Oktober 2005 - Die Gereformeerde Kerke in Suid-Afrika

Oom Oom Nico Nico se
se
Possak ossak
Liewe Vellies,
ONS MOOISTE, MOOISTE
MAAND BLY MAAR OKTOBER
September staan bekend as
die maand van die begin van die
lente. Ná die dorre en blaarlose
winter bot en blom die plante in
die tuine op weg na die warm
somermaande. Die digter C
Louis Leipoldt het ’n inspirerende
gedig geskryf wat só begin: “Dit
is die maand Oktober, die
mooiste, mooiste maand.” In Oktober is die tuine al lowergroen en die
eerste kleurvolle blomme getuig van die somer wat nou ingegaan word.
Gedurende Oktobermaand is dit baie mooi sommer in die stede en dorpe
se woongebiede rond te ry en na die inwoners se tuine te kyk.
Oktobermaand bring innerlik ook vir die mens nuwe lewe. Dit is so
dat die geloofslewe van die mens ook deur die seisoene gaan – daar is die
dor en koue wintertye van die geloof, waartydens dit wil voorkom asof die
geloof dood is en nie meer bestaan nie. Maar daar kom ook die lente- en
somertye waartydens jou geloof groei en blom.
As ons in Oktober so na die ontluikende skepping kyk dien dit as
getuienis as van die lewewekkende werking van die Heilige Gees in die
harte van gelowiges.
MATRIEKS 2005, VOORSPOED EN SUKSES MET DIE EINDEKSAMEN
Oktober is in die lewe van die Graad 12’s landswyd die
wakkerword-tyd, want die matrikulante is in die allerlaaste fase van hulle
skoollewe voordat die eindeksamen begin. Ná 12 jaar se geswoeg en
gesweet breek die tyd aan dat die stof van die skoollewe van die skoene
afgeborsel word en die Graad 12’s deur die poort van die matriekeksamen
die nuwe lewe wat vir hulle wag, binnetree.
Die Slingervelmaats wil al die Vellie-Matrieks sukses en voorspoed
toewens met die verskillende vraestelle van die matriekeksamen. Maats,
ons hoop dat julle harde werk deur al julle skooljare sigbaar sal word in ’n
baie goeie uitslag van die matriekeksamen. Mag die Here elkeen van julle
in hierdie eksamen besonderlik seën met kalmte en helder verstand en aan
julle sukses en ’n goeie uitslag gee.
OKTOBERMAAND SE WEKROEP
Vir al die ander Vellies van Graad 1 tot Graad 11 is Oktobermaand
die geleentheid waartydens julle wakker geskud word met die besef dat
julle ook binnekort besig sal wees met eksamen. Dit is nou die geleentheid
om die jaar se werk te hersien en deeglik voor te berei vir die eksamen wat
aanstaande is. Vir oulaas, maats, sit skouer aan die wiel en gee alles wat jy
het sodat die eksamen vir jou nie ’n verskrikking sal wees nie, maar ’n
geleentheid om goed te presteer.
MOENIE JOU SLINGERVELBRIEFIE VERGEET NIE
Ons hoop dat jy tussen al die bedrywighede darem ’n kansie sal
kry om ’n brief vir die Slingervel te skrywe. Skryf vir ons oor jouself en jou
eie leefwêreld. Dit is altyd baie lekker om sulke briewe te ontvang.
Julle kan julle briefies per e-pos stuur aan slingervel@cinet.co.za,
of rig julle briefies aan: Oom Nico se Possak, Posbus 6433, Flamwood
2572. Julle kan die briefies en bydraes ook faks na 018 468 1782. Van die
kant van die Slingervel vra ons julle om goeie wense aan julle ouers oor te
dra.
- Oom Nico
SLINGERVEL OKTOBER 2005, JAARGANG 47 NO 860
IN HIERDIE
UITGAWE ...
2 Oom Nico se Possak
3 Bybelleesrooster vir November
2005
4 Verjaardaghoekie
5 Die 12 seuns van Jakob (10)
6 Spreuke vir die tiener
verklaar
7 Die redakteur skryf ...
8 Oordenkings vir
laerskoolkinders
10 Blokkiesraaisel 361
Slingervel se Lawwe
Woordeboek
11 KAT in Afrikaanse idiome
Rondomtalieraai
12 Betsie se lewe in die stad
13 Kleutervers
14 Hoekom so begaan oor
bome?
16 Die planeet URANUS
17 Prestasies van die mens
Slingervel se Dol Definisies
Tienervers
18 Skattejag vir die drieling (slot)
20 Tienergesprekslyn
21 Boekeblad
22 Tienertekste
24 Ons Pretblad
2 Slingervel Oktober 2005

Dr. Nico van der Merwe
Die blye klanke van musiek
DINSDAG 1 NOVEMBER – LEES GENESIS 4:17-22 (Openb
5:13)
Prys die Here saam met die hele skepping.
WOENSDAG 2 NOVEMBER – LEES PSALM 45:1-18 (vs 9)
Musiek van die mens maak die Here bly.
DONDERDAG 3 NOVEMBER – LEES 1 SAMUEL 16:14-
23 (Openb 14:2-3)
God se verloste kinders sing saam met sitergeklank.
VRYDAG 4 NOVEMBER – LEES JOB 38:1-7 (vs 6-7)
Sing saam met die sterre tot God se eer.
SATERDAG 5 NOVEMBER – LEES HANDELINGE 16:16-
40 (vs 25)
Lofsing tot die Here selfs in ’n tronksel.
SONDAG 6 NOVEMBER – LEES PSALM 96:1-13 (vs 1 &
8)
’n Christentiener sing ’n lied tot God se eer.
MAANDAG 7 NOVEMBER – LEES EFESIËRS 5:6-20 (vs 19)
Gelowiges moet saamsing tot eer van die Here.
DINSDAG 8 NOVEMBER – LEES EKSODUS 15:1-21 (vs
21)
Deur sang word die eer van die Here besing.
WOENSDAG 9 NOVEMBER – LEES OPENBARING 15:1-
8 (vs 2-3)
Met siters en sang word die Here geloof.
DONDERDAG 10 NOVEMBER – LEES 2 KRONIEKE 5:2-
14 (vs 13)
Dank die Here met trompette en sang.
VRYDAG 11 NOVEMBER – LEES NEHEMIA 12:27-31 &
38-40 (vs 40)
Twee kore sing van hulle blydskap in die Here.
SATERDAG 12 NOVEMBER – LEES PSALM 87:1-7 (vs 7)
Met sang en dans word die Here geprys.
SONDAG 13 NOVEMBER – LEES ESEGIËL 33:30-33 (vs
32)
Jy moet eerlik wees met jou sang voor die Here.
MAANDAG 14 NOVEMBER – LEES 1 KRONIEKE 23:1-5
(vs 5)
Besing die lof van die Here op die instrumente.
Slingervel Oktober 2005
DINSDAG 15 NOVEMBER – LEES EKSODUS 19:1-19 (vs
16)
Die Here laat hoor die klank van die ramshoring.
WOENSDAG 16 NOVEMBER – LEES JOSUA 6:1-27 (vs
20 & Ps 47:5)
Die ramshorings begin die oorwinning van God se volk.
DONDERDAG 17 NOVEM-
BER – LEES MATTEUS 24:29-
31 (vs 31)
Met die klank van die trompet
sal Christus terugkom.
VRYDAG 18 NOVEMBER –
LEES 2 SAMUEL 6:1-5 (vs 5)
Met musiek van musiekinstrumente
word die ark vervoer.
SATERDAG 19 NOVEMBER –
LEES 1 KONINGS 1:28-40 (vs
40)
Met die klank van fluite juig die gelowiges.
SONDAG 20 NOVEMBER – LEES PSALM 101:1-8 (vs 1)
Sing van God se liefde en sing tot sy eer.
MAANDAG 21 NOVEMBER – LEES PSALM 81:1-17 (vs 2-
3)
Jubel en sing tot eer van die Here.
DINSDAG 22 NOVEMBER – LEES PSALM 126:1-6 (vs 2)
Lag en sing, want die Here het groot dinge gedoen.
WOENSDAG 23 NOVEMBER – PSALM 47:1-10 (vs 2)
Die volke moet hande klap en sing van God se eer.
DONDERDAG 24 NOVEMBER – LEES FILIPPENSE 2:5-
11 (vs 5)
Die lied van Christus se voorbeeld vir jou.
VRYDAG 25 NOVEMBER – LEES JAKOBUS 5:13-20 (vs
13)
Opgeruimd en bly moet jy lofliedere sing.
SATERDAG 26 NOVEMBER – LEES LEVITIKUS 25:8-12
(vs 9)
Die ramshorings lei die jubeljaar in.
SONDAG 27 NOVEMBER – LEES OPENBARING 5:1-14
(vs 13)
Die hele skepping loof en prys die Here.
MAANDAG 28 NOVEMBER – LEES JESAJA 44:6-23 (vs
23)
Die hemel en die aarde juig voor die Here.
DINSDAG 29 NOVEMBER – LEES PSALM 100:1-5 (vs 1)
Almal op die aarde moet juig tot eer van die Here.
WOENSDAG 30 NOVEMBER – LEES PSALM 150:1-6 (vs
6)
Alles wat asemhaal moet die Here prys!
3
bybelleesrooster vir NOVEMBER 2005

verjaardaghoekie
verjaardaghoekie
Aan al die Vellies wat in OKTOBER 2005 verjaar wil ons baie geluk sê.
Ons hoop dat elkeen van julle ’n baie lekker en aangename verjaardag sal
hê. Ons bid ook vir julle dat die Here julle, saam met almal vir wie julle
baie lief is, sal seën. Groete, Tannie Riana
1 Oktober – Lynn Oosthuizen (Krugersdorp-Oos).
2 Oktober – Coenraad van Deventer (Naboomspruit),
FJ Lessing (Wapadrant), Lizeri Roos (Naboomspruit).
4 Oktober – Chris de Klerk (Klerksdorp).
5 Oktober – André Groenewald (Wapadrant),
Inge Erasmus (Wapadrant), Johan Fourie (Postmasburg),
Jolandi Hamman (Walvisbaai).
6 Oktober – Giselle van der Westhuyzen (Krugersdorp-Oos),
Lize Tossen (Klerksdorp).
7 Oktober – Deon Pouwels (Die Kandelaar).
8 Oktober – De Wet Steenkamp (Wapadrant),
Eon van Zijl (Krugersdorp-Oos), Landi Rood (Vereeniging-Oos).
9 Oktober – Monique Erasmus (Krugersdorp-
Oos).
10 Oktober – Corlia Pretorius (Naboomspruit),
Elaine du Toit (Otjiwarongo).
12 Oktober – Karen Meintjies (Naboomspruit),
Daniëlle van der Merwe (Strand).
13 Oktober – Claries du Plessis (Wilropark),
Frikkie Snyman (Capital Park-Pretoria).
14 Oktober – Alce Smit (Wilropark), Andrea
Jooste (Stellenbosch), Jan Schutte (Naboomspruit).
15 Oktober – Jan Karel Richie (Vereeniging-
Oos), Renske Slot (Wilropark), Wilna Oberholzer
(Naboomspruit).
16 Oktober – Marnus Buys (Walvisbaai), Sumari
Graham (Vereeniging-Oos).
17 Oktober – Annelise Burger (Krugersdorp-
Oos), Lezaan Jordaan (Krugersdorp-Oos), Willem
Ligthelm (Meyerton).
18 Oktober – Arina Wibbelink (Waverley-Pretoria),
Elsje de Beer (Klerksdorp), Simonie Heyneke
(Krugersdorp-Oos).
19 Oktober – Jolize-Mari Wiid (Oos-Moot), Lammert
Braak (Wapadrant), Lizane Minnaar (Cullinan),
Nicolene de Jager (Otjiwarongo).
20 Oktober - Hanno Snyman (Wapadrant).
23 Oktober – Herman Erasmus (Wapadrant),
Josef Coetzee (Wilropark), Zandré Stapelberg
(Wapadrant).
24 Oktober – Caroline Coetzee (Postmasburg),
Willemien Nederveen (Die Kandelaar), Marliet
Dickinson (Wapadrant).
25 Oktober – Carel-Hendrik Willemse (Wapadrant),
Handru Stapelberg (Wapadrant), Hendriët
Pouwels (VGK-Pretoria).
26 Oktober – Albert van Ressen (Bellville-Oos),
Jan-Hendrik Snyman (Krugersdorp-Oos), Linda
Eijbers (Walvisbaai), Vanessa Bruce (Klerksdorp).
27 Oktober - Chantell de Jager (Oos-Moot).
28 Oktober – Johan Grobler (Strand).
30 Oktober – Andries Pretorius (Naboomspruit),
Enid van Jaarsveld (Vereeniging-Oos), Hardus
Ligthelm (Meyerton), Lismari van der Walt (Wapadrant),
Mireille van der Walt (Vereeniging-
Oos), Nettie J van Rensburg (Naboomspruit).
31 Oktober – Hernus de Vries (Postmasburg).
HERNU ASSEBLIEF JULLE VERJAARDAE ELKE JAAR. EK VRA OOK DIE
GEMEENTES OM HUL JEUG SE VERJAARDAE AAN MY TE STUUR. MY ADRES
IS: POSBUS 614, PAARDEKRAAL, 1752, OF E-POS: jonkerp@mweb.co.za
4 Slingervel Oktober 2005

