilviser.
Rådmannen kan justera satsane i høve til prisstigninga.