Basis catalogus a tot z t/m 2005 - Toneeluitgeverij Vink

FRIESE TONEELWERKEN
OAN'E EIN FAN DE ASPERZJETIID (AAN HET EIND VAN DE
ASPERGETIJD)
F32 Avondvullend toneelstuk door Frank Houtappels, Frieze
vertaling Sj. Wiersma, 4 dames
Annie: runt mei har dochter Sophie in kapperssaak yn in rêstich Noardlimburgs
doarpke. Annie har houlik is op'e non rûn. Kitty: is mei Wim, de
doarpsdokter trout. It liket in prima houlik te wêzen. Wim moat geregeld nei
kongressen yn Amsterdam. Hy oernachtet dan by Francien. Mar giet hy wol
nei dy kongressen? Doe't Francien achttjin jier wie is se al nei Amsterdam ta
gien, se woe besykje om dêr oan'e bak te kommen as toanielspylster. As we
har liuwe meie dan is dat goed slagge. Mar is dat ek sa? Sophie: rekket
fereale op ien fan de asperzje stekkers, in Poal en wol mei him trouwe. Mar
is har mem dêr wol sa bliid mei?Wylst de lêste asperzjes stutsen wurde,
makket âld sear plak foar nij sear. En dochs besyket de famylje de bân yn
stân te hâlden.
DE COME-BACK FAN DE SUNSHINE-BOYS (DE SUNSHINE-BOYS)
F 1 Komeedzje yn twa bedriuwen fan Neil Simon, Fryske
oersetting Gurbe Dijkstra, 1 dame, 4 hearen
In eks-vaudeville-team, Louis van Os en Willy Bogaard libje al jierren op
foet fan oarloch mei-inoar, ek al ha se tegearre 43 jier oanien sketskes
dien foar de radio. As in televyzje-stasjon in retrospektive meitsje wol
oer de revu's fan eartiids, wurdt harren frege om tegearre nochris wer de
ferneamde "doktersskets" te dwaan. Willy Bogaard haldt him de leste
tiid dwaande meitt ynsprekken fan reklameboadskippen en Louis van
Os docht it noflik kalm-oan op syn âlde dei. Der moat dan ek fan alle
kanten gans op'e hearen ynpraat wurde om harren ta gearwurkjen te
krijen. Lang om let slagget dat al, mar dan komme ek ald sear en skeel
wer boppe.
LESTIGE LEAFDE OP IN LETTE MIDDEI (LAST OF THE RED HOT
LOVERS)
F 21 In komeedzje fan Neil Simon, Fryske oersetting Gurbe
Dijkstra, 2 froulju, 2 mannen
Barney Cashman is sânenfjirtich jier en hat him de lêste trijeentweintich
jier gedroegen as in treflike heit en echtgenoat. Hy wol lykwols ek wol es
de fruchten plukke fan de seksuele revolúsje, en noeget achter elkoar in
oan roken, drinken en seks ferslaafde frou, in flipte, wurkleaze
nachtklupsjongeres en de depressive frou fan syn bêste freon út yn it
appartemint fan syn mem. It slagget him net om mei ien fan dizze trije
froulju yn bêd te bedarjen. Alle ôfspraken rinne dea yn einleas gepraat,
en tsjin de tiid dat er genôch ûnderfining opdien hat om in frou te
fersieren, bliuwt er noch mar ien frou oer dy’t er útnoegje kin: Thelma,
syn eigen frou.
HOE LANG MOATTE JÓ NOCH? (HOE LANG MOET U NOG?)
In komeedzje yn ien bedriuw fan Aris Bremer, Fryske
oersetting Alle Geart Hof, 2 froulju, 3 mânlju
Rikele en Durkje binne mei harren soan oan’t kampearen .Se treffe it net
, want it reint alle dagen en as it waar opset en de wolkens brekke, komt
der in oare boai opsetten, it binne pake en beppe, Rikele syn
skoanfolk.Pake hat in bedriuw wêr’t Rikele ek wurket, mar Rikele docht
it syn skoanheit lang net nei’t sin en pake hat der in hantsje fan Rikele
leech wei te lizzen. It minne waar en de net winske besite bringe fral
Rikele yn wanhope.
