MØTEINNKALLING - Tysnes kommune

Utval : FORMANNSKAPET 

Møtestad : Rådhuset 

Møtedato : 16.03.10 

Tid : 09.00 

MØTEINNKALLING 

Tysnes kommune 

SAKLISTE: 

Utvalsaknr. Arkivsaknr. 

Tittel 

PS 18/10 10/27 

OPPSTARTSMELDING - REGULERINGSPLAN FOR VÅGE 

SENTRUM, DEL AV GNR. 94 - STADANALYSE M.M. 

PS 19/10 10/263 

BRUKSENDRING TYSNES SPAREBANK 

PS 20/10 10/265 

BRUKSENDRING "TIKOBYGGET" 

PS 21/10 09/933 

VERDIVURDERING AV LANDBRUKSEIGEDOM MED 

PLANLAGDE INVESTERINGAR INNAN BYGDETURISME - GNR. 

63, BNR. 1 - HÅHEIM 

PS 22/10 10/79 

AGNES OG OLAV BERGE`S STIPENDFOND 

PS 23/10 10/225 

STRATEGISK PLAN FOR SAMARBEIDSRÅDET FOR 

SUNNHORDLAND 2010 - 2013 - HØYRING 

PS 24/10 09/1097 

"TYSNESFEST" - TILSKOT 2010 

PS 25/10 09/152 

SØKNAD OM TILSKOT - VENELAGET FOR TYSNES 

JÅTTMUSEUM 

PS 26/10 10/216 

SØKNAD OM KULTURVERNMIDLAR TIL UTSTILLING I 

ONARHEIM KYRKJE 

PS 27/10 10/269

POSTENS FLYTTEHJELP - KOMMUNAR 

PS 28/10 09/1378 

UTKAST TIL KLIMAPLAN FOR HORDALAND - HØYRING 

PS 29/10 10/111 

ENDRING AV KOMMUNALE RETNINGSLINER FOR STARTLÅN 

OG BUSTADTILSKOT 

PS 30/10 10/139 

HØYRING - PLAN FOR SOMATISKE 

SPESIALISTHELSETENESTER I HELSE FONNA HF 2010 - 2020 

PS 31/10 09/791 

MEDLEMSKAP I TRYGG TRAFIKK 

PS 32/10 10/208 

SØKNAD OM TILSKOT TIL MARKNADSFØRING AV TOMTER 

M.V. PÅ KATTELAND 

PS 33/10 10/293 

FLYTENAUST - GJESTEHAMNA I VÅGE 

PS 34/10 10/41 

KOMMUNEPLAN FOR TYSNES 2010 - 2022 - PLANPROGRAM 

Postadresse: Besøksadresse: 

Rådhuset Telefon: 53 43 70 00 

5685 UGGDAL UGGDAL Telefaks: 53 43 70 11 

45

MØTEBOK 


Utval Møtedato 

FORMANNSKAPET 16.03.10 

Arkivsak : 

Arkivkode: 

10/27 

504 

Sakshandsamar: Asle Bernt Rekve 

- 

Handsamingar: 

Utval Møtedato Saksnummer 

FORMANNSKAPET 19.01.10 PS 1/10 



OPPSTARTSMELDING - REGULERINGSPLAN FOR VÅGE SENTRUM, DEL AV 

GNR. 94 - STADANALYSE M.M. 

Vedlegg: 

Vedlegg 

16.03.10 

1. Kartutsnitt for arealdelen av kommuneplanen i Vågeområdet 

2. Plangrenser for planområdet teikna på kartutsnitt av arealdelen 

3. Stadanalyse for Våge (ligg på kommunen si nettside, me vil ta han ut i 

papirutgåve i fargar til medlemene til møtet den 19) 

4. E-post m/vedlegg frå arbeidsgruppa for "fjordlandsbyen Våge" 

19.02.10 

SAKSUTGREIING 19.01.10 : 

Oppstartmelding og lovgrunnlag. 

Ved oppstart av arbeid med reguleringsplanar er det krav om varsling av offentlege organ og 

andre med interesse i saka. Dersom reguleringsplanen avvik frå kommuneplanen skal den alltid 

vurderast opp mot forskrift om konsekvensutgreiing (KU). Vesentlege avvik frå kommuneplanen 

vil krevja planprogram og konsekvensutgreiing. Når ein går vidare i planarbeidet skal 

planen innehalda ei planskildring som vurderer 15 ulike sentrale tema i den nasjonale areal- og 

miljøpolitikken. 

I denne saksutgreiinga tek me sikte på å få fram kommunen sine føresetnader for planarbeidet 

bygt opp ut frå kommunen sitt tidlegare planarbeid i Våge. Dersom me fylgjer arealgrensene i 

kommuneplanen, vil ein del av desse føresetnader fylgja oppstartmeldinga, og ein del vil vera 

føresetnader for det vidare arbeid. Alternativt vert vegen vidare planprogram og KU for nytt 

areal. 

Tidlegare arbeid med reguleringsplan i Våge. 

Reguleringsplan for Våge m/omegn har ein lang historie. I 1971 kjøpte kommunen gnr./bnr. 

94/4 (Sjurajorda) med tanke for bustadfelt i Vågsmarka, og starta straks arbeid med reguleringsplan 

for bustadfelt og næringsområde i Vågsmarka og sør for ”Svingen”. Etter kvart kom 




46

det innspel på reguleringsplan for sentrumsområde og for Vee – Teigland. Dette for å få det 

regulert før det kom for mange bygg som vanskeleggjorde planlegginga. 

Fram mot kommunen sin første kommuneplan i 1983-84 (generalplan heitte det då) hadde 

kommunen eit press for å gå inn med regulering og tilrettelegging i desse områda. I kommuneplan-prosessen 

vart det då lagt inn forretning og servise område gjennom Våge sentrEum, 

friområde i Peralio, og bustadområde på Vågsneset, og vidare i Våge, Vee, Teigland. I kommuneplanen 

av 2004 er formålsgrensene om lag dei same, berre retta opp med dei endringar 

som har komme ved hjelp av dispensasjonar frå planverket. 

På grunnlag av vedteken kommuneplan i 1984 vart det i 1985 utarbeidt ein disposisjonsplan 

for Våge sentrum, og vidare i Våge mot Vee og Teigland. I denne planen låg inne nye vegsystem 

med ei ”Øvregate” frå ”Svingen”, overfor ungdomshuset mot kraftlaget og vidare ut i 

Vee-Teiglandområdet med parallelle vegar mellom fylkesvegen og sjøen. Medan planlegginga 

heldt på kom eit hus opp og stengde for vegtraseen som tok utgangspunkt i Nedre Klokkargardsvegen, 

og litt seinare kom hus opp som stengde for vegen som hadde utgangspunkt i 

vegen ned i Peralio. 

Disposisjonsplanen av 1985 viste også ca. 100 nye hus i tillegg til dei 92 eksisterande husa i 

Våge, Vee, Teigland området. Planen viste at eksisterande eigedomar vart avskorne og i 

tillegg måtte desse eigedomane, i samsvar med refusjonsreglane, vera med å betala kostnaden 

for ny og betre veg og kloakksanering, til liks med nye hus. Det har seinare ikkje vorte teke 

skikkeleg tak i denne delen av planen som går mot Vee – Teigland. 

Den 19. desember 1985 vedtok kommunestyret å setja i gang arbeid med reguleringsplan for 

sentrum med utgangspunkt i disposisjonsplanen. På same tid la vegvesenet fram vegplan for 

utviding av ferjekai. Samtidig også plan for gangveg gjennom sentrum, rundkøyring og utviding 

i ”Sjurabrotet”. Formannskapet godkjende vegvesenet sin plan hausten 1987. 

Bygningsrådet utsette reguleringsplanarbeidet i 1986 inntil vegvesenet sine planar var godkjent. 

I oktober 1988 starta arbeidet opp att etter mykje att og fram med vegløysingar og om 

”Øvregate” eller ikkje. I mellomtida hadde Tysnes Sparebank fått frådelt si tomt. 

I 1989 og 1990 var det mange møte i bygningsrådet og felles møte med formannskapet og ytre 

etatar. Det kom krav om -busslommer, -flytte avkøyrsle i rundkøyring, -fleire parkeringsplassar, 

-samanhengande gangveg, -bygningsmiljø frå fylkeskonservatoren, -sentrumsanalyse, 

-trafikktryggleik, -tilgjenge for funksjonshemma, - og plassar for barn og unge. I strid med 

planframlegget var ”Triangel/Spar/Våge Eigedom” i denne perioden godt i gang med utviding 

av forretningsbygget mot Ungdomshuset, og molo og parkeringsplass ved ferjekaien. Det som 

no er bokhandel var også på planstadie. For å kunna få bygt gangveg forbi ungdomshuset, tok 

vegvesenet kostnaden med å byggja deler av ”Øvregata” fram til ungdomshuset. Dette var ein 

veg med felles interesse for grunneigarane. Kommunen tok på seg vedlikehaldet av vegen på 

vilkår av at kommunen fekk råderett over vegarealet med grøfter og plass til brøytekantar. 

Kommunen har pr. d.d. ikkje fått desse rettane. 

Utover 1990 stoppa planarbeidet meir eller mindre opp, og då bygningsrådet på slutten av 

1990 godkjende teknisk plan for bustader overfor Spar- forretninga, var det ikkje stort meir 

areal disponibelt. Skulle ein tilfredstilla krava frå ytre etatar kunne ein ikkje unngå sanering, 

og stopp av dei arbeida som hadde fått lovlege godkjenningar. 




47

I 1994 – 1995 vart ferjekaien og biloppstillingsplassen utvida, og gjestebrygga bygt, alt i eit 

samarbeid mellom kommunen og vegesenet. Som andre overnemnde tiltak ved dispensasjon 

frå planreglane. 

Stadanalyse. 

Kommunestyret vedtok strategisk næringsplan hausten 2006. Denne planen inneheld blant 

anna: 

”Fylkesdelplanen for Sunnhordland tok opp omgrepet ”kystlandsby” og ”fjordlandsby”. 

Mest samtlege kriterium høver på Våge. 

Ved neste rullering av kommuneplanen må Tysnes arbeida for å få Våge som fjordlandsby. 

Dette må innebera ei variert utbygging i dei områda som ikkje bør tilretteleggjast 

for ålmenta.” 

På dette grunnlag vedtok formannskapet 26.02.08 å setja i gang arbeid med stadanalyse for 

Våge. Konsulentfirmaet AsplanViak utførde analysen, leia av ei arbeidsgruppe som var ordførar, 

teknisk sjef, Lars Petter Epland, fylkeskommunen og Asplan Viak. Eit viktig prinsipp 

for arbeidsgruppa var at konsulentane sine konklusjonar skulle vera basert på faktiske forhold 

og dei innspel som kom i prosessen, og utan kommunale administrative og politiske føringar. 

På grunnlag av same vedtak har landbruk/teknisk, i påvente av reguleringsplan, ikkje godkjent 

tiltak av vesentleg art i Våge. 

Stadanalysen byggjer på historikk, folkemøte, innspel på kontordagar, prosjektoppgåve av 

Tysnes skule, 3012-innspel, krav til fjordlandsby, analyse av Vågeområdet sett frå konsulenten 

si side, og konsulenten sitt framlegg til utvikling og vidare arbeid med prosjektet. 

