Ottar Ødegård: Sjukdommar og helsestell i ... - Romsdal Sogelag

Forord frå forfattaren
Dei fleste av desse artiklane har anten stått i «Gammalt frå Fræna» eller
«Romsdal sogelags årsskrift». Tre er skrivne spesielt til denne boka.
Det var særleg Marius Sandvik som fekk meg interessert i lokalhistorie.
Småpratande losa den gamle kystlosen oss inn i det arbeidet
som Fræna Sogelag hadde starta opp. Harald Aas fekk meg – etter litt
press – til å skrive om helse i dei gamle grendene. Som skulemann og
innfødd kjende Aas til folkelivet i Fræna. Både fattigdom og sjukdom
hadde det vore mykje av, og han ivra særleg for at eg skulle skrive om
tuberkulosen. Debuten kom med «Spanskesjuka» i 1983.
Med åra har det vorte mange artiklar. Mange har lese stykka mine,
og somme har sagt at dei likte det dei las. Ein av dei som tykte vel om
stoffet og meinte at det burde samlast i ei bok, var sokneprest Helge
Ingemann Haugsgjerd. Nokre veker før han døydde i 2001, vitja eg han
på Lovisenberg, og då tok han oppatt tanken sin om at dei lokalhistoriske
«helseartiklane» mine måtte samlast mellom to permar.
Den 5. august 2002 sende eg ein formell søknad til styret i Romsdal
sogelag med spørsmål om dei ville gje ut boka. Det kom positivt svar
attende, og eg vil her og no takke for den gode haldninga som vart vist
til prosjektet frå første stund. Det er også løyvd ein sum frå Margit og
Morten Parelius’ minnefond, og eg takkar for denne hjelpa. Styreleiar i
Romsdal sogelag, Bjørn Austigard, har vore min konsulent i arbeidet,
og han har også laga eit register bak i boka.
Dette er ei samling av sjølvstendige artiklar som var skrivne utan
tanke på samla utgjeving. Derfor vil det vere ting som kjem att i fleire av
7