Nicolaas
Slingervel Oktober 2005
DIE 12 SEUNS VAN JAKOB (10)
SEBULON ...
die seun tot God se eer
In die geslag van Abraham, Isak
en Jakob wys die Here hoe
God se beloftes oorgedra word
van geslag tot geslag. God het
aan Abraham, Isak en Jakob beloftes
gemaak wat vir hulle nageslag
in die toekoms van groot
betekenis sou wees. God belowe
aan hulle dat hulle ’n groot nageslag
sal hê en dat die Messias,
Jesus Christus, die Verlosser en
Saligmaker, uit Israel gebore sal
word. Van Israel, God se verbondsvolk,
het hulle die stamvaders
geword. In hulle posisie as
stamvaders van die 12 stamme
van Israel lê dan ook die 12
seuns se betekenis in die Bybel.
Jakob het die 12 seuns en
een dogter (Dina) by twee vroue
en hulle slavinne gehad. Die vier
vroue uit wie die 12 seuns van
Jakob gebore is, is: 1. Lea – die
ma van Ruben, Simeon, Levi,
Juda, Issaskar en Sebulon. 2.
Silpa – Gad en Aser se ma. 3.
Ragel word deur hulle geboorte
die ma van Josef en Benjamin. 4.
Bilha – die ma van Dan en Naftali.
Sebulon se geboorte kom
onder besondere
omstandighede
Jakob se tiende seun, Sebulon,
was die sesde seun wat vir
Jakob uit Lea gebore is. Die geboorte
van Sebulon het ’n voorafgeskiedenis.
Toe Jakob vir sy
broer Esau se wraak gevlug het,
het hy na sy ma Rebekka se
broer Laban in Paddan-Aram gegaan.
Daar raak hy verlief op
Laban se jongste dogter, Ragel.
Toe sy troudag met haar aanbreek,
flous Laban vir Jakob en
laat hom eers met Lea, die oudste
dogter, trou en daarna trou hy
met Ragel.
Vir Ragel was Jakob hartstogtelik
lief, maar nie vir Lea nie.
Ná hulle huwelik word dit bekend dat Ragel nie kinders kan hê nie.
Lea sien dit raak as ’n kans om Jakob se liefde vir haar te wen deur
vir hom seuns in die wêreld te bring. In haar eerste vier seuns se
name – Ruben, Simeon, Levi en Juda – word die jammerlike situasie
van hulle huwelik uitgedruk.
Ragel is baie kwaad vir Jakob, omdat hy nie vir haar wil seuns
gee nie (Gen 30:1-2). Sy laat toe dat haar slavin Bilha twee seuns
by Jakob het (Dan en Naftali). Lea gee daarop haar slavin Silpa aan
Jakob en sy gee geboorte aan twee seuns (Gad en Aser). Daarna
word Lea self weer twee keer swanger en skenk eers geboorte aan
Issaskar en daarna aan Sebulon.
Die naam Sebulon hou verband met die Hebreeuse woord vir
bly by; ook respekteer. By sy geboorte sê Lea: “God het hierdie keer
’n mooi geskenk aan my gegee. Nou sal my man by my bly, want ek
het ses seuns vir hom in die wêreld gebring” (Gen 30:20).
Sebulon ontvang ’n seën
Net soos die meeste van Jakob se 12 seuns, word daar oor die
jeugjare en latere lewe van Sebulon niks in die Bybel geskryf nie.
Die enigste ander gegewens in verband met Sebulon is die seën
wat Jakob kort voor sy dood oor Sebulon uitgespreek het (Gen 49:13).
Jakob sê: “Sebulon woon by die strand, by die strand waar skepe is,
sy oë is op Sidon gerig.” In sy seën aan sy seuns, kort voordat hy
gesterf het, wys Jakob hoofsaaklik hulle grondgebied wat hulle in
Kanaän sou kry, aan. Al is dit bykans 500 jaar voordat Israel in Kanaän
sou aankom, hoor elke seun waar sy nageslag, die betrokke stam,
gaan woon.
Die Sebulonstam sal in die noorde van die land teenaan die see
gaan woon. In Josua 19:10-16 word hulle grondgebied en die grense
daarvan in besonderhede beskryf. Hulle grondgebied is die strook
tussen die Middellandse See en Galilea-See (ook genoem die
Tiberias-meer), en dit was baie ver van Jerusalem af, die stad wat
later die hoofstad van Israel sou wees. Sebulon se grondgebied was
’n agterlike deel van die land. God het egter deur vader Jakob Sebulon
se woonplek aangewys. God sou daarmee ’n doel gehad het.
Sebulon word ’n plek gegee in die agterlike Galilea nie omdat
Sebulon van minder betekenis was nie. As dit by geloof kom is daar
nie gunstige en ongunstige plekke nie. Vir die geloof is daar nie
belangrike en onbelangrike plekke nie. Elke brokstukkie area in die
heelal is belangrik, omdat dit God se skepping is. Daardie sekere
stukkie wêreld word van groot belang as God dit aandui as die
woonplek van sy kinders. Daar waar jy God se roeping moet uitleef
is dit vir jou die belangrikste. Maak nie saak nie, in ’n vakansie-oord
of in die tronk, in ’n studeerkamer of ’n siekekamer, in ’n konferensiesaal
of op ’n preekstoel, in die middestad of afgeslote op die
platteland ... orals, ja, orals moet jy soos ’n kind van God lewe tot
eer van God se Naam (Pred 12:13; 1 Kor 10:31; Kol 3:17); 1 Pet
4:11).
Dit alles leer God ons uit die lewe van Sebulon. In God se plan is
daar nie belangrike en onbelangrike plekke en mense nie.
5

Spreuke vir die tiener verklaar
Die wysheid bring ’n ryk en vol lewe
• SPREUKE 3:16-18 •
“Die wysheid gee met die een hand ’n lang lewe en met die ander rykdom en
eer. Die wysheid bring ’n ryk en vol lewe. Dit is ’n bron van lewe vir wie dit
aangryp, dit gaan goed met dié wat daaraan vashou.”
In Spreuke 3:13-26 sê God dat wysheid sukses en sekuriteit
bring. Dan word vier dinge ten opsigte van die wysheid beklemtoon:
• Die wysheid is beter as goud (vs 13-15).
• Die wysheid gee ’n lang lewe (vs 16-18).
• Die wysheid is in God gesetel (vs 19-20).
• Die voordele van die wysheid (vs 21-26).
Alhoewel God dit aan die mens bekendmaak dat sy wysheid (die
Bybel meer waarde het as goud, spandeer die mense op aarde die
grootste deel van hulle lewenstyd om “goud” (geld) bymekaar te
maak. Dit wat werklik betekenis in die lewe het, God se wysheid,
word bykans geïgnoreer of tot op die uiterste rand van die lewe uitgestoot.
Rykdom en weelde is gerig op die aardse. Die wysheid in die Bybel
is ook gerig op die lewe van gelowiges hier op aarde, maar dit word
gedoen met die oë gerig op die ewigheid. Aardse dinge soos goud,
silwer, edelgesteentes, geld kan nie vir jou hemelse wysheid gee
nie. Dit is voordeliger om te handel met die wysheid van God, want
genade en geestelike seëninge is meer werd as goud en edelstene.
As Christentiener moet jy in gedagte hou dat jy vir 12 jaar lank op
die skoolbanke voorberei word vir ’n beroepslewe. Ná skool ontvang
jy verdere onderrig met die oog op die beroep wat jy gaan
volg. Nadat jy in die beroep werksaam is, word kort-kort opfrissings-
MAANDAG, die tweede dag van
die week
Oom Nico
Die naam Maandag kom direk van middel-Nederlands
maendach af. Die eerste optekening daarvan in Afrikaans
is in die Patriotwoordeboek van 1902. Maandag is ’n leenvertaling
van Latyn, naamlik dies lunae wat beteken “dag van
Luna” aangesien hierdie dag aan die Romeinse godin Luna,
gewy is. Die Duitse woord is Montag en die Engels is Monday.
(Bronne:Etimologiewoordeboek van Afrikaans, 2003.
Verklarende Handwoordeboek van die Afrikaanse taal, 2003)
kursusse aangebied en kry jy
verdere indiensopleiding om jou
beroep vir jou so profytlik moontlik
te maak. Alles word gedoen
sodat jy ’n goeie inkomste kan hê
om van te lewe. Dit is natuurlik
nie verkeerd nie, maar as al jou
lewenstyd dáárin opgaan is jou
lewe gevaarlik eensydig. Jou beroepslewe
staan ook in verhouding
met die Here. Jou beroepslewe
is een faset van jou lewensruimte
op aarde.
Geld, weelde en aardse skatte
kan jou nét ryk maak, dis al. Dit
kan jou op aarde gemakliker laat
lewe. Maar meer kan dit nie doen
nie. As jou verhouding met die
Here reg is, kom daar balans in
jou lewe. Met jou aardse skatte
en rykdom kan jy nie ’n innige en
opregte verhouding met God
koop nie. Dit is nie so dat God
die mens rykdom en weelde verbied
nie. Abraham was in sy tyd
’n skatryk man en dieselfde kan
gesê word van Job en van Salomo.
Waarteen die Here wel waarsku
is wanneer jou geld en jou
goed vir jou van groter betekenis
as die Here is (Luk 12:13-21).
Jou aardse goed moet ’n middel
word waardeur jy God vereer en
goed doen in die Koninkryk van
God. Die wysheid van God bring
’n ryk en vol lewe. Dit beteken ’n
lewe van waarde. ’n Lewe met
balans en ewewig. Die wysheid
van God is ’n bron van lewe vir
wie dit aangryp, dit gaan goed
met dié wat daaraan vashou.
6 Slingervel Oktober 2005
Ds. Nico van der Merwe

die redakteur skryf ...
Slingervel Oktober 2005
Suurknol of
“smiling pô-pô”
’N SUURKNOL is iemand met ’n suur gesig, ’n onvriendelike gesig. ’n
“Smiling pô-pô” is iemand met ’n vriendelike gesig wat gedurig lag en
glimlag. ’n Suurknol is ’n stuurse, nors mens. Hy is bot, nukkerig, kortaf,
knorrig, befoeterd. ’n Suurknol is nie net onaangename geselskap nie,
hy maak die hele atmosfeer rondom hom ook onplesierig. Om met ’n
suurknol in die geselskap te sit is ’n pyn. ’n Suurknol in jou vriendekring
is ’n marteling. Hy demp die spontaneïteit, opgewektheid en geselligheid
van die hele groep mense.
� Onthou, daar gaan van ’n mens ’n aksie uit tot ander mense rondom
jou.
� As jy deel is van ’n groep, dan gaan daar invloed van jou na die
ander in die groep uit.
� Vanuit jou as mens straal daar ’n gesindheid, sekere stemming uit
na die mense met wie jy te doen het.
Vir ’n gelowige is dit baie belangrik om te weet watter gesindheid daar
van jou uitstraal na ander mense. Is die gesindheid wat jy uitstraal
positief of negatief? Is dit “suur” of is dit “smiling”? Is die invloed wat
daar van jou uitgaan opbouend of afbrekend?
Dit is hartseer as iemand sê hy is ’n Christentiener en die invloed wat
van hom uitstraal tot ander mense is negatief, onaangenaam, afbrekend,
kwetsend. Nog meer hartseer is dit as mense vir jou wegkruip
omdat jou teenwoordigheid vir hulle onhanteerbaar en onaangenaam
is.
In die Bybel het Christus ’n voorbeeld uit die alledaagse lewe geneem
om te verduidelik hoe jou invloed moet uitgaan na ander mense. Die
voorbeeld wat Christus gebruik is dié van die suurdeeg (Matt 13:33).
In ons tyd koop ons ons brood by die winkel. Tuis word daar nie meer
deeg geknie en brood gebak nie. Suurdeeg word gebruik om die brooddeeg
te laat rys, te laat uitswel sodat dit ’n mooi gevormde brood kan
bak.
Christus sê jy moet daarna gaan kyk. Die brooddeeg word aangemaak
en dan word ’n bietjie suurdeeg bygesit wat die deeg deursuur. ’n Mens
kan nie die suurdeeg sien of hoor werk nie – as jy maar sien, dan is die
deeg uitgeswel en gereed vir die oond om te bak. Die suurdeeg werk
ongesiens, in stilte doen dit goeie werk. Die resultaat van die suurdeeg
se werking is positief, opbouend.
Juis op hierdie punt lê die roeping van die Christentiener. Is jy in die
groep waarin jy beweeg ’n suurknol of is jy suurdeeg? Omdat God jou
in Christus verlos het en deur die Heilige Gees nuut gemaak het, het jy
die heerlike, dankbare taak om suurdeeg te wees wat in die groep
waartoe jy behoort die goeie bewerk. God sê: “Moenie jou deur die
kwaad laat oorwin nie, maar oorwin die kwaad deur die goeie” (Rom
12:21). Wees van nou af liewer ’n “smiling pô-pô” as ’n ou suurknol.
Redakteur
Ds Nico vd Merwe
e-pos: slingervel@cinet.co.za
Tipografie en uitleg
Joey Fourie
e-pos: kerkblad@gksa.co.za
Medewerkers
Marina Kotze
Junior Rubrieke en Penmaats
Riana Jonker
Verjaardaghoekie
Susan Lourens
Tienergesprekslyn en Boekeblad
Tersia van der Merwe en Rina
Myburgh
Blokkiesraaisels en Kopkrappers
Attie Venter
Wetenskap-Artikels
Hannatjie Vorster
Tienerforum
Rika du Plessis
Stories en vervolgverhaal
Artikelskrywers dié uitgawe
Dr. Nico van der Merwe
Oom Carel
Oom Nico
Nicolaas
Tellie Skoop
Eienaars en uitgewers
Deputate vir Kerklike Tydskrifte
Gereformeerde Kerke in Suid-Afrika
Posbus 20008, Noordbrug 2522
Drukkers
Business Print Centre
Tel. 018 290 5554
Intekening
Administratiewe Buro
Afdeling Publikasies
Posbus 20008, Noordbrug 2522
Tel: (018) 297 3986
Intekengeld
R101,00 per jaar
(posgeld en BTW ingesluit)
Advertensietarief
Op aanvraag beskikbaar
by Wymie du Plessis, tel. (018) 297-
3989
Die Redakteur
Posbus 6433, Flamwood 2572
Bydraes en briewe
Posbus 6433, Flamwood 2572
Jaargang 47
Nommer 860 Oktober 2005
ISSN 0037 685 X
7

