You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Graffs elektriske orgel og songanlegget Prepple<br />
brukte da han prøvesong for Dumdum boys.<br />
Kven er det eigentleg som kjem hit?<br />
– Alle. Vigdis slår ut med armane. – Familiar,<br />
unge, gamle, besøk frå firma, frå skoleklasser. Ja,<br />
alle som er musikkinteresserte. Og mange kjem<br />
tilbake fleire gonger. Og da har dei gjerne med seg<br />
vener eller familie. Det er jo mykje materiale her,<br />
så det tek tid å komme igjennom. Men personleg<br />
er eg glad for at det også er plass til noko som er<br />
interessant for dei musikkunnige. At ikkje vi er så<br />
generelle at det blir blodfattig.<br />
Kva trur du er årsaka til suksessen de har hatt?<br />
Vigdis viser meg plass i ein turnébuss mens ho<br />
tenkjer. Eg glir ned på eit av dei raude skaiseta.<br />
– Ja, som eg nemnde er direktekontakten med<br />
publikum viktig. Ved sida av dette går utviklinga<br />
mot å påverke fleire sansar, og det gjer vi her på<br />
Rockheim. Så er det eit levande hus der det skjer<br />
mykje. Vi har konsertar kvar onsdag der nye, unge<br />
band blir presenterte. Vi vekkjer minne, gir ahaopplevingar<br />
og prøver å skape utstillingar som er<br />
underhaldande og morosame. Vi vil få folk til å<br />
verdsetje popmusikken.<br />
Kvifor er det viktig?<br />
– Den har hatt så mykje å seie for mange. Popmusikken<br />
fortel masse om samfunnet vårt, og langt<br />
ut over det som blir formidla reint musikalsk. Det<br />
kan vi bruke til å lære noko om den røynda vi er ein<br />
del av. – Og, vi har så mykje å tilby av kunnskap og<br />
arkivmateriale. Eg får nok ikkje rydda kontorpulten<br />
på nokre år, avsluttar Vigdis.<br />
Turnébussen tek ein slak sving. Utanfor<br />
vindauget duvar lofotlandskapet forbi som eit av<br />
dei mange landskapa Rockheim tilbyr gjestene ei<br />
reise i.<br />
15