Ser ein på innspela som konsulenten har oppsummert på side 25 og 29 i rapporten, vil desse 

krevja store endringar av noverande arealbruk. Konsulenten har i sitt framlegg til utvikling på 

side 54 og utover gjort arealendringa meir realistisk, men likevel krevjande, og med sterk styring 

frå kommunen si side for å kunna gjennomføra reguleringsplanen. 

Tek med nokre sitat frå folkemøte: 

” Skal ein få noko til må Våge planleggjast uavhengig av dagens eigarar, arealformål og 

eigedomsgrenser”. 

”Dersom me skal byggja opp Våge som eit sterkt senter, kan me ikkje la utviklinga bli 

styrt av tilfeldige enkeltsaker.” 

”Det er viktig å skapa møteplassar. Og det skal vera liv i sentrum også etter butikkane 

stengjer.” 

”For å få vekst og unngå fråflytting er ungdom og kvinner ei viktig målgruppe. Korleis 

skal ein gjera Tysnes meir attraktiv for nettopp desse gruppene.” 

”Våge har vore viltveksande. Det må ryddast opp i.” 

Andre omsyn. 




48

Ferjekaien skal utvidast i år før ny og større ferje vert sett inn om eitt år med større behov for 

biloppstillingsplassar. Det er vel også ganske klart at trafikkmengde vil auke med åra. Også at 

ferjetrafikken vil gå over Våge i mange år, kanskje for all tid i forhold til lokaltrafikken. Kan 

kommunen unngå krav om større kapasitet på trafikkavviklinga, og korleis kan dette kombinerast 

med miljøgate? 

Plangrenser. 

Kommunen står framfor ei snarleg rullering av kommuneplanen. For å unngå full rulle med 

planprogram og konsekvensutgreiing bør ein halda seg innanfor plangrensene i kommuneplanen. 

På kommuneplanen ligg det meste av Vågeeigedomane i sentrum inne. Arbeidsgruppa for 

stadanalysen har vurdert mange framlegg til arealgrenser, men det siste har vore frå nord på 

ferjekaien til og med sjøsida av riksvegen i Svevågen i sør. Mot Lande har grensa vore vurdert 

langs kommunevegen. 

Skal ein fylgja kommuneplanen, må grensa mot Lande fylgja eigedomsgrensa mellom Lande 

og Våge, og slutta av om lag midt i Svevågen. 

Fagleg bistand. 

Arbeidsgruppa har vore i møte med Asplan Viak i forhold til at dei også fylgjer opp stadanalysen 

i reguleringsplanarbeidet. Slik innkjøpsreglane er no kan me ikkje unngå å ta vegen om 

anbudsrunde. 

Reint praktisk vil det vera slik at må me gå vegen om planprogram og KU, er me heilt avhengig 

av tverrfagleg konsulentkompetanse. Kan me gå rett på oppstartmelding og deretter 

planskildring, må kommunen ha ei fagleg miljøvurdering i forhold til – strandsona, -naust, 

-barn og unge, -landskap/estetikk, -samfunnstryggleik og beredskap, -grønstruktur, -universell 

utforming, -fritidsbustader, -støy, -barnehage og skular, -energi, -ureining, -areal og transportplanlegging, 

-landbruk. 

Organisering og medverknad. 

Arbeidet med stadanalysen var organisert med formannskapet som styringsgruppe, arbeidsgruppe 

som nemnt overfor, og ei referansegruppe som bestod av ytre etatar, og lag og ressurspersonar 

i Våge. Ytre etatar var invitert, men deltok ikkje. Knut Rage gjorde ein god jobb 

med det historiske oversyn av Våge. Dei andre deltok aktivt under kontordagen og med 

innspel direkte til konsulenten. 

Formannskapet bør vurdera kven ein skal dra med seg aktivt i ei arbeidsgruppe for reguleringsplanen. 

Alt etter kor store endringar ein legg opp til, vil det verta ei krevjande oppgåve. 

Drøfting: 

Arealbruken i Våge sentrum har fram til no i stor grad vore grunneigarstyrt. Formannskapet 

bør drøfta kva endringsnivå kommunen skal leggja seg på i forhold til slik arealbruken er i 

dag. Og kva makt kommunen vil bruka i sin styringsrett. Signal om dette bør liggja i oppstartmeldinga. 

Ytterpunkta vil vera å stadfesta den arealbruk som er i dag med innlagt krav i forhold til landskap, 

bygningsestetikk, og bumiljø etc.. Det andre er å fylgja hovudintensjonane i 

stadanalysen med endra arealbruk som skal blant anna leggja vekt på eit sterkt senter, gode 

møteplassar, opningar mot sjø, og liv i sentrum også etter stenging av kontor og forretningar. 




49

SAKSUTGREIING 16.03.10: 

I møte 19.01.10 vart saka utsett i påvente av innspel frå interessenter i Våge. Den 01.02.10 var 

plansjef og ordførar inviterte og deltok i eit møte i Våge der tema var reguleringsplan for Våge 

fjordlandsby, og arealdelen i kommuneplanen for dei områda som fall utanfor fjordlandsbyen. 

I møte gjekk størstedelen av debatten ut på å utvida plangrensene for reguleringsplanen. Møte 

valde ei arbeidsgruppe som skulle arbeida vidare med innspel til prosjektet for utvikling av 

Våge som fjordlandsby. Ein epost frå arbeidsgruppa til formannskapsmedlemmane den 

02.02.10 var grunnlag for at formannskapet utsette saka i møte same dag. 

I forslag til nye plangrenser seier arbeidsgruppa at grensejusteringa er gjort i ein heilskap fundamentert 

på funksjonsområda i stadanalysen for Våge. Arbeidsgruppa har delt sitt innspel inn 

i 3 nye områder der dei viser til vedlagt kart. Utdrag av forslag til nye plangrenser: 

”Referanse punkt 1.-3. 

Det er viktig å sjå heile området rundt Svevågen i eit heilskapeleg bilete. Gruppa føreslår 

difor at plangrensa vert utvida til å inkludera det meste av strandlinja i Svevågen 

samt heile Vågsneset. Med dette kan området innehalda mange av dei varierte kvalitetane 

ein kan forventa høyrer heime i ein ”Fjordlandsby”: 

- Møteplass, torgplass, opent landskap til sjø innerst i vågen 

- Mogelegheiter for terrasse liknande bustader på sørsida av vågen 

- Turveg moglegheiter rundt heile vågen og det meste av Vågsneset 

- Friluftsområde/strand tilknytta turveg på nordsida av Svevågen 

- Service, næring og offentlege tenester i bygg i vestre del av vågen 

- Utfyllingar i vågen kan gje gjestehamn med tilbod i veldig lun hamn. 

- Vågsneset har rom for utvikling i området som ikkje er fortetta 

- Det er behov for betre kloakk- og vegløysingar i Vågsneset 

- Vegen mellom Våge sentrum og skule/hall på Gjerstad er mykje brukt. Den kan gjerast 

enno meir funksjonell, trygg og attraktiv langs strandlinja. 

Referanse punkt 4.-5. 

Ved å utvida plangrensa til å inkludera ”Landevegen” vil ein utløysa byggjeland som 

vært sentrumsnært. Ut frå stadanalysen er området vurdert til å liggja så godt og sentralt 

til at det bør byggjast ut, gjerne med ei tett form for utbygging. Det er i dag gjort ei 

utbygging med fleirmannsbustader i tilknytning til dette området. Erfaringar frå denne 

utbygginga viser at det er eit potensiale for fleire bustader av denne typen. Fleirmannsbustadar 

kan vera inngangsbilletten til bustadmarknaden for unge etablerarar. Ved å 

utvikla dette området som bustadområde vil ein kunna få ein meir heilhetleg busetnad 

som omsluttar sentrumskjerna frå nedre klokkargarden til vågsmarka. Vegløysingane er 




50

fleire og gode ved å utvida plangrensa. Det same området kan gje mogelegheiter for alternativ 

trase for tilkomst til og frå ferjekaien. Dette er også framheva i stadanalysen. 

Referanse punkt 6.-8. 

Strandlinja nord/vest for ferjekaien er det fyrste ein møter ved innseglinga til Våge. I 

dette området ligg det mykje areal som ikkje er utvikla og som bør sikrast for viktige 

element i vidare utvikling av Fjordlandsbyen Våge. Stadanalysen nemner badeplassar 

og eldrebustader. Noko av dette er allereie regulert. Det kan utviklast turområde heilt til 

”Gjerslingane” og utbygging av hamna i Våge kan krevja tiltak langs denne strandlinja. 

KONKLUSJON 

Fastsetjing av plangrensa lyt ta høgde for ein Fjordlandsby for framtida. Sjølv om det er 

knytta meirkostnadar til konsekvensutgreiingar ved å utvida plangrensene, bør ein sjå 

på dette som ei langsiktig investering. Ei konsekvensutgreiing i seg sjølv vil gje verdifull 

innspel til korleis ein kan utvikla området funksjonelt, trygt og miljøvenleg. Dei økonomiske 

synergieffektane ein vil oppnå ved å leggja til rette for utvikling, vil i høgste grad 

medvirka til å styrka, ikkje berre Våge, men heile Tysnes samfunnet. 

Me meinar det vil vera svært uheldig å ikkje ta med dei områda som er utreda av eksterne 

fagpersonar, på bestilling frå formannskapet. Arbeidsgruppa vil på det sterkaste 

oppfordra formannskapet til å vurdera vårt forslag til plangrense. ” 

Følgjande vurdering låg bak plangrensene i rådmannen si innstilling til 19.01.10: 

• Plangrensene var i samsvar med formålsgrensene i arealdelen til kommuneplanen. 

• Plangrenser utover arealgrensene i kommuneplanen vil automatisk utløysa 

konsekvensutgreiing og ein tyngre og meir tidkrevjande planprosess. 

• Reguleringsplanen skulle vera ein sentrumsplan, og nye arealformål skulle vurderast i 

kommuneplanrulleringa. 

Arbeidsgruppa peikar på at ei konsekvensutgreiing (KU) i seg sjølv vil vera verdifull. Dei 

same signala har kommunen fått av fylkesmannen. Ser me bort frå kostnader, 

arbeidskrevjande planprosess og tidsperspektiv, kan rådmannen vera samd i denne vurderinga. 

Våge har ein planmessig vanskeleg topografi, og har hatt ei lite planstyrt utvikling. Tiltak som 

er sett i gang har nok eit større arealbehov enn det er plass til i Våge. Særleg når ein tek omsyn 

til ei stadig aukande trafikkmengde på riksvegen, med krav til busslommer, gangvegsystem, 

større bil- og busshaldeplass, utviding av ferjekai, og plass for barn og unge, osv. 

Det er ikkje vanskeleg å sjå at det vil verta kamp om areala og arealkonfliktar. Slik sett kan ei 

tverrfagleg konsekvensutgreiing vera god å ha i botn for kommunen i si vurdering før endeleg 

vedtak. Me kan her berre nemna utfordringa som ligg i samfunnstryggleik og universell utforming. 

Held kommunen framleis på å fylgja kommuneplangrensene, kan resultatet likevel verta at 

ytre etatar krev planprogram og KU, og då kan prosessen gå tilbake til start. 




51

Etter rådmannen sitt syn ligg det gode vurderingar bak arbeidsgruppa sitt forslag. Det ville 

vore bra for kommunen og fått med seg både heile Svevågen, Vågsneset og opp til Landevegen. 