Oordenkings vir
109. Die Baas in jou lewe
Lees in jou Bybel Matteus 6:24
Julle weet dat die plek waar Mamma en Pappa werk ’n
baas het wat kyk dat alles goed verloop. ’n Baas kan
iemand wees met ’n besigheid vir wie ander mense werk.
Jou skoolhoof is baas by die skool sodat alles ordelik kan
gaan. As jy wil moeilikheid hê dan moet jy twee mense
baas maak van dieselfde groep werkers. Een mens kan
ook nie vir twee base werk nie, want vir watter een moet jy
luister?
So ’n voorbeeld gebruik Jesus om te sê dat daar geestelik
ook ’n baas, ’n eienaar in ons lewe is. Elke gelowige
kan sê dat God hulle Baas is. As daar iets in jou lewe is wat
belangriker is as God, dan word daardie ding jou baas. So
kan geld jou baas wees, of sport of kos of plesier. Jesus sê
’n kind van God mag nie ’n ander baas hê as God nie. Hy
het jou van jou sonde verlos en Hy sorg vir jou in alles.
Hom alleen moet jy dien.
111. Niks is vir God onmoontlik nie
Lees in jou Bybel Markus 10:24-31
As iets vir ’n mens onmoontlik is, dan beteken dit dat
niemand dit kan doen nie. Ons kan sê dit is onmoontlik
vir ’n mens om oor die maan te spring. Of dit is onmoontlik
vir ’n mens om oor ’n berg te spring. Geen mens sal dit kan
doen nie. As jy sê dit is onmoontlik vir ’n mens om tot bekering
te kom bedoel jy dat dit onmoontlik is vir ’n mens om
sélf tot bekering te kom. Dit is vir jou onmoontlik om jou eie
sonde weg te neem.
Christus leer ons in Markus 10:27 dat niks vir God
onmoontlik is nie. Dit is vir Gód moontlik om jou sonde weg
te neem, jy moenie probeer om dit self te doen nie. God het
sy Seun, Jesus Christus, na die aarde toe gestuur en Hy
het met sy bloed die sonde kom wegneem. Jy as kind hoef
nie niks te doen nie. Jy moet lewe soos ’n kind van God
van wie die sonde weggeneem is. Jy moet vir God dankie
sê daarvoor.
113. Jy moet nie vir iemand kwaad
bly nie
Lees in jou Bybel Ef 4:25-32 (vs 26-27)
Die Here Jesus doen wonderlike dinge in die lewe van
dié mense wat in Hom glo. In Markus 7:24-30 is Jesus
in Fenisië, ’n gebied van die heidene, waar Jesus ’n bietjie
wou rus. Die mense het egter agtergekom dat Hy daar is
en na Hom toe gekom. ’n Griekse vrou kom na Jesus en
vra dat Hy tog haar dogtertjie wat deur ’n onrein gees beset
is sal verlos. Die vrou weet dat sy nie ’n Jood is of ’n burger
van Israel nie. Tog vra sy dat Jesus haar en haar dogtertjie
moet help. Hy is haar laaste hoop. Dan doen Jesus ’n
wonderteken deur die dogtertjie van die onrein gees te verlos.
Dat sy in Jesus geglo het was vir Hom genoeg om haar
dogtertjie te verlos.
Jy kan geen verhouding met God hê as jy nie in Hom
glo nie. Die Here vra altyd na ’n mens se geloof. Die Heilige
Gees maak geloof in jou hart deur die Bybel.
110. Jou sondes is afgewas
Lees in jou Bybel 1 Korintiërs 6:1-11 (vs 11)
Jy het seker al gehoor dat mense daarvan praat dat
grootmense hulle vuil wasgoed in die openbaar was.
Dit gebeur byvoorbeeld as ’n man en ’n vrou van mekaar
skei, dan vertel hulle in die hof hoe het die een verkeerd
opgetree teenoor die ander een. Of die een persoon maak
’n hofsaak teen ’n ander persoon en vertel in die hof hoe ’n
lelike en morsige lewe die ander een het.
Jy sal weet dat sonde ’n mens vuil maak. Sonde kan jy
nie met seep en ’n waslap afwas nie. God leer dat Hy met
die bloed van Jesus Christus ons sonde-vuiligheid afwas
en jou skoonmaak. Toe jy gedoop is het die Here vir jou
gesê net soos water jou liggaam skoonmaak, maak Jesus
se bloed jou skoon van die sonde. Die water by die doop is
’n teken van Jesus se bloed wat jou skoon gewas het. Jy
moet nou leef soos ’n kind wat deur God skoon gewas is.
112. Berou oor jou sonde
Lees in jou Bybel Lukas 22:54-62 (vs 62)
Het jy al ’n groot man gesien huil? Dit gebeur soms by
die begrafnis van ’n man se kind of vrou dat hy huil.
Maar sommer so oor die gewone dinge van die lewe sien jy
nie maklik dat ’n man huil nie. In Lukas 22:62 lees ons dat
die dissipel Petrus “bitterlik gehuil” het. Dit moes iets vreesliks
gewees het wat die groot en sterk man soos Petrus
laat huil het. Weet jy, hy het gehuil oor sy sonde! Hy het
nou net vir mense gesê dat hy Jesus nie ken nie. Petrus
het vir Jesus verloën. Daaroor huil Petrus! Petrus het nie
gehuil omdat Judas Jesus verraai het nie. Hy het ook nie
gehuil omdat die soldate Jesus gevang het nie. Hy huil
omdat hy berou het oor die groot sonde wat hy gedoen het.
As kind van die Here moet jy ook so voel as jy verkeerd
gedoen het. Gelukkig vergewe God ons sonde. Dit is
waarvoor jy moet bid.
114. Alles wat God doen is goed
Lees in jou Bybel Markus 7:31-37
D aar is mense wat vertel dat God nie net goed doen
nie, maar ook die slegte. Dan wys hulle na al die ongelukke,
swaarkry, ellende en smart op aarde. Hulle sê:
Hoe kan God goed wees as Hy toelaat dat kinders gesteel
en slawe gemaak word? Hoe kan God toelaat dat klein
dogtertjies verkrag word? Hoe kan God toelaat dat ’n ma of
’n pa kanker kry en doodgaan? Hoe kan God toelaat dat
daar soveel pyn en hartseer is in die lewe van mense wat
vigs kry?
Ons moet onthou dat dit nie God is wat hierdie dinge
doen nie. Al die hartseer dinge van pyn en smart kom oor
die mens vanweë die sonde waarin die mens leef. God het
vir ons sy Seun, Jesus Christus, gestuur om ons van die
sondeskuld en sondestraf te verlos. Elkeen wat in God glo
ontvang redding en verlossing, want alles wat God doen is
goed (vs 37).
8 Slingervel Oktober 2005

laerskoolkinders
115. God sorg vir jou daaglikse behoeftes
Lees in jou Bybel Markus 8:1-10
Dink jy ooit daaraan dat jy elke dag genoeg het om te
eet en te drink? Dit is so maklik om te dink dat Mamma
en Pappa werk vir geld en dit is die vernaamste rede
waarom ons kos en lekkernye kan koop. Dan vergeet jy
dat dit God is wat aan jou ouers die vermoë gee om te kan
werk en hulle ook in hulle werk seën.
Onthou, dit is God wat ons versorg en alles gee om
van te lewe, soos Christus die skare mense daardie dag
kos gegee het. Jesus leer ons in sy gebed, Ons Vader, om
vir God te vra: “Gee ons vandag ons daaglikse brood” (Matt
6:11). God weet dat die mense op aarde moet eet sodat
hulle krag kan kry om hulle werk te kan doen. Omdat dit
God is wat ons versorg moet ons voor ete vra dat die Here
die voedsel sal seën en na die ete moet ons vir God dankie
sê vir dit wat ons kon eet.
117. Die suurdeeg van die Bose
Lees in jou Bybel Markus 8:14-21
Ek wonder of jy weet wat suurdeeg is. Suurdeeg word in
brooddeeg gebruik sodat die brood kan uitrys (vra vir
Mamma om jou te vertel hoe werk suurdeeg). Nou sê Jesus
dat die mense wat nie in Hom glo nie (die Fariseërs) net
soos suurdeeg is. Net soos ’n klein bietjie suurdeeg die
hele brood laat uitrys, net so was die ongeloof en boosheid
van die Fariseërs genoeg om die hele gemeenskap van
mense teen Jesus op te sweep en hulle teen Hom te laat
draai.
As jy dus met maats en vriende te doen het wat die
Bybel kritiseer of vir jou sê dat ’n mens nie kan glo wat in
die Bybel staan nie moet jy nie hulle praatjies aanvaar nie.
Hulle houding teenoor die Here en die Bybel werk in die
harde van klomp mense soos die suurdeeg in die deeg.
Moenie na hulle luister nie en lees jou Bybel en bid elke
dag tot God.
119. Wat is jou belydenis van God?
Lees in jou Bybel Markus 8:27-30
Mense het baie opinies oor die Bybel en oor God. Jy
hoor dit ook seker as jy na die geselsery van jou
vriende en maats luister, en ook as jy te hore kom wat
grootmense oor hierdie saak te sê het. Mense dink nie
daaraan dat as hulle hulle eie opinie oor God en die Bybel
uitspreek dit in werklikheid ’n geloofsbelydenis is nie. Dit is
ook die vraag wat Jesus Christus vir die dissipels gevra
het: “Wie sê die mense is Ek?” Party mense het gesê dat
Jesus Johannes die Doper is. Ander mense het weer gesê
dat Jesus Elia is en nog ander het gesê dat Hy een van die
profete is. Dan vra Jesus vir die dissipels: “Maar julle, wie
sê julle is Ek?” Dan antwoord Petrus die vraag: “U is die
Christus.”
Hoe sal jy, al is jy nog ’n kind, antwoord? Wat jy sê
gaan jou geloofsbelydenis wees. Wees dus versigtig hoe
jy antwoord.
Slingervel Oktober 2005
116. Die mense vra ’n teken
Lees in jou Bybel Markus 8:11-13
Voel dit soms vir jou dat jy nie alles kan glo wat in die
Bybel geskryf staan nie? Dalk hoor jy hoe grootmense
met mekaar praat en sê dat hulle twyfel of alles wat in die
Bybel staan waar is. In die tyd toe Jesus Christus as mens
op aarde was, was daar ook mense wat nie geglo het dat
Hy die Seun van God, die Verlosser van sondes is nie. Hulle
het vir Jesus gevra om ’n wonderteken te doen sodat hulle
kan glo. Hulle wil hê dat Jesus met ’n wonderteken sal bewys
dat Hy die Seun van God is, dan eers sal hulle glo. Jesus
doen dit nie, want ’n mens kan nie ten opsigte van die godsdiens
dinge bewys soos in die Wetenskapklas by die skool
nie.
As dit kom by godsdiens moet jy glo. Jy moet ophou
twyfelvrae vra oor die waarheid en die werklikheid in die
Bybel. Glo alles wat God in die Bybel opgeskryf het.
118. God genees geloofsblindheid
Lees in jou Bybel Markus 8:22-26
Jou oë waarmee jy kyk en sien is vanself ’n wonder van
God. As jy op skool van die oog leer of dit self in ’n
ensiklopedie lees besef jy watter wonderlike liggaamsdeel
God in die oog vir die mens gegee het.
As ’n mens met godsdiens te doen het moet jy ook oë
hê om te kan sien. Maar dit is nie soos jou gewone oë nie,
dit is geloofsoë waarmee jy in jou hart die dinge van God
kan raaksien. Omdat ons in die tyd van die sonde leef wil
Satan jou geloofsoë blind maak. Hy wil nie hê jy moet die
waarheid in verband met God en sy wonderdade sien en
glo nie. Maar elkeen wat in Jesus Christus glo is mense
wat deur Christus van hulle geloofsblindheid genees is. Jy
moet elke dag tot God bid dat Hy jou geloofsoë sal genees,
soos Christus die oë van die blinde man in Betsaida gesond
gemaak het.
120. Jesus Christus is jou Verlosser
Lees in jou Bybel Markus 8:31-33
A s jy die vraag moet beantwoord: Hoe word jy van jou
sonde verlos? – wat sal jy antwoord? Van kleins af is jy
geleer dat die Here Jesus Christus ons sondes wegneem.
Hý is jou Verlosser. Maar Jesus moet iets doen sodat God
die Vader jou sondes kan wegneem. In Markus 8:31-33 sê
Jesus wat Hy moes doen. Hy moes ly. Hy moes aan die
kruis sterwe en Hy moes drie dae daarna uit die graf opstaan.
Dit is wat Jesus vir die dissipels vertel. Dit is wat met
Hom gebeur het.
Omdat die mens sonde gedoen het staan die mens
skuldig voor God. Die mens is te swak om die skuld van
die sonde te betaal – daarom het God sy Seun, Jesus
Christus, gestuur om in jou plek te ly, aan die kruis te sterf
en op te staan uit die dood. Elke keer as jy bid moet jy vir
die Here dankie sê dat Hy dit vir jou gedoen het.
9

tersia & rina
blokkiesraaisel 361
Naam: _______________________________
Adres: _______________________________
Gemeente: ___________________________
Geboortedatum: _______________________
Graad: _______________________________
Slingervel se
LAWWE WOORDEBOEK
KATEDRAAL:Slenter rond.
MISKEN: Kompos-deskundige.
VERGELYK: Woestynvlaktes.
BEREKEN: Dierekenner van bere.
DOMINEER: Man is nie slim nie.
DWARS
1. Hulle het die waarheid
van God hiervoor verruil
(Rom 1:25).
3. In hierdie tyd lê die
psalmdigter en
terugdink (Ps 77:7).
5. Met die hulp van 50 man
het Peka hom doodgemaak
(2 Kon 15:25).
7. Die vierde seun van
Sofag (1 Kron 7:26).
8. Salomo het op hierdie
dier gery (1 Kon 1:38).
10. Hulle sal ophou maal
(enkelvoud) (Pred 12:3).
12. “Vir die wat dit nie
_____ nie, moet julle
dit leer” (Esra 7:25).
13. Die koning het ’n onthaal
ter ere van haar gegee
(Ester 2:18).
10 Slingervel Oktober 2005
AF
1. Hy het van Abram af
weggegaan (Gen 13:14).
2. Die naam van die vierde
seun van Dawid (1 Kron
3:7).
4. Hy besluit oor dit van
die sterre (Ps 147:4).
5. Die vader van Aäron
(Num 26:59).
6. Hy het sy swaard aan sy
heupe vasgegord (Neh
4:18).
7. Die seun van Sippor (Jos
24:9).
9. “Ek stuur vir julle
koring, mos en _____
(Joël 2:19).
11. Jesus het vir sy dissipels
gesê dat dit gekom
het (Matt 26:45).
STUUR AAN: Blokkiesraaisel 361, SLINGERVEL, Posbus 6433, FLAMWOOD, Klerksdorp 2572

