Basis catalogus a tot z t/m 2005 - Toneeluitgeverij Vink
Basis catalogus a tot z t/m 2005 - Toneeluitgeverij Vink
Basis catalogus a tot z t/m 2005 - Toneeluitgeverij Vink
Create successful ePaper yourself
Turn your PDF publications into a flip-book with our unique Google optimized e-Paper software.
TREWYN YN'E SUITE (TWO INTO ONE)<br />
Komeedzje yn twa bedriuwen fan Ray Cooney, Fryske<br />
oerset ting Alle Geart Hof, 4 froulje, 6 manlju + figuratie<br />
Dit stik dat troch John Lanting op syn ôfskietoernee spile waard, is troch<br />
de fertaler op sa'n wize feroare, dat de amateurferinings it ek spylje<br />
kinne. Wy komme yn'e kunde mei in tol minsken dy't ek yn in stik<br />
foarkomme fan Ray Cooney fan letter datum, in foarsetting fan Trewyn<br />
yn'e suite dus. De titel fan dat stik is: By fjoer en by lôge, oarspronklike<br />
titel: "Out of order". Ek by <strong>Vink</strong> yn katalogus. Diktus Westerterp hat mei<br />
syn frou Rixt in keamer hierd yn it Kürhaus yn Skeveningen. Syn<br />
kabinetssjef Hobbe Twerda hat tagelyk in keamer boekt foar de<br />
sekretaresse fan de premier. It leafdesnustje fan Diktus leit lyk foaroer<br />
de keamer fan de sekretaresse, faaks wol handich mar al de oarsaak<br />
fan in soad swierrichheden. As Rixt dan ynienen del komt is de boat oan<br />
fansels. Hobbe Twerda moat dan út need de ferfieder spylje fan Rixt, ien<br />
en al betizing. Op 't lêst witte de gasten en it personiel hielendal net<br />
mear wêr't se oan ta binne. In klucht mei in foartsetting as it wêze moat.<br />
De stikken kinne hiel goed op himsels spile wurde.<br />
SJOCHRIS OAN....IN FOLWOEKSEN SOAN! (IT RUNS IN THE<br />
FAMILY)<br />
Klucht fan Ray Cooney, Fryske oersetting Alle Geart<br />
Hof, 4 froulje, 7 mânlju<br />
Toaniel: In grutte dokterskeamer yn in sikehûs. Dokter Ditmus Buruma<br />
sil aansen in taspraak hâlde op in konferinsje foar neurologen. Dit sil<br />
him nei alle gedachten in Keninklike ûnderskieding opleverje. Wylst er<br />
dwaande is syn taspraak te betinken, komt Lobke Oastra , in âlde flam<br />
fan him der yn. Se ferteld him dat út harren ferhâlding jierren lyn in soan<br />
berne is dy’t Adry hjit. Adry stiet ûnder yn’e hal te wachtsjen om einlings<br />
en te’n lêsten syn heit te moetsjen. Yn wanhope om dit katastrofale nijs<br />
foar syn frou Reina benefter te hâlden, betinkt er net ien, mar twa net<br />
besteande oare heltes foar Lobke. Hy ropt de help yn fan syn kollega<br />
dokter Herke Soepboer. Ien en oar wurdt noch komplisearder as in<br />
brigadier fan polysje folslein yn de war brocht wurdt troch in assortimint<br />
fan al en net besteande ferpleechsters, in swalkjende senile pasjint, in<br />
folle ynjeksjespuit mei kalmearjende middeltsjes en ferklaaifoarstellings<br />
fan it sikehûspersoniel.<br />
HAT MYN INGELBEWARDER EK RJOCHT OP IN UTKEARING?<br />
Komysk eigentiidsk blijspul yn fjouwer bedriuwen fan<br />
Peter Leenders, Fryske oersetting Siep Jorna,<br />
5 froulju, 3 manlju<br />
Gabe, de ingelbewarder van Sita, sjocht it net mear sitten. Al santich jier<br />
beskermet hy har tsjin al it oankommende ûnheil. Ek hat er der foar<br />
soarge, dat har sieltsje altyd suver bleaun is. Mar no't se âlder wurdt falt<br />
der mei har neat mear te belibjen, de spanning is fuort. Gabe wol dan ek<br />
graach dat Sita it ierdske libben ferruilet foar de ivige sillichheid. As Sita<br />
