Ottar Ødegård: Sjukdommar og helsestell i ... - Romsdal Sogelag

av Smittestoffet, og derved foranledige dets Spredning til Steder som
muligens ellers kunde vært spart for Sykdommen. Det som forøvrig kan
være at fremholde som Beskyttelsesmiddel mot denne epidemi, er det
samme som gjælder enhver smitsom Sykdom, nemlig Renlighet med
Person, Klær, Bruksgjenstande, Spise og Drikke samt at holde Boligen
ren og jevnlig lufte den godt ut».
Noko som gav von om meir effektiv behandling var arbeidet med å få til
eit verksamt serum mot Spanska. Ein notis om dette står i RB 26. februar
1919. Statens Seruminstitutt hadde då arbeidd nokre månader med denne
oppgåva, og no var serumet til utprøving hjå overlækjar Ustvedt på Ullevål.
Men før serumet kom i bruk hadde Spanska stort sett rasa frå seg.
Også i vår tid er det årleg influensatider. Somme år har sjukdomen
vore særleg hard, og det har vore ein del dødsfall. Det vert no laga vaksiner
mot viruset, men sidan det er ulike virus kvart år, kan vaksine først
produserast etter at sjukdomen har starta. Derfor er ein litt i etterkant
kvart år. Autoritetane fryktar at det når som helst kan kome ei influense
som er like farleg som Spanska var, og då kan det verta mykje sjukdom
og død før vaksina er klar. Slike tankar var det også som låg bak det
fantastiske prosjekt på Svalbard, der ein ville prøve å finne virus i spanskesjukelik
som var naturleg konservert i permafrosten.
Kjelder:
1) Yngvar Ustvedt: Den spanske syke. Norsk Magazin for Lægevidenskaben,
Kristiania 1918, s. 1092.
2) Yngvar Ustvedt: Iakttagelser under Influenzaepidemien i juli 1918. Norsk Magazin
for Lægevidenskaben, Kristiania 1919, s. 1-20.
3) Torkel Seip: Iakttagelser under influenzaepidemien. Norsk Magazin for
Lægevidenskaben, Kristiania 1919, s. 640-642.
4) A. Magelssen: Hvorledes man finder Genius epidemicus. Norsk Magazin for
Lægevidenskaben, Kristiania 1919, s. 749.
5) Riksarkivet, Oslo: Medicinalberetninger fra distriktslægene i Romsdal fogderi,
1918-1919.
6) Arne Victor Larssen, personleg kommunikasjon.
7) Riksarkivet, Oslo: Fylkeslegens sammendrag av Medicinalberetningene fra fylkets
distriktslæger.
8) Romsdals Budstikke: Frå årgangane 1918 og 1919.
100 Romsdal sogelag, årsskrift 2000