høyring barnehage- og skulebruksplanen ... - Klepp kommune

HØYRING BARNEHAGE- OG SKULEBRUKSPLANEN.
OPPSUMMERING
• Samarbeidsutvalet v/Borsheim og Øksnevad barnehage
Samarbeidsutvalet er svært positive til planane om nybygg/renovering av Borsheim barnehage.
Det kan nemnast fleire tungtvegande grunner for at Klepp kommune skal gå for akkurat dette
alternativet:
1. Det er kommunen som eig tomta der barnehagen står i dag.
2. Barnehagen har eit spesielt stort, flott uteområde, der dei små kan klatra i tre, utfolda
seg fritt og leika etter melodien av fuglekvitter, heller enn trafikkstøy.
3. Barnehagen ligg i eit sjeldant fint naturområde, og har kort avstand til både Orrevatnet
og sjøen. Det er nærast ubegrensa moglegheiter for å bruke nærmiljøet som ein del av
det pedagogiske arbeidet i barnehagen. Det er her tale om eit unikt stykke Jæren, og
utvalet fabulerte mellom anna om eit utkikkstårn på barnehagetomta, der ungane sjølv
kan utforska hav og land. Tenk læringsverdien av eit så nært høve til naturen, vèret og
årstidene.
4. Borsheim barnehage har store, fine rom med god takhøgde. Derfor må det bli
kostnadsparande å ta vare på det eksisterande bygget. Dette kan takast vare på og
nyttast deler av dagen. Døme på bruk kan vera fysiske aktivitetar og kunstatelièr.
5. Dei fleste andre barnehagar i Klepp ligg i bustadområde, og har i tillegg mindre
uteområde enn Borsheim. Dette vil bli eit unikt tilbod, som utan tvil vil vekkja interesse i
foreldregruppa, ikkje minst dei som pendlar nord over kommunegrensa.
Konklusjon:
Samarbeidsutvalet synes heilt enkelt at det vil vere meiningslaust om ein ikkje nyttar denne fine
tomta til nybygg/renovering av barnehagen. Som det nok tydeleg går fram av denne uttalinga, er
foreldregruppa godt nøgde med kommunen sine planar om utviding/nybygg, og ber om at
kommunen realiserer desse planane. Samstundes går vi for at nybygget i første omgang blir bygt
for 4 avdelingar, med høve til utviding til 6 avdelingar seinare.
• Samarbeidsutvalet v/ Bore barnehage
Samarbeidsutvalet ved Bore barnehage ber om at tiltak som står under Bore barnehage på
innspel til ny barnehagebruksplan blir høgt prioritert fordi det vil letta situasjonen og
belastningen i ein travel kvardag og gjera det lettare og driva med tilpassa opplæring og jobbe
betre etter rammeplanens intensjoner.
• Samarbeidutvalet v/Steingarden barnehage
Samarbeidsutvalet i Steingarden barnehage har ingen innvendingar til Skule- og
barnehagebruksplan 2008 – 2011, men stiller seg spørjande til korleis det kan ha seg at Kleppe
ungdomskule er for liten, allereie etter 3 år?
• Samarbeidsutvalet v/Kleppe skule
-SU vil understreke at behovet for fleire arbeidsrom er stort.
-SU kan ikkje sjå at det blir frigjort mykje areal på dagtid, sjølv om kulturskulen flyttar ut.
-SU trur elevtalet ved Kleppe skule vil halda seg ca likt som i dag.
-Større gymsal/samlingsrom for heile skulen er viktig for skulen.

• Samarbeidsutvalet v/Vasshus skule
Dersom noverande brakkebygg skal rivast, må skulen ha nytt bygg for å dekkja behovet for
forming/sløyd. Elles har SU ingen kommentarar til planen.
• Samarbeidsutvalet v/Tu skule
Barnehagen må vera mest mogleg samla på ein plass og helst i same hus. Det bør byggast
ny Tu skule for alle trinn. Samarbeidsutvalet ynskjer ikkje ei løysing med
ungdomsskuleelevar saman med barnetrinnet. Då ingen frå FAU skule møtte på møtet, ynskjer
samarbeidsutvalet at FAU sine eventuelle andre kommentarer vert lagt ved.