Slingervel Oktober 2005
OOM CAREL
KAT in Afrikaanse idiome
Die huiskat is al vir ’n hele paar eeue ’n troeteldier in die huis. Daarom is dit
verstaanbaar dat ons in Afrikaans ’n hele klomp idiome vind waarin ’n kat ’n rol
speel. Hier is ’n paar:
� Die kat uit die boom kyk = Afwag om te sien watter
verloop ’n saak neem.
� Geen kat se kans nie = Nie die minste kans nie.
� Soveel daarvan weet as ’n kat van saffraan =
Glad niks van ’n saak weet nie.
� Wie sal die kat die bel aanbind? = Wie sal die
gevaarlike werk doen?
� ’n Kat in die duiwehok gooi = Groot konsternasie
veroorsaak.
� Die kat in die donker knyp = In die geheim iets
verkeerds doen.
� Soos kat en hond leef = Voortdurend rusie maak
en baklei.
� Snags is alle katte grou = In die donker lyk alle meisies eners.
Julle moet almal in vrede met mekaar lewe en nie katterig wees nie!
rondomtalieraai
tersia en rina
Vul die blokkies in die rondte in (kloksgewys), sodat die laaste letter van nommer
1 ook die eerste letter van nommer 2 is.
1. Dit het van die land af gewaai
(Hand 27:14).
2. ’n Proklamasie moes op die
_____ van die twaalfde maand
plaasvind (Ester 3:13).
3. Die goewerneur Tattenai was
van Wes-_____ (Esra 5:3).
4. Judas was een van die _____
(Luk 22:47).
5. ’n Goewerneur (Hand 23:24).
6. Een van Daniël se vriende wat
in die brandende oond gegooi is
(Dan 3:13).
7. God het hulle aanval afgeslaan
(Ps 3:8).
8. Sulke oë bring blydskap (Spr
15:30).
(Bron: Idiome-woordeboek. 1988.)
11

Tannie Rika du Plessis
Betsie se lewe in die
Betsie is ’n Graad 2-dogtertjie
wat vandag vir die eerste
keer na ’n nuwe skool toe gaan.
Haar ouers het van ’n groot stad
na ’n klein dorpie toe getrek.
Hulle is mense met sommer baie
geld en kan alles koop wat hulle
harte begeer. So is Betsie dan
ook gewoond daaraan om alles
te kry wat sy vra.
By die skool maak sy sommer
gou maatjies met Sarie en Tinka.
Sarie en Tinka is twee sussies wat
saam met Betsie in die klas is.
Met speeltye gaan sit die drie op
’n houtbankie naby die sportvelde
en eet hulle toebroodjies
en gesels sommer oor allerhande
dingetjies.
Sarie en Tinka se ouers is nie so
ryk soos Betsie s’n nie, en hulle
luister graag hoe Betsie vertel
van hulle lewe in die groot stad
saam met haar ander maatjies
daar. So-iets ken hulle glad nie
op dié klein dorpie nie, en daar
is soms verlange in hulle ogies
wanneer Betsie so opgewonde
vir hulle van alles vertel.
“Verlang jy nie terug na die stad
en jou maatjies en al die wonderlike
dinge wat julle daar gedoen
het nie?” vra Tinka eendag. “Ja,
nogal, maar ons sal seker weer
eendag teruggaan, want my
pappa kom net tydelik hier in
iemand anders se plek werk. Die
oom het ’n groot operasie gehad,
en wanneer hy weer gesond
genoeg is om terug te kom werk
toe, dan trek ons weer stad toe.”
“Wat het jy bedags alles gedoen
wanneer jy van die skool af
stad
gekom het?” vra Sarie om nog van
Betsie se stories te hoor.
“O, sommer baie dinge. Ons huis was
langs ’n groot pretpark en ek en my
maatjies het omtrent elke dag daar
gaan speel. Daar is swaaie waarop ons
gery het; stampkarretjies waarmee ons
mekaar gejaag het; sulke groot, ronde
goed wat soos skulpe lyk waarin ons
gesit het, en dan het dit so om en om
gedraai sodat ons aan mekaar vasgeklou
het, maar dit was lekker. Ag, en
nog baie ander goed. Ek het die meeste
gehou van die ponies waarop ons mag
gery het,” vertel Betsie vrolik.
“O, dit klink so lekker. Ek wens ek kan ook net een keer op ’n ponie
ry,” sê Tinka.
“Daar is ook ’n waterstroom in ’n sementsloot waarin ons op bootjies
gery het. Ons het altyd resies gejaag en dit was groot pret om te sien
wie eerste by die end aangekom het. Ek het natuurlik my eie bootjie
gehad wat my ouers vir my gekoop het. Die ander kinders het
bootjies gehuur.” Die skoolklok lui en Sarie en Tinka staan traag op,
want hulle luister dan nou so lekker na al Betsie se stories.
Ná skool vertel die sussies altyd alles vir hulle mammie van Betsie se
lewe in die stad. “Sy is darem maar ’n gelukkige meisiekind om so
baie pret te gehad het, weet Mamma,” sê Tinka. “Ja, hier is niks om te
doen nie. Ons het nie eens ’n parkie op dié ou dorpie om in te gaan
speel nie,” sê Sarie.
Hulle mammie luister na die verlange in hulle stemmetjies, en sy
neem hulle aan die handjies en gaan sit met hulle op die bank.
“Voordat Betsie hierheen gekom het was julle tog gelukkig hier op
ons ou dorpie. Julle het baie ander maatjies met wie julle lekker
gespeel het, sonder dat julle al daardie goed kon doen waarvan
Betsie praat. Onthou, dit is nie almal wat so baie geld het soos Betsiehulle
nie, en daar is een ding wat julle moet onthou: om so baie geld
te hê maak ’n mens tog nie altyd gelukkig nie,” sê sy sag vir hulle en
soen elkeen op die wangetjie. “Ja, maar dit maak tog die lewe
lekkerder,” sê Tinka sag.
“Ek wil gaan koekies bak. Hoe lyk dit, gaan julle my help?” vra hulle
mammie om hulle te probeer opvrolik. Dadelik blink die twee sussies
se ogies. Van koekies bak hou hulle sommer baie, want hulle mam-
12 Slingervel Oktober 2005

Slingervel Oktober 2005
mie laat hulle altyd toe om
mannetjies en diertjies van
die deeg te maak en te
bak. Hulle spring gretig op
en vergeet sommer daar
en dan van al Betsie se
stories.
Hulle is net lekker besig
met die bakkery, toe kom
Betsie vir hulle kuier. Die
twee sussies sien hoe
Betsie se ogies rek toe sy
na die mannetjies en diertjies kyk wat hulle met die deeg maak en
dan op die bakplaat sit. “Haai, kan ek ook ’n mannetjie en ’n katjie
maak?” vra Betsie verlangend. “Natuurlik kan jy, Betsie. Hulle is vir
jou ook ’n stuk deeg,” sê die sussies se mamma vriendelik.
Betsie gaan sit sommer dadelik by die tafel en konsentreer hard
terwyl sy die mannetjie en katjie met die deeg vorm. Dan sit sy dit in
die bakpannetjie en kyk hoe die mamma dit in die oond steek. Met
haar ogies vasgenael op die pannetjie in die oond sit sy daar en kyk
hoe die mannetjie en katjie rys dat hulle pensies en voetjies en
sommer alles aan hulle so vet word.
“Ek wens my mamma wil my ook toelaat om dit te doen. Maar my
mamma bak nooit koekies nie. Sy koop sommer by die winkel
koekies, maar dit smaak nie so lekker soos hierdie van Tannie nie,” sê
Betsie toe sy van die klaar gebakte koekies saam met die sussies eet.
“Wanneer ons hier klaar is, gaan ons mooi goedjies maak om een van
die dae aan ons kersboom te hang. Wil jy ons help?” vra Sarie later.
“Regtig? Maak julle julle eie goedjies om op te hang?” vra Betsie
blinkoog. “My mamma koop sommer elke jaar ’n klaar opgemaakte
boom.”
“Ja, elke jaar maak ons ander. Dit is lekker, want Mamma gee vir ons
elkeen ’n skêr, gom en mooi gekleurde papier en blinkertjies. Kom
kyk,” sê Tinka en neem Betsie aan die hand. Betsie help fluks en
gretig en toe sy eindelik moet huis toe gaan, stap sy na die sussies se
mammie toe en staan op haar toontjies om haar ’n soentjie op die
wang te gee.
“Baie dankie vir vandag, Tannie. Dit was alles so lekker, baie
lekkerder as al die spelery wat ek altyd in die stad saam met my
maats in die pretpark gehad het. Ek wens ek kan vir altyd hier bly,
want dalk sal my mamma dan ook leer koekies bak en allerhande
dingetjies saam met my doen,” sê Betsie. “In die stad is my mamma
omtrent nooit by die huis nie. Sy is altyd iewers saam met haar
vriendinne besig met een of ander ding, of gaan drink by een tee of
gaan na plekke toe waarheen sy my nie kan saamneem nie. Dan het
ek maar net my maatjies en die pretpark waarmee ek my kan besig
hou. Dit is tog nie altyd regtig so lekker nie, want ek verlang na my
mamma en wil ook graag saam met haar dingetjies doen.”
Toe Betsie later weg is, kyk die sussies se mamma na hulle en gaan sit
op haar hurke by hulle. Sy slaan ’n arm om elkeen en trek hulle styf
teen haar vas. “Kan julle nou sien
wat Mamma bedoel het toe ek
gesê het dat rykdom nie altyd vir
’n mens geluk bring nie? Kyk nou
net hoe het Betsie hierdie
eenvoudige dingetjies vandag
saam met julle geniet,” sê sy sag.
“Ja, Mamma, en ons is bly ons
het nie ’n mamma soos hare wat
byna nooit by die huis is nie. Jy
is ’n lekker mamma, en ons is lief
vir jou,” sê Sarie en Tinka knik
ook voordat hulle haar elkeen ’n
stywe drukkie gee.
kleutervers
Die boonste laai
Ouma het ’n boonste laai
vol blinkertjies en goed,
daar’s botteltjies en
potjies
en dingetjies van toet.
Ek steek blink speldjies
aan my rok,
bind snoertjies om my
keel
en word ’n pragtige
prinses
wat woon in ’n kasteel.
Ek smeer my lippies
donkerrooi,
kyk gou of Ma nie sien,
want dit, sê sy, mag ek
eers doen
oor so ’n jaar of tien.
Dan mag ek Ouma-ringe
dra, my naels verf,
helderrooi.
Ag loop, sê Ma, jy’s
ouderwets,
bly net so, dan’s jy mooi!
(Alba Bouwer. Uit
Kleuterverseboek 2000)
13

