NB21 nr. 1 2011 - Nasjonalbiblioteket

Med øye for musikk
Svein Boye Andersen har fotografert artistar i 35 år.
På Rockheim er 10 000 av bileta digitaliserte. Vi viser
eit bittelite utval her.
INGJERD SKREDE
– Det heile starta med eit tips frå ein nabo på Sandaker
i Oslo, fortel Svein Boye Andersen. Tipset frå
sandakernaboen handla om skolefotografering og
tilhøyrande innteningsmoglegheiter. Boye meinte
han ikkje hadde eit godt nok kamera, men naboen
hadde allereie gjort avtale med rektoren på skolen,
så det var berre å få tak i noko å ta bileta med. I
fotobutikken fann han eit 6x6 Flexaret. Og trass i
at han ikkje hadde pengar, fekk han låne kameraet.
Etter at pengane for jobben var delt med
naboen, var det framleis nok igjen til å betale
kamera, og fotografkarrieren var eit faktum.
Ved sida av skolegang og fotografering spelte
Svein Boye Andersen i band. – Eller, eg let som eg
spelte, avslører han. Det kunne jo ikkje gå i lengda,
og etter ei stund blei det bestemt at han skulle ta
bilete og skrive i staden. Og, sida han var i musikk-
miljøet var det naturleg å ta bilete og skrive om
menneska her. Det tok ikkje lang tid før han blei
oppdaga. Allers blei først interessert. Sidan blei det
Poprevyen, Dagbladet, Vi menn og mange andre
magasin og tidsskrift. Og nokre platecover er det
også blitt. – Eg kunne få ein telefon frå eit plateselskap
som spurde om eg hadde eit bilete av den eller
den, levert same kvelden. I dag set ein coverjobbane
bort til designbyrå eller fotokunstnarar. Det
har endra seg.
Svein Boye Andersen fotograferte artistar til
langt ut på nittitalet. På Rockheim har dei digitalisert
10 000 av bileta hans, og det er enno mykje å
ta av. Kor mange er ikkje Andersen sikker på, men
over tre tiår med fotografering har gitt resultat.
17