Basis catalogus a tot z t/m 2005 - Toneeluitgeverij Vink

fiifentritich, dy=t yn har ûntwikkeling wat achterbleaun is, yn in
komfortabel appartemint. At it stik begjint stiet Eddie, har soan, mei har
beide beppesizzers, Arty en Jay, by har foar de doar. Eddie sit djip yn de
skulden en moat in lange reis meitsje om jild fertsjinje te kinnen. De
jonges komme dêrom foar langere tiid by Beppe en harren muoike Bella
útfanhûs. Beppe is in hurde, strange frou, Bella hat in geheime leafde.
Noch in oare muoike, Gert, praat frjemd, en omke Louie blykt in
gangster te wêzen. Geandewei komme de jonges der achter dat it gesin
wêryn >t harren heit grutbrocht is, emosjoneel totaal ferknipt is. Sy binne
mar tydlik ferdwaald yn New York, de rest fan de grappige, drôvige
famylje liket it paad definityf kwyt te wêzen.
DE FAVORYT (GOD’S FAVORITE)
F 12 In komeedzje fan Neil Simon, Fryske oersetting Gurbe
Dijkstra, 3 froulju, 5 mânlju
De Favoryt is in bysûnder luchtige bewurking fan it ferhaal fan Job. It
stik spilet him ôf op Long Island yn de filla fan in rike, suksesfolle
sakeman mei in frou, in “ferlerne soan” en in net al te snoade twilling.
Op in jûn krijt de famylje besite fan in “boadskipper fan God” ...as
sadanich te herkennen oan in grutte “G” op syn sweater. Us moderne
Job wegeret God te fersaken, en dus wurdt er fan ôf dat momint
achterfolge troch rampspoed. Syn fabryk baarnt oan de grûn ta ôf, hy
krijt alderlei mysterieuze sykten en syn famylje ferlit him. Al dy tiid
wegeret hy om syn God te fersaken. At er alles kwyt is, krijt er fia de
boadskipper (dy ‘t syn baantsje kwytrekke is) antwurd fan God. De
boadskipper jout ta dat er ferlern hat en de ferlerne soan komt wer thús.
DE SHOW FAN MAX PRINS (LAUGHTER ON THE 23RD FLOOR)
F 13 In komeedzje fan Neil Simon, Fryske oersetting Gurbe
Dijkstra, 3 froulju, 6 mânlju
It is 1953. It skriuwersteam fan de Max Prinsshow, in hiele populêre
televyzjeshow yn Amearika, komt ûnder druk te stean, at NBC bepaalt
dat se minder stjoertiid krije en dat de satire minder bitend wurde moat.
Se moatte harren oanpasse oan it grutte publyk. Dat hâldt yn dat it nivo
fan de show omleech moat. Max Prins, foar wa ‘t de show syn libben is,
rekket yn alle staten, ferheget syn pillen en alkoholkonsumpsje hjirtroch
noch mear en giet regelmjittich mei syn skriuwers yn konklaaf om
manieren te betinken om NBC werom te pakken.
BY FJOER EN BY LÔGE (OUT OF ORDER)
Klucht yn twa bedriuwen fan Ray Cooney, Fryske
oersetting Alle Geart Hof, 3 froulju, 6 mânlju
In echt Cooney stik- It stik spilet yn in suite fan it Kurhaus te
Skeveningen...Gjin dekor feroarings.
Diktus Westerterp ( Steatssekretaris ) , útfanhûzet mei syn frou Rixt yn it
Kurhaus. Diktus ferlanget fanwege syn status uterste ynset fan
Roomservice, mar ûndertusken knypt er de kat yn’t tsjuster. Syn
kabinetssjef Hobbe Twerda de rjochterhân fan Diktus sit fakentiden
folslein mei de hannen yn’t hier, fral ek omdat de sitewaasjes fakentiden
net mear te oersjen binne. Der komt sels in lyk yn foar wêr’t mei omseuld
wurde moat. In echte klucht wêr’t danich op lake wurde kin.