• FAU v/Tu skule og barnehage
FAU ber om å det blir tatt hensyn til desse faktorane:
1. Me ber om at Klepp kommune går i dialog med Time kommune med med spørsmål om ei felles
bygging kan vera ei løysing med tanke på ny ungdomsskule.
2. Me er imot ei justering av krinsgrensene, for eksempel at elevar frå Tu skal gå på
ungdomsskulen på Orre. Me tykkjer me høyrer meir til på Klepp eller evt. Bryne.
3. I utgangspunktet ser me føre oss at blir bygd ein ”rein” 1-7 skule på tomta kommunen har på
Tu, og at skulen slik den står i dag blir gjort om til barnehage.
Sidan det er i Tu-krinsen folketalet vil auka mest, ber me om at det blir tatt ei avgjerd i denne
saka raskt.
• Samarbeidsutvalet v/ Engelsvoll skule og barnehage
Su ved Engelsvoll skule og barnehage meinar at dersom det blir aktuelt å flytta elevar
frå Engelsvoll til ungdomsskulen på Orstad skule, må heile steget få tilbod om dette.
Flyttinga frå Klepp Ungdomsskule må då gjelda for heile ungdomsskuletida.
Su ber vidare om at behovet for grupperom i 67- og 85 bygget ved skulen får høgare prioritet i
skulebruksplanen.
• Samarbeidsutvalet v/ Klepp ungdomsskule
Under kapitlet SKULEKAPASITET er tilhøve og behov ved skulane omtala.
Ovanståande er behov som er påvist frå skulen si side ved fleire høve. Skulen er bygd på ein slik
måte at undervisningsareala er for små, samstundes med at auka tal på tilsette gir behov for
utvida areal for arbeidsplasser for tilsette. Førebels har ein fått i stand avtale om bruk av rom i
Klepp idrettshall, dette som ei førebels løysing.
Framtidig løysing:
Klepp ungdomsskule v/SU meiner at skulen må få tilbygg/påbygg for å dekka dei behova som er
påviste. Når det gjeld prognosar ut over 2012, meiner ein at desse er svært usikre, særleg i lys
av høg utbyggjingstakt i Klepp ungdomsskulekrins.
Skulen vil ikkje ha noko oppfatning om evt. andre løysingsframlegg.
Vedtak: Med alle røyster – framlegget til uttale blir godkjent.
• Samarbeidsutvalet v/ Orstad skule
Samarbeidsutvalet ved Orstad skule har drøfta framlegg til Skulebruksplan og
barnehagebruksplan for 2008 – 2011. Utvalet har registrert at alle tiltak og forbetringar ved
Orstad ikkje er prioriterte av kommunalsjefen, men ” sette på vent ” til tilhøva rundt grendahus
og ombygging av kroppsøvingsbygget er avklara. Utvalet tykkjer ikkje at dette er godt nok.
Skulen har trong for dei skisserte romma for å kunna ha ein tidsmoderne skule etter dei
arbeidsmåtar og læringsmål som L-06 legg opp til.

Samarbeidsutvalet meiner at desse tiltaka ved skulen må inn på langtidsbudsjettet for
kommunen, og oppmodar kommunalsjefen om å ta omsyn til det når han arbeider med
langtidsbudsjett for åra 2009 – 2012.
Grunna tronge romforhold på Orstad vil samarbeidsutvalet sterkt frårå at Engelsvoll-elevar går
på ungdomsskulen på Orstad.
Samarbeidsutvalet vil og på det sterkaste frårå at ATO-avdelinga vert flytta til annan skule i
kommunen.
• Samarbeidsutvalet v/Horpestad skule
Skulebruksplan:
Utbygging: Haugabakka vest. Kva planar har kommunen for å dekka opp den elevtalsauken
Horpestad vil få frå dette feltet? Kvifor er ikkje størrelsen på denne utbygginga nemnd i
skulebruksplanen?
Alternativ for løysing av elevtalsauken på Tu Skule og Klepp Ungdomsskule: Skulen, foreldre og
elevar står samla i denne saken og er sterkt imot forslag D om å dela Horpestad Skulekrins for å
senda nokre Horpestad elevar til Orre Ungdomsskule og andre til KleppUngdomsskule. Dette vil
skapa ein uønska splittelse i elevgruppa på skulen. Me syns at skulekrinsane som gjeld for
barnetrinna skal gjelda for heila grunnskuletida.
