Create successful ePaper yourself
Turn your PDF publications into a flip-book with our unique Google optimized e-Paper software.
Musikar og polarforskar<br />
INGJERD SKREDE<br />
Det var ikkje polarforskar og oppdagar<br />
han skulle bli, men musikar.<br />
Allereie som liten gut viste Christian<br />
Leden uvanleg musikalske evner.<br />
Guten frå Nord- Trøndelag blei organist<br />
på Inderøy som tenåring, kom<br />
inn på musikkonservatoriet i Kristiania,<br />
og blei deretter stadsmusicus<br />
i Tromsø. Som ung mann reiser han<br />
til Berlin for vidare musikkstudium,<br />
mellom anna komposisjon. I den<br />
tyske storbyen følgjer han førelesingar<br />
i musikketnologi. Og det er her<br />
interessa hans for naturfolk og musikken<br />
deira oppstår. På gjennomreise<br />
i København kjem han i kontakt<br />
med den danske polarforskaren<br />
Knud Rasmussen. Rasmussen var<br />
kvart inuitt og hadde kontaktar på<br />
Grønland. Saman avtalar dei å reise til<br />
Thule seinsommaren 1909 for å gjere<br />
lydopptak av songen og musikken til<br />
inuittane. Materialet han fekk med<br />
seg herifrå blei svært godt motteke,<br />
og tilbake i Berlin blir det starten på<br />
Ledens liv som musikketnolog, folkeminnesamlar<br />
og oppdagingsreisande.<br />
– Han var ein spennande polarforskar<br />
i pels, smiler Ragna Karina<br />
Priddy. – Far likte inuittane, og lærte<br />
seg språket deira brukbart. Og, det er<br />
klart at vi barna syntest det var spennande<br />
å høyre han fortelje om ekspedisjonane.<br />
Vi leikte med originale<br />
små inuittdokker, og vi leikte at vi<br />
var eskimoar. Eg sat på snøkjelken og<br />
småsyskena mine var hundar, minnest<br />
Priddy. Ja, og så hadde vi mange gjenstandar<br />
far hadde teke med seg, klede<br />
66<br />
Foto: Christian Leden / Fotoarkivet etter Christian Leden, <strong>Nasjonalbiblioteket</strong><br />
og slike ting som var til overs frå det<br />
han selde til etnografiske samlingar.<br />
Han var fleire gonger på Grønland<br />
og hos indianarar i Canada. Èin ekspedisjon<br />
blei noko lengre enn først tenkt.<br />
Juli 1913 hadde han samla støtte til ei<br />
forskingsreise til Karibu-inuittane ved<br />
Hudson Bay. Den arktiske vinteren var<br />
i emning, og båten som skulle frakte<br />
han og utstyret inn i øydemarka kom<br />
ikkje. Ekspedisjonen stod i fare for å gå<br />
i vasken, fortel Priddy.<br />
Han kjem i kontakt med nokre<br />
inuittar som tilbyr seg å frakte han<br />
i ein open båt. Båten er full av folk.<br />
Kvinner og born. Båten kvelvar i