Create successful ePaper yourself
Turn your PDF publications into a flip-book with our unique Google optimized e-Paper software.
Fot for rock<br />
Rockheim har enno ikkje rukke å fylle eit år. Likevel har titusenvis av føter gått over<br />
dørstokken i dette monumentet av eit rockehistoriebygg. Så mange at rockebastionen<br />
er blitt Trondheims største turistattraksjon nest etter Nidarosdomen.<br />
TEKST: INGJERD SKREDE, FOTO: KETIL BORN<br />
I ein stålrøyr- og respatexmøblert femtitalskafé<br />
byr Vigdis Sjelmo på kaffi. Ho er formidlar og ei<br />
av årsakene til suksessen i dette huset. I tillegg til<br />
å utarbeide framtidige utstillingar og nye måtar å<br />
presentere musikkhistoria vår på, har formidlarane<br />
ansvaret for omvisarane, eller vertane som dei<br />
heiter på Rockheim. Og Rockheims vertar er ikkje<br />
som omvisarar på andre museum.<br />
– Dei må ha menneskekunnskap og vite når dei<br />
skal hjelpe folk, og når dei besøkande skal få lov til<br />
å finne ut av ting sjølve, forklarer Vigdis. – Vertane<br />
formidlar levande informasjon. Det vil seie at<br />
du som publikum i mange tilfelle vil bli fortald<br />
historier og fakta av eit anna menneske, ikkje<br />
berre frå ein plakat på veggen. Vi tenkjer munnleg<br />
formidling i førebuinga av nye utstillingar, men<br />
det betyr sjølvsagt ikkje at vi ikkje har tekstbasert<br />
informasjon. Utstillinga er jo interaktiv og det er<br />
meininga at folk skal leite litt sjølv. Men ikkje alle<br />
er vande til den teknologiske tankegangen og treng<br />
nokon gonger litt ekstra hjelp.<br />
Vi kastar kaffibegera i søppelkassen, passerer<br />
nokre generasjonar blinkande jukeboksar og stansar<br />
i eit rom der ein Thunderbird breier seg raud og<br />
elegant midt på golvet. – Eller Trønderbirden, som<br />
eg har lært at den blir kalla her, ler Vigdis. – Dette<br />
er forresten ein etasje der vi får veldig mykje informasjon<br />
frå publikum, forklarer ho.<br />
FAKTA<br />
• Rockheim, det nasjonale opplevingssenteret for pop og rock,<br />
opna 5. august 2010.<br />
• Om lag 70 000 besøkte museet dei første fem månadene.<br />
• Rockheim er Noregs einaste museum for populærmusikk<br />
• <strong>Nasjonalbiblioteket</strong> har den overordna funksjonen som eit<br />
nasjonalt arkiv for pop og rock, og samarbeider med Rockheim<br />
om langsiktig bevaring av arkivmateriale.<br />
• I tillegg leverer <strong>Nasjonalbiblioteket</strong> digitalt innhald frå eiga<br />
samling til formidling i Rockheim.<br />
11