Når det gjeld nord for ferjekaien kan det vera rett at det ligg unytta areal, men no er det 

no slik at eit stadig innskjerpa byggjeforbod i strandsona gjev små moglegheiter til andre tiltak 

enn det som har ålmenn interesse og bruk. Reguleringsplan for Peralio vart godkjent rett før 

siste jul og denne inneheld offentleg friområde til sjø med badeplassar og gangvegar. Parallelt 

med reguleringsplanarbeidet ligg det i kommunen til dispensasjon handsaming bygging av 4 + 

2 husvære i tillegg til det eine huset frå før, på ei av tomtane i nedre Klokkargarden. Skal 

grensa utvidast mot nord må den, etter rådmannen sitt syn, i tilfelle ikkje gå lenger enn til 

plangrense i Peralio. 

Den store utfordringa med å utvida plangrensene vert å få noko til i strandsona. Tilgjenge for 

ålmenta i strandsona kan ofte vera greitt å få til, men for andre tiltak kan det lett verta slik at 

planen stadfester noverande arealbruk, men set nye og strengare krav til arealutnytting, estetikk, 

friluftsliv, natur- og kulturmiljø og landskap. 

Går kommunen no inn for utvida plangrenser må me ha med oss at planarbeidet vil ta lengre 

tia og det vil verta ein meir krevjande og langt dyrare prosess. 

I utgangspunktet held rådmannen på si innstilling, men ser det positive med å utvida grensene 

inntil slik det er vurdert overfor. Vert grensene utvida vert neste skritt med reguleringsplanen å 

utarbeida planprogram for deretter offentleg høyring. 

INNSTILLING FRÅ RÅDMANNEN: 

1. Med heimel i pbl § 12-8 vert det starta opp arbeid med reguleringsplan for Våge sentrum. 

2. Plangrenser vert sett i samsvar med vedlagt kartskisse, som igjen er i samsvar med det areal 

som går inn i arealdelen i kommuneplanen. Det vert i prosessen, med heimel i pbl §11-8 

"Hensynssoner", vurdert å ta med areal opp til Landevegen, og heile strandlinja opp til riksvegen 

innerst i Svevågen. 

3. Med heimel i pbl § 13-1 vert det lagt ned mellombels forbod mot tiltak inntil planspørsmålet 

er endeleg avgjort. Formannskapet kan likevel godkjenna tiltak som etter kommunen sitt 

skjøn ikkje vil vanskeleggjera planlegginga. 

4. Kommunen vil om nødvendig bruka styringsretten ved gjennomføring av reguleringsplanen. 

5. Formannskapet tek stilling til korleis arbeidet skal organiserast og kva medverknad ein ynskjer 

i prosessen i tillegg til det som er lovpålagt. 

6. Kommunen lyser ut og ber om konsulentkostnader for å utarbeide reguleringsplan for Våge 

sentrum, basert på kommunen sine føresetnader for arbeidet og stadanalysen. 

HANDSAMING I FORMANNSKAPET 19.01.10: 

Tor Atle Humlevik meinte at det ville vera klokt å venta til me har fått noko innspel frå interessenter 

i området, ut frå tilbakemeldingar han har fått har desse planlagt eit møte 5. februar 

dette år. Det vart sett fram følgjande framlegg: 




52

” Oppstartsmelding vert utsett og teke opp til handsaming i møte 2. februar d.å.” 

Formannskapet slutta seg til utsetjingsframlegget. 

VEDTAK I FORMANNSKAPET 19.01.10: 

Oppstartsmelding vert utsett og teke opp til handsaming i møte 2. februar d.å. 


Ingrid Tysnes Stue sette fram følgjande utsetjingsframlegg: 

”Saka vert utsett til neste møte i formannskapet idet me viser til innspel frå arbeidsgruppa 

v/Arne Leite.” 

Formannskapet slutta seg til utsetjingsframlegget. 


Saka vert utsett til neste møte i formannskapet idet me viser til innspel frå arbeidsgruppa 

v/Arne Leite. 


Formannskapet drøfta detaljar i plangrensene for reguleringsplanen og det vart sett fram slikt 

sameint framlegg om plangrenser: 

2. Plangrenser vert sett i samsvar med vedlagt kartskisse frå punkt 1 til 6, etter punkt 6 følgjer 

plangrensa arealet som går inn i arealdelen i kommuneplanen ut til kaien. Bustadareal 

nord for Tysnes kraftlag og ferjekai vert ikkje teke med. 

Etter dette ligg det føre slikt: 


1. Med heimel i pbl § 12-8 vert det starta opp arbeid med reguleringsplan for Våge sentrum. 

2. Plangrenser vert sett i samsvar med vedlagt kartskisse frå punkt 1 til 6, etter punkt 6 følgjer 

plangrensa arealet som går inn i arealdelen i kommuneplanen ut til kaien. Bustadareal nord 

for Tysnes kraftlag og ferjekai vert ikkje teke med. 

3. Med heimel i pbl § 13-1 vert det lagt ned mellombels forbod mot tiltak inntil planspørsmålet 

er endeleg avgjort. Formannskapet kan likevel godkjenna tiltak som etter kommunen sitt 

skjøn ikkje vil vanskeleggjera planlegginga. 

4. Kommunen vil om nødvendig bruka styringsretten ved gjennomføring av reguleringsplanen. 




53

5. Formannskapet tek stilling til korleis arbeidet skal organiserast og kva medverknad ein ynskjer 

i prosessen i tillegg til det som er lovpålagt. 

6. Kommunen lyser ut og ber om konsulentkostnader for å utarbeide reguleringsplan for Våge 

sentrum, basert på kommunen sine føresetnader for arbeidet og stadanalysen. 




54

MØTEBOK 




Arkivsak : 

Arkivkode: 

10/263 

511 

Sakshandsamar: Audun Hovland 

- 

Handsamingar: 



BRUKSENDRING TYSNES SPAREBANK 

SAKSUTGREIING: 

Søknaden gjeld bruksendring av 2.høgda i bankbygget til Tysnes Sparebank i Våge frå 

husvære/leiligheter til kontor/banklokale på gnr.94 bnr.269 i Våge sentrum. Søknaden inneber 

óg ei ombygging av 1.etasje med same føremål som i dag. 

I samband med søknad om byggjeløyve for bankbygget i 1989 vart det i 1990 søkt om å nytta 

2.høgda til utleigelokale. Søknad om innreiing av 2.høgda til 3 stk. husvære vart handsama og 

godkjent i bygningsrådsak 43/90. Av saksutgreiinga framgår at i tettbygd strøk er det ikkje 

uvanleg at delar av eit serviceføremål også vert nytta til bustadføremål. Forretningsdrift vert 

hovudføremålet medan bustadføremålet vert eit biføremål. 

Som kjent skal banken samlokalisera bankdrifta til bankbygget i Våge. Av søknaden framgår 

at målsetjinga for banken er å gje prosjektet ei god løysing for kundar og tilsette. Planlagt innflytting 

er sommaren 2010. 

Det har kome inn 2 merknader til søknaden, frå Statens vegvesen og Sigrid Hope/Elisabeth 

Godøy. Ansvarleg søkjar har i skriv dagsett 10.02.10 kommentert merknadane. Statens vegvesen 

opplyser at dei som vegeigar ikkje skal ha nabovarsel, men minner om at krysset 

mellom FV 49 og FV 85 tidlegare har vore oppe til drøfting grunna sikttilhøva. Vegnormalane 

sine krav må følgjast i planlegginga. 

Merknad frå Hope/Godøy gjeld avtale med Tysnes Sparebank om bruksrett til parkeringsplassen. 

Ein slik avtale er privatrettslege forhold som ikkje vedkjem sjølve byggjesaka. Det vil 

likevel verta stilt krav om tilstrekkeleg antal parkeringsplassar for tiltaket. 

I tillegg til ovannemnde merknader er det i skriv dagsett 17.02.10 frå helse- og sosialsjefen 

kome følgjande orientering etter møte i ”kommunalt råd for menneske med nedsett funksjonsevne” 

den 08.02.10: 




55

" Rådet oppmodar Tysnes Sparebank å tilretteleggje parkeringsplassar for funksjonshemma/rullestolbrukarar 

og universell utforming ved inngangsparti (automatiske døropnarar) 

og i banklokalet. Kopi av vedtaket vert sendt Landbruks- og teknisk etat 

Arealdelen til kommuneplanen syner at omsøkt eigedom ligg i område som er avsett til forretning 

og serviceføremål (næring) med krav om utarbeiding av reguleringsplan før det vert 

sett i verk tiltak etter §§ 81, 82, 84, 86a, 86b og 93 i plan- og bygningslova. Søknad om bruksendring 

kjem inn under § 93 i plan- og bygningslova. 

I stadanalysen for Våge sentrum framgår m.a. at på vestsida av vegen gjennom Våge bør det 

utviklast næringsretta aktivitetar i 1.etasje med bustadeiningar ovanpå. 

Det er ikkje utarbeidd reguleringsplan for Våge sentrum. Arbeidet er i oppstartsfasen og saksutgreiing 

med innstilling har vore framlagt i formannskapet i dei to siste møta. Men saka har 

vorte utsett i begge desse møta med tilvising til ønskje frå bygdafolk om å få koma med konkrete 

innspel før det formelle oppstartsvedtaket vert gjort. I innstillinga frå rådmannen til oppstartsmeldinga 

framgår følgjande i pkt.3: 

”Med heimel i pbl. § 13-1 vert det lagt ned mellombels forbod mot tiltak inntil planspørsmålet 

er endeleg avgjort. Formannskapet kan likevel godkjenna tiltak som etter kommunen 

sitt skjøn ikkje vil vanskeleggjera planlegginga.” 

Oppstartsmelding for reguleringsplan Våge sentrum vil verta teke opp til realitetshandsaming i 

formannskapet den 16.mars - før byggjesaka vert handsama i landbruk/teknisk same dag. 

Omfanget av regulerinsplanarbeidet vil då truleg verta avklara slik at me kjem i gang/vidare i 

planprosessen. Søknadene om bruksendring for ”bankbygget” og ”Tiko-bygget” vil også verta 

handsama opp imot gjeldande plankrav i kommuneplanen og reguleringsplanarbeidet med eit 

eventuelt mellombels byggjeforbod i Våge sentrum. 

For handsaming av ”byggjesaka” vil iverksetjing av tiltaket uansett krevja at det ligg føre ein 

endeleg og formell dispensasjon etter § 19 i pbl. Dette inneber óg handsaming/høyring hos 

fylkesmannen og fylkesrådmannen, jfr. handsamingsrutinar for dispensasjonssøknader. 

Dispensasjon kan berre gjevast dersom omsyna bak føresegnene det vert dispensert frå, eller 

omsyna i føremål bak lova, ikkje vert sett vesentleg til side. I tillegg må fordelane ved å gje 

dispensasjon vera klart større enn ulempene etter ei samla vurdering. 

Så langt me kan sjå vil ikkje omsyna bak føresegnene det vert dispensert frå, eller omsyna i 

føremål bak lova, verta vesentleg sett til side ved gjennomføring av omsøkte tiltak. Me syner i 

denne samanhengen til at søknaden om bruksendring med tilbakeføring til næring er i samsvar 

med gjeldande kommuneplan og at tiltaket gjeld bruksendring i delar av eksisterande bygning. 

Korkje innbyggjarar eller andre har gjeve kommunen informasjon eller konkrete opplysningar 

som indikerer at ei slik tilbakeføring i delar av denne bygningen bør utestå. Utifrå ei planfagleg 

vurdering kan me etter dette ikkje sjå at omsøkte bruksendring vil koma i konflikt med 

eller i vesentleg grad vanskeleggjera ei framtidig detaljplanlegging i området. 

