Ottar Ødegård: Sjukdommar og helsestell i ... - Romsdal Sogelag

hadde frå 1896 hatt praksis i Bud og kjende godt til distriktet. Bud
distrikt femna då om Bud, Hustad, Fræna, Nord- Aukra, Sør-Aukra og
Sandøy. I 1929 vart Sandøy, N.Aukra og S.Aukra skilt ut som eige distrikt.
Kontorstaden
Når fleire krinsar eller grender
skal ha ein institusjon saman,
plar det verte diskusjon om
plasseringa, i kommunestyret, i
lokale memnder og mann og
mann imellom. Alle vil ha det
nye og nyttige så nær som mogeleg.
Og så vert det strid, ofte
med harde ord og problematiske
vedtak. Vi kjenner mykje til slik
strid når det gjeld kyrkjer eller
skulehus. Og her galdt det legekontor
som alle ville få bruk for.
Men heldigvis, når avgjerda er teke, huset bygd og folka på plass, så
roar stemninga seg, striden er over, og etter kvart er dei fleste nøgde.
I 1915 (og kanskje før, for vedtaket kom i 1912) var det plassering av legekontor
som var stridstema. Dette var eit samfunnsgagnleg tiltak som
alle innbyggarar i dei aktuelle områda hadde interesse av. Mange var engasjert,
og kommunestyra i dei 6 kommunane skulle kome med si tilråding.
Harald Aas har funne kopi av eit interessant brev i «Forhandlingsprotokoll
for Hustad Herred 1919–1925». Vi viser ein del av brevet i
faksimile. Det er stila til Sosialdepartementet, men er udatert og er
underskrive slik: «Bud herredstyre d. . . Ærbødigst. . . . . . . . . ordf.» Det
var nok Ingebrigt Mahle som var ordførar i Bud då.
Brevet er funne i arkiv for Hustad herad, men Hustad vart utskilt som
eigen kommune først i 1918. Brevet er utan datering og underskrift. Det
byrjar slik:
«Gjort bekjendt med at der fra Frænen herredsstyre, riktignok under
dissens, er rettet en ansøkning til det ærede departement om at distriktslægen
i det foreslaaede Bud lægedistrikt maa bli placert paa
Bud legedistrikt – distriktsinndeling og kontorstad 87