Rettsbok for Nord- og Midhordland jordskifterett - Domstolene

4. ”Frøskjæret”.
Dette er ein holme som ligg utanfor teig til bnr. 1. Holmen er innteikna på kartet for
utskiftinga i 1924 men var ikkje med i utskiftinga. På kartet er holmen merkt med a-f ): at
den ligg i sameige mellom bnr. 1-6. Holmen har berre atkomst over sjø. Den har liten verdi
og bør naturleg leggjast til bnr. 1.
5. Sjøbu i sundet sør for Staven.
Dette er ei sjøbu som opphavleg var eigd av bnr. 3 og bnr. 4. Bua er sett i stand av
Kystmuséet og kan nyttast til lagring av utstyr. Den kan ikkje nyttast som naust. Det er nå
ønskje om at eigedomstilhøva kring bua og grunnen vert utgreidd og fastsett.
Retten og partane tok synfaring. Under synfaringa møtte og eigaren av bnr. 5 og 15, Magnus
Breivik.
Retten fekk påvist notbua på Gamlekaien. Her vart det fortalt at noko av det opphavlege
arealet er avstått til kaien som kommunen nå eig. Grensemerke kunne ikkje påvisast, men
partane viste kvar dei meinte grensa går.
Vidare vart området Staven påvist. Grensene for området der er innmålt. Delvis er gamle
grensemerke påvist og delvis er de rekonstruert. Dei møtande godtok utan vidare dei
grensene som er avlagt på kartet.
Det var semje mellom dei møtande om at grunnen i Staven ligg i sameige. Men Magnus
Breivik, som møtte under synfaringa, kravde at hans bruk skulle ha einerett til dei tre
tomtene som bruket har hatt til nå.
Vidare vart påvist sjøhustomt for bnr. 1, fastsett ved jordskiftesak i 1975. Denne tomta er,
etter jordskiftet, eigande tomt for bnr. 1. to av dei fire grensemerka vart påviste.
3 av dei 4 nausta i området er i sambruk mellom to og to bruk. Dette gjer bruk og
vedlikehald vanskeleg.
Utanom partane sine naust er det også eit naust som eigaren av bnr. 7 1 har bygd på gamal
tuft etter munnleg løyve frå vedk. eigar. Det skulle visstnok ha vore avtalt årleg betaling for
denne bruken. Partane var nå usikre på kva som skal (kan) gjerast med dette.
Heilt sør i området er det ei lita sjøbu som er restaurert av Alf Breivik. Han har fått munnleg
løfte om å få denne bua av eigaren av bnr. 2. Bua kan ikkje nyttast som naust.
Kystverket sine anlegg (moloen) og klausulerte områder vart påvist. Desse områda legg
beslag på store deler av Staven. Så langt retten kan sjå nå vil det ikkje vera aktuelt med
oppdeling av området slik kravet går ut på. Det vil vidare også vera svært vanskeleg å få i
stand ei ordning der alle partane får nokolunde brukande resultat av saka.
1 Retta i medhald av tvistemålslova § 156
6