Jørgen Olafsen-Holm: Bolsøyboka 2 - Romsdal Sogelag

529
Sonen Knut Olsen, født 29/6 1848, tok over farsgarden etter skjøte
dags. 13/6 1872, kjøpesum 250 spd., og kår. Han skaffa kår både til
faren og bestefaren i 7 år til Kittel Halvorsen døyde i 1879, 80 år
gamal. Knut Olsen var gift med Guraa Pedersdtr. Røvikhagen, født i
Næsje i 1840. Dei hadde mange born, men berre fire vaks opp: Ole
Kristian, Ingeborg, Peder og Karen Marie. Knut Olsen dreiv garden
til sonen Ole Kr. Knutsen, født 3/6 1871, tok over etter ham. Kjøpekontrakt
dags. 10/11 1892, seinare skjøte dags. 29/11 1899, kjøpesum
kr. 900.- og kår. Ei tid skaffa han og 2 kår, til Ole Olsen døydde
i 1896, 80 år gamal. Knut Olsen kjøpte då eit småbruk under Gujord,
Tollteigen, og budde der til han døydde. Ole Kr. Knutsen var gift
med Karen Emelie Olsdtr. Mjelve, fedt 26/3 1865. Dei hadde 4 born.
Knut, Guri, Synnøve og Ole. Ole døydde ung. Ole Kr. kjøpte og eit
småbruk under Berg, Haugen, som han dreiv ilag med garden. Han
overlet Haugen til døtrene, og bur no hjå dei.
Sonen Knut Olsen, født 16/11 1894
tok over farsgarden etter skjøte dags.
19/3 1938, kjøpesum kr. 2 800. Han
er gift med Mina Kirkerem, født 10/12
1898. Dei har 5 born: Ole Kåre, født
14/6-30, Karsten, Sverre, Solveig, og
Oddvar. Knut Olsen driv framleis garden,
og han har eit stort arbeid for
seg, då garden skal flyttast ned til
hovudvegen og tuftast å nyo etter utskifting.
At so mykje er teki med om Midtigard,
kjem av at det er eldste ættegarden
for Gujordfolket. Om Nordigard
og Nerigard veit vi ikkje so mykje.
Ole Kjelbotn (Kjelsbot-Ola) kjøpte
Knut O. Gujord. Nordigard ikring 1850. Både han og
kona, Sigrid, var frå Tresfjord. Dei
hadde mange born; den eldste Knut Knutsen var styksonen til Ola.
Kjelsbot-Ola dreiv som hestehandlar, og kjend var han mest alle stader,
mellom Bergen og Trondheim.
Knut Knutsen tok over garden etter stykfaren ikring 1865-70.
Han var gift med Ane Olsdtr. frå Midtigard, født 1846. Dei hadde 8
born som vaks opp: Knut, Ole Andreas, Cecilie, Karoline, Karen, Olufine
og Marie. Knut Knutsen dreiv og som hestehandlar. Han dreiv