Jørgen Olafsen-Holm: Bolsøyboka 2 - Romsdal Sogelag

530
garden til sonen Knut Knutsen d. y. f. 14/9 1869, tok over etter han.
Han var gift med Jørgine K. Havnen; dei hadde ingen barn. Han
kjøpte og Nerigard og dreiv begge gardane ilag til han overlet dei til
brorsonen, Knut Andreassen, født 16/5-12, gift med Frida Sund, født
15/5 1909. Dei har tre barn: Anne Sigrunn, Asbjørg og Kirsten.
Nerigard har ofte skifta eigar. Den fyrste vi veit om var ein dei
kalla ,,Tressjor-Ola”, truleg var han frå Tresfjord. Jo Botterli, Erik
Hjelsetbakken og Ørger Eriksen frå Tautra har og havt denne garden.
Den mest drivande av disse var vel den siste. Kona hans, Synnøve,
var frå Tresfjord. Ørger stelte godt både hus og jord. Han skreiv bra,
og det er fleire gamle skjøter og kontrakter som han har skreve. Han
var rokkemakar, og Ørja-rokkane var vide kjendt. Han planta hage,
og ein allé gjennom garden. Nokre av dei gamle trea står enno.
Synnøve og Ørger hadde ein stor barneflokk, men mange døydde som
barn under ein difteriepidemi, ,,den Trondhjemske halsesyke”. Den
eldste sonen, Edvard, lever enno og er busett i Kr.sund. Ørger busette
seg seinare i Skjevik.
Den siste eigar av Nerigard før Knut Knutsen kjøpte han, var
Lars Gujord f. Strandhagen. Han var gift med Gjertrud Olsdtr. frå
Nordigard. Dei hadde mange born. Etter han selde garden, flytta
han til Eidsneset og budde der til han døydde.
Av Gujordgardane er det skild ut fleire små bruk. Dei eldste av dei er
Tollteigen under Nerigard, seld av Ørger Eriksen Gujord til Knut Eriksen
Berg, av kjøpekontr. 1869 og seinare skjøte dags 15/4-76 kjøpesum 50 spd.
Knut Eriksen Gujord f. Berg dyrka jorda og bygde hus; han
planta frukttre og gran kring heile bruket. Der stod ein stor eine midt
på stykket; den sette han att då han dyrka, og den fekk stå der i åker
og eng til snøen braut den ned for nokre år sidan. Knut var skreddar.
Kona hans, Marie, var frå Pesetra. Dei hadde 3 døtre som vaks opp.
Knut Eriksen selde Tollteigen til Knut Olsen Gujord, etter skjøte
dags. 9/10 1896, kjøpesum kr. 900.-. Knut Eriksen kjøpte då garden
Mork, der han budde til han døydde. Dottersonen Knut A. Mork eig
no garden. Knut Olsen dreiv Tollteigen attåt kårjorda si som låg lagleg
til. Han var postbod i Øvrebygda, og han gjekk trutt med postskreppa
heilt til han døydde i 1928, 80 år gamal. Fram og attende
er denne ruta omlag ei mil.
Knut Olsen selde bruket til dottersonen Gunder Gujord etter
skjøte dags, 29/6 1925, kjøpesum kr. 2000.- og kår. Gunder Gujord
født 17/1 1908, er gift med Marit Andersdtr. Brastad, født 13/11 1912
i Vestnes. Dei har 4 born: Kjell, Asgeir, Inge og Gunnulv.