Basis catalogus a tot z t/m 2005 - Toneeluitgeverij Vink

en bedroch besykje se dêr út te reitsjen.
DE BEKEARLINGE (THE CONVERTIBLE GIRL)
F 14 In komeedzje fan Danny Simon, Fryske oersetting Gurbe
Dijkstra, 2 froulju, 7 mânlju
Christina (Chris) Fernandez hat in ferhâlding mei Ron, in Joadske,
âldere man. Se wol graach mei him trouwe, mar hy fersint alderlei
ferlechjes, sadat er net trouwe hoecht. Hoewol ‘t er oprjocht fan har
hâldt, doart er it nei twa mislearre houliken net oan. At er as reden
oanfiert dat syn mem djip religieus is, en dus in houlik net akseptearje sil
omdat Chris net Joadske is, beslút se om har te bekearen. Se giet op
les en rint alle prosedueres troch dy ‘t by in bekearing hearre. Yn ‘t earst
docht se it allinne omdat se dan trouwe kin, mar al gau krijt it Joadske
geloof har yn ‘e greep. Op de dei fan har eksamen blykt dat Ron ek nei
har bekearing net fan doel is om mei har te trouwen, en at dan ek noch
es Ron syn mem opdraven komt, dy ‘t folslein it tsjinoerstelde is fan in
âlde, djipgelovige frou, is foar Chris de maat fol. Se stelt him in
ultimatum. Of hy freget har binnen tsien sekonden at se mei him trouwe
wol, of se giet foargoed by him wei. Ron kiest, nei in wize libbensles fan
syn mem, aaien foar syn jild en freget syn freondinne om mei him te
trouwen.
DE POTFISK
F 27 Toanielstik skreaun troch Frank Houtappels, Fryske
oersetting fan Sj. Wiersma, 3 froulju, 1 manlju
"De Potfisk" is in komeedzje en giet oer twa susters, Mia en Roas en
harren mem, Ingrid Visser. De beide susters binne tige ferskillend fan
aard. Fierders is der noch in freon, Walter v d Werff, dy't allerhande
karweikes foar Ingrid docht. Hy is noch in âld skoalfreon fan Mia en
Roas. As Roas thús komt út Bangkok, omdat heit is ferstoan, lit Mia har
witte dat mem begjint te demintearjen en dat it sa net langer mear kin.
Nei heit syn kremaasje, wit mem net wer't heit útstruit wurde moat. Se
wiene trout, dat wol, mar dêr wie ek alles mei sein. Mem wol fuort, oare
omjouwing, se wol reizgje. Se giet nei Bangkok, nei Roas en nimt de urn
mei. As mem yn Bangkok in oaljefant keapje wol en letter in oanspielde
potfisk wer werom de see yntriuwe wol, begripe de beide susters dat it
nei alle gedachten net goed komt mei mem.
OP "RUCH FINNE"
M 421 W .A. Brouwer, 3 froulju, 2 manlju
De schrijver: Mei de strekking fen dit stikje wiermynopset urn dódlik
tomeitsjen, del dertwisken alderen bem wolris ûnienichkeit kornrne kin,
maf, as de kniper op'e skine komt, lang om let, it alder- en it bemehert
dochs wer sprekke scille !
KONJAK EN KURATELE (KUCKUCK ÛND KOGNAK)
Blyspul yn trije bedriuwen fan Kurt Huemer, Fryske
oersetting Alle Geart Hof, 3 froulju, 3 mânlju
Andreas Engwirda , konjak fabrikant en lêste ôfstammeling út in aadlik
slacht ,hat noch in lyts famylje bedriuwke dat net sa bêst mear rint, hy is
al sa goed as fallyt. Hy lit him ûnder kuratele stelle yn de hoop dat syn
húsfreon doktor Heeres- in frouljusgek en stikume leafde fan syn frou-
kurator wurde sil, mar dit is in folsleine misrekken. Ynstee fan dy
húsfreon , wurdt de kollega fan Heeres , de hear Snoey kurator. En dan
is de boat oan. Dizze Snoey is in man dy’t de wet eptich útfiert,
boppedat is er oergeunstich op de libbenswize fan syn kollega Heeres.
Troch dizze omstannichheden komt de famylje Engwirda danich in de
knoei te sitten. De grutste finansjele post wurdt dalik as skrast , yn dit
gefal it leafdes nusje ( djoere went ) fan de twadde bysliep fan Engwirda.
Mar de leafdesaffêres fan Heeres sitte Snoey ek danich dwers. It wurdt
in hektyske tastân. Mar dan ûntdekt Snoey op in ynspeksjetocht yn de
kelder fan Engwirda efter in bline muorre tritichtûzen flessen âlde konjak
út it jier 1843, bewarre bleaun en ferside brocht troch de foarfaar fan
Andreas de Hear Wytse fan Harich -Engwirda . Der komt in slompe jild
los en de kurator dy’t noait ris út’e baan sprongen is wurdt no in oar
mins. Hy ûntwikkelt him as in slimme sakeman, mar kin de weelde net
altyd ferdrage, mar krekt op tiid komt er ta himsels en wit hoe’t er fierder
hannelje moat. Heeres wurdt fuortpromofearre nei Aruba ta en sels
wurdt Snoey fennoat fan de goed beklante firma Snoey en Engwirda,
mei filialen op Aruba en Galapagos.
SPIKER-BAK-EN KO (SPIJKERHARD)
In komeedzje yn acht tafrielen fan Aris Bremer, Fryske
oersetting Alle Geart Hof, 3 froulje, 3 mânlju
Simen Spiker, direkteur fan de widdo Spiker en Co yn kratten en kisten,
komt nei in hertoperaasje as werberne op syn bedriuw werom. Syn
294
meiwurkers en syn frou hawwe foar de takomst ferskate ferwachtings
fan him. Mar syn bloed krûpt no wêr’t it net gean kin. Mei syn wylde
plannen mei de firma, stjit er syn trouwe kompanjon Ko foar de holle.
