Eksamensoppgaver Informasjonsteknologi H07 - Udir.no

Tema: Dokumentasjon av ornitologiske observasjonar
På ei landtunge som strekkjer seg ut i havet sør i landet, flokkar det seg kvar vår og haust store
mengder trekkfuglar. Staden er eit eldorado for fugleelskarar; landtunga byr i desse periodane
på ei imponerande mengd fugleartar og eksemplar.
Ei ornitologisk foreining er ei foreining av menneske som har fuglar som hobby. I tettstadene
innanfor landtunga har fugleelskarar danna ei slik foreining, og vår og haust møtest dei ofte på
landtunga, på grytidlege morgonar og på dagar, for å observere fuglerikdommen.
Eit av dei spennande momenta ved denne interessa er å gjere sjeldne observasjonar: Det er
observert fleire hundre ulike artar på landtunga.
Foreininga har ulike arkiv der artar som er observerte, er registrerte – både manuelle arkiv og
arkiv der observasjonane er innførte i ulike datasystem som for eksempel rekneark.
Medlemmer i den ornitologiske foreininga ønskjer no å få utvikla eit standard databasesystem,
der dei kan registrere sjeldne fugleartar som blir observerte. Dei vil registrere fuglar og
observasjonar med dei norske og latinske namna og familienamna på fuglane, kven som har
gjort observasjonen, og data om sjølve observasjonen: Tid, stad, og talet på individ som vart
observerte. Iblant er det berre eitt eksemplar, iblant flokkar. Foreininga ønskjer ikkje å
registrere alle observasjonar – det vil meir gå på skjønn kva de synest er spennande å
registrere. Det kan også vere aktuelt å kunne registrere fleire observasjonar av same fugleart.
Ein fuglefamilie (familienamn i vedlegg 1) består av ulike fugleartar.
Foreininga ønskjer også å få utvikla ein nettstad som kan brukast til medlemsinformasjon,
fagleg informasjon om det ornitologiske arbeidet og presentasjon av sjeldne fugleartar som er
observerte på landtunga.
Oppgåve
Databaseapplikasjon
Den ornitologiske foreininga ønskjer eit databasesystem der ein først og fremst kan registrere
fugleartar, observasjonar og observatørar.
Lag ein databaseapplikasjon
• med eit brukargrensesnitt godt tilpassa til oppgåva med å registrere observasjonar av
fuglar
• med to rapportar:
− ein rapport der fuglar som er observerte, er grupperte etter familienamn og sorterte
etter norsk namn
− ein rapport der brukaren kan velje om han/ho vil sjå observasjonar som er gjorde om
hausten eller om våren
Registrer testdata.
Eksamen AA6111 Brukarsystem/Brukersystemer Side 3 av 10