OP’E RIN MEI BORODIN (CHASE ME COMRADE)
Klucht yn twa bedriuwen fan Ray Cooney, Fryske
oersetting Alle Geart Hof, 3 froulje, 7 mânlju
It stik spilet yn de tiid fan de kâlde wrâldkriich. In balletdûnseres dy’t mei
in asylsykjende Rus by in freondinne del komt setten om in skûlplak foar
har Boaris te finen. Ien en oar wurdt útboud ta in kolderike sitewaasje. It
begjint och sa rêstich: marinekommandant Seinstra komt thús en wol te
fiskjen. De metamorfoase dy’t hy ûndergiet is hast totaal. Hy giet yn
offisiersunifoarm syn sliepkeamer yn en komt der yn spikerbroek der wer
út. En dy wat yroanysk bedoelde metamorfoase is hast synboalysk foar
it stik. Elkenien feroaret wolris in kear fan klaaiinge en ek fan ydentiteit.
De yntriges binne kompleet oant ein fan it stik ta. Boaris Borodin praat in
soarte Frussysk. De timing en faasje moat goed yn’e hân holden wurde.
In lekkere hap foar in selskip dat graach in klucht spilet .
WYLDE HAVANA
F 17 Tragikomeedzje yn trije bedriuwen troch Peter Leenders,
Fryske oersetting Alle Geart Hof,
4 froulju, 2 mânlju
As de âlde autoritêre menhear Timmer nei in muoisum libben komt te
ferstjerren komt er foar’t ljocht as in geastferskining yn in tsjustere
romte, nêst syn wenkeamer fan eartiids. Dêr kin er yn alle rêst op syn
bern delsjen. As er heard dat de bern ûnder it wekjen syn begraffenis al
regele ha ûnder it mom fan: “it mei eins neat kostje “, is hy slim
295
teloarsteld. As er dan ek noch heard dat de erfenis al ferdield wie doe’t
er noch libbe, wurdt er poerrazend. Kalmearre troch syn eksfrou (ek in
geatsferskining) wurdt der weromsjoen op harren rûzich libben fan
eartiids. Oan de oare kant litte har bern sjen hoe’t se harren jeugdjierren
belibbe ha, ûnderwilens helje se it hûs leech fan de ferstoarne.
Stadichoan wurdt it dúdlik wêrom dit gesin sa ûntwoartele wie..Moaie
dramatyske mominten en hilaryske sênes wurde sjen litten... In
kommeedzje mei in laits en in trien, foar in soad minsken o sa
werkenber.
OAN É EIN FAN DE SIMMER (PROPOSALS)
F 25 In romantyske komeedzje fan Neil Simon, Fryske
oersetting Gurbe Dijkstra, 4 froulju, 2 manlju
Burt Hines, dy’t in hertkwaal hat, bringt mei syn dochter Josie en syn
húshâldster Clemma foar de lêste kear de simmer troch yn syn twadde
húske yn Pennsylvania. Hy hat al ferskate hertoanfallen achter de rêch
en gjinien hat dan ek de yllúzje dat er noch lang libje sil. Josie nimt dit
har mem kwea ôf, omdat sy tinkt dat de hertoanfallen feroarsake wurde
troch in brutsen hert. At har mem op fersyk fan Burt it wykein útfanhûs
komt, ferwyt Josie har in kâld spultsje mei har eksman te spyljen, mar
de werklikheid is wol wat komplekser. Yn itselde wykein komme der ek
noch wat potinsjele houlikskandidaten del foar Josie, en Clemma, dy’t
foar dit hieltyd grutter wurdende selskip it iten organisearje moat, wurdt
konfrontearre mei de man dy’t har sân jier ferlyn sitte litten hat. Doch hat
se nettsjinsteande de drokte de tiid om Josie, dy’t se as in dochter
beskôget, it setsje te jaan dat noadich is om it mei har mem yn ‘t lyk te
breidzjen.
