Tangenten 3/2002 - Caspar Forlag AS
Tangenten 3/2002 - Caspar Forlag AS
Tangenten 3/2002 - Caspar Forlag AS
Create successful ePaper yourself
Turn your PDF publications into a flip-book with our unique Google optimized e-Paper software.
vene vi har laga inneheld eit punkt der dei skal<br />
skriva ei slik forklaring.<br />
Ta ut blyantane i pennalet og finn ut kor<br />
lange dei er til saman. Svar: 54 cm.<br />
Forklar korleis du fann ut dette. Svar: Eg sa<br />
til mamma at ho skulle hugsa 14 og ein halv,<br />
og så sa eg til pappa at han skulle hugsa 15 og<br />
ein halv, så hugsa eg to tolver og så rekna eg<br />
ut.<br />
Her er ei anna oppgåve med forklaring til:<br />
Teikn ein firkant der langsidene er 7 cm lange<br />
og kortsidene er 5 cm lange. Korleis kan du<br />
finne ut kor langt det er rundt heile firkanten?<br />
Svar: Det blei 24 cm langt. Eg fann det ut<br />
med hjernen, med å tenke med den. Eg tok 7 +<br />
7 =14 + 5 +5 = 10 at til saman 10 + 10 + 4 =<br />
24.<br />
Kva erfaringar har vi så gjort dette året?<br />
I staden for læreboka har vi nytta læreplanen<br />
som utgangspunkt og så laga det meste av oppgåvene<br />
sjølve. Dette har gjeve oss eit tettare<br />
forhold til faget. Det har og gjort det lettare å<br />
knyta matematikken til andre fag. Vi har fått<br />
betre forståing av korleis elevane tenkjer når<br />
dei arbeider med tal.<br />
Gjennom samtalane mellom elevane og forklaringane<br />
deira har både vi og elevane fått sjå<br />
at det kan vere fleire vegar til målet. Eit problem<br />
kan løysast på mange måtar, og ein måte<br />
kan vere like bra som ein annan. Dette har<br />
gjort elevane litt modigare til å prøva seg på<br />
til dels avanserte oppgåver. Vi har prøvd å formulere<br />
oppgåver der dei er nøydde til å snakka<br />
saman for å koma fram til ei løysing. Dette<br />
er i mange tilfelle ikkje lett. Mange elevar har<br />
vanskar med å diskutere med medelevar på ein<br />
slik måte at dei kjem til nye løysingar. Det er<br />
mykje lettare å spørja læraren om hjelp enn<br />
medelevar. Samstundes har vi stadig sett god<br />
læringseffekt når elevane får til å samarbeida<br />
om eit problem, eller når ein elev forklarar ein<br />
annan noko. Bruk av språket på ein slik måte<br />
at det vert eit mest mogeleg likeverdig og triveleg<br />
samarbeid i klassen har difor etterkvart<br />
blitt eit av hovudmåla våre. Dette har også<br />
gjort at det har vorte tett samanheng mellom<br />
arbeidet med matematikken og arbeidet med<br />
sosial kompetanse og klassemiljø.<br />
Vekslinga mellom praktiske og meir teoretiske<br />
aktivitetar, og integreringa av matematikken<br />
i det tverrfaglege arbeidet har nok gjort<br />
at elevane våre ikkje har hatt ei så klar oppfatning<br />
av matematikk som eit eige skulefag.<br />
Dette gjer at elevane nok heller ikkje har<br />
så klare positive eller negative haldningar til<br />
faget. I og med at elevane ikkje arbeider med<br />
det same samtidig, kjem det heller ikkje så<br />
tydeleg fram kven som er flinke og svake.<br />
I samband med at vi har hatt lærarstudentar<br />
i praksis i klassen, har vi blitt utfordra til å<br />
gje ei teoretisk grunngjeving for den undervisninga<br />
vi driv. Kvar i ’teori-landskapet’ høyrer<br />
vi heime? Det vi då har svara er at vi aldri har<br />
erklært oss som tilhengjarar av nokon bestemt<br />
pedagog eller pedagogisk retning. Ein kan vel<br />
seia at vi arbeidar i ein lang og mangfaldig tradisjon,<br />
der målet er å ta utgangspunkt i barnet,<br />
få til ei undervisning med god og meiningsfull<br />
samanheng og der elevane ved eigen aktivitet<br />
prøver og feilar seg fram mot ny kunnskap.<br />
tangenten 3/<strong>2002</strong> 17