Barnehagebruksplan:
4-årskontroll i barnehagane: Kva planar har kommunen for å dekka eventuelle rombehov for
desse kontrollane.
• Elevrådet v/Horpestad skule
Me har lese innlegget i Jærbladet ang. Klepp ungdomsskule, der det vart sagt at ungdomsskulen
vert for liten dei neste åra. Me reagerer på at eit alternativ er å splitta elevane frå Horpestad.
Elevane frå Kleppevarden skal Klepp U. og elevane frå bygda må gå til Orre.
I 6. trinn har elevane eit veldig godt samhald og vil helst ikkje bli splitta. Me er 12 elevar, 6 frå
bygda og 6 frå Varden.
Vårt forslag er:
Sett opp brakker på ungdomsskulen, dette har 6. trinn på Horpestad prøvd før. Dei hadde
klasserom i brakker då dei gjekk i 4. trinn, dette fungerte godt!
Me trur at dette vil vera eit mykje betre alternativ enn å splitta elevar frå same skule, same kva
skule det er!
• Samarbeidsutvalet v/Orre skule
Orre skule er open for å auka inntaket til ungdomstrinnet med elevar frå andre krinsar med frå
5 til 10 elevar årleg på bakgrunn av klassetalet ved eigen skule. Orre skule vil vera positiv til å
utvida u-trinnet med ein parallell. Dette vil auka kapasiteten på årstrinnet med ca.30 elevar og
ungdomstrinnet med ca. 90-100 elevar. Dette vil krevja utbygging av 79 bygget og tilpasningar i
administrasjonsavdelinga. Orre skule ønskjer å vera ein 1 –10 skule og ser stor verdi av å ha eit
eige ungdomstrinn.
• Samarbeidutvalet v/Bore skule
For Bore skule sin del er det i planen teke med tiltak for Sør-i-garden:
Det har i fleire år vore meld behov for betra garderobar. Dette er no teke med i planen. Vi har
og meld behov for fleire grupperom pga. elevar med rullestol og pga behov for rom til personalet.

Dette er i planen tenkt løyst med å plassera ein paviljong førebels til nybygging kan skje.Skulen
vil elles ha kapasitet til å ta mot dei elevane som kjem i perioden.
Vedtak: Samarbeidsutvalet understrekar behovet for fleire rom til elevar med spesielle
behov og vil samstundes be etatskontoret sjå på utviding av ATO-tilbodet. Vi har
fleire elevar som er aktuelle for denne avdelinga, men som i dag ikkje får plass.
• Utdanningsforbundet
Utdanningsforbundet Klepp har desse merknadene til skule og barnehagebruksplanen 2008-2011.
Me vil ta for oss dei punkta me har kommentarar til, resten er me samde i:
Elevtalsutvikling/skulekapasitet
Det er svært vanskeleg å spå korleis elevtalsutviklinga vil vera dei neste 4 åra, men
Utdanningsforbundet Klepp meiner at det bør takast høgde for at ein kan få like stor
folketilvekst i åra som kjem, som ein hadde i 2007.
Kriterium for skulebygga i Klepp
Me har her kommentarar til punkt 2 ,4 og 6 .
2. Det må leggast til rette for undervisningsrom med gode og praktiske løysingar (stryk baserom
og fleksible løysingar).
Her vil me ha vekk 12 m 2 bruksareal, og be om at skular og barnehagar blir bygde etter kva dei
skal brukast til, ikkje etter ei gitt mengd bruksareal.
4. Det skal vera minimum 82 m 2 til 25 elevar på barnetrinna til undervisningsrom, og 90 m 2 for
kvar 25 elevar på ungdomstrinnet til undervisningsrom.
6. Arbeidsrom for personalet bør til ei kvar tid vera i samsvar med forskrifter og retningslinjer i
arbeidsmiljølova.
Kva bør gjerast på skulane i Klepp
• Engelsvoll skule
Engelsvoll skule treng fleire grupperom i 67 og 85-bygget til elevar som treng alternative tilbod
på heil tid, og slik at det finnest eit grupperom tilgjengeleg(utanom førstnemnte) for kvart trinn.
Dette må gjerast snarast. Engelsvoll skule treng og fleire rom som er eigna til kunst og handverk.
• Kleppe skule
Her må det koma nok plass til arbeidsrom for personalet snarast. Fleire grupperom vil heller
ikkje vera å forakte.