DE GESJOCHTEN SJACHELDERS (DE GESJOCHTEN
SJACHELAARS)
Klucht yn fjouwer bedriuwen fan Hub Fober, Fryske
oersetting Alle Geart Hof, 4 froulju, 3 mânlju
It is perfoarst net sa’n bêsten ien dy’t Leendert yn de finansjele
hâldgreep hat. Hy wol him stadichoan en wis syn boerespultsje fan de
hûd skuorre. Leendert fjochtsjend foar syn buorkerij nimt it net sa krekt
mear. Hy hat wat opsetten om syn buorkerij te behâlden, dat him gjin
wynaaien lizze sil. Syn beide dochters en in âlde leafde steane pal efter
him. Mei harren help wurdt Knypstra de jildsjitter ferrifele mei falske
oandielen en 25000 liter selsstookte drank. Mar dat alles net fansels giet
is sa wol te begripen. Bram de Ram en mâle Griet sitte harren nuver yn
it farwetter en Knypstra sels spilet ek net min by.
Al mei al in stik dat mei faasje spile wurde kin en de leafhawwers fan
kluchtige types komme ek oan harren trekken.
FARWOL- FARWOL (VAARWEL VAARWEL)
In komeedzje yn fjouwer bedriuwen fan Aris Bremer, yn
it Frysk oerset troch Alle Geart Hof, 4 froulju, 3 mânlju
It hylaryske en oandwaanlik ferhaal fan in sterke frou, dy’t sûnt se widdo
wurden is in nije wei ynslein is, nettsjinsteande de tsjinwurking fan har
skoanfamylje. Yn de kajút fan it famyljejacht “ Farwol “ , skriuwt se in
boek oer har libben en hat se in soad geniet fan har iere leafde foar in
âlde freon. As har boek in best-seller wurdt , rûkt de famylje jild. Har
trouwe freon en in goudearlike muoikesizzer stean de plannen fan de
famylje yn’e wei en se wurde troch lêberij en yntriges út it libben fan de
widdo wurke. Freonskip en leafde winne it fan habsucht. Der is in happy-
end, mar hoe happy ek..., it end moat in farwol wêze.
DE MEMOIRES FAN EUGENE (BRIGHTON BEACH MEMOIRS)
F 8 In tragy-komeedzje fan Neil Simon, Fryske oersetting
Gurbe Dijkstra, 4 dames, 3 heren
Eugene is fyftjin en giet noch nei skoalle. In pear jier ferlyn is syn omke,
de man fan de suster fan syn mem, ferstoarn, en doe binne syn muoike
Blanche en de beide dochters,Laurie en Nora by harren yn'e hûs
kommen. Dit jout nochal wat spanningen omdat syn heit no dus foar twa
gesinnen ynkommen fertsjinje moat. Syn broer Stanley wurket al en eins
sjocht hy heech by syn âldere broer op. Dêrby hâldt Eugene ek noch
syn memoires by, hy wol letter skriuwer wurde. Hy praat mei syn broer
oer fan alles en noch wat, seks, hoe't famkes der neaken út sjogge en
nog mear. Omdat Stanley op in kear syn wyklean fergokt en it eins net
tsjin heit doart te sizzen, rint Stanley fan hûs fuort. Dan rinne de
spanningen heech op. Heit krijt lêst fan syn hert, muoike Blanche wol
mei de beide dochters fuort en op harsels wenjen gean, wat eins net kin
omdat se gjin ynkommen hat. Se sil in baan sykje moatte en wol dan de
bern oer komme litte. Stanley komt dochs wer thús en seit tsjin heit wat
der gebeurd is. De frede wurdt tekene, en sa kin de húshâlding wer
fierder, mar no dus sûnder muoike Blanche en de bern.