Create successful ePaper yourself
Turn your PDF publications into a flip-book with our unique Google optimized e-Paper software.
© Michael Patterson og Candace Reckinger<br />
a-ha-manifestet<br />
I <strong>Nasjonalbiblioteket</strong> finst ei av verdas største a-ha-samlingar. I huset til PA Stenersen<br />
finst det om mogleg ei enda større. No skal innhaldet mellom permar i Project Avatar.<br />
INGJERD SKREDE<br />
52<br />
Petter-Anton Stenersen serverer kaffi i ei stove<br />
overraskande fri for a-ha-rekvisittar. PCen på<br />
bordet mellom oss er til gjengjeld full av lister<br />
over demoar, magasin, objekt og alt tenkjeleg og<br />
utenkjeleg a-ha-relevant materiale. Ei samling som<br />
er forsikra for meir enn Stenersens hus. Alt skal<br />
inn i trebindsverket Project Avatar. Bøkene blir ei<br />
blanding av biografi, diskografi og leksikon, fortel<br />
PA, og legg til at dette blir den fulle og heile historia<br />
om a-ha og musikken. Målet er å ha den ferdig i<br />
første kvartal 2012.<br />
Men, la oss ta det frå starten. På tidleg åttital<br />
var PA Stenersen ein ganske frustrert ung mann.<br />
Han høyrde på Kids og Forelska i læreren, og såg<br />
med stigande uro på Grand Prix med Jahn Teigen,<br />
bukseselar og Norway zero points. Eit besøk på<br />
eit av Londons hippaste diskotek rista verda på<br />
plass. –Ja, eg var på språkreise til England i 1985.<br />
Ein kveld drog vi til Hippodrom i London. PA<br />
lener seg fram over bordet. – Dei spelte Madonna,<br />
Bruce Springsteen og så kom faen meg a-ha og Take<br />
on Me. PA smiler. Der og da var Grand Prix-fadesen<br />
gløymd. – Da ferien kom, reiste eg heim og kjøpte<br />
det første albumet på kassett. Hytta vi var på den<br />
sommaren hadde ikkje straum, så eg brukte alle<br />
pengane på batteri til kassettspelaren. Det vart ein<br />
dyr ferie.<br />
For den uinnvigde kan denne gjentakande<br />
snuinga av kassett kanskje verke som ein keisam<br />
repetisjon. Like uforståeleg som det å gå på 50–60<br />
konsertar med same band! For den innvigde stiller<br />
saken seg sjølvsagt heilt annleis, og PA er ein<br />
tolmodig innvigd.<br />
– Det blir som å kjøpe sesongkort til favorittfotball-laget<br />
ditt, forklarer han. – Det er same lag,<br />
men ulik kamp kvar gong. Slik er det med konsertane<br />
også. Same set-liste, men heilt ulike konsertar.<br />
Ulik dagsform, forskjellig publikum. Ja, så det blir<br />
som ein fotballkamp med berre eitt lag, og dei<br />
spelar alltid på heimebane og vinn kvar gong.<br />
Hugsar du din første konsert?<br />
– Sjølvsagt! Det var i Leangen ishall i 1987<br />
saman med bestekompisen min. Det var elendig<br />
lyd. Ikkje det at lydanlegget var dårleg, men det<br />
var jo mange hylande ungjenter, han ler av det
Change language