Oom Attie Venter
Hoekom so begaan oor
Toe het God gesê: “Laat daar uit die aarde
groenigheid voortkom, groen plante wat
saad gee, en vrugtebome op die aarde, wat
elkeen na sy aard vrugte dra en waarvan die saad
in sy vrug sit ... Die aarde het groen plante laat
uitspruit wat elkeen na sy aard saad gee, en bome
wat vrugte dra met die saad daarin, elkeen na sy
aard. En God het gesien dit is goed” (Gen 1:11,
12). Kom ons vind uit wat bome vir die mens werd
is. As ons dít weet en gedurig in gedagte hou sal
ons dalk meer geneig wees om dié geskenk wat
die Skepper aan ons gegee het te waardeer en
beter op te pas. Tussen-in kom ons miskien verskeie
wetenswaardighede teë wat die onderwerp
interessanter maak.
Estetiese waarde
Jy het seker al so oor ’n vlakte gekyk en as jy nie
bome sien nie, maar net gras, bossies en klip, gedink:
“Dit is maar ’n dor, oninteressante, kaal wêreld.”
Dit is natuurlik nie noodwendig waar nie, maar
’n mens wil graag bome in ’n landskap sien. Dit lyk
mooi en skep die indruk dat daar iets aangaan,
dat daar lewe is. Geen wonder nie dat die eerste
lewendige dinge wat God volgens die aanhaling
hierbo geskep het plante en veral bome was. Dit
sal werklik interessant wees om na te slaan op
watter plekke in die Bybel van bome gepraat word,
en van watter bome. Julle sal verbaas wees.
Dit is dan ook een van die redes waarom ons so
begaan is oor bome: die estetiese waarde wat die
verskillende soorte aan ’n omgewing gee. Party is
lank en dun, ander is plat bo-op en sprei uit, blare
kom in allerhande groottes en vorme voor, blomme
en vrugte is dikwels mooi om na te kyk. Hierdie
kwaliteite maak bome ideaal vir die verfraaiing van
tuine, stede en selfs nywerheidsgebiede. Hoe gaan
Pretoria byvoorbeeld lyk as al die jakarandas afgekap
is? Waar is die dae toe pryse aan die bes versorgde
spoorwegstasies toegeken is? Die teenwoordigheid
van bome en struike het ’n deurslaggewende
rol daarin gespeel.
Ekologiese waarde
] Bome maak nie alleen die lewe aangenaam nie,
maar ook moontlik. Alle groen plante neem bedags
bome?
koolstofdioksied op en stel suurstof vry. Bome help
dus om ’n lae CO 2 -vlak te handhaaf en verminder
sodoende die kweekhuiseffek wat dreig om die aarde
ongerieflik (en gevaarlik!) warm te maak.
] Dan moet ons nie vergeet van die suurstof wat
bedags afgegee word nie. Bome dien dus as “longe”
vir mense en diere. Deur middel van fotosintese
produseer sowat 4 000 m 2 bome genoeg suurstof
om drie mense aan die lewe te hou.
] Deur dieselfde wonderlike fotosintese-proses
produseer die blare van bome glukose. Op dié wyse
word die energie wat in sonlig opgesluit is gebind
in die vorm van glukose (’n vorm van koolhidrate),
wat dan weer omgesit word in stysel. In hierdie
vorm word dit gestoor. Met verloop van tyd word
dit chemies verander na vette, proteïene, vitamines
en ander nuttige chemiese stowwe. So dien dit as
belangrike voedselbron vir mens en dier.
Bome se blare word gevreet deur talle insekte asook
deur ape, olifante, kameelperde, koedoes en
bosbokke, om maar enkele voorbeelde te noem.
Selfs dooie blare wat afval word geëet. Dis byvoorbeeld
’n gesogte maal vir die blou duiker. Ape eet
blomme, en voëls, insekte en sommige soorte vlermuise
geniet nektar. Baie vrugtesoorte word geëet
deur diere, wat in party gevalle weer help met saadverspreiding.
(Hoe lyk dit, kan jy ’n paar voedselwebbe
uitwerk waarin ’n boom of bome in een of
ander stadium ’n skakel vorm?)
] Bome voorsien plek vir voëlneste. Die blaarryke
takke bied goeie skuiling en is moeilik bereikbaar
vir die meeste roofdiere – selfs voëls wat nie broei
nie slaap snags in bome. Spegte, houtkappers en
neushoringvoëls maak nes in gate in boomstamme.
Yslike ou bome se stamme word dikwels hol
in die middel en dit word ’n gesogte broeiplek vir
vlermuise.
] Wanneer bome doodgaan dien die verrotte hout
as voedsel vir insekte en hul vyande. Pragtige
swamme en korsmosse breek houtmateriaal verder
af. So word dit weer in die grond besorg om nuwe
kringlope te begin.
] Bome is groot reënmakers deurdat dit groot
14 Slingervel Oktober 2005

hoeveelhede waterdamp in die atmosfeer vrystel.
’n Halwe hektaar esdoring stuur byvoorbeeld daagliks
95 000 liter water die lug in. ’n Ondersoeker
beskryf ’n vreemde manier van reënmaak so: ’n
Sekere bakterium, Pseudomonas syringae, leef
mutualisties op party bome. Wanneer dié organismes
in die atmosfeer vrykom dien hulle as kerne
vir die vorming van ys- of reëndruppels. Hierdeur
word die vorming van reën aangehelp. In ruil daarvoor
verskaf die bome huisvesting aan die bakterieë.
] Van simbiose gepraat (mutualisme is ’n vorm
van simbiose), ’n sekere mycorrhiza-swam (Grieks:
mycos = swam, rhiza = wortel) leef in bondgenootskap
met bome soos die den. Sulke bondgenootskappe
tussen twee soorte plante, ’n dier en ’n plant
of twee soorte diere is volop in die natuur. Nou, in
hierdie geval het ons ’n wonderlike voorbeeld van
’n plant-plantassosiasie. ’n Sekere soort swam skei
’n stof in die grond af wat die gasheerplant se
wortelgroei stimuleer en vatbaar maak vir die
swam. Laasgenoemde vorm ’n skede om die wortels
of groei, in sommige gevalle, in die wortelselle
in. Hulle bevoordeel die gasheer op die volgende
maniere:
� Die buitenste dele van die swam vertak en
verrig die funksie van wortelhaartjies deurdat hulle
water en mineraalsoute uit die grond opneem en
aan die gasheerplant verskaf. In ruil daarvoor voorsien
die gasheer hulle van fotosinteseprodukte.
� Hulle beskerm die gasheer teen sekere skadelike
grondorganismes.
� Waar die wortels van buurbome in aanraking
met mekaar kom sal hulle normaalweg met mekaar
kompeteer om “grond-, water- en mineraalregte”.
Die betrokke swam verminder nie alleen hierdie
kompetisie nie, maar dien ook as skakel tussen
dieselfde en selfs verskillende boomspesies. ’n
Wetenskaplike, David Perry, het bevind dat ’n hele
woud op dié manier voedingstowwe en water met
mekaar kan deel, danksy die mycorrhiza (of mikorisa).
Dalk kan ons by ons boomvriende leer om saam
te werk, al moet ’n tussenganger ons bystaan. As
Sofar vir Job (12:7) aanraai om wysheid by die diere
te leer kan ons net sowel by plante ook gaan kers
opsteek. Hulle staan niks by diere agter wat “vindingrykheid”
betref nie.
Beskutting
In party lande word geëksperimenteer met die aanplant
van gewasse tussen rye spesiale bome. Gliricidia
sepium is byvoorbeeld ’n Sentraal-Amerikaanse
boomsoort wat goed in arm, droë grond aard.
Slingervel Oktober 2005
Dit het die volgende voordele:
� Dit is baie blaarryk, wat boere gebruik om hul
vee mee te voer.
� Die wortels van die plant het knolletjies waarin
bakterieë “loseer”, wat die stikstof uit die lug omvorm
tot nitrate. Hulle verskaf daarvan vir die gasheerplant,
wat daaruit proteïene vervaardig. (Hoe’s
daai vir samewerking!)
� Dié bome beskerm die aangeplante gewasse
teen wind en voorkom gronderosie deur water.
� Dit verskaf goeie vuurmaakhout, en takke groei
weer maklik uit nadat dit afgekap is.
Kommersiële waarde
Bome voorsien timmerhout. Dit word baie gebruik
as boumateriaal en omdat dit so sterk en lig is word
dit dikwels bo beton en staal verkies. Moderne
geboue vereis steeds hout vir die dakkonstruksie.
Verder word hout gebruik vir die vervaardiging van
meubels sowel as verskeie ander produkte wat wissel
van gereedskaphandvatsels en sporttoerusting
tot vuurhoutjies. Houtpulp word gebruik om papier
te maak. Hout was die mens se eerste brandstof
en is steeds baie mense se belangrikste energiebron.
Saagsels en afvalstukke is ’n belangrike
brandstof in die nywerheid en kan verwerk word
om alkohol en ander chemikalieë te produseer.
Die bas van sommige bome voorsien kurk (in
Spanje bv. is daar groot kurkboomplantasies), en
kan ook verwerk word tot ’n eenvoudige tipe tou –
die vernaamste boumateriaal vir die helfte van die
wêreld se bevolking. Die belangrikste funksie van
bas is egter dat dit ’n bron van chemiese stowwe
en medisyne is. Tannien, wat van wattelbas afkomstig
is, is noodsaaklik vir leerlooiery. Die boom se
bas en ook ander dele daarvan word gebruik in
tradisionele en moderne medisyne. Kinien (teen
malaria) en aspirien word byvoorbeeld van basekstrakte
verkry.
Bome verskaf baie eetbare vrugte – appels, pere
... die lys is byna eindeloos. Ons lesers kan gerus
hieroor ’n bietjie naslaanwerk doen en ’n ietsie
daaroor skryf (’n vrugteboer sal jou baie kan vertel).
Dink ook aan wilde vrugte soos maroela’s, klapper
...
WERD OM TE WEET
• Bome is die grootste lewende
wesens. Sommige spesies word
tot 100 meter hoog en kan tot 600
ton weeg.
• Kremetartbome word tot 2 000
jaar oud en party dennebome tot
6 000 jaar.
15

tellie skoop
Die planeet URANUS
Van die son af tot by
die laaste planeet
van ons sonnestelsel,
Pluto, is daar agt planete wat
naas mekaar gestel is: Son –
Mercurius – Venus – Aarde –
Astroide – Jupiter – Saturnus
– Uranus – Neptunus –
Pluto. Uranus is dus die
sesde planeet van die son af.
DIE ONTDEKKING VAN
URANUS
Uranus is in 1781 deur
William Herschel ontdek. Hy
was besig om met ’n tuisgemaakte
teleskoop na die
sterre te kyk toe hy ’n voorwerp
sien wat duidelik nie ’n
ster was nie. Hy merk oor ’n
paar aande ook dat dié
voorwerp wat hy sien, stadig
beweeg.
Aanvanklik het Herschel
gedink dat hy ’n komeet
ontdek het. Sy berekening
het hom egter tot die slotsom
gebring dat die voorwerp wat
hy sien ’n planeet is, ver
anderkant Saturnus.
Die “nuwe” planeet word toe
Uranus genoem, want in die
mitologie was Uranus die pa
van Saturnus.
FEITE IN VERBAND MET
URANUS
Gemiddeld is Uranus 2 869,6
miljoen km van die son af.
Op sy naaste punt aan die
son (Perihelion) is Uranus 2
735 miljoen km ver, en op sy
verste punt van die son af
(Aphelion) is Uranus 3 004
miljoen km van die son af.
Waar dit die aarde 365 dae
neem om om die son te
wentel, neem dit Uranus 84
jaar om eenmaal om die son
te wentel. Dit neem die aarde
24 uur om eenmaal om sy as
te roteer. Uranus neem 17
uur en 14 minute om eenmaal
om sy as te roteer. Wat
interessant is, is dat Uranus
in die teenoorgestelde rigting
om sy as roteer as wat dit die
geval met die ander planete
is.
Rondom Uranus wentel 15
mane. Ons noem net die
name van vyf: Miranda, Ariël,
Umbriël, Titania en Oberon.
’n Ander feit in verband met
Uranus is dat die planeet ook
ringe rondom hom het soos
Saturnus. Daar is al tien
ringe waargeneem en hulle
is baie dun. Die ringe verskil
aanmerklik van mekaar.
Uranus skyn met ’n blougroen
kleur.
In hierdie saamgestelde foto deur
Voyager 2 (in 1986 geneem) is
Uranus (die groot ronde voorwerp in
die middel) omring deur sy vyf
grootste mane, kloksgewys van bo
links: Ariël, Umbriël, Oberon, Titania
en Miranda. (Foto: MSN Encarta.)
DIE AARDE BESOEK URA-
NUS
Nog net een ruimteskip het
’n besoek aan Uranus gebring.
Op 24 Januarie 1986
het Voyager 2 op ’n afstand
van 80 000 kilometer verby
Uranus beweeg.
In die paar uur wat Voyager
binne trefafstand van Uranus
was, het dit ’n groot klomp
gegewens in verband met
dié planeet vasgestel. Onder
andere is tien mane ontdek
waarvan die wetenskaplikes
vroeër nie geweet het nie.
Voyager was ook in staat om
die ringe van Uranus in fyner
besonderhede te ondersoek.
Daar is toe vasgestel dat
Uranus se ringe ’n swart
kleur het, heeltemal anders
as die kleurvolle ringe van
Saturnus.
16 Slingervel Oktober 2005

Prestasies van die mens
Op alle gebiede van die samelewing gaan die mens met rasse skredes vooruit. Die een
mylpaal na die ander word bereik, en die een ongelooflike resultaat na die ander laat ’n
mens na jou asem snak. As gelowiges weet ons egter dat alle gawes waaroor die mens beskik,
van God af kom. Selfs ook deur die gawes van heidene en goddeloses laat God sy skepping onderhou.
Ek wil julle vandag van een van die menslike prestasies vertel wat eenvoudig verbysterend is.
Die afgelope aantal dekades het die wetenskap met rasse skredes vooruitgegaan, en op die mikrovlak
van ontwikkeling is op kleiner en kleiner ontwikkeling sukses behaal. Mediese en wetenskaplike instrumente
is in mikrogrootte vervaardig. Selfs industriële gereedskap en toestelle is gebou wat mikro-klein is.
Navorsers aan die Universiteit van Kalifornië in Amerika het nou ’n sintetiese motortjie gebou, nie op
mikroskaal nie, maar – soos hulle dit noem – op nanoskaal. Dit is ’n sintetiese motortjie met ’n wiel van
goud en ’n dryfassie wat sowat 500 nanometer breed is en tussen 100 en 300 nanometer lank – 300 keer
dunner as ’n menslike haar. Die motortjie is geheg aan ’n koolstofstafie wat maar ’n paar atome dik is.
Die motortjie is só klein dat dit op die rug van ’n virus geplaas kan word. Met hierdie elektrostatiese
motortjie wil hulle navorsing doen in die nanostrukture wat honderde kere kleiner is as ’n menshaar se
dikte. Die “nanomotortjie” is die eerste apparaat op nanoskaal waaraan draadjies geheg kan word en
waarin iets in die rondte kan draai en wat ook beheer kan word.
Die wetenskaplikes sê daar is ’n behoefte aan hierdie “nanomotortjie”. Hulle kan teen enige hoek vasgeheg
word en in optiese bedrading gebruik word om lig te herlei. Daar word ook beplan dat dit gebruik kan
word as ’n mikrofolf-ossileerder, of om vloeistowwe op ’n baie klein skaal te meng. Daar word berig dat
die span wat die “nanomotortjie” ontwerp het sukkel om vas te stel hoe vinnig die motortjie draai, omdat
hulle elektronmikroskoop nie vinnig genoeg foto’s kan neem nie.
Nadat ons alles van hierdie uitstaande prestasie gehoor het, kan ons die Here maar net dankie sê dat Hy
die mens soveel verstaand en wysheid gee dat hy hiertoe in staat is. Net soos met alle sake van die lewe
moet die Here ook deur die ontstaan van dié “nanomotortjie” geprys en geëer word. Die heidene en die
goddeloses sal dit natuurlik nie doen nie, maar dit is die groot opdrag van God aan die Christene om te
sorg dat sy Naam hierin verheerlik word.
Slingervel se
DOL DEFINISIES
1. Wat is ’n HUWELIK?
’n Huwelik is ’n proses waardeur die kruidenier en
slagter die rekening uitstuur wat die bloemiste eers
gehad het.
2. Wat is FAAM?
Faam is ’n kwessie van op die regte tyd sterf.
3. Wat is DIE GOEIE OU TYD?
Die goeie ou tyd is ’n swak geheue.
4. Wat is “WAT’S FOUT”?
Wat’s fout? is die vraag wat ’n man sy vrou vra as sy
hom langer as ’n uur doelbewus ignoreer.
5. Wat is BEKOMMERNIS?
Bekommernis is om vandag se son agter môre se
wolk in te skuif.
Slingervel Oktober 2005
Oom Nico
aardskok
seismograaf bepaal
die sterkte van die trilling
op die richter-skaal
elke trilling en vibrasie straal
om die oppervlak of deur die
kors
tot die grafiekverhaal
in peru is 40 000 mense dood
en oor dié skok
bly die naald gevoelloos loop
Pieter Smit. Uit:Witskrif
TIENERVERS
17

