Ottar Ødegård: Sjukdommar og helsestell i ... - Romsdal Sogelag

Sygdom under Kvælningsfænomener, uden at disse Tilfælde bleve anmelde
for Læge, formentlig av Frygt for Ulæmpene ved Isolasjon og
Desinfeksjon.»
Men det var også dei som var svært ivrige med desinfeksjonen, let
Parelius oss vite same året: «Isolasjonen støttedes af Befolkningens
Smittefrygt, saa det endog var vanskeligt at opdrive den nødvendige
Hjelp til Sygepleie og Begravelse. Som et illustrerende Exsempel paa
gjennomført Desinfektion kan anføres, at en Gaardmandskone, som var
nødt til at laane sin Hest og Vogn til en Begravelse af diphterisk Lig
foretog en grundig Karbolvandvask ikke alene af Tjenestegutten og
hans Klæder, men også af Vogn, Hest og Sæletøi». (Men dette var ikkje
i vårt distrikt!).
Då difteribasillen vart oppdaga (Klebs 1883, Løffler 1884) var årsaka
til sjukdomen klår, og difteriserum fekk vi i Noreg i 1895. 11 pasientar
fekk serumbehandling i Romsdals Amt same året. Ein hadde no
overtaket på sjukdomen, men borte var den ikkje, og det var store epidemiar
både under første og andre verdskrig, og noko tilfelle like etter
krigane. Så seint som i 1946–1947 finn vi i helserådsprotokollane at distriktslækjaren
(Jens Steen) legg inn difteripasientar med helserådet i
ryggen: «Den av difteri lidende - - blir å innlegge i Epidemilasarettet,
Molde, for å hindre utbredelse av smitte -». Frå Hustad åleine vart det
lagt inn 8 i 1941, 11 i 1944 og 7 i 1945.
Dei siste difteridødsfalla eg kan sjå er meldt til lensmannen i Vaagøy,
er: 1 tilfelle i 1937, 1 i 1942, 3 i 1943, 2 i 1944, 3 i 1945, og 3 i 1946.
Sidan åra like etter krigen har det ikkje vore difteri i Noreg.
Tyfoidfeber
Tyfoidfeber veit vi om i vårt land mange hundre år attende. Det er ein
akutt bakterieinfeksjon som lagar sår (ulcerasjonar) i tarmen og også
gjev andre symptom. Den vart gjerne kalla nervefeber før dei kjende til
bakterien som valda sjukdomen. Av og til har tyfoidfeberen kome i
epidemiar, og bakterien kan lett spreiast i drikkevatnet. Den må ikkje
blandast saman med tyfus (flekkfeber, eksantematisk tyfus). Det vi i
Noreg meinar med tyfus, har det vore lite av i vårt land, når ein ser bort
frå krigsåra i 17. og 18. hundreåret. Tyfoid vert av sume kalla abdominal
tyfus.
Farlege farsotter i gamal tid 21