Generelle vilkår vedk. branntekniske tiltak, parkeringsplassar, universell utforming, arbeidstilsynet 

m.m vil verta teke stilling til ved 2.gangs handsaming av saka i landbruk/teknisk. 




56

Rådmannen har funne det rettast ikkje å gje innstilling i denne saka. – Dette sjølv om det frå 

administrasjonen si side alt har vorte gjeve visse munnlege signal i retning av at saka synest 

rimeleg kurant. 

Grunnen til at rådmannen ikkje går direkte på innstilling ligg i det faktum at han er medlem og 

p.t. formann i kontrollkomiteen i Tysnes Sparebank. Det kan såleis reisast spørsmål ved rådmannen 

sin habilitet opp mot rollane som rådmann og formann i kontrollkomiteen; jf kml. § 

40 nr. 3 og fvl § 6, 2. ledd: 

”Likeså er han ugild når andre særegne forhold foreligger som er egnet til å svekke tilliten 

til hans upartiskhet, blant annet skal legges vekt på om avgjørelsen i saken kan innebære 

særlig fordel, tap eller ulempe for ham selv eller noen som han har nær personlig 

tilknytning til. Det skal også legges vekt på om ugildhetsinnsigelse er reist av en part.” 

Rådmannen er med andre ord ikkje automatisk inhabil i ein slik situasjon. Men all den tid det 

kan stillast spørsmål ved habiliteten hans, vel rådmannen å leggja fram saksopplysningar utan 

innstilling. 

Sjølv utan habilitetsspørsmålet kan det utifrå prinsipielle ”betraktningar” spørjast om det ville 

vore korrekt av rådmannen å gje innstilling i ei slik sak. – Bruksendringane det er søkt om er 

innanfor eksisterande huskropp, men oppstartsmeldinga legg rett nok rimeleg strenge føringar. 


Ordføraren sette fram slikt framlegg til vedtak: 

" Formannskapet kan med tilvising til ovanståande premissar ikkje sjå at den omsøkte 

næringstilbakeføringa i del av ”Bankbygget” på gnr. 94, bnr.269, vil medføra ulemper 

for det føreståande detaljreguleringsarbeidet i Våge sentrum." 

Etter dette ligg det føre slikt samrøystes vedtak i formannskapet: 


Formannskapet kan med tilvising til ovanståande premissar ikkje sjå at den omsøkte næringstilbakeføringa 

i del av ”Bankbygget” på gnr. 94, bnr.269, vil medføra ulemper for det føreståande 

detaljreguleringsarbeidet i Våge sentrum. 




57

MØTEBOK 




Arkivsak : 

Arkivkode: 

10/265 

511 


- 

Handsamingar: 



BRUKSENDRING "TIKOBYGGET" 


Søknaden gjeld bruksendring av 3.høgda i ”Tiko-bygget” frå bustad til næringsføremål på 

gnr.94 bnr.35,275 i Våge sentrum. 

Følgjande framgår av søknaden: 

”Det søkes herved om omdisponering av 3.etg. i Tiko Eigedom AS sitt bygg på Våge kai 

fra bustad til næring. Opprinnelig var deler av 3.etg. nytta til kafé-lokale. Kafélokalet er 

ikkje ombygd til boligformål, men nytta som inngangsparti til 3.etasje. Planen er no å 

flytta inngangen til eksisterande dør midt på husets oppside. For å kunne nytta denne 

døra som felles inngang til to næringslokale, må ein kople saman dei to eksisterande 

altanane på oppsida av huset. Ved å ta altanen i bruk vil inngangen også vera egna for 

rullestolbrukarar. 

Etasjen er planlagd nytta til lokaler for fysioterpeut og tannlækjar med felles inngang, 

venterom og pauserom. Det er mulighet for to faste parkeringsplassar ved gammal inngang 

til 3.etg. på nordsida av huset. Kundeparkering på offentlig parkeringsplass på 

nordsida av huset, og på kundeparkeringa på gateplan utenfor sokkeletasjen.” 

Arealdelen til kommuneplanen syner at omsøkte eigedom ligg i område som er avsett til forretning 

og serviceføremål (næring) med krav om utarbeiding av reguleringsplan før det vert 

sett i verk tiltak etter §§ 81, 82, 84, 86a, 86b og 93 i plan- og bygningslova. Søknad om bruksendring 

kjem inn under § 93 i plan- og bygningslova. 









58




I stadanalysen for Våge sentrum framgår m.a. at på vestsida av vegen gjennom Våge bør det 

utviklast næringsretta aktivitetar i 1.etasje med bustadeiningar ovanpå. 

Oppstartsmelding for reguleringsplan Våge sentrum vil verta teke opp til realitetshandsaming i 

formannskapet den 16.mars - før byggjesaka vert handsama i landbruk/teknisk same dag. 

Omfanget av regulerinsplanarbeidet vil då truleg verta avklara slik at me kjem i gang/vidare i 

planprosessen.Søknadene om bruksendring for ”bankbygget” og ”Tiko-bygget” vil også verta 

handsama opp imot gjeldande plankrav i kommuneplanen og reguleringsplanarbeidet med eit 

eventuelt mellombels byggjeforbod i Våge sentrum. 

For handsaming av ”byggjesaka” vil iverksetjing av tiltaket uansett krevja at det ligg føre ein 

endeleg og formell dispensasjon etter § 19 i pbl. Dette inneber óg handsaming/høyring hos 

fylkesmannen og fylkesrådmannen, jfr. handsamingsrutinar for dispensasjonssøknader. 

Dispensasjon kan berre gjevast dersom omsyna bak føresegnene det vert dispensert frå, eller 

omsyna i føremål bak lova, ikkje vert vesentleg sett til side. I tillegg må fordelane ved å gje 


Så langt me kan sjå vil ikkje omsyna bak føresegnene det vert dispensert frå, eller omsyna i 

føremål bak lova, verta vesentleg sett til side ved gjennomføring av omsøkte tiltak. Me syner i 

denne samanhengen til at søknaden om bruksendring med tilbakeføring til næring er i samsvar 

med gjeldande kommuneplan og at tiltaket gjeld bruksendring i delar av eksisterande bygning. 

Korkje innbyggjarar eller andre har gjeve kommunen informasjon eller konkrete opplysningar 

som indikerer at ei slik tilbakeføring i delar av denne bygningen bør utestå. 

Utifrå ei planfagleg vurdering kan me etter dette ikkje sjå at omsøkte bruksendring vil koma i 

konflikt med eller i vesentleg grad vanskeleggjera ei framtidig detaljregulering i området. 

Generelle vilkår vedkomande branntekniske tiltak, parkeringsplassar, universell utforming, 

arbeidstilsynet m.m vil verta teke stilling til ved 2.gangs handsaming av saka i landbruk/teknisk. 

Rådmannen ser at det kan stillast spørsmål ved om det utifrå prinsipielle/formelle sider bør 

gjevast innstilling i ei slik sak. Oppstartsmeldinga legg rimeleg strenge føringar, men søknaden 

gjeld ei bruksendring/tilbakeføring inne i eksisterande huskropp. 


Formannskapet kan med tilvising til ovanståande premissar ikkje sjå at den omsøkte næringstilbakeføringa 

i del av ”Tikobygget” på gnr. 94, bnr. 34,275, vil medføra ulemper for det føreståande 

detaljreguleringsarbeidet i Våge sentrum. 


I samsvar med innstilling. 




59

MØTEBOK 




Arkivsak : 

Arkivkode: 

09/933 

610 


- 

Handsamingar: 



VERDIVURDERING AV LANDBRUKSEIGEDOM MED PLANLAGDE 

INVESTERINGAR INNAN BYGDETURISME - GNR. 63, BNR. 1 - HÅHEIM 

Vedlegg: 1. Oversendingsskriv frå Hardanger Rekneskapskontor v/Arne L. Aksnes 

05.02.10 


I høve dei planlagde tiltaka eigar av gnr. 63, bnr. 1, Torstein Hatlevik, har på bruket, har han 

fått utarbeidd ei verdivurderig/ein takst. 

Som det går fram av vedlegget er verdivurderinga oversendt direkte frå takstmannen til Innovasjon 

Norge og Tysnes kommune. 

Totalsaka vil seinare koma opp i kommunale organ både som frådelingssak og i høve mogleg 

finansiell medverknad frå kommunen, herunder spørsmål om utbetring av vegen til gards og 

opparbeiding av turvande parkeringsareal. 

I denne fasen er det faktura 13209 frå Hardanger Rekneskap i høve takseringsarbeidet på kr. 

10.969, - inkl. moms som skal "prøvast"/klarerast. Fakturaen er stilt til Tysnes kommune og 

han har forfall 12.03.10. 

Ifølgje opplysningar frå Ole Andreas Smette hos Innovasjon Norge Hordaland er det fastsett i 

forskrift at kommunen skal dekka takseringskostnaden. 


Tysnes kommune dekker takseringskostnadene med kr. 10.969,- inkl. moms i høve taksten 

siv.agr. Arne L. Aksnes føretok i januar 2010. 

Utloga på kap. 1.1100.1001.4700. 





60





61

MØTEBOK 




Arkivsak : 

Arkivkode: 

10/79 

123 

Sakshandsamar: Anders Teigen 

- 

Handsamingar: 



AGNES OG OLAV BERGE`S STIPENDFOND 

Vedlegg: 1. Skriv frå advokat Håkon Velde Nordstrøm 21.01.10. 


Advokat Håkon Velde Nordstrøm har gjeve oss melding om at Agnes Berge og Olav Berge 

har testamentert alt dei let etter seg til ei stifting med føremål å tilgodesjå Tysnes-ungdom 

under utdanning. 

Det er ei positiv melding å få. 

Advokaten skriv vidare at det i testamentet var eit ynskje om at ordførar og skulesjef i Tysnes 

kommune skulle ha kvar sin plass i styret i stiftinga. I tillegg var det ynskje om eit styremedlem 

utpeika for fire år om gongen av Tysnes formannskap. 

Saka vert lagt fram for handsaming. 


Tysnes kommune er svært takksame for at Agnes og Olav Berge opprettar ei stifting for å tilgodesjå 

Tysnes-ungdom under utdanning. 

Tysnes kommune vil delta i styret med ordførar, oppvekstsjef og eit styremedlem som vert 

peika ut av formannskapet for fire år om gongen. 

Formannskapet vel leiar av fagutval oppvekst og omsorg som styremedlem. 




62

MØTEBOK 




Arkivsak : 

Arkivkode: 

10/225 

010 


- 

Handsamingar: 



STRATEGISK PLAN FOR SAMARBEIDSRÅDET FOR SUNNHORDLAND 2010 - 

2013 - HØYRING 

Vedlegg: 1. Høyringsutkast 


Bakgrunn 

Samarbeidsrådet for Sunnhordland har gjennomført ei revidering av strategisk plan som skal 

gjelda for perioden 2010-2013. Den førre strategiske planen gjaldt for perioden 2007-2009 og 

vart godkjent av Representantskapet i mars 2007. 

Prosessen 

Arbeidet har vore leia av rådmann Trond Sætereng, Kvinnherad kommune, og starta opp med 

ei prosessamling med medlemmer av rådet 10. desember 2009. 