Lees die slotepisode van ...
Skattejag vir die drieling
“Waar moet ons na Kobus begin soek, Hennie?” vra Dirkie benoud terwyl hy sover hy
kan sien sy oë oor die omgewing laat dwaal.
Hennie antwoord nie, maar begin meteens uit volle bors na Kobus roep. Na ’n rukkie
doen Dirkie mee totdat hulle kele brand van die skreeu. Hulle kyk moedeloos na
mekaar toe alles rondom hulle doodstil bly.
“Ek dink ons moet maar ons goed in die grot gaan haal en dan sal ons maar Moos en
Maria moet gaan vertel wat gebeur het,” sê Dirkie. “Ja ... jy is seker maar reg, want
die berg is groot en hy kan enige plek wees. Kom ons gaan in,” sê Hennie ook en stap
weer die grot binne.
Halfpad in die tonnel na die watergat toe
sien Dirkie iets wit op die grond lê, en toe
hy sy flitslig daarop laat skyn herken hy
Kobus se ligblou sakdoek. Hy wys dit vir Hennie
voordat hulle verder stap. By die watergat in die
grot steek hulle geskok vas, want al hulle goed is
weg.
“Hennie ... ek is nou regtig bang. Besef jy dat die
mense iewers in hierdie grot se gange of dalk
nog ’n kamer moet wees?” “Ja, want daar het
niemand by ons verbygekom op pad uit of in nie.
Hulle moet hier iewers skuil, en ek dink dit
beteken dat hulle vir Kobus gevat het. Maar
hoekom sou hulle dit gedoen het? Ek bedoel net
een van ons gevang het?”
“Ek is bang, maar ons kan nie vir Kobus in die
steek laat nie. Ek dink ons moet in daardie tonnel
af loop en soek,” sê Dirkie sag.
Hulle draai om en na ’n ruk vind hulle die ander
tonnel en draai daar in. Hulle praat nie ’n woord
met mekaar nie, maar hulle ore is gespits vir die
geringste geluidjie.
“Ag nee, hier loop nog ’n tonnel uit hierdie een!
Hoe nou gemaak?” vra Dirkie. “Dink jy ons moet
maar elkeen ’n tonnel vat en ondersoek instel?”
vra Hennie. “Nee! Nee, ek dink nie ons moet van
mekaar af weggaan nie. Laat ons maar eers die
linkerkantste een vat en as dit niks oplewer nie
kom ons terug na die ander een toe,” sê Dirkie
beslis, want alleen gaan hy nie loop nie, kom wat
wil!
Voetjie vir voetjie stap hulle verder, maar toe die
tonnel later in ’n kleinerige kamer doodloop draai
hulle teleurgesteld om toe daar niks is nie. Hulle
volg die ander tonnel en vind dat hy baie langer
is as die eerste twee. Later word die tonnel se
dak al hoe laer en hulle moet gebukkend verder
loop.
“Sien jy die dowwe lig daar ver iewers voor in die
tonnel, Hennie?” vra Dirkie meteens. “Ja ... dit lyk
sowaar na daglig wat iewers inskyn.”
“Stop net daar! Julle stap niks verder nie!” klink
’n blikkerige stem meteens iewers voor hulle in
die tonnel op en die twee seuns ruk tot stilstand
en gryp mekaar se arms vas. Vaag sien hulle die
gestaltes van twee mans teen die dowwe lig
verskyn, maar dit is nog te donker om meer te
sien.
“W-wie is jy ... en wat wil jy hê?” vra Hennie dan
tog braaf. ’n Kekkel-lag klink in hulle ore op en
nou kan hulle duidelik hoor dat daar wel twee
persone is. “Julle het nou gesien hoe maklik ons
jul broer laat verdwyn het, nè! As julle nie ook wil
verdwyn nie moet julle maak dat julle van die
berg af kom,” kom die blikstem dan weer na
hulle toe aangerol.
18 Slingervel Oktober 2005
Tannie Rika du Plessis

“Waar is ons broer? Wat het julle met hom
gedoen?” vra Dirkie nou in ’n skril stem vol angs.
“As julle maak soos ons sê sal hy niks oorkom
nie, maar as julle nie luister nie sal julle hom nie
weer sien nie,” dreig die stem.
“Ons kan hom nie net hier los en loop nie. Laat
hy na ons toe kom, dan sal ons loop,” sê Hennie.
“Nee! Julle sal maak soos ons sê. Wanneer ons
seker is dat julle terug by die huis is sal ons jul
broer laat gaan,” beveel die stem.
“Laat hy dan ten minste met ons praat dat ons
kan hoor hy is wel by julle en hy leef nog,” sê
Hennie. Hulle hoor ’n sagte gebrom van stemme
iewers voor hulle, en dan stroom verligting deur
hulle toe hulle Kobus se stem hoor.
“Julle moet maar maak soos hulle sê, broers. Ek
sal huis toe kom wanneer julle eers daar is. En
onthou ...” “Dit is nou genoeg!” kom die blikstem
en die broers is seker dat hulle nou Kobus se
mond toegedruk of gebind het.
“Nou maar goed ... ons loop, maar as julle hom
seermaak sal julle dit berou,” dreig Hennie,
neem Dirkie aan die arm en draai om terwyl die
blikstem spottend lag.
Toe hulle buite in die sonlig uitstap steek hulle
nogeens vas en hulle monde val oop van verbasing.
Voor hulle staan Kobus laggend en net
agter hom staan hulle twee neefs wat skud soos
hulle lag.
Hennie begryp dadelik wat hier aangaan en hy
wil eers kwaad word, maar besef dan die komiese
van die situasie en lag maar verleë saam.
“Dis sowaar julle twee wat ons die skrik op die lyf
probeer ja het,” kom Dirkie se stem toe hy ook
meteens besef wat hier aangaan.
“Ja, en sies vir jou, Kobus, jy het sowaar met
hulle saamgespeel. Ons was baie benoud toe jy
verdwyn het!” sê Hennie. “Wat maak julle hier?”
vra hy dan vir sy neefs.
“Dieselfde wat julle hier maak, behalwe dat ons
al die skat gekry het. Toe ons julle egter in
aantog gewaar het ons besluit om julle ’n poets
te bak. Julle was darem by tye lekker benoud, of
hoe?” vra die een neef.
“Ja, maar ons het ons darem nie laat afskrik nie,
en nog steeds kom soek,” spog Hennie, nie
Slingervel Oktober 2005
bereid om te erken dat hy al klaar begin wonder
het wat hy vir sy ma moet gaan sê as Kobus
heeltemal verdwyn het nie.
“Hoekom het julle stemme so blikkerig daar
binne geklink? En hoe het julle voor ons hier
buite gekom?” vra Dirkie. “Het julle gesien dit
word effens lig daar binne? Wel, die tonnel mond
uit in die berg ’n entjie verder. Ons het vinnig
daar uitgegaan en vir julle hier kom wag,”
verduidelik die een neef.
“Waar is die skat? Wat was toe in die kis?” vra
Hennie. “Daar staan die kis. Daar was toe vir ons
elkeen ’n koevert in die kis. Julle twee s’n lê nog
daarin. Gaan kyk maar.”
Nuuskierig draf Hennie en Dirkie na die kis toe
en haal hulle koeverte ook daar uit. Hulle name
staan in hulle oupa se handskrif buite-op geskryf.
Hulle skeur dit oop en vind ’n tjek wat aan ’n
briefie vasgespeld is. Hulle oë rek toe hulle die
groot bedrae op die tjeks sien. Dan lees hulle
hulle oupa se briewe.
“Dis darem nou bak van Oupa, of hoe dink julle?”
vra Kobus toe Hennie en Dirkie eindelik van
hulle briewe af opkyk. “Ja, Oupa het natuurlik
besef dat Ma nooit sou kon bekostig het om ons
universiteit toe te stuur nie. Hy was egter slim,
want ek sien ons tjeks is aan Ma uitgemaak met
’n nota daarby dat sy dit vir ons moet belê totdat
ons dit vir die universiteit eendag gaan nodig
kry,” sê Hennie.
“Ons stem saam met julle, dit was nou ’n goeie
idee van Oupa om dit op hierdie manier aan ons
te gee. Ek besef nou eers julle drie is tog nie
sulke ou pieperge goedjies soos ons altyd
gedink het nie,” sê die een neef laggend.
“Ja, en nou kan ons vyf lekker saam verder op
Oupa se plaas vakansie hou, en dalk tog vir hom
van daardie bossies uitroei terselfdertyd,” beaam
die ander een.
En so het die drieling se skattejag vir hulle vele
benoude oomblikke gebring, maar tog op ’n
plesierige noot laat eindig terwyl hulle hulle neefs
beter leer ken het.
(Volgende maand volg die eerste hoofstuk van ’n
volgende vervolgverhaal met die titel
DIE SKOONHEIDSKOMPETISIE.)
19
Tersia

Surina
Die digter AG Visser het baie jare gelede gesê “Oktober (is) die mooiste, mooiste
maand” en dit is vandag nog net so waar. Al die blommegeur en kleureprag is
wonderlik en die lug is so mooi blou! Geniet hierdie maand van kleur en geur en ook
julle jonkwees met oorgawe.
DIE REGTE SOORT VRIENDE
Jeannine is in gr. 8 en wil weet hoe sy te
werk moet gaan om seker te maak dat sy nie
verkeerde vriende kies nie.
Die keuse van ’n mens se vriende is baie
belangrik, Jeannine. In Spreuke word telkens
uitdruklik gewaarsku teen verkeerde vriende
(bv. Spr 22:24-25). As jy bevriend raak met
ander, moet jy seker maak dat hulle dieselfde
waardes as dié wat jy in jou ouerhuis
geleer het, deel. Dit beteken nie dat hulle
almal presies net soos jy oor alles moet voel
en dink nie – dan sou die lewe tog te vervelig
gewees het. ’n Mens kan anders as jou
vriende oor sekere dinge voel, sonder dat dit
noodwendig beteken dat jy slegte/verkeerde
maats het. Oor basiese beginsels moet julle
egter saamstem, soos byvoorbeeld dat
Christus ons Verlosser is, dat ons ’n lewe in
navolging van Christus moet lei, oor morele
waardes en nog vele ander.
Om te verseker dat jy regte vriende ontmoet
en vriendskappe sluit, kan jy byeenkomste
by die skool of jou kerk bywoon en by
organisasies aansluit waar Christenjongmense
bymekaarkom.
WAAROM HET GOD DIE AARDE GESKEP?
Maarten (gr. 10) vra ’n interessante vraag.
Hy sê “God bly mos in die hemel – hoekom
het Hy dan die aarde ook geskep?”
Ek gaan jou vraag probeer beantwoord, Maar-
ten. God het die aarde as woonplek vir die
mens, die kroon van sy skepping, gemaak. Die
mens het God se opdrag om die aarde op te
pas en tot eer van God reg te bestuur. Met die
sondeval is die skeppingsdoel, naamlik alles
tot eer van God, verhinder.
God stel daarom ’n nuwe hemel en ’n nuwe
aarde in die vooruitsig, waarin alles volmaak
aan sy doel sal beantwoord. Wanneer hierdie
nuwe bedeling aanbreek, het die vorige skepping
sy doel bereik en sal dit verbrand en
vergaan (2 Pet 3:10).
VERGIFNIS
GOD GEE ONS ’N KOMPAS
“Hoe kan ek werklik iemand wat iets leliks
aan my gedoen het vergewe?”, vra Marlene
(gr. 11).
Om werklik te vergewe, is nogal moeilik,
Marlene. Partykeer sê ’n mens vir iemand
dat jy hom vergewe, maar as daar weer ’n
probleem opduik verwyt ’n mens maklik weer
daardie persoon vir die vorige oortreding. Dit
is nie ware vergifnis nie. Ware vergifnis is om
te vergewe soos Christus vergewe het (Kol
3:13). Hy dink nooit weer aan die sonde wat
ons bely en wat Hy vergewe het nie.
As dit vir jou moeilik is om iemand te vergewe,
moet jy in jou hart die ernstige voorneme
hê om daardie persoon werklik te vergewe
en jy moet God bid om jou die krag te gee
om dit werklik so te doen (Heidelbergse
Kategismus, Sondag 51). Om werklik te
vergewe is bevrydend – dit laat bitterheid
verdwyn.
“Die woord van die Here is volmaak ... Die onderwysing van die Here is betroubaar ...
Die bevele van die Here dui die regte koers aan ... Die gebod van die Here is helder ...
Die eise van die Here vir sy diens is goed ... Die bepalings van die Here is reg ...” –
Psalm 19:8-10.
Groete tot volgende keer.
Stuur julle briewe aan Tienergesprekslyn, Die Slingervel, Posbus 20008, NOORDBRUG
2522; of stuur dit direk per e-pos na bwtscl@puk.ac.za.
20 Slingervel Oktober 2005
t i e n e r g e s p r e k s l y n

