Ottar Ødegård: Sjukdommar og helsestell i ... - Romsdal Sogelag

neste i statane Wisconsin, Missouri, Kentucky, Tennesee og Mississippi.
Som distriktslege i Indre Romsdal etter Hanssen kom Christopher
Andreas Dass Lund (1845–1933). Han fekk glaukom og slutta i 1906,
men budde på garden sin, Hatle i Eid til han døydde i 1933.(4). I sin rapport
frå første året i Indre Romsdal har han lite å fortelje om infeksjonssjukdomar.
Ytre Romsdal. Smith fortel at det no berre var meldt 8 lette tilfelle av
skarlagensfeber. Difteri 12, med 3 døde. Blodgang (dysenteri) to små
epidemiar. Av tyfoidfeber var det mykje:
I Molde 14 tilfelle med 1 dødsfall. I landdistrikta 20 tilfelle og 2 døde.
1885
Indre Romsdal. Også dette året lite frå dette distriktet.
Ytre Romsdal. Det er noko tyfoidfeber, skarlagensfeber og blodgang
«Kun ringe Udbredelse» (Smith). På lista er det 24+8 tilfelle av tyfoidfeber,
og 2 døde. Spreidde tilfelle av difteri var det og, eit par døde.
Elles skriv Smith om uår, som det hadde vore fleire av. Det hadde vore
både misvekst og dårlege fiskeri.
1886
Indre Romsdal. Lund skriv om store difteriplager. 43 tilfelle meldt, og
14 dødsfall. Det var særleg Vold som var ramma om våren og sommaren,
flest i juli. Skarlagensfeber var det meldt 33 tilfelle av, 4 dødsfall.
Ytre Romsdal. «Sundhedstilstanden har været god. De epidemiske
Sygdommer, som have optraadt, nemlig Typhoidfeber, Skarlagensfeber
og Kighoste, have havt en mild Karakter og med Undtagelse af
Kighoste ringe Udbredelse, har i Forhold til de anmeldte Syge vist sig
meget dødelig» (Smith). Dette var ei vanskeleg og uklar setning. Ikkje
rart at det kunne koma slike ved skriving i seine nattetimar etter ein travel
dag. Det går fram elles av rapporten at kikhoste var mykje utbreidd,
og nokre dødsfall var det og. Nokre difteritilfelle var det, og med dødsfall.
Av skarlagensfeber var det 8 tilfelle i Frænen. Isolasjonen er nemnt,
ikkje berre for skarlagensfeber og difteri, men også ved nervefeber (dette
var det gamle namnet på tyfoidfeber, før dei bakteriologiske funn i
Smittsame barnesjukdomar 171