• Orre skule
Utdanningsforbundet Klepp ynskjer at Orre skule framleis skal vere ein1.- 10. skule. Det er
viktig i det vidare arbeidet med krinsgrensene at ein legg til rette for auke av elevtalet ved Orre
skule. Det vil vere positivt om ein kan fylle opp eksisterande trinn med elevar fra andre krinsar.
• Vasshus skule
Brakka på Vasshus bør behaldast, men renovering av denne må vurderast ettersom brakka ikkje
er i samsvar med gjeldande regelverk.
• Bore skule
Her må det koma større areal til arbeidsplassar til personalet så snart som mogleg. Det må og
seiast at ei løysing med bruk av brakker er midlertidig, og at påbygg bør vera klart seinast

hausten 2008. Det bør og vurderast om påbygg/utbygging kan gjerast oppå eksisterande
bygningar slik at ein ikkje tek av utearealet.
• Klepp ungdomsskule
Klepp ungdomsskule er bygd for liten. Dette problemet bør løysast ved å gjera skulen om til ein
skule med 4 parallellar. Dette kan gjerast ved at ein byggjer ein ny ungdomsskule på Orstad.
I tillegg må det byggjast vegger i undervisningsromma, bygge om/flytte gangareal snarast.
Det nærmar seg og ein skandale når ventilasjonsanlegget på ein 3 år gamal skule ikkje fungerer
(eller at Klepp kommune ikkje våger å starta det opp).
• Orstad skule
Orstad skule har ikkje grupperom til ungdomstrinnet. 8 trinnet har heller ikkje plass på
ungdomstrinnet, men må gå saman med mellomtrinnet. Mediateket har blitt delvis oppete av
utbygging av ATO, samt at datarommet tek stor plass. Det fins heller ikkje lese-/stillerom.
Dette høver dårleg saman med satsing på lesing.
Ventilasjonen må og utbetrast.
• Tu skule
Tu skule er for liten og vil ha større behov for plass i åra som kjem. Personalet har ikkje plass
nok til skikkelege arbeidsplassar. Dette må løysast snarast gjennom å byggja ein ny skule på Tu.
Her bør ein kanskje vurdera eit samarbeid med Time kommune som har liknande utfordringar i
området.
Alternativ for løysing av av elevtalsauken på Tu skule og Klepp ungdomsskule
Utdanningsforbundet Klepp meiner at det for å løysa utfordringane på Tu skule og Klepp
ungdomsskule bør(alternativ i prioritert rekkefølge):
I) Byggjast ny ungdomsskule på Orstad for å avlaste Klepp ungdomsskule, samt at ein må
byggja ny barneskule på Tu.
II) Byggja på Klepp ungdomsskule, samt byggje ein 1-10 skule på Tu.
Barnehagebruksplan
Utdanningsforbundet Klepp vil påpeika mangel på samsvar mellom behovet for barnehageplassar
og planlagde tiltak for å nå målet om full barnhagedekning.
Oppsummering
Utdanningsforbundet Klepp vil be om at Klepp kommune tek ansvar og innfrir sin eigen visjon:
”Barna vår framtid”. Gje barna og dei tilsette skikkelege arbeidsplassar med nok areal og godt
inneklima. Det har aldri skada nokon at dei har hatt god plass ei tid.
”Oppfyll visjonen, og sats på gode skular og barnehagar”.
• Delta
Der det i planen står om arbeidsplass til pedagogisk personale/lærere, mener vi at det må gjelde
alle faggrupper i skolen.

• Fagforbundet
Kriterium for skulebygga i Klepp:
6.Arbeidsrom for all pedagogisk personal( assistentane også)
8.All personal skal kunne gå inn på pc og bruke internett, og det vil seie at alle skal ha sin eigen epostadresse.
Framlegg til debatt:
G. ATO flytta til Orre. Forventar då at dei tilsette, både på Orstad og Orre, blir informert.
H. Håpar Klepp u blir bygd ut.
Kriterium for barnehagebygg i Klepp:
Bhg må ha gode møte-og arbeidsrom. All personal( assistentane også) må få arbeidsplassar og det
vil seie at dei må få tilgang til pc og få sin eigen e-post adresse. Dette for å dra alle inn i
samhaldet og at alle skal føle at dei høyrer til og bli litt meir respektert og akseptert, sjølv om
dei bare er assistentar.