har ingelbewarder dúdlik makket dat se gjin plannen hat er om dea te<br />
gean en yn elts gefal hûndert jier wurde wol, komt er yn opstân en<br />
begjint har te boycotten. Sita krijt hjirtroch grutte swierrichheden en<br />
wurdt slachtoffer fan ferskate ûngemakjes. As de ingelbewarders fan har<br />
freondinnen ek noch Gabe syn kant ophâlde, driget it hielendal mis te<br />
gean. Maar Sita lit it der net by sitte en soarget foar in prachtich moai<br />
stikje fjoerwurk.<br />
JUS D'ORANGE MEI IN TIK! (GRAPEFRUIT JUICE MET EEN TIC)<br />
F 3 Skriller fan Loek Elich, Fryske oersetting Gurbe Dijkstra,<br />
5 froulje, 3 manlju<br />
As Ellen Woudenberg fernint dat har ienige famyljelid, har wolstelde en<br />
heechbejierre aldtante oan in tredde jeugd begûn is, beslût se om as de<br />
wjerljocht poalshichte te nimmen. Op it plak sels konstatearret se dat<br />
har âldtante harsels al in healjier fersoagje lit troch in ynwenjende<br />
ferpleger. Se wit dat der koartlyn yn De Haach in stikmennich rike<br />
dames om it libben brocht binne troch twa ferplegers. Dat barde mei<br />
medisinen en nei dat de manlju de slachtoffers earst fan harren kaptaal<br />
berôve hiene... It wantrouwen fan Ellen wurdt noch grutter as se sjocht<br />
hoe wiis as tante mei har ferpleger is en ek fanwege dy syn heimsinnige<br />
telefoantsjes om presys twa oere nachts. As notaris komt om it al<br />
besteande testamint te wizigjen, feroaret alles yn razend tempo. Dokter<br />
moat halje trawalje komme, omdat alles der op wiist davt de ferpleger<br />
syn fatale plan útfierd hat. Mar wie hy wol de dieder, of wie 't de<br />
húshâldster, dytt alles wist en fan tichteby meimakke? Of wie 't de<br />
achternicht sels?<br />
DIZZE FROU IS JO MAN (DEZE VROUW IS UW MAN)<br />
297<br />
Klucht yn trije bedriuwen fan Jan Tol, Fryske oersetting<br />
Alle Geart Hof, 5 froulju, 3 mânlju<br />
Wyp Tilstra lûkt fan sosjale saken, se hat stikum in freon oer de flier, net<br />
opjûn fansels. As har dochter Rinskje thús komt binne de rapen gear, se<br />
fynt har plakje beset. Dêrtroch kin se har mem har freon net sykheljen<br />
hearre, se besiket him fuort te narjen. Der komt noch by dat Teatske<br />
Soldaat de buorfrou ien en oar allang troch it gat loerd hat en as de<br />
kontroleur fan sosjale saken del komt, hat Teatske wat te fertellen. Wyp<br />
en har freon komme danich ûnder fjoer te lizzen , de iene kluchtige<br />
sitewaasje nei de oare folgje elkoar op.<br />
MAR WA WIE NO DE HEIT? (MAAR WIE IS DAN DE VADER?)<br />
Blijspul yn fjouwer bedriuwen fan Astrid de Haan en Jan<br />
Tol, Fryske oersetting Alle Geart Hof, 5 froulju, 4 mânlje<br />
Hein Draagsma is dúdlik de baas yn hûs. Syn frou hat gjin libben by<br />
him. Se liket in nutenien en alles wat Hein har jit, docht se ferkeard. As<br />
Anne Blankenstein mei har soan Frâns nêst har komme te wenjen,<br />
feroaret der al wat. Hein en Anne kenne elkoar noch fan eardertiids en<br />
sy seit dat har soan Frâns fan Hein is. Hein besiket op in slûchslimme<br />
wize it foar frou en dochter ferburgen te hâlden. Dat wurdt in hiel minne<br />
boel as it bliken docht dat Frâns en Lyske de dochter fan Hein fereale<br />
wurde op elkoar. Noch slimmer wurdt it as Dora har mem op besite<br />
komt. Sy is der ien dy't oeral har noas ynstekt, boppedat kin se har<br />
