Ottar Ødegård: Sjukdommar og helsestell i ... - Romsdal Sogelag

God hamn og sentral stad
Men Bud heradstyre meiner det berre kan bli tale om Harøysund. Den
staden har ei framifrå hamn. Der kan ein nå distriktslegen «ad sjøveien i
snart sagt hvilketsomhelst veir og til alle døgnets tider». Og nettopp dette
med hamn er viktig fordi nær heile Aukra herad og ein stor del av
Fræna (Bjørnsund med om lag 500 innb.) berre har sjøveg til legen, «og
at en stor del av befolkningen i Bud, fiskere, som ikke eier kjøretøi, vil
være henvist til at søke eller hente lægen pr. baad». Tornes manglar
hamn, der kan ein ikkje trygt legge til, eller la båten liggje og vente på
legen. Dessutan er Harøysund den mest sentrale staden. Den ligg på
grensa mellom dei to fastlandskommunane. Frå den indre del av Fræna
og dei sørlegaste øyane («Otterø, Miøen, Tautra»), er Tornes litt nærare,
men folk derifrå kan også reise til Molde, som er nærare, og der er det
fleire legar.
Ordføraren nemner også fiskeria, særleg vårtorskefisket. Då er mykje
av mannfolka samla i ytre del av distriktet, «Rindarø, yttersiden av
Gossen, Bjørnsund, Bud fiskevær samt kystlinien nordover derfra». For
desse vil verdfull tid bli spart med kort veg til legen. Kommunikasjonstilhøva
talar også for Harøysund: «Harøysund anløpes av
Romsdals d/s selskaps skibe - - og der vil intet være til hinder for at
skaffe telefonforbindelse til lægen –».
Bud legedistrikt – distriktsinndeling og kontorstad 89