oekeblad
OOSTHUYSEN, JANIE. 2005. DIE VERLORE EILAND. GEÏLLUSTR. DEUR JOHAN
STAPELBERG. PRETORIA: LAPA UITGEWERS. 48 p. PRYS: R49,95. ISBN: 0 7993 3421 9.
Meneer en mevrou Hebzug ontvang ’n uitnodigingsbrief van die kosskool op die Verlore
Eiland. Hulle besluit om hul tweeling, Pennie en Nikkel, daarheen te stuur en hul vriende
is net so gretig om ook hulle kinders te stuur. Die skoolhoof is die beroemde madame Spina
Webb. Op hul reis daarheen verneem die kinders dat die Ogapogo in die see rondom die
eiland bly, dat hulle nooit besoekers kry nie en ook nooit vir vakansies huis toe gaan nie.
Die skool is ’n ou kasteel wat op die rand van die afgrond op die eiland staan. Aanvanklik
geniet die kinders dit om die kasteel te verken, te speel, te eet en glad geen klas te ontvang
nie – totdat hulle besef dat alles baie geheimsinnig is en dat hulle eintlik gevangenes is. Die
spanning laai nog verder op as die kinders hul penarie besef en mekaar begin bangpraat. Die
planne wat hulle beraam om te ontsnap, het vir almal verreikende gevolge.
Die skryfstyl in hierdie verhaaltjie vir agt- tot tienjariges, is modern en eenvoudig,
maar tog kleurvol. Die vrolike illustrasies dra by tot die genot van die storie en ondersteun die
spanningslyn. Kinders behoort hierdie spanningsverhaaltjie baie te geniet – vir voorlees, maar
ook om self te lees en prentjies te kyk.
VAN ZYL, LEON, ROBERTS, CHRISTINA & VAN RENSBURG, EWALD. 2005. JY MAG
MAAR VRA-OMNIBUS. 110 VRAE OOR BYBELSE DINGE. WELLINGTON: LUX VERBI.BM.
248 p. PRYS: R109,95. ISBN: 0 79630 274 X.
mag maar vra-omnibus is ingedeel in drie afdelings, naamlik vrae oor jou lewe as ’n kind
J y
van die Here, vrae oor God en Jesus en ook vrae oor reg en verkeerd. By elkeen van die
110 vragies is daar ’n Bybelvers om te memoriseer, iets om te doen en ook ’n kort, eenvoudige
gebedjie. By sommige vrae is daar ook iets om te onthou en by “iets om te doen”, word ’n taak
vir jonger en ouers kinders gegee. Die teikenouderdom wat vir hierdie vraeboek aangedui is,
is vyf tot tien jaar. Die antwoorde op die verskillende vrae word baie eenvoudig en direk
aangebied – selfs sommige vierjariges sal dit al kan verstaan – tog kan nege- tot tienjariges na
my mening al bietjie meer verstaan en verteer. Indien ouers saam met hulle kinders deur
hierdie vrae werk, kan tog meer inligting aan ouer kinders gegee word.
Hierdie boek is egter ’n waardevolle hulpmiddel vir ouers om as aansluiting vir ’n
gesprek met hul kinders te dien. Die vrae handel onder andere oor die volgende: die bestaan
van God; hoe God lyk; hoe die Heilige Gees in ons werk; hoe ons God kan loof en eer; oor
die Drie-eenheid; hoekom Jesus aan die kruis gesterf het; hoe Jesus in die hemel én by ons
kan wees; hoe Jesus binne in my hart kan woon; waarom dit verkeerd is om te vloek; mag ’n
mens maar kul met speletjies; is dit verkeerd om te skinder en nog baie meer.
Jy mag maar vra-omnibus is stewig gebind met ’n helder omslag. Die taalgebruik is
eenvoudig en maklik verstaanbaar. Hierdie boekie kan ’n waardevolle gids wees vir jong
kinders – hul eindelose vrae en nuuskierigheid kan uiteindelik beantwoord word.
HUNTINGTON, NOELLE. 2005. MY ENGEL BYBEL. VERTAAL DEUR MADELEEN BOTHA;
ILLUS. DEUR GUSTAVO MAZILA. VEREENIGING: CUM BOEKE. 61 p. PRYS: R69,95. ISBN:
1-77000-2-1-4.
In My engel Bybel word verskillende tekste in die Bybel waarin verwysings na engele voorkom
behandel. Elke teksinskrywing word vergesel van ’n kort beskrywing – in sommige gevalle
slegs ’n enkele sin – om die konteks aan te dui waarin die teksverwysing voorkom en dan
natuurlik ook ’n illustrasie om die gebeure vir die klein kind realisties voor te stel. Elke beskrywing
is Skrifgetrou en word in eenvoudige taal gestel. By die teksverwysing in Hebreërs 1:5-14
staan byvoorbeeld: “Wat is engele? God stuur engele om die mense te help wat in Jesus glo.”
My engel Bybel is ’n stewig gebinde kleinformaatboekie met kartonbladsye (glansafwerking
vir vinnig afvee met ’n klam lap). Dit lyk soos ’n klein tassie as die boekie toe is –
kompleet met plastiekhandvatsel en knip. Die teikengroep is kleuters van nul tot drie jaar.
Ouers kan hierdie boekie gebruik om hul klein kinders bewus te maak van God se liefde en
spesiale sorg vir die mens en in die besonder ook vir kinders.
Selfs effens groter kleuters sal gou trots wees op hul eie Bybelboekie en heel
moontlik gou elke prentjie se gebeurtenis ken – en sodoende God se liefde en sorg as ’n deel
van hul geloofstoerusting verinnerlik.
Die inhoudsopgawe voorin is ’n handige verwysing om gou by die regte inskrywing uit
te kom. Omdat die inskrywings so kripties is, kan ouers hierdie boekie lank met vrug gebruik
om telkens uit te brei op die verskillende gebeurtenisse wanneer die kleuter daarvoor gereed
is. Vir my is ’n besondere pluspunt dat Bybelinskrywings wat na engele verwys in een boekie
saamgevat is. ’n Ouer sal egter aan hul kinders moet tuisbring dat God se liefde en sorg veel
verder strek as net die stuur van engele!
Slingervel Oktober 2005
Tannie Susan
21

tienertekste
145. Die aanleiding tot versoeking
Lees: Jakobus 1:12-18 Teks: Jakobus 1:13-17
Daagliks word die gelowige oorspoel deur versoekings. ’n
Versoeking is ’n impuls om iets te doen wat verkeerd is. Jy
word versoek om sonde te doen. Met hoeveel versoekinge het tieners
nie daagliks te doen nie!
Jakobus skryf dat ’n mens nie deur God versoek word nie (vs
13). Versoekinge kom van die duiwel af. Die duiwel is verantwoordelik
vir al die versoekinge op die lewenspad van die gelowige, want
daardeur wil hy die mens van God afvallig maak. In Jakobus 1:14
word die geboorteproses van die sonde meegedeel. Die aanleidende
oorsaak vir sonde lê in die mens self. In die hart van die mens
ontstaan ’n begeerte na dit wat verkeerd is. As daardie begeerte
vertroetel word bring dit uiteindelik die sonde voort. Sonde moet
gekeer word as dit nog net ’n begeerte in die hart is.
147. Die stryd teen versoekings
Lees: Efesiërs 6:10-20 Teks: Efesiërs 6:12
As jy die versoekings en die sonde in jou lewe wil aanpak doen jy
dit nie met menslike, aardse middele nie. Jy moet vir die stryd
teen die versoekings bewapen word. In Efesiërs 6 beskrywe Paulus
hoe die wapenrusting lyk waarmee die gelowige die duiwel en sy
trawante moet aanpak. God sorg dat daar in hierdie wapenrusting
van die geloof nie ’n kwesplek is waardeur Satan jou kan wond of
dood nie.
Lees in Efesiërs 6 wat die geloofsmondering is wat jy moet
aantrek. Hier word geskryf van die gordel (14), die borsharnas (14),
skoene (15), skild (16), helm (17), swaard (17). Met hierdie oorlogsmondering
aan sal die gelowige in staat wees om die versoekings
van die kant van Satan te verslaan en nie te verval in ongehoorsaamheid
en ontrouheid aan God nie.
149. Die oorwinning oor versoeking
Lees: Matteus 4:1-11 Teks: Matteus 4:11
146. Versoekinge en beproewinge
Lees: 1 Petrus 1:3-9 Teks: 1 Petrus 1:6-7
Menige tiener worstel met die vraag wat die doel van versoekinge
is. Dit is so onbegryplik dat God versoekinge toelaat om sy
kinders te teister en uiteindelik gruwelik te laat sondig.
Onthou, God versoek nie ’n mens nie, dit is Satan wat dit doen.
Wat van die duiwel se kant ’n versoeking is, is van God se kant ’n
beproewing. God stel die mens op die proef om sy geloofstandvastigheid
te toets. (Lees van God se toetsing van Abraham – Gen 22.)
Deur beproewings word die egtheid van jou geloof deur God getoets
(vs 7). Versoekings word toegelaat ter beproewing van die geloof (1
Pet 1:6-7); van die liefde (Deut 13:3); die gehoorsaamheid (Deut
8:2); en die gelowige se onbaatsugtigheid (Job 1:9-12). Jy moet dus
met die regte oë na die versoekings en beproewings in jou lewe kyk.
148. Die gebed om bewaring
Lees: Lukas 11:1-13 Teks: Lukas 11:1-4
Die Here Jesus Christus leer die gelowiges om te bid: “Laat ons
nie in versoeking kom nie, maar verlos ons van die Bose” (Matt
6:13; Luk 11:4). Jy moet daarop let dat Christus die gelowige nie
leer om te bid dat daar geen versoekings meer sal wees nie. Versoekings
sal in die lewe bestaan tot met die wederkoms van Jesus
Christus. Christus leer jou om te bid dat die Here jou moet weghou
van versoekings af.
Soms is dit egter nodig dat God sy kinders in die vuur van
beproewings laat kom ter wille van hulle geestelike vorming en groei.
Jy bid dus dat die versoekings jou nie sal oorweldig nie, maar dat jy
oor die geestelike krag, insig en deursettingsvermoë sal beskik om
die versoekings teen te staan. God gebruik ook die wil en ywer van
die mens om aan hom krag te gee vir die oorwinning.
150. Die Vader gee uitkoms
Lees: 1 Korintiërs 10:1-15 Teks: 1 Korintiërs 10:13
A A s jy wil weet hoe jy daagliks die versoekings kan oorwin moet jy lhoewel die Here toelaat dat ons as gelowiges versoek word wil
oplet hoe die Here Jesus Christus optree ten opsigte van die Hy geensins dat ons deur versoekings oorweldig sal word nie.
Hy laat nie toe dat ons ooit bo ons vermoë versoek word nie. Inteen-
versoekings van Satan. In die wyse waarop Jesus Christus met die
deel, Hy stel die gelowiges in staat om versoeking te verdra. Hy gee
versoekings van Satan handel blyk dit dat dit verband hou met wie
selfs uitkoms in versoeking, en Hy verlos die gelowige uit versoeking
jy prioriteit in jou lewe gee.
(2 Pet 2:9).
God moet die middelpunt van jou lewe wees, dan sal jy in staat Hier kan ons dink aan Josef (Gen 39:7-10). Potifar se vrou het
wees om die versoekings te oorwin. Daarom moet jy die versoekings Josef probeer verlei om by haar te kom slaap. Maar Josef het die
ontwyk (Spr 4:14-15). Jy moet teen versoekings waak (Matt 26:41). versoeking weerstaan, omdat hy aan sy verhouding met die Here
gedink het. God het Josef innerlik sterk gemaak sodat hy hom kon
Jy moet versoekings weerstaan (Ef 6:11). Jy moet in die geloof weer-
verset teen die versoeking. Daarom sê Josef vir haar: “Hoe kan ek
stand bied teen die versoekings (Ef 6:16). Jy moet die waarheid van
so ’n verkeerde ding doen? Ek sal mos teen God sondig!” (vs 9).
God se Woord inspan om die versoekings van Satan te trotseer Gehoorsaamheid aan God gee die krag om versoekings te weer-
soos Christus dit ook gedoen het in die drie versoekings van Satan. staan.
151. Christus bewaar ons in versoeking
Lees: Lukas 22:31-34 Teks: Lukas 22:32 (1 Pet 5:1-9)
Die Here Jesus tree op as ons Middelaar, maar ook as ons
Beskermer. Hy bewaar die gelowiges in ure van versoeking
(Open 3:10), want Hy is magtig om hulle te help wat in versoeking
verkeer (Heb 2:18). Hy bid vir sy dissipels wat blootgestel is aan
versoekings (Luk 22:31; Joh 17-19), want Hy het medelye met die
gelowiges in versoekings (Heb 4:15), omdat Hy aan dieselfde versoekings
onderworpe was as ons (Heb 2:10).
Wat leer die Here ons in 1 Petrus 5:1-9 in verband met versoekings?
In beeldtaal word die teenwoordigheid van Satan aangedui.
Satan loop soos ’n brullende leeu rond op soek na iemand om te
verslind. Dit gebeur met elkeen wat aan die versoeking toegee. God
verwag van jou om standvastig in die geloof te staan en die versoekinge
te oorwin.
152. Godsbesoek
Lees: Sagaria 10:1-7 Teks: Sagaria 10:3b
T ydens die ballingskap in Babel is Juda in die allergrootste nood.
God sê Hy maak Juda sy pragtige oorlogsperd (vs 3b). Dis verrassend,
want in die ballingskap lyk Juda nie na ’n gevegsmag nie.
God sal hulle sterk maak. Dis ’n belofte in die Ou Testament van die
koms van Jesus as Verlosser. In Jesus se oorwinning word die swak
kuddetjie ’n leërmag wat die wêreld oorwin. Op die fondament van
Christus bou God sy kerk.
Dit lyk of die kerk vandag weer voor ’n hopelose taak staan.
Die kerk lyk so magteloos vanweë verdeeldheid en verskille. Die
kerk kom so kragteloos voor. Die kerk vermag nie veel nie. God
beloof, Hy verseker: Ek gee ag op julle. Dan word die kerk anders.
Nie passief, verdedigend nie, maar dan word die kerk ’n aktief-aanvallende
leër. Die oorwinning is die geloof van God se kinders.
22 Slingervel Oktober 2005