På denne samlinga la me premissane for dokumentet. Me vart samde om å utarbeida eit strategisk 

dokument som la føringar for det overordna arbeidet. Dette skil seg ut frå førre dokument, 

der strategiar og handlingsdel går meir i kvarande. 

På denne samlinga starta arbeidet med å drøfta verdiane for samhandlinga i Samarbeidsrådet 

og drøftingar av overordna mål og hovudsatsingar for perioden 2010 – 2013. 

Med bakgrunn i ovannemnde utarbeidde prosessleiar Sætereng eit dokument som vart gjennomgått 

i prosessamlinga 22. januar d.å. I dette møtet drøfta ein vidare hovudsatsingsområde 

og organisering og styring av arbeidet. 

På bakgrunn av dette arbeidet vart det utarbeidd eit framlegg til Strategisk plan for Samarbeidsrådet 

for Sunnhordland 2010-2013 som vart lagt fram til drøfting i Samarbeidsrådet i 

møte 5. februar d.å. Etter at innspel og kommentarar er tekne med vart Samarbeidsrådet samde 

om å senda Strategisk plan for Samarbeidsrådet for Sunnhordland 2010 – 2013 ut på høyring i 

kommunane. Høyringsfristen er sett til 15 mars d.å. 




63

Det er den strategiske delen som er på høyring. Handlingsdelen er under utarbeiding, og vil 

verta lagt fram til godkjenning i Representantskapet 16. april. 

Strategisk plan for Samarbeidsrådet for Sunnhordland 

Verdiar 

Planen seier noko om verdiar som skal liggja til grunn for arbeidet. Dette er blant anna tillit, 

likeverd og samhald. God atmosfære og godt humør vert vektlagt! 

Grunnlag 

Trongen for samla grep i Sunnhordland for å løysa fellesutfordringar er aukande. Dette er 

blant anna innan samferdsle, næringsutvikling og kompetanseutvikling. Dette for å møta 

svingingar i næringsaktivitet og sysselsetjing. 

Overordna mål for perioden 2010-2013 

1. Sunnhordland skal vera i front nasjonalt når det gjeld regionalt samarbeid 

2. Samarbeidsrådet for Sunnhordland skal vera den ønskte samarbeidspartnaren for kommunane, 

fylkeskommunen, naboregionar og staten i deira arbeid for ei heilskapleg, regional utvikling 

Hovudsatsingsområde: 

*Realisering av viktige samferdsleoppgåver i regionen 

*Rekruttering/kompetanse og omdømmebygging 

Viktige utviklingsoppgåver i regionen: 

*Næringsutvikling 

*Vidareutvikla næringssamarbeidet i regionen 

*Folkehelseprofil 

*Samarbeidsrådet som møteplass og drøftingsorgan 

Andre viktige oppgåver for Samarbeidsrådet: 

Organisering og styring 

*Skapa gode interkommunale løysingar for tenesteproduksjon 

*Driva aktiv påverknad for å sikra regionen og den einskilde kommune sine interesser 

i regionale og nasjonale spørsmål 

*Initiera og delta i opne og tillitsfulle dialogar med potensielle samarbeidspartnarar 

Gjennomføring av Sunnhordlandsstrategiar 2010 – 2013 vil vera forankra i 3 styringsorgan; 

*Styret for regionalt næringsfond 

*Styringsgruppa for bruk av kompensasjonsmidlar i Hordaland 




64

*Samarbeidsrådet for Sunnhordland 

Dokumentet seier og noko om andre miljø som arbeider målretta for å utvikla alt frå bedrifter 

til heile regionen. Dette apparatet utgjer i sum ein formidabel ressurs for vår region, men med 

så mange aktørar er det ein fare for at me arbeider for mykje parallelt og utan god koordinering. 

Samarbeidsrådet for Sunnhordland vil derfor ta initiativ til ei drøfting av desse problemstillingane 

med aktuelle partar, for å sikra effektivt samarbeid der roller og arbeidsdeling 

vert avklara. 


Tysnes kommune sluttar seg til utkastet til strategisk plan for Samarbeidsrådet for Sunnhordland 

2010 – 2013. 


Ordføraren peika på at Sunnhordland bør prøva å koma tettare opp mot fylkeskommunen og 

Bergensregionen. 

Lorentz Lunde sette fram følgjande framlegg til vedtak: 

" Tysnes kommune sluttar seg til utkastet til strategisk plan for Samarbeidsrådet for Sunnhordland 

2010 – 2013. 

Tysnes kommune ber om at det frametter vert nytta meir energi på å styrkja samarbeidet 

mot fylkeskommunen og Bergensregionen." 

Etter dette ligg det føre slikt samrøystes vedtak i formannskapet: 


Tysnes kommune sluttar seg til utkastet til strategisk plan for Samarbeidsrådet for Sunnhordland 

2010 – 2013. 

Tysnes kommune ber om at det frametter vert nytta meir energi på å styrkja samarbeidet mot 

fylkeskommunen og Bergensregionen. 




65

MØTEBOK 




Arkivsak : 

Arkivkode: 

09/1097 

105 


- 

Handsamingar: 



"TYSNESFEST" - TILSKOT 2010 

Vedlegg: 1. Formannskapssak 83/09 

2. Rekneskap 2009 – "Tysnesfest" 


Formannskapet gav i møte 13. oktober 2009 underskotsgaranti med kr. 200.000,- til "Tysnesfest" 

2010. 

På det tidspunktet låg det og føre søknad om direkte tilskot med kr. 200.000,- for kvart av åra 

2010, 2011 og 2012. - Søknaden for 2010 vart vurdert gjennom budsjettarbeidet hausten 2009. 

I kommunestyret sine budsjettpremissar går det fram at tilskotet for 2010 vert sett til kr. 

170.000,-. Eventuelle framtidige søknader må takast stilling til gjennom dei årlege budsjettprosessane. 

I kommunestyret sine premissar for dette tilskotet vart det vidare halde fram: 

" I samsvar med normale retningsliner for tildeling av offentleg stønad vert det blant anna 

føresett at det vert lagt fram rekneskap og eventuelt justert budsjett. – I 

formannskapssak 83/09 – garantisaka – vart blant anna dette presisert i premissane: 

" Tysnesfest" sitt overordna mål er å verta eit kulturelt fyrtårn innan 2012. - Frå kommunen 

sin ståstad føler me sterkt at "Tysnesfest" alt har utvikla seg til eit kulturelt fyrtårn! 

Og me trur kanskje det kan vera både framtidsretta og fornuftig å stabilisera tiltaket 

rundt 2009 - nivået. Det bør og sikkert vera ein god tanke, slik styret også har vore inne 

på, å finna ei trygg form og ein fasthet i sjølve organiseringa av totaltiltaket. Det bør vidare 

vera bra om ikkje ubetydelege deler av overskota vert "frosne" i den forstand at 

"Tysnesfest" set seg sjølv i stand til å ta uventa tilbakeslag gjennom eigne "buffarar". 

Me har no motteke rekneskapen for "Tysnesfest" 2009; sjå vedlegg 2. Rekneskapen viser eit 

fint overskot på ganske nøyaktig ein halv million. Sjølv om det ikkje er nær tre ganger så stort 




66

overskot som i 2008, slik me hadde høyrt "snakk om" pr. 13. oktober 2009, er det likevel ei 

svært god dobling frå året før. 

Me trur framleis det er ein mykje god tanke å stabilisera "Tysnesfest" - tiltaket rundt det nivået 

som vart vist i 2009. Eit flottare kulturelt fyrtårn skal me måtta leita lenge etter! 


I samsvar med søknad og kommunestyret sine budsjettpremissar vert det gjeve tilskot kr. 

170.000,- til "Tysnesfest" 2010. 

Tilskotet skal som tidlegare år blant anna nyttast til marknadsføring der kommunen vert profilert 

på nettsider, plakatar og i programblad. Kommuneprofileringa skal kvalitetssikrast av 

kommunen. 

Utloga på kap. 1.1434.3251.1403. 






67

MØTEBOK 




Arkivsak : 

Arkivkode: 

09/152 

105 

Sakshandsamar: Vibeke Øxnevad Stoltz 

- 

Handsamingar: 



SØKNAD OM TILSKOT - VENELAGET FOR TYSNES JÅTTMUSEUM 


Venelaget for Tysnes jåttmuseum søkjer om eit tilskot, stort kr 30.000,- for å koma i gang med 

første del av eit jåttmuseum sommaren 2010. Museet vil ikkje verta fullført i år, men vil meir 

verta ein ” appetittvekkjar” for eit vidare planlagt fullverdig museum. 

Det er lagt opp til at lokaliseringa inntil vidare, vil verta i ”Gamle Posten” i Våge i same lokalet 

som turistinformasjonen. Ei enkel oppussing av lokalet vil vera naudsynt og i tillegg utgifter 

til sjølve utstillinga. Totale kostnader er rekna til kr 30.000,-. 

På eit møte før jul mellom Venelaget, Hordaland fylkeskommune, Sunnhordland museum og 

Tysnes kommune var alle parter positive til den planlagte etableringa av eit jåttmuseum. 

Dette vart vidare stadfesta på møtet 24.02.10 mellom venelaget, Sunnhordland museum og 

Tysnes kommune. Jane Junger, leiar v/ Sunnhordland museum, understreka at museet vil bidra 

med formidlingskompetanse og råd om utforminga av sjølve utstillinga. Ho meinte det var 

riktig å starta etappevis med ei mindre utstilling i år som vil kunna vekkja interesse hos publikum. 


Dert vert å løyva kr 25.000,- i tilskot til Venelaget for Tysnes jåttmuseum til oppstart av første 

del av eit jåttmuseum i Våge. 

Utlogga over tilleggsløyving 1.1100.1001.4700. 






68

MØTEBOK 




Arkivsak : 

Arkivkode: 

10/216 

105 

Sakshandsamar: Vibeke Øxnevad Stoltz 

- 

Handsamingar: 



SØKNAD OM KULTURVERNMIDLAR TIL UTSTILLING I ONARHEIM KYRKJE 

Vedlegg: 1. Skriv m/vedlegg frå arbeisgruppa 23.02.10 


Me viser til søknad frå arbeidsgruppa for utstilling i Onarheim kyrkje, datert 23.02.10, der det 

vert søkt om eit tilskot stort kr 10.000,- til ein permanent kyrkjehistorisk utstilling. I vedlagde 

budsjett er samla kostnad rekna til kr 95.000,-. 

Arbeidsgruppa er sett saman av representanter frå Onarheim sokneråd, Tysnes musèlag og 

Tysnes sogelag. 

Utstillinga er rekna å vera første lekk i eit større arbeid der neste trinn er planer om å setja opp 

informasjontavlar og laga ei utstilling med historiske bilete. 

Tysnes kommune ser svært positivt på det initiativet og samarbeidet som no er teke for å gjera 

kyrkjehistoriske gjenstander tilgjengelege for ålmenta. 


Det vert løyvt kr 10.000,-i tilskot til ein permanent kyrkjehistorisk utstilling i Onarheim kyrkje 

v/arbeidsgruppa for utstilling i Onarheim kyrkje. 

Utloga kulturvern 1.1500.3852.4700. 






69

MØTEBOK 




Arkivsak : 

Arkivkode: 

10/269 

055 

Sakshandsamar: Steinar Dalland 

- 

Handsamingar: 



POSTENS FLYTTEHJELP - KOMMUNAR 

Vedlegg: 1. Informasjonsskriv om postens Flyttehjelp Kommuner 

2. Døme på informasjonsskriv frå Grue kommune 


Me har fått eit tilbod frå Bring om å nytta oss av Postens flyttehjelp. 

