Rettsbok for Nord- og Midhordland jordskifterett - Domstolene

Til stades:
Hans-Arne Breivik og Kåre Konrad Breivik. For Britt Helen Breivik Myren møtte Oddvar
Myren. For Magnus Otto Breivik møtte Reidar Didriksen. For Klara Breivik møtte Trygve
Breivik.
Magnus Breivik har fått innkalling men møtte ikkje.
Saman med innkallinga er partane gjorde kjende med hovudreglane i domstollova §§ 106 –
108 vedk. habilitet.. Det kom ingen merknader til jordskiftedommaren.
Framlagt i retten vart:
1. Krav om jordskifte, dat. 02.12.2001, underskrive av Hans-Arne Breivik, Kåre Breivik,
Magnus Breivik, Magnus Otto Breivik, Britt B. Myren og Klara Breivik.
2. Møtereferat frå møte 02.12.2001 vedk. oppløysing av sameiga.
3. Kopi av utskifting, dat. 25.11.1902, vedk. garden Harkestad.
4. Kopi vedk. overutskifting, dat. 17.09.1907, på Breivik innmark
5. Kopi vedk. utskifting, dat. 29.10.1902, på Breivik innmark.
6. Kopi av utskiftingskart vedk. Breivik innmark.
7. Kopi av del av utskiftingskart for Breivik utmark.
8. Forkynning av krav, dat. 10.01.2002, vedhefta kvittering for rek. brev.
9. Brev m/vedlegg, dat. 04.02.2002, frå Hans-Arne Breivik.
1. Kopi vedk. grensegang, dat. 16.04.1975, for naustteig til gnr. 45, bnr. 1
2. Kopi av ”Grunneiererklæring”, dat. 07.06.1975, underskriven av Nils J. Breivik.
3. Kopi av ”Grunneiererklæring” m/grenseskildring, dat. 07.06.1975, underskriven
av Nils J. Breivik.
4. Kopi av ”Grunneiererklæring”, dat. 07.06.1975, underskriven av Alf Breivik og
Sigrid Breivik.
5. Erklæring vedk. gjerde i samband med hamneutbygging, tgl. 1975.
10. Brev m/vedlegg, dat. 06.02.2002, frå Kystverket, 2. distrikt.
1. Kopi av 3 grunneigarerklæringar, dat. 07.06.1975.
2. Kopi av kart (2 ark), dat. 02.03.1975 vedk. hamneutbygginga.
11. Forkynning av krav, dat. 22.02.2002, for Elna Breivik og Arvid Breivik.
12. Innkalling til saksførebuande rettsmøte, dat. 03.09.2002.
13. Fullmakt, dat. 15.10.2002, frå Magnus Otto Breivik til Reidar Didriksen.
14. Fullmakt, dat. 22.10.2002, frå Klara Breivik til Trygve Breivik.
Innkalling vart opplesen. Den er sendt i vanleg brev. Ingen hadde merknad.
Saka vart drøfta.
Denne saka gjeld oppløysing av 5 areal som ligg i sameige. Areala vart påviste på
utskiftingskarta. Det største og viktigaste av desse er det sams sjøhusområdet, ”Staven”. Dei
andre områda er mindre og ligg og meir ulagleg til. Dei bygningane som står på områda er
for fleire sin del til nedfalls. Det er nå ønskje om å dela opp sameigene for lettare å kunna
restaurera og vedlikehalda dei gamle bygningane.
Partane ønskte at området ”Staven” vert delt mellom dei slik at kvar kunne få naustplass
der. Ein del av området er i dag planert og nytta til fritids- og rekreasjonsområde. Dette
burde halda fram, meinte dei. Noko av det opparbeidde området ligg dessutan utanfor
2