Rettsbok for Nord- og Midhordland jordskifterett - Domstolene

deling av området mellom dei noverande eigarane, har partane kome fram til ei semje om
deling, jf dok nr 38. Denne delingsplanen vart avmerka av jordskifteretten den 24.11.2008.
Grensene i området er skildra i grenseskildringa under og avlagt på jordskiftekartet.
Fellesområde i Staven
Ein del av fellesområdet ved Staven skal framleis ligge att som sameigeareal og nyttast av
sameigarane til ulike føremål. Dette gjeld moloområdet, veg ned til molo, felles
parkeringsplass og sjøområdet ut frå skiftefeltet. Grensa mellom felles sjøareal og dei
områda som er skift til full eigedom føl strandlinja ved middels fjære sjø.
Andelane i fellesområdet på land og i sjøen ved Staven er slik:
Gbnr 45/2 eig 1/6
Gbnr 45/3 eig 1/6
Gbnr 45/4 eig 1/6
Gbnr 45/5 eig 1/6
Gbnr 45/6 eig 1/6
Gbnr 45/78 eig 1/6
Vegrettar og rett til båtopptrekk.
Eigar av gbnr 45/2, 45/4 og 45/5 har rett til gangsti over gbnr 45/6 frå fellesområdet ved
grensemerke 16 etter stipla strek på jordskiftekartet. Dei same partane har også rett til å føra
fram maskiner langs denne traseen ved eventuell framtidig opparbeiding av desse tomtene.
Det er eit vilkår for å nytta denne retten at det vert rydda opp slik at området vert tilnærma
likt før denne type transport tok til.
Eigar av bnr 6 har rett til å dra opp båtar over bnr 5 og bnr 4 innerst inne i felles hop som
markert på jordskiftekartet.
1.4 Sjøbu i sundet sør for Staven, ved Garden.
Dette er ei sjøbu som vart kartlagt under innmarksutskiftninga på Breivik slutta i 1906. Bua
er sett i stand av Kystmuséet og kan nyttast til lagring av utstyr. Den kan ikkje nyttast som
naust. Partane er no samde om at området kring denne sjøbua skal delast frå som eige bruk
og at dette skal overskøytast vederlagsfritt til Kystmuseet som ein del av saka. Eigar av bnr
4 skal framleis ha rett til å nytta bua til lagring av utstyr. Eigar av bnr 6 skal ha rett til å sette
opp bolt i fjell i flodmålet til fortøying av td båt, flytebrygge. Slik fortøying må ikkje hindre
tilkomst til bua med båt. Dersom Kystmuseet vil avhende dette bruket i framtida skal det
tilbakeførast vederlagsfritt til omkringliggjande eigedom (bnr 6). Eigar av bnr 4 har rett til å
nytta bua til lagring av utstyr også om bruket vert tilbakeført til omkringliggjande eigedom
(bnr 6). Kommunen har gjeve løyve til deling og parsellen har fått eige bruksnummer, jf dok
nr 47 og 48. Jordskiftekartet saman med grenseskildringa under fungerer som målebrev.
Kart- og delingsforretning samt heimelsovergang er skildra under i kap 2 og 3.
Vegrett fram til sjøbua
Eigar av sjøbua har rett til gangsti over gbnr 45/6 frå kommunal veg og fram til sjøbua etter
anvisning frå eigar av bnr 6. Eigar av sjøbua og eigar av bnr 4 har også rett til å liggja til
med båt ved sjøbua for nødvendig av- og pålessing av varer og personar. Eigar av sjøbua og
eigar av bnr 4 har ikkje rett til å liggja båt i opplag i sjøområdet utanfor denne sjøbua.
17