Konseptet går ut på at me lagar eit standard informasjonsskriv til nye innbyggjarar i kommunen, 

me bestemmer kva me vil informera om og korleis skrivet skal verta utforma. Utover det 

arbeidet som er knytt til utforming av informasjonsskriv har ikkje Tysnes kommune arbeid 

med tiltaket. 

Når ein husstand melder varig adresseendring til Tysnes sender posten automatisk ut det informasjonsbrevet 

som me har bedt dei om å senda til ny adresse. På den måten kan me vera 

trygg på å treffa alle nye tilflyttarar med den informasjonen som me meiner er viktig å få fram 

til denne gruppa. I tillegg til at me får fram viktig informasjon har me og von om at nytilflytta 

tysnesingar vil føla seg velkomne gjennom ei slik helsing. 

Tenesta har ein etableringspris på kr 14 700,00,- Det er ingen faste kostnader per månad eller 

per år, men ein pris per utsende brev på kr 16,00 i tilegg til porto. Det er også mogleg å få tenesta 

med automatisk utsending av e-post for eit tillegg på kr 8,00 per utsendte e-post. 


Rådmannen gjer avtale om bruk av Postens Flyttehjelp for å få ut informasjon til nytilflytta 

tysnesingar. 

Avtalen vert gjort i samsvar med dei føresetnader som er lagt til grunn i denne saka. 





70





71

MØTEBOK 




Arkivsak : 

Arkivkode: 

09/1378 

460 


- 

Handsamingar: 



UTKAST TIL KLIMAPLAN FOR HORDALAND - HØYRING 

Vedlegg: 1. Klimaplan for Hordaland 2010-2020, høyringsutkast 


Tysnes kommune er i skriv dagsett 17. desember f.å. invitert til å gje uttale til utkast til klimaplan 

for Hordaland. 

Ordførar og ass. rådmann deltok også på høyringsmøte om Klimaplan for Hordaland som vart 

halde på Leirvik 19. februar d.å. 

Det er utarbeidd eit slikt framlegg til uttale: 

Generelt om planen 

Planen har ei ryddig og oversikeleg oppbygging og dei tema som vert tekne opp i planen 

har også relevans for kommunal klimaplanlegging. 

Hovudmåla i planen byggjer på internasjonale og nasjonale føringar og er adekvate om 

enn ikkje inspirerande. Visjonen er tam og ikkje eigna til å skapa breitt engasjement om 

klima i Hordaland fylke. 

Når det gjeld faktagrunnlaget og situasjonsskildringa om dagens miljøstatus i Hordaland 

vel me å ikkje gje nærmare uttale til denne delen av planen, trass i at det også i denne 

delen av planen kan stillast spørsmål ved nokre tilnærmingar. 

Me vil i det vidare konsentrera vår uttale om dei strategiar og tiltak som vert lagt til 

grunn i planen, i særskild grad dei strategiar og tiltak der det er føresett at kommunane 

skal setja dei i verk. 

Strategiar for energi 




72

Det vert lagt fram 4 ulike strategiar for delområde energi, strategiane er utforma som 

delmål og gjev i relativt liten grad kunnskap om tilhøvet mellom mål og verkemiddel. 

Dette punktet bør fyllast ut med å peika på moglege tiltak. 

Strategiar for forbruk og avfall 

Det lagt fram 7 strategiar for å nå måla for forbruk og avfall. Strategiane er utforma som 

delmål med tilhøyrande tiltak. 

For Tysnes kommune sitt vedkommande inneber tiltaka justering av rutinar for innkjøp, 

miljøsertifisering gjennom ordninga med miljøfyrtårn med vidare. Måla og tiltaka syntes 

å vera fornuftige rettesnorer for vidare kommunalt arbeid. 

Strategiar for energieffektivisering og energikonvertering. 

Det er lagt fram 4 ulike strategiar der det også vil vera mogleg å følgje delmåla og tiltaka 

opp gjennom kommunale tiltak. 

Strategiar for arealbruk og transport 

Det er lagt fram 5 ulike strategiar knytt til arealbruk og transport. Ikkje uventa synes planen 

einsidig å ta utgangspunkt i bynære forhold. Me meiner at strategiane i lita grad tek 

høgde for at det er store skilnader mellom ulike kommunar i Hordaland med omsyn til 

senterstruktur, kommunikasjonar og folketettleik. 

Etablering av kommunesenter, kommunedelsenter og lokalsenter kan nok vera ein fornuftig 

planstrategi. Me ser samstundes at det kan vera vanskeleg å få til dersom ikkje 

sektorinteressene på regionalt og statleg nivå tek høgde for dette. 

Det er ønskjeleg at me skal tenkja transportbehov i den fysiske planlegginga, men avstandsmåla 

som vert sett opp som retningsliner for meir effektiv arealbruk ber etter vårt 

syn preg av manglande geografisk differensiering av strategiar for meir effektiv arealbruk. 

Når kommunedekkande tenesteyting skal lokaliserast maks 1 km frå kommunesenter 

så kan det av ulike årsaker vera vanskeleg å få til. Etter vårt syn bør det takast ein 

full gjennomgang av delstrategi A med sikte på å finna fram til retningsliner som er differensiert 

ut frå lokale geografiske og sosiale tilhøve. 

Når det gjeld andre strategiar innanfor området arealbruk og transport har me ikkje særskilde 

merknader, men me vil be om at fylkeskommunen i strategi C har eit særskilt fokus 

på kollektivtilbod til dagpendlarar. 

Strategiar for landbruk, fiskeri og havbruk 

Me har ingen merknader til dei føreslegne tiltaka innan desse områda. 

Klimatilpassing 

Det er lagt fram 5 ulike strategiar for klimatilpassing, det er i første rekkje strategi B 

som må følgjast opp av kommunane gjennom klimatilpassing i kommuneplanlegginga. 

Det er føreslege ei retningsline om at det ikkje skal byggjast lågare enn to meter over 




73

havet med unnatak for særskilde bygg. Under føresetnad av at særskilde bygg vert 

haldne utanfor retningslina bør det vera eit mål kommunen kan slutta seg til. Kommunen 

er elles positiv til det fokuset som er på kunnskapsutvikling under strategi A. 

Oppsummert: 

Planen vert opplevd som eit relevant verktøy for vidare kommunal planlegging. Me vil 

rå til at strategi A under mål for arealbruk og transport vert gjennomgått på nytt med eit 

større fokus på ulike føresetnader for ein slik strategi i ulike deler av fylket. 


Ovannemnde uttale vert sendt som kommunen sin uttale til utkast til klimaplan for Hordaland. 






74

MØTEBOK 




Arkivsak : 

Arkivkode: 

10/111 

312 

Sakshandsamar: Helga Irene Aslaksen 

- 

Handsamingar: 


HUSBANKUTVALET 08.02.10 PS 4/10 


ENDRING AV KOMMUNALE RETNINGSLINER FOR STARTLÅN OG 

BUSTADTILSKOT 

Vedlegg: 1. Gjeldande retningsliner for startlån og tilskot i Tysnes kommune 


Lokale retningsliner for tildeling av startlån og bustadtilskot til etablering i Tysnes kommune 

var vedtekne i kommunestyret 19.juni 2007. I retningslinene står det oppført økonomiske 

grenser, både kostnadsgrense og inntektsgrenser. Frå 2007 og fram til i dag har det voer ei viss 

utvikling i både kostnader og inntekter, og det er naturleg at desse satsane vert justerte. 

Byggjekostnadsindeksen frå 2006 til 2009 er på 18,1%. Samanhalde med marknadsutviklinga 

og kontakt med byggebransjen, vil eit nytt, nøkternt hus med livsløpsstandard i Tysnes liggja 

på rundt 2.500.000 i byggefelt. Kostandsramma som er sett i gjeldande retningsliner bør difor 

justerast opp, og kanskje mjukast opp noko for gje eit visst rom for skjøn. 

Inntektsauken har ikkje heilt følgt same utviklinga. Inntektsgrensene i retningslinene er difor 

skjønsmessig sett opp med ca. 10%, runda opp til næraste heile 5000. 

I tillegg er det i framlegg til endringar teke inn informasjon om tilskot til tilpassing. Dette på 

bakgrunn av tilbakemeldinga frå Husbanken då retningslinene var vedtekne. Det er også gjort 

ei endring i Husbanken sine eigne retningsliner, der nedskrivingstida på bustadtilskot er auka 

frå 10 til 20 år. 


LOKALE RETNINGSLINER FOR TILDELING AV STARTLÅN OG 

BUSTADTISLKOT TIL ETABLERING I TYSNES KOMMUNE. 




75

1. Føremål 

Startlån og bustadtilskot skal medverka til at husstandar med bustadetableringsproblem skal 

kunna etablera seg og bli buande i nøkterne og gode bustader. 

Husstandar med etableringsproblem er husstandar som har trong for heil eller delvis finansiering 

frå kommunen. Finansieringa skal gje husstanden stabile butilhøve. 

2. Kven kan få lån? 

Med finansieringstilbod frå kommunen ønskjer ein å bidra til at alle som skal etablera seg i 

eigen bustad, funkjsonshemma og andre sosialt og økonomisk vanskelegstilte skal kunna 

skaffa seg eigen, nøktern bustad. Ordningane er behovsprøvde, og startlån frå kommunen føreset 

at husstanden har økonomi til å svara for lånet samstundes som dei har inntekter under dei 

rettleiande grensene i tabellen under. 

3. Bustadfinansiering omfattar 

Tilskot til tilpassing er ei økonomisk behovsprøvd ordning til personar som treng tilpassing av 

bustaden i samband med funksjonshemming/tap av funksjonsevne. Ordninga skal medverka til 

at personar som har behov for spesialtilpassing skal kunne bli buande i bustaden sin. Tilskotet 

blir nedskrive over 20 år med 5% kvart år. Dersom bustaden blir selt, eller ikkje skal nyttast av 

søkjar før 20-årsfristen, skal tilskotet betalast attende høvesvis. 

Tilskot til etablering er ei økonomisk behovsprøvd ordning til økonomisk/sosialt vanskelegstilte 

personar. Tilskotet blir nedskrive over 20 år med 5% kvart år. Dersom bustaden blir 

selt, eller ikkje skal nyttast av søkjar før 20-årsfristen, skal tilskotet betalast attende høvesvis. 

Tilskotet kan vera eit supplement til 

Startlån, som vert gjeve til å skaffa seg eigen bustad. Ein føresetnad for å få startlån, er at ein 

ikkje får (tilstrekkeleg) lån i bank. 

Startlån kan som hovedregel ikkje ytast til bustader som har ein kjøpesum/kostnad på meir enn kr. 

2.500.000. Kjøpesum bør ikkje overstiga takst/marknadsvedi. Ut frå husstanden sin inntektssituasjon 

kan ein få tilbod om 100%, 40% og 20% finansiering som Startlån. Resterande lånebeløp må søkjar ta 

opp i valfri bank. Det vert føresett at egenkapital over kr. 30.000,- vert nytta til kjøp av bustad. 

Bustaden som skal finansierast må liggja i Tysnes kommune og vera nøktern i høve til 

husstandsstorleik og inntekt. Søkjar må sjølv bu i bustaden som må vera godkjend som heilårsbustad 

der husstanden skal stå folkeregistrert. Dersom bustaden alt er kjøpt, må det søkjast om finansiering 

innan 3 månader etter at kjøpet fann stad. 