Troch dat er fereale wurdt op in oar, krijt er problemen mei syn frou
Adda en mei syn sekretaresse Bak. De jeuchlike bloedmoaie
kantoarhelp Keke wit hy ek net langer te boeien. As dan de stazjêr
Hotse mei grutte ideeën him ek noch ferlit, feroaret it libben foar Simen
yn in nachtmerje. Simen komt út de krisis werberne werom yn de wrâld
fan kisten en kratten.
TURKSE MASSAAZJE (A TOE IN THE WATER)
F 20 In komeedzje yn twa bedriuwen troch Derek Benfield. In
it Frysk oerset troch: Alle Geart Hof, 3 froulju, 3 mânlju
Lubke hat foar har en har freon Berend Wotte de glêzewasker in keamer
besprutsen yn in kueroarde mei Turks bad. Se is der wis fan dat har rike
heit Gerlof Zandstra perfoarst gjin glêzewasker ha wol as skoansoan en
hy sil har noait yn in kueroarde sykje. Har heit hat om by te kommen fan
syn wurksum libben ek in wykein kueren boekt. It is in grutte skok foar
Lubke at se fernimt dat heit op itselde adres kuert. Ek de sekretaresse
fan Zandstra Sibrich, is oanwêzich.., sy is fan doel har baas te fersieren,
mar dat giet net flot fan de trie..Lokkich komt de frou fan Gerlof Zandstra
Marije oanwippen op it stuit dat Gerlof troch fersin heal neaken op’e
keamer fan syn sekretaresse is. Marije komt harren hast oer’t mad. De
ienige dy’t de ploaien in bytsje glêd strike kin is de manager menhear
Palsma. Palsma libbet neffens âlderwetske fatsoensnoarmen en hy kin
sa’n soad ûnfatsoen hast net ferneare. Dochs kin er net hielendal
tefoaren komme dat er sels ek wolris saneamde noarmen en wearden
oer board sette moat.
Dit stik is foar eltse toanielferiening in útdaging!
DRIUWSÂN! (A FLY IN THE OINTMENT)
F 16 Klucht yn twa bedriuwen troch Derek Benfield, yn it
Frysk oeretten troch Alle Geart Hof, 3 froulju, 3 mânlju
As Radmer Teakema, Steatssekretaris fan Miljeu op in waarme middei
yn de simmer ynbrekt yn it simmerhûs fan syn oerhuorrige leafde Dora
sykjend nei de foto’s dêr’t se him mei sjanteart, wurdt er spitigernôch
steurd troch har thúskomst .Dora tinkt dat er de relaasje mei har
ferfetsje wol. Wylst Dora har opmakket foar in hertstochtlik jûntsje, komt
der in stream fan net noege gasten delsetten. De frou fan Radmer dy’t
fermoedens hat dat er der in oare relaasje opnij hâldt en him dêrom
efternei reizge is..In seksueel frustrearre wykpolysje en in oansketten
húsdokter dy’t al jierren fereale is op de frou fan Radmer.In webbe fan
leagens dy’t Radmer útstruit om syn politike libbenspaad te rêden, wurdt
daliks troch Albert - in slûchslimme pizzabesoarger úinoar raffele. De
yngrediïnten foar in hylaaryske klucht fan Derek Benfield.
IT DINEETSJE (THE DINNER PARTY)
F 28 Komeedzje fan Neil Simon, oersetting Tryntsje van der
Zee, 3 froulju, 3 manlju
In oangripende relaasjekomeedzje, dy't him ôfspilet yn in aparte romte
fan in eksklusyf restaurant. Hiel sjyk allegear. Der stiet in feestlik
klearmakke tafel foar seis gasten te wachtsjen. Ien foar ien ferskine se;
earst trije hearen, alhiel yn styl oanklaaid, klear foar dit bysûndere
itentsje. Se kenne mekoar net en hawwe elk foar oar in hiel oare
achtergrûn. Ien, nee twa dingen ha se gemien, docht bliken: se binne
alle trije skieden en se ha alle trije juridyske bystân hân fan deselde
advokaat, de man dy't ferantwurdlik is foar de útnoeging foar dit diner.
De mannen besykje der achter te kommen wat de bedoeling wêze kin
fan dit mysterieuze itentsje. Dan ferskine de oare trije gasten: allegear
bysûnder sjarmante en goed fan 'e tongriem sniene dames.
Unferwachte ynfallen, pynlike konfrontaasjes en fûle diskusjes binne it
gefolch. Stapke foar stapke ûntspint him ferrassende yntrige. In stik dat
boeit en ferdivedearret troch in subtile ôfwikseling fan mysterieuze
spanning, oprjocht oangripende konfrontaasjes en bytiden
slapstickachtige mominten. En dat yn masterlike Neil Simon dialogen
mei briljante "one-liners" dy't as pinpong baltsjes oer de planken fleane.
Yn 2002 wie dizze komeedzje in absolute "hit" op Broadway. Yn de
winter fan 2003 waard dizze nijste fan Neil Simon troch it beropstoaniel
yn Nederlân yntrodusearre. En no dus ek yn de eigen taal beskikber foar
it Fryske amateurtoaniel.
FERDWAALD YN NEW YORK (LOST IN YONKERS)
F 19 In toanielstik fan Neil Simon (winner PULITZER PRIIS
foar drama 1991), Fryske oersetting Gurbe Dijkstra, 3
froulje, 4 mânlju
New York, 1942. Beppe Kurnitz wennet mei har dochter Bella fan