Ottar Ødegård: Sjukdommar og helsestell i ... - Romsdal Sogelag

Indre Fræna helselag er 75 år
Indre Fræna helselag høgtida 75-årsjubileum hausten 1991. I det
høvet vart denne historikken utarbeidd.
Helselaget vart skipa 15. oktober i 1916. Namnet var då Indre Fræna
Sykepleieforening. Det var fru Sofie Høstmark som dro det i gang. Ho
var sterkt sosialt engasjert, og var med og starta fleire helselag rundtom
i distriktet. Foreninga vart meldt inn i Den norske Nasjonalforening mot
tuberkulosen (No: Nasjonalforeningen for Folkehelsen) som vart stifta i
1910. Namnet på foreninga vår vart i 1948 endra til Indre Fræna helselag.
Føremålet for lokalforeninga vart skrive slik: «At skaffe pleie til
sognets syke, at avværge og lindre nød blandt trengende i det man vil ha
baade deres legemlige og aandelige vel for øyet.»
Ved skipinga vart valt ein arbeidskomite: Gyda Lindseth, lærar
Henøen, Johanne Ukkelberg, Iver Hol og Betsy Rødal. Det var Betsy
Rødal som vart den første formann. Nestformann vart Iver Fr. Sylte og
kasserar Beret Kvalstad. Ikkje mindre enn 11 sat i «Bestyrelsen», og
heile 233 vart førte opp på medlemslista. Det var fire krinsar som høyrde
med i foreninga: Haukås, Sylte, Malme og Sande. Medlemskontingenten
var 50 øre (den auka monaleg etter kvart, og vart i 1989
sett til kr 30). Årskontingenten til Nasjonalforeninga var kr. 5 for 100
medlemmar.
Det vart avgjort at kvar krins skulle laga tilstellingar, basar, eller setje
i gang andre tiltak for å samle pengar. Dei første kronene som kom til
kassa var frå ofring i Myrbostad kyrkje (kr. 72,72). Den første store ar-
148 Gammalt frå Fræna 1992