Startlånet kan nedbetalast over inntil 25 år, i særlege høve 30 år. Renta følgjer Husbanken sin 

rentefot til ei kvar tid utan tillegg. 

Det kan veljast serielån eller annuitetslån. 

Husstandsstorleik 

Inntektsgrense 

TILSKOT 


startlån, 100% 

Inntekstgrense 

startlån 40% 


startlån 40% 

Universell utforming 

Inntekstgrense 

startlån 20% 

1 vaksen 

utan barn kr. 250.000,- kr 305.000,- kr. 360.000,- Ingen grense Ingen grense 

1 vaksen m. 

1 barn kr. 295.000,- kr. 340.000,- kr.390.000,- Ingen grense Ingen grense 

1 vaksen m 

2/fl. barn kr. 335.000,- kr. 365.000,- kr. 405.000,- Ingen grense Ingen grense 




76

2 vaksne 

utan barn kr. 295.000,- kr 385.000,- kr. 450.000,- Ingen grense Ingen grense 

2 vaksne m. 

1 barn kr. 335.000,- kr. 405.000,- kr. 475.000,- Ingen grense Ingen grense 

2 vaksne m. 

2/fl. barn kr. 375.000,- kr. 430.000,- kr. 495.000,- Ingen grense Ingen grense 

4. Korleis få bustadfinansiering? 

Søknad må fremjast på eige skjema til helse- og sosialkontoret i Tysnes kommune. Alle 

husstandsmedlemer må framkoma i søknaden. Alle inntekter/faste utgifter og formuestilhøve 

må gjevast opp og dokumenterast, samt andre opplysningar som opplyser om den økonomiske 

og sosiale situasjonen, t.d. framtidige endringar i situasjonen. Er søknaden mangelfull, må det 

innhentast fleire opplysningar før saka kan handsamast. Vedtak vert fatta i h.t. gjeldande 

reglar. 

5. Sakshandsamingstid 

Når søknad om finansiering er motteke og inneheld alle naudsynte opplysningar, vil svar 

liggja føre i løpet av 3 veker. 

FRAMLEGG TIL VEDTAK FRÅ HUSBANKUTVALET 08.02.10: 


FRAMLEGG TIL VEDTAK FRÅ FORMANNSKAPET 16.03.10: 

I samsvar med framlegget frå husbankutvalet. 




77

MØTEBOK 




Arkivsak : 

Arkivkode: 

10/139 

421 

Sakshandsamar: Einar Aslaksen 

- 

Handsamingar: 


OPPVEKST/OMSORG 16.03.10 PS 7/10 


HØYRING - PLAN FOR SOMATISKE SPESIALISTHELSETENESTER I HELSE 

FONNA HF 2010 - 2020 

Vedlegg: 1. Planen. 

2. Uttale frå dei tilsette og dei tillitsvalde ved Stord sjukehus 

3. Uttale frå allmennlegeutvalet i Tysnes av 04.03.10. 


Høyringsfrist er 24.03.10. 

Kva konsekvensar har planen for Stord sjukehus (vårt lokalsjukehus) med 700 tilsette: 

+ faktorar: 

Dette skal styrkast: 

• Hjartesjukdomar 

• Fordøyelsessjukedomar 

• Lungesjukdomar 

• Spesialisert rehabilitering 

• I tillegg vert det gjort framlegg om at ambulante polikliniske tenester innan nevrologi, 

endokrinologi, karkirurgi og urologi skal styrkast 

Dette kan forsvinne: 

- faktorar: 

• Gastrokirurgi (mage/tarm) vert omstilt. Alle akutte mageoperasjonar skal skje i Haugesund. 

Det kan t.d. vera akutt mage (t.d. blindtarm) og ulukker med skader i mageregionen. 

Stord Sjukehus har eit dekningsområde med : Stord 17.289, Fitjar 2.908, Tysnes 2.792, 

Kvinnherad 13.112 og Bømlo 11.085, totalt 47.186 innbyggjarar. 

KONSEKVENSAR 




78

Sjukehuslegane ved Stord sjukehus meiner akuttilbodet kan rakne og slår alarm om dette vert 

vedteke. Det er ein fare for at dette kan gje ein dominoeffekt som kan ramme akuttfunksjonar 

og fødetilbod. Utan gastrokirurgi eller generell kirurg i vakt kan korkje blindtarmoperasjonar 

eller stabilisering etter trafikkulukker og fallulukker skje på Stord. 

For at Stord sjukehus skal kunne oppretthalde det akutte tilbodet dei gjev i dag til innbyggjarane 

i nedslagsfeltet, må sjukehuset ha døgnvakt med røntgenlegar og spesialistar i mage/tarmkirurgi. 

Sjukehuslegane kan ikkje akseptere at t.d. røntgenlegar vert flytta til Haugesund. 

Samling av gastrokirurgi i Haugesund kan medføre rekrutteringsvanskar for spesialistar til 

Stord sjukehus og ikkje bidra til å skaffe eit stort nok fagleg miljø. 

23 tilsette ved Stord sjukehus har skrive varselbrev til Hese-Fonna-styret der dei ytra mistillit 

til leiinga og har kome med krav om oppløysing av Helse Fonna. 

Allmennlegeutvalet gjev full støtte til sine kollegaer på Stord. Dei er opptekne av at Stord sjukehus 

skal ha akuttfunksjonar. 

Det saka dreier seg om, er om regionen skal ha eit akuttsjukehus på Stord eller i Haugesund 

som ligg ein times køyretur frå Stord. 

Korleis vert dette då for pasientar frå Tysnes med evt. ambulanse, omlasting på Jektevik og 

transport til Haugesund? Lang reisetid, minimum 11/2 til 2 timar. Det er lang tid ved ein akuttsituasjon 

og kan gå på livet og helsa laus for pasientane. Lunftambulanse og evt. Sea-kingen 

kan trø til i krisetilfelller, men det er ikkje alltid helikopter er operativt i ekstreme versituasjonar. 

Ei anna side er den dårlege kommunikasjonen mellom Helse Fonna HF og dei tilsette ved 

Stord sjukehus og generell for dårleg kommunikasjon med fastlegane i sjukehusområdet. Almennlegeutvalet 

på Stord er urolege over leiinga i Helse Fonna sine evner til å kommunisere 

med dei tilsette. 

Vidare har dei tillitsvalde så å sei fått munnkurv av leiinga ved sjukehuset. Dette harmonerer 

lite med demokratiske prinsipp i vårt samfunn. 

Det er ikkje noko stasjonær leiing/direktør ved Stord sjukehus. Leiinga i Helse Fonna har sagt 

at lokal leiing no skal på plass som ei mellombels ordning fram til september. Det er uklart om 

det skal skje ved intern omplassering eller ved utlysing av stilling. Ordninga skal evaluerast i 

september. Dei tillitsvalde meiner den nye leiaren må få fullt budsjettansvar og vil ha Stord 

sjukehus på eigne bein. 

Frå politisk hald har det kome støtte til arbeidsgruppa på Stord sjukehus som ønskjer å leggja 

ned Helse Fonna. Det vert hevda at Helse Fonna er topptung og lite effektiv. Helse Fonna er 

ikkje god nok og bør løysast opp ved at Stord, Valen og Odda sjukehus går til Helse Bergen 

og Haugesund sjukehus til Helse Stavanger. 

Ut frå dei økonomiske rammer sjukehusvesenet har i Norge vil diskusjonar blusse opp elles i 

landet om lokalsjukehusa sitt vere eller ikkje vere. 




79

Det beste forsvaret for lokalsjukehusa kan vera å sikra dei ein varig posisjon innanfor dei 

rammene helsestyresmaktene prioriterer. Det kan vera i regi av samhandlingsreforma, som ein 

mellomposisjon mellom meir spesialiserte sjukehus og sjukeheim, som spesialitetar innanfor 

ei medisinsk nisje. 

Det vert og frå politisk hald hevda at sjukehusreforma frå 2002 har øydelagt helsevesenet. Alt 

handlar om pengar, og vert pasienten sett i fokus då? Tenkjer helsevesenet på pasienten sitt 

beste eller kva som er mest lønsam behandling? Utviklinga er sentralisering og at lokalsjukehusa 

vert reine indremedisinske sjukehus utan kirurgiske avdelingar. Er det rett at kirurgar skal 

ta beslutningar som dei er fagleg usamde i p.g.a. kravet til kva som løner seg av behandlingar 

på sjukehuset? Me har fått eit direktørvelde i foretaksreforma der menigmannn ikkje kjenner 

seg att samanlikna med politiske styringssytem. 

Frå politisk hald vert det teke til orde for å byte ut bedriftsmodellen/foretaksmodellen og få 

den bedriftsøkonomiske tenkninga ut av helsevesenet. Det går an. Både Skottland og New 

Zealand har gått frå foretaksmodell tilbake til demokratisk styrt helsevesen. 

Med foretaksmodellen må me rekne med at pengekjøret og marknadstenkninga vil halda fram. 

Spørsmålet er om Helse Fonna HF er ein stor nok organisatorisk eining til å ivareta pasientane 

sine behov, rekruttere og halda på fagfolk og sikre langsiktig drift. 


Tysnes kommune ser med uro på at Helse Fonna HF har gjort framlegg om å flytta akutt 

gastrokirurgi frå Stord sjukehus til Haugesund sjukehus. Kommunen er redd for at dette er 

byrjinga på å byggja ned akuttfunksjonar ved Stord sjukehus. 

Tysnes kommune er ein utkant i høve til Stord sjukehus og sjuketransport med ein ekstra times 

lengde til Haugesund kan få katastrofale følgje ved ein krisesituasjon. Det er ikkje alltid at 

Norsk Luftambulanse eller Sea-kingen er tilgjengeleg i ekstreme versituasjonar. 

Dersom akuttfunksjonar ved Stord sjukehus vert bygd ned slik planen legg opp til, meiner 

Tysnes kommune at Helse Fonna HF bør oppløysast, Stord, Valen og Odda sjukehus overførast 

til Helse Bergen og Haugesund sjukehus til Helse Stavanger. 

FRAMLEGG TIL VEDTAK FRÅ OPPVEKST/OMSORG 16.03.10: 





lengde til Haugesund kan få katastrofale følgje ved ein krisesituasjon. Det er ikkje alltid at 

Norsk Luftambulanse eller Sea-kingen er tilgjengeleg i ekstreme versituasjonar. 

Dersom akuttfunksjonar ved Stord sjukehus vert bygd ned slik planen legg opp til, meiner 

Tysnes kommune at Helse Fonna HF bør oppløysast, Stord, Valen og Odda sjukehus 

overførast til Helse Bergen og Haugesund sjukehus til Helse Stavanger. 




80


Lorentz Lunde sette fram følgjande framlegg til omformulering av 2. avsnitt i rådmannen si 

innstilling: 

" Ambulanseberedskap kan ikkje baserast på helikoptertransport. Ein må basera beredskapen 

på bil og båt transport. Luftambulanse og redningshelikopter er relativt ofte opptekne 

eller kan ikkje koma grunna vêrtilhøve eller det er lang utrykningstid. Lufttransport 

er likevel ei viktig tilleggsteneste." 

