Det undrande språket: arbeidsoppgåver og bakgrunnsstoff

Oppgåve 3
Bli formgjevar
Mange har eit negativt syn på nynorsken. For å gjere noko positivt knytt til marknadsføring av
nynorsken, vil vi at du skal lage eit nynorsk firmanamn eller eit nynorsk merke. Merket skal ta
utgangspunkt i eit nynorsk ord, og dette ordet skal selje ein kleskolleksjon.
Når du har funne fram til merkenamnet skal du:
Formgje, det vil seie teikne, ei t-skjorte med dette merket. Teikninga bør vere på eit A3-ark, og
det er fint om du brukar fargar. Om du har tid og lyst, kan du også teikne sko, solbriller, veske e.l.
med det same merket.
Lurt å tenkje på:
• Kva slags ord som kan passe. Bør det vere kort eller langt? Bør det vere eit ord som betyr
noko spesielt? Korleis bør det klinge?
• Kven som er målgruppa for t-skjorta. Er det ungdom, barn, vaksne eller alle?
• Korleis merket bør sjå ut for å selje bra. Kva likar den målgruppa du har vald?
• Kva for fargar og materialar bør t-skjorta lagast i?
• Teikninga sendast inn til oss, og det er fint om arket ikkje bli bretta. Skriv fullt namn,
skule, klasse og adresse på baksida.
• På baksida (eller på eit eige ark som du legg ved) må du forklare korleis du har tenkt når
dei har laga merket.
Festspel-t-skjorte 2008