skoansoan net snuven hearre. Dêr is reden ta. Hein hat har yn in<br />
lekkende caravan earne op'e heide dumpe en dat hat fansels kwea<br />
bloed set. De ramp wurdt kompleet as Dora har eardere freon de Bock<br />
moetet. En as der dan ek noch in houliksterapeute oanwaaien komt,<br />
binne de rapen hielendal gear. Mar Dora har noch in ferrassing efter de<br />
hân.<br />
IT WAAR; HJIT EN BRODZICH! (MOVE OVER MRS. MARKHAM)<br />
Klucht yn twa bedriuwen fan Ray Cooney, Fryske<br />
oersetting Alle Geart Hof, 5 froulju, 4 mânlju<br />
It toaniel stelt foar in moaie flat ,ferdielt foar twatrêde yn in wenkeamer<br />
en foar ientrêde yn in sliepkeamer. De bedoeling is wol dúdlik...frivoale<br />
en kluchtige sitewaasjes dy’t hast út’e hên rinne en dy”t meitsje dat de<br />
minsken yn de seal harren ta de teannen út fermeitsje kinne. Lobke is in<br />
floatich en kreas frommis en de frou fan Folkert Jukkema in wat houtene<br />
Klaas. Lobke hat al in hiel skoft Rinse de binnehûsarsjitekt om har hinne<br />
fanwege in ferbouwing en dit is wol in bytsje de mûs op it spek, want<br />
Rinse Ruych is in sûne frouljusgek.De kompanjon fan Folkert, Hedser<br />
Fokkema is dat ek. Hedser wol foar syn eskapades in húske fan hâld<br />
oan, yn dit gefal it hûs fan Folkert. Tagelyk stiet de freondinne fan<br />
Lobke, Tine ,ek te springen en men kin it fan’t tinken wol ha dat<br />
elkenien- elkenien danich foar de fuotten rint. Is der wol in oplossing ?<br />
DAT SADWAANDE<br />
It is in kluchtich blijspel, skriuwer A. Postma,<br />
5 froulju, 4 mannen<br />
De famylje Streekstra kriget in brief fan Fetsje, dat sy útfanhûs komme<br />
wol, mar dat brief komt tige let! Fetsje stiet al hast op è stoepe! Har man<br />
Freek mwol (????) net mei. Mei net fan Fetsje, hy moat op it hûs passe.<br />
Mar Freek giet ek útfanhûs!!! Wêr hinne. Dat falt wol te rieden. Om disse<br />
sitewaasje hinne spyle hjir brike dingen ôf. Knillis sil de saken oplosse,<br />
mar hy is net sa betûft. In stik, dêr 't jo in soad wille mei ha kinne.<br />
KOKEDEI (DE DAG VAN HET KALF)<br />
In komeedzje yn fjouwer bedriuwen fan Aris Bremer,<br />
Fryske oersetting Alle Geart Hof, 5 froulju, 4 mânlju<br />
In jongkeardel wurdt wekker yn in oandamme welput op it plein fan in<br />
foar him ûnbekende stêd, dêr’t krekt op dy dei it jierlikse “ Kokedei “<br />
holden wurdt.Hy kin him net tebinne bringe hoe’t er dêr kaam is,<br />
boppedat wit er net mear wa’t er sels is. Mar elkenien dy’t er moetet<br />
werkent him sa’t it liket, mar net altyd ûnder deselde identiteit. Nei in<br />
soad hilaryske misbegripen stiet it foar de measte minsken wol fêst dat<br />
Xander fan hiel hege komôf wêze moat. It liket der wol op dat it de<br />
kroanprins sels is dy’t ynkognito de stêd besiket. De wichtige famylje<br />
v.d. Spek nimt him dêrom folslein foar har sels yn beslach. Syn nije<br />
posysje bringt him in prachtige dei. Men lit him spultsjes winne, alle<br />
frouljusherten bemasterje en in famyljeskandaal opikkerje. As er de stêd<br />
dan ek in soad foarrjochten taseit, liket de dei net stikken te kinnen,<br />
mar..., hoe heger hy dy dei klimt, hoe djipper de fal is dy jûns nei it<br />
kostumearre dûnsjen. Mar earlik is earlik, eins falt er wol hiel sêft. U kunt<br />
meer toneelstukken vinden van deze auteur op: www.arisbremertoneelteksten.nl