Ottar Ødegård: Sjukdommar og helsestell i ... - Romsdal Sogelag

Jordmor i øysamfunn
Sigrid Rasmussen fortel frå si teneste
på Bjørnsund og Aukra
Ho høyrer til veteranane i jordmorfaget, Sigrid Rasmussen.
Godt over 1000 reknar ho med at ho har hjelpt fram, men eksakt tal
har ho ikkje. Fødselsprotokollane har ho ført nøye, men ikkje lagt saman
til slutt. Det har vorte mange protokollar etterkvart.
Hugsar godt gjer ho. Mange minne er etsa inn. Noko om verhard dramatikk
der ute ved havet, noko om menneske ho ikkje kan gløyma. Mot
og hjartelag viste dei i kvardagsstriden, mange av dei. Og jordmora
gjekk mellom dei, såg og skjøna.
Ho fortel litt om dette, der vi leitar ho fram i Rødsøyvågen på
Gossen. «Bjørntun» heiter den lunelege heimen; «den fagraste stad på
jord», brukte han Trygve, mannen, å seia. Men namnet på heimen var til
minne om Bjørnsund, som dei begge var knytta til med sterke band.
Frå stoveglaset på «Bjørntun» kan ho sjå langt til havs. Og havet var
hennar ferdaveg så mang ein gong – til og frå fødekonene, i solglitrande
godver og i mørke stormnetter, særleg det siste. Ikkje sjeldan var ho i
båten som måtte ut når dei andre søkte hamn.
Ho har passert 80, men ho kunne godt ha lurt meg med både 10 og
15. Eit hardbale liv med mange dagar utan ro og mange netter utan søvn
– det ser ikkje ut til å ha sett merke, ikkje på kropp, ikkje på sinn. At
stress bryt helse og kortar dagar – kankje er det ein myte? Men tankar på
slikt har ikkje jordmora. Hennar tankar høyrer kvardagen og fødekone-
Jordmor i øysamfunn 139