153. God se gedenkboek
Lees: Maleagi 3:13 – 4:3 Teks: Maleagi 3:16
Die Jode is vermetel (vs 13) en sê dit is nutteloos om God te
dien (vs 14), want God sien dit nie raak nie. God vertel toe van
sy gedenkboek waarin die name geskryf is van hulle “wat eerbied
vir die Here het en waarde heg aan sy Naam” (vs 16).
God gee altyd aandag aan die gelowige. Hy sal aan hulle goed
doen, belowe God. Die Ou Testament eindig met die klag: God gee
nie om nie – ’n roepstem om Christus in Wie God se ewige aandag
gegee word. Die Nuwe Testament eindig moeiliker, want die koms
van die groot Wettelose met sy magsvertoon, valse tekens en gruwelike
misleiding word beskryf ( 2 Tess 2:9-10). Die lewe van die regverdiges
sal ontsettend wees, vol vervolging en dood. Die saak van
die uitverkorenes is egter vir tyd en ewigheid opgeskryf in God se
gedenkboek.
155. Hoor met jou ore
Lees Markus 16:9-20 Teks: Markus 16:15
Slingervel Oktober 2005
154. Jy moet vergifnis deurgee
Lees: Matteus 18:21-35 Teks: Matteus 18:33
Wêreldse mense lewe baie maklik in haat en twis en
wraakgierigheid. Mense wil mekaar verskeur, al is dit net met
woorde. Die gesindheid van vergewing is egter die karaktereienskap
van iemand wat in die koninkryk van God lewe. ’n Mens wat nie kan
vergewe nie lewe nie soos ’n koninkryksmens nie, want die Koning
van die koninkryk, Jesus, bewys vergifnis, selfs aan sy vyande.
Dit is die kerngedagte in die gelykenis wat Jesus vertel oor die
plig om te vergewe. Dit trek saam in die moet van vers 33. As God
jou al jou sondes vergewe het moet jy ook dié vergewe wat teen jou
oortree. Om jou te vergewe het dit God se Seun aan die kruis gekos.
Daarom is dit jou plig om ook ryklik te vergewe. Dit is nie ’n geval
van of jy sal vergewe nie. Jy moet! Anders tref God se oordeel jou.
156. Eendags-entoesiasme
Lees: Lukas 9:57-62 Teks: Lukas 9:57
J W esus beveel die dissipels: “Gaan uit, die hele wêreld in, en ie Christus volg sal ook op lewenspaaie wat nie maklik is nie
verkondig die evangelie aan die hele mensdom.” Sy genadebood- moet gaan. Christus wys op die konsekwensies van so ’n
skap van verlossing moet alle mense in die wêreld hoor.
stap. Jesus sê self: “As iemand agter My wil aankom moet hy homself
So kom God tot alle mense en roep tot geloof: Glo in Christus verloën, elke dag sy kruis opneem en My volg” (Luk 9:23). ’n Man
en jy sal gered word! Deur die eeue hoor alle volke in hulle tale dit.
met gloeiende entoesiasme sê toe: “Ek sal U volg waar U ook al
gaan.” Jesus laat die man nie in die duister nie, en sê: “Jakkalse het
Daar is ’n groot klomp wat nie ag slaan nie. Die gelykenis van die
gate en voëls het neste, maar die Seun van die mens het nie eens
Saaier (Matt 13) laat ons sien wat die uitkoms is van die Woord wat
’n rusplek vir sy kop nie.”
tot alle mense gebring word. Daarom sal niemand met die oordeel
Jesus sê om saam met Hom te loop is nie sonder risiko’s en
homself kan verontskuldig deur die verskoning te maak dat hy nie
gevare nie. Met Hom is stryd, worsteling en verdrukking. Met Hom
geweet het watter die regte weg is om die verlossing in Christus moet offers gebring word. Navolging van Jesus vra opoffering. Jou
deelagtig te word nie. Op hulle wat hulle doof gehou het vir die roep- eendags-entoesiasme vir Jesus kan jy gerus gaan toets aan die
stem van die Here bly God se toorn en oordeel (Joh 3:36; DL 3 &4, eise van die Woord sodat dit ’n lewenslange daaglikse entoesiasme
art. 9).
word.
157. Rebel of verlosser?
Lees: Johannes 6:1-15 Teks: Johannes 6:15
158. Bang op die verkeerde manier
Lees: Handelinge 24:10-27 Teks: Handelinge 24:25
J G
esus is die held van die mense, omdat Hy ’n wonderteken gedoen oewerneur Feliks laat Paulus haal om met hom en sy Joodse
het deur visse en brode meer te maak. ’n Mens voel dit aan dat vrou, Drusilla, oor die geloof in Christus te praat (vs 24). Paulus
die gewildheid van Jesus hier ’n hoogtepunt bereik. Die mense sien ken hulle en skroom nie om te praat “oor ’n lewe in gehoorsaamheid
nou in Hy is ’n volksverlosser. Die Jode gaan gebuk onder die juk aan God, oor selfbeheersing en oor die komende oordeel nie” (vs
van die Romeine. Naarstiglik soek hulle ’n verlosser. En hier is die 25). Feliks word bang toe Paulus oor die oordeel praat en maak
man: iemand wat in staat is tot sulke wonders. Hulle plan is om hom stil: “Dit is nou genoeg! Gaan maar terug, en as ek tyd het sal
Jesus te gebruik in hulle politieke strewes. Hy moet die rebel word ek jou weer laat roep” (vs 25). Feliks se angs lei nie tot bekering nie.
en hulle sal die rebellie teen die staatsmag steun.
Sy uitstel was ’n afstel.
Dit kan tog nie! Jesus het nie gekom om politieke verlossing te God praat daagliks met jou. Hoe baie stel jy bekering van hard-
bewerk nie. Hy het gekom om te verlos van sondeslawerny. Selfsugtinekkige sondes uit? Jy sê dalk: Ek is nou te besig om aandag te
ges wil Jesus vir hulle eie politieke doeleindes gebruik. Dit kan nie gee. As ek tyd het sal ek dit later doen. So verstoot jy die Woord van
gebeur nie. Jesus moet versoening doen vir die sonde van die uit- God wat jou sondes aanwys. So lê jy jou gewete die swye op. Dit
verkorenes.
mag nie! Die reguit boodskap van die Bybel moet jou dryf tot bekering.
159. Vernuwing van jou wil
Lees: Romeine 12:1-8 Teks: Romeine 12:2; Filip 2:13
160. Reserwe teenoor die lewe
Lees: 1 Korintiërs 7:25-40 Teks: 1 Korintiërs 7:29-31
J O
ou wil is jou strewe, jou begeerte, jou vermoë tot bewuste optrede, ns teks sê twee dinge: Ja, jy mag deelneem aan die aardse
handeling. Die wil van die sondaar is teen God se wil. Hy stel sy lewe, en nee, jy mag nie ten volle deelneem nie. In die botsende
eie, verdorwe wil in die plek van God se volmaakte wil. In sy dwaas- antwoord is ’n voelbare spanning. Paulus gee ons insig in ons lewe
heid probeer hy sy wil deurvoer en daardeur dien hy homself, die op aarde. Die tydelike aardse lewe gaan verby. Die tyd waarin ons
sonde en Satan, en nie God nie.
lewe is min (vs 29).
Jy moet die lewe nie so vashou asof dit vir altyd sal aanhou
Met jou wedergeboorte kom daar ’n verandering van jou wil.
nie. Jy moet die aardse met reserwe (voorbehoud) doen en besit.
Die Heilige Gees “stort in die wil nuwe hoedanighede en maak dat
Moenie jou hart aan hierdie aardse dinge bind nie. God is baie meer
die wil wat dood was, lewend word; wat boos was, goed word; wat
werd as al hierdie aardse dinge tesame. Paulus sê nie dat jy nie die
nie wou nie, nou inderdaad wil; wat weerspannig was, gehoorsaam
aardse mag besit en geniet nie. Natuurlik kan jy pret en plesier hê.
word; Hy beweeg en versterk die wil, sodat dit soos ’n goeie boom Jy mag die aardse gebruik en geniet. Ons lewe in hierdie wêreld
vrugte van goeie werke kan voortbring” (Dordtse Leerreëls, hfst. 3/ met ons oë egter gerig op die nuwe aarde: die ewigheid wat God vir
4, par. 11). Jou wedergeboorte gee aan jou die vermoë terug om ons voorberei het. Jou lewensgerigtheid moet ’n ewigheidsgerigtheid
volgens die wil van God te lewe.
wees.
23
tienertekste

ons ons pretblad pretblad
ons
’N BREINKNOPER VIR OKTOBER
pretblad
Ons gee vir jou ’n sirkel en vier reguit lyne. Die vraag is: Wat is die
grootste aantal dele waarin jy die sirkel kan verdeel deur van die vier
reguit lyne gebruik te maak?
DIE TOWERSYFER 9
Min mense besef wat ’n wonderlike syfer 9 is:
• Kyk nou net: 9 x 2 = 18; en 1 + 8 = 9
• Nog een: 9 x 3 = 27; en 2 + 7 = 9
• Nog een: 9 x 17 = 153; en 1 + 5 + 3 = 9
WAT KRY JY AS JY ...?
☺ Wat kry jy as jy ’n lamppaal met ’n besem
kruis?
Antwoord: ’n Straatlig met ’n snor.
☺ Wat kry jy as jy ’n motor se buffer met ’n rek
kruis?
Antwoord: ’n “Jolly bumper.”
☺ Wat kry jy as jy ’n terriër met
’n kameelperd kruis?
Antwoord: ’n Hond wat vir vlieg
tuie blaf.
☺ Wat kry jy as jy ’n Barbie-pop
met ’n oond kruis?
Antwoord: ’n “Barbie-cue.”
☺ Wat kry jy as jy ’n mummie
met ’n vampier kruis?
Antwoord: Bloedsuiende verbande.
☺ Wat kry jy as jy ’n papegaai en ’n duisend
poot kruis?
Antwoord: ’n “Walkie Talkie.”
☺ Wat kry jy as jy ’n olifant met ’n mossie
kruis?
Antwoord: Stukkende telefoondrade.
☺ Wat kry jy as jy ’n kabouter met ’n vampier
kruis?
Antwoord: ’n Monster wat bloed uit mense se
knieë suig.
☺ Wat kry jy as jy ’n olifant met ’n vlermuis
kruis?
Antwoord: ’n Dier wat ’n baie groot grot nodig
het om in te slaap.
☺ Wat kry jy as jy ’n olifant met ’n mier kruis?
Antwoord: ’n Baie klein diertjie met ses pote
en ’n stert wie se ore op die grond sleep.
☺ Wat kry jy as jy ’n leeu met ’n mier kruis?
Antwoord: ’n Klein, vaal diertjie met dodelike
slagtande.
☺ Wat kry jy as jy ’n slang met ’n ystervark
kruis?
Antwoord: ’n Rol doringdraad.
☺ Wat kry jy as jy ’n Cocker Spaniel met ’n
Poedel en ’n hoenderhaan kruis?
Antwoord: ’n Cockapoodledoo!
• Wat eet katte? Mice bubbles.
• Wat eet walvisse? Fish and ships.
• Wat noem ’n tandarts die x-strale van tande?
Tooth-pics.
• Waarheen stuur jy ’n padda om ’n bril te kry? ’n
Hoptometris.
• Hoe kom ’n vlooi van een plek tot ’n ander? By
itch-hiking.
• Waarvoor vra ’n heks as sy in die hotel kom?
Broom service.
• ’n Slagter is 2 m lank, dra ’n nommer 40-broek
en ’n nommer 14-skoen. Wat weeg hy? Hy weeg
vleis!
• Waar gaan die mense van Kalifornië dans? San
Frandisco.
• Wanneer is die veearts op sy besigste? As dit
katte en honne reën!
• Wat reis al om die wêreld en bly
die heeltyd net in die hoekie? ’n
Posseël!
• Wat het die een oog vir die ander
oog gesê? Tussen ons is iets wat ruik!
• Wat noem jy ’n vlieg sonder vlerke? ’n Sit.
• Wat lê op sy rug, duisend voete in die lug? ’n
Dooie duisendpoot!
• Hoe nies ’n tennisspeler? A-tennis-shoe! A-tennis-shoe!
• As ’n woordeboek van A tot Z gaan, wat gaan
van Z tot A? ’n Zebra.
• Wat begin met ’n T, eindig met ’n T en is vol T?
’n Teepot!
• Hoe vervoer jy ’n vark na die hospitaal? In ’n
hambulans.
• Watter speletjie speel kannibale graag? Swallow
my leader!
• Wat gaan van Messina tot in Kaapstad sonder
om te beweeg? Die spoorlyn.
Jack skakel die hotel en vra hoeveel ’n kamer kos.
Die ontvangsdame sê toe dat dit afhang van die
grootte en hoeveelheid mense.
Jack wil toe weet: “Vat julle kinders?”
“Nee, meneer, slegs kontant en kredietkaarte!”
• Wat is wit as hy
vuil is en swart as
hy skoon is?
’n Swartbord.
24 Slingervel Oktober 2005
ons pretblad
ons ons pretblad
pretblad