Aud Kaldefoss sette fram følgjande framlegg til omformulering av 3. avsnitt i rådmannen si 

innstilling: 

" Dersom akuttfunksjonar ved Stord sjukehus vert bygd ned slik planen legg opp til, bør 

Tysnes kommune vurdera om Helse Fonna HF bør oppløysast, Stord, Valen og Odda 

sjukehus overførast til Helse Bergen og Haugesund sjukehus til Helse Stavanger." 

Etter dette ligg det føre slikt samrøystes vedtak frå formannskapet: 






lengde til Haugesund kan få katastrofale følgje ved ein krisesituasjon. Ambulanseberedskap 

kan ikkje baserast på helikoptertransport. Ein må basera beredskapen på bil og båt transport. 

Luftambulanse og redningshelikopter er relativt ofte opptekne eller kan ikkje koma grunna 

vêrtilhøve eller det er lang utrykningstid. Lufttransport er likevel ei viktig tilleggsteneste. 

Dersom akuttfunksjonar ved Stord sjukehus vert bygd ned slik planen legg opp til, bør Tysnes 

kommune vurdera om Helse Fonna HF bør oppløysast, Stord, Valen og Odda sjukehus overførast 

til Helse Bergen og Haugesund sjukehus til Helse Stavanger. 




81

MØTEBOK 




Arkivsak : 

Arkivkode: 

09/791 

014 


- 

Handsamingar: 



MEDLEMSKAP I TRYGG TRAFIKK 


Ordføraren tok opp spørsmål om det er ønskjeleg at Tysnes kommune står som medlem i 

Trygg trafikk, kontingent er kr 2.500,- per år. Kommunen er p.t. medlem, så det er spørsmål 

om fornying av medlemsskap. 


Tysnes kommune ønskjer å stå som medlem i Trygg trafikk og betalar kr 2.500,- i 

årskontigent. 




82

MØTEBOK 




Arkivsak : 

Arkivkode: 

10/208 

105 


- 

Handsamingar: 



SØKNAD OM TILSKOT TIL MARKNADSFØRING AV TOMTER M.V. PÅ 

KATTALAND 


Formannskapet var positive til at bygdelaget ønskjer å delta i marknadsføring av tomter i feltet 

på Kattaland. 

Ordføraren gjorde slikt framlegg til vedtak: 

" Tysnes kommune er positive til at Lunde bygdelag ønskjer å delta i marknadsføring av 

tomter i nytt byggjefelt på Kattaland og løyver kr 10.000,- til arbeidet. Utloga på post 

1.1100.1001.4700. 

Det vert understreka at løyvinga gjeld marknadsføring og ikkje særskilt utarbeiding og 

drift av heimesida." 

Tore Atle Humlevik gjorde slikt framlegg til vedtak: 

" Tysnes kommune er positive til at Lunde bygdelag ønskjer å delta i marknadsføring av 

tomter i nytt byggjefelt på Kattaland og løyver kr 15.000,- til arbeidet. Utloga på post 

1.1100.1001.4700. 

Det vert understreka at løyvinga gjeld marknadsføring og ikkje særskilt utarbeiding og 

drift av heimesida." 

Ved avrøysting fall framlegget frå Tore Atle Humlevik med 3 ( T.A.H, L.L., A.K) mot 4 

røyster (H.H., I.S.T, T.H, M.I.F). Etter dette ligg det føre slikt vedtak: 

VEDTAK I FORMANNSKAPET 16.03.10 MOT 3 RØYSTER (T.A.H., L.L. OG A.K.): 




83

Tysnes kommune er positive til at Lunde bygdelag ønskjer å delta i marknadsføring av tomter 

i nytt byggjefelt på Kattaland og løyver kr 10.000,- til arbeidet. Utloga på post 

1.1100.1001.4700. 

Det vert understreka at løyvinga gjeld marknadsføring og ikkje særskilt utarbeiding og drift av 

heimesida. 




84

MØTEBOK 




Arkivsak : 

Arkivkode: 

10/293 

521 


- 

Handsamingar: 



FLYTENAUST - GJESTEHAMNA I VÅGE 

Vedlegg: 1. Kartskisse 


Våge Båthamn ynskjer å vidareutvikla gjestehamna i Våge fram mot sesongen 2010. I den samanheng 

vert det søkt om mellombels utlegging av 2 flytebryggjer á 12 x 3 meter og plassering 

av eit flytenaust slik det framgår av vedlagde kartskisse. Plassering av flytenaustet vert 

sett på som ein del av utvida aktivitet, der ein legg opp til enkel servering, base for 

Tysnesvertar og evt. turistinformasjon. I tillegg er det ynskje om å setja opp felles anlegg for 

grilling på land med eit takoverbygg på om lag 5 x 2 meter. 









Arealdelen til kommuneplanen syner at omsøkt tiltak ligg i område som for landdelen er avsett 

til kai/trafikkområde og for sjø avsett til småbåthamn. I desse områda er det krav om utarbeiding 

av reguleringsplan før det vert sett i verk tiltak etter §§ 81, 82, 84, 86a, 86b og 93 i plan- 

og bygningslova. 

Etter § 85 i pbl. som gjeld mellombels anlegg, skal slike tiltak meldast til kommunen og må 

ikkje plasserast for eit lengre tidsrom enn 4 månader utan at kommunen på førehand har gjeve 

samtykke. Dersom plassering er i strid med gjeldande plan, må saka handsamast som søknad 

uavhengig av omfanget eller om det er eit mellombels tiltak, dvs. melding er ikkje tilstrekke- 




85

leg. Med den omsøkte utvidinga vil delar av anlegget bli liggande utanfor området som er avsett 

til småbåthamn i kommuneplanen. 

Med bakgrunn i ovannemnde vil iverksetjing av omsøkt tiltak krevja at det ligg føre ein endeleg 

og formell dispensasjon etter § 19 i pbl. Dette inneber óg handsaming/høyring hos fylkesmannen 

og fylkesrådmannen, jfr. handsamingsrutinar for dispensasjonssøknader. 

Dispensasjon kan berre gjevast dersom omsyna bak føresegnene det dispenserast i frå, eller 

omsyna i føremål bak lova, ikkje vert vesentleg sett til side. I tillegg må fordelane ved å gje 


Utifrå ei planfagleg vurdering kan ein heller ikkje sjå at omsøkt tiltak vil koma i konflikt med 

eller i vesentleg grad vil vanskeleg gjera ei framtidig detaljregulering i området. Det vert i 

denne samanheng lagt vekt på at omsøkt tiltak i stor grad er i samsvar med gjeldande kommuneplan 

og at tiltaket gjeld utviding av eksisterande gjestehamn i sommarhalvåret. Dersom det 

på eit seinare tidspunkt skulle visa seg at tiltaket vanskeleg gjer detaljreguleringa vert det lagt 

vekt på at flytenaust og – brygger lett let seg flytta. 

Formannskapet vil i denne omgang ikkje gje dispensasjon for grillanlegg på land med takoverbygg 

på om lag 2 x 5 meter. Eit slikt landanlegg vil fort verta meir ”stasjonert” og kan koma 

til å gjera planlegginga vanskelegare. 


Formannskapet kan med tilvising til ovanståande premissar ikkje sjå at det omsøkte tiltaket 

om mellombels utlegging av flytebrygger og plassering av eit flytenaust slik det går fram av 

vedlagde kartskisse, vil medføra ulemper for det føreståande detaljreguleringsarbeidet i Våge 

sentrum. 

Formannskapet vil ikkje frita det omsøkte grillanlegget frå mellombels byggjeforbod. 




86

MØTEBOK 




Arkivsak : 

Arkivkode: 

10/41 

500 

Sakshandsamar: Asle Bernt Rekve 

- 

Handsamingar: 



KOMMUNEPLAN FOR TYSNES 2010 - 2022 - PLANPROGRAM 

Vedlegg: 1. Planprogram, sist datert 10. februar 2010 

2. Referat frå møte i planforum 23.februar 2010 


Rullering av kommuneplan og innhald i planprogram har vore drøfta i formannskapet i møte 

19. januar og 2.februar d.å. 

Førebels planprogram vart lagt fram for regionalt planforum den 23.februar. Frå Tysnes kommune 

møtte ordførar, varaordførar, ass. rådmann og plansjef. 

Mykje av det som kom fram var greie attendemeldingar som kan arbeidast inn i planprogrammet 

utan at det vil endra så mykje på dei mål kommunen har sett med rullering av kommuneplanen.. 

Det som ikkje var så greitt var at dersom me først går inn i samfunnsdelen, må ein gjera det 

fullt ut. Det vil sei me må ha ein fullstendig gjennomgang av status av alle kommunale sektorar 

og fagområde, vidare kva utvikling kommunen har hatt og korleis kommunen ynskjer utviklinga 

framover, og kva verkemidlar som skal til for å oppnå denne utviklinga. 

Ein slik gjennomgang av samfunnsdelen vil verta omfattande, ressurskrevjande, og vil ta mykje 

lenger tid enn det kommunen har lagt opp til i planprogrammet, det vil sei godkjent samfunnsdel 

i september 2010. 

Ut frå dette siste meiner plansjefen at kommunen bør vurdera å gå rett på arealdelen som formell 

kommuneplanrullering, og heller ta mål, skulestruktur og økonomi som ein temaplan 

lausreven frå plan- og bygningslova. Temaplanen kan likevel fylgja den gode planprosessen 

internt i kommunen i bygdemøte etc., og med ei brei deltaking. Men ikkje som ein del av den 

lovbunde kommuneplanrulleringa. 




87

Ordførar, varaordførar, rådmann, ass. rådmann og plansjef gjekk i møte den 15.03.10 gjennom 

planprogrammet og drøfta det i forhold til referat frå møte i regionalt planforum. 


Ordføraren la fram dei vurderingar som var gjort i møte den 15.03.10, og saman med drøfting 

i formannskapet var det semje om desse endringar i planprogrammet: 

• Samfunnsdelen vert teken ut av planprogrammet. Vurdering av oppvekstetaten og 

økonomi vert likevel tema i første del av planfasen, men då som temaplan. 

• Kystsona og energiproduksjon vert ikkje eigne satsingsområde, men innspel i prosessen 

vert vurdert teke med. 

• Planarbeidet vert organisert med berre ei arbeidsgruppe. Medlemmer vert Helge 

Hauge, Magne Fauskanger, Lorentz Lunde, Tore Atle Humlevik, Torstein Hatlevik, 

Steinar Frugård og rådmannen. Kommunestyre får fortløpande tilbakemelding. 

• Kulturminneplan: Ordføraren har eit møte med fylkeskommunen, kultur, for å avklara 

kva me kan oppnå med ein kulturminneplan. Vert resultatet at kulturminna vert prioritert 

i for eksempel viktige og mindre viktige, vil kommunen vurdera å setja i gang arbeidet 

med kulturminneplanen. 

• Arbeid med klimaplan vert starta opp, og vil gå parallelt med, og sett i forhold til arbeidet 

med kommuneplan. 

• Rådmannen tek kontakt med fylkesmannen, landbruk, i forhold til arbeidet med kjernekartlegging 

av landbruksareala i kommunen. 


Med heimel i plan- og bygningslova §§ 11-12 og 11-13, startar arbeidet med arealdelen i 

kommuneplanen opp. Planprogrammet vert sendt på høyring og lagt ut til offentleg ettersyn. 

Planprogrammet vert retta opp i samsvar med dei føringar som kom fram under handsaming i 

formannskapsmøte den 16.mars d.å. 




88

MØTEINNKALLING - Tysnes kommune

Create successful ePaper yourself

Delete template?

Save as template?