You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
24 år gamle minnet. – Likevel er det på mange<br />
måtar den beste konsertopplevinga mi. Trass i at<br />
vi sto fire timar i kø framfor ein rusten ishall med<br />
dårleg akustikk. Men, det var første gong vi såg<br />
heltane.<br />
Han tek ein liten pause før han slår ut med hendene.<br />
– Åh, men det er vanskeleg å velje. Konserten<br />
i Royal Albert hall i fjor var også heilt magisk.<br />
Dei spelte heile Scoundrel Days og heile Hunting<br />
High and Low albuma. Låt etter låt. Vi visste nett<br />
kva som kom og song med. Det var så taket løfta<br />
seg. Eg må in<strong>nr</strong>ømme at eg blir rørt i slike settingar.<br />
Eg gret, og kameraten min gret. Men det var ikkje<br />
så farleg, vi var blant corefans.<br />
Har du møtt a-ha-medlemmene?<br />
– Jada, ved nokre få høve. Eg er ikkje så glad i å<br />
vente på baksida av Spektrum der dei står med<br />
kulepennane og skriblar ned noko i all hast. Men<br />
det var blant anna ein gong i Bergen. Det er forresten<br />
einaste gongen eg har selt kroppen min til<br />
media. PA gestikulerer blidt og ivrig. – Eg kontakta<br />
Bergens Tidende og sa eg hadde verdas største a-ha<br />
samling. Dersom dei kunne skaffe meg tilgang<br />
back stage kunne eg vere med på eit intervju. Jo da,<br />
det gjekk i orden. Og da fekk eg oppleve litt av den<br />
indre dynamikken i gruppa. Journalisten hadde eit<br />
svare strev med å få samla dei uvillige medlemmene<br />
for at dei skulle ta eit bilete saman med meg. Og eg<br />
som hadde trudd at dei var bestekompisar.<br />
Hunting High and Low let seg ikkje spele av lenger. Den er<br />
heilt utsliten, men utan den hadde det ikkje vore noko anna<br />
heller, seier PA Stenersen. Foto: Ketil Born<br />
Kjem Project Avatar til å innehalde mykje om<br />
uvennskap og svik?<br />
– Dei har skrive låtar om frustrasjon innbyrdes i<br />
gruppa, og det skal eg skrive om. Men sladder og<br />
lause rykte held eg meg unna. Eg gir blaffen i om<br />
dei har krangla mykje desse 25 åra. Det viktigaste<br />
er at produktet er bra. Og det er nok som Harket<br />
seier: i kranglinga og friksjonen blir det skapt noko.<br />
Synest du det er på tide at dei gir seg?<br />
– Dei har drege ein Dæhlie og Koss og gir seg på<br />
topp, men eg synest godt dei kunne ha pusha eit<br />
par album til. Dei har materiale nok til det.<br />
PA Stenersen på si side har meir enn nok<br />
materiale både for nerdar og dei heilt vanleg musikkinteresserte<br />
til å fylle tre bind om a-ha.<br />
– Dette arbeidet har ein verdi. a-ha er ein viktig<br />
del av den norske kulturarven. Dei er størst i norsk<br />
pop- og rockhistorie. Den historia har eg lyst til å<br />
vere med på å skrive nokre kapittel i. Det er vel så<br />
viktig som Ibsen og Hamsun. Og dei var for hundre<br />
år sidan. a-ha er no.<br />
53
Change language