YT MAR IN BROGGE MEI (WHY NOT STAY FOR BREAKFAST)
In komeedzje yn trije bedriuwen fan Gene Stone en Ray
Cooney, Fryske oersetting Alle Geart Hof,
2 froulju, 3 mânlju
It stik spilet yn in flat wêr’t folk húsmannet fan alderhanne slach. Wimer
Kuiken , in amtner, wennet op de earste ferdjipping en is drok dwaande
foar himsels yn’e keuken suki yaki klear te meistjen at er steurt wurdt
troch tillefoan fan syn suster. It petear rint net alte bêst want op in
ferdjipping heger wurdt omraak leven makke mei hurde muzyk en dûns.
De muzyk stûket , mar no wurdt der mei fan alles smiten, se hawwe dêr
in daverjende rûzje. It is eefkes stil, dan wurdt der skille by de foardoar
fan Wimer.Wimer docht iepen...Lamkje in hippy komt der yn wabbeljen,
se is der troch har “ freon “ útsmiten. Se giet mei har grou liif- se rint op
alle dagen - op’e bank lizzen en se is net fan doel wer op te stappen...In
prachtige komeedzje; lêze en spylje.
293
AS DE HORMOANEN OPSPREKKE (WIFE BEGINS AT FORTY)
In komeedzje yn twa bedriuwen fan Anne Sultan, Earl
Barret en Ray Cooney, Fryske oersetting Alle Geart Hof,
2 froulju, 4 mânlju en in.. hûn
Sa’t de titel ek al oanjout sitte guon minsken mei in “ midlife krisis “ te
hâlden en te kearen.Om healweitwaën yn de nacht sit pake Beint
Keestra mei syn hûn Sneuvel foar de t.v. te wachtsjen oant syn soan en
de frou ris thúskomme sille. Daliks dêrnei komt syn soan Doeke mei in
grut poeha der yn, mar sûnder Linda syn frou. Dy hinget noch earne yn
de strúken, mar dat sil him in soarch wêze. As Linda binnensilen komt
wol se noch in sliepdrankje ha en mei de buorlju Boukje en Haaie wurdt
it noch letter. De oare deis ferteld se Boukje dat it tusken har en har
man seksueel net mear funksionearret, mar ûntdekt dan dat it tusken
Boukje en Haaie ek net sa foar de wyn giet. Troch ferskate ferwikkelingen
wurde se allegear nuver troch de mostert fitere. In modern en
spylber stik.
IT GEFOEL FAN ABE SANTEMA
Fleurich depressyf yn vier bedriuwen, skriuwer Jan
Schokker, 2 froulju, 4 mannen + stim
As ien fan de âlden komt te stjerren wurd faaks alles oars. Dingen diet jo
sa gewoan wiene komme yn in oar ljocht te stean en it gefoel bringt
langsten nei boppe diet ferstoppe wiene. Mar ek oare saken wurde
iepenbier. Dit liket allegear sa swier en dreech, mar it gefoel bringt ek
moaie dingen boppe.
IN DOAZE FOL KROMMEN (THE GINGERBREAD LADY)
F 5 In komeedzje fan Neil Simon, Fryske oersetting Gurbe
Dijkstra, 2 froulje, 4 mânlju
In populêre sjongster dy't yn de goate rekke is troch drank en seks komt
thús út in ôfwenningsklinyk. Har freondinne, har dochter en in akteur
besykje har te helpen om har oan te passen oan in libben sûnder drank.
Se ha alle trije in tsjinoerstelde útwurking op har. De freondinne is der
grutsk op dat se har man kwyt rekket. De akteur, dy't homoseksueel is,
hat problemen omdat hy trije dagen foar de premjêre fan in stik nei hûs
stjoerd is, en har dochter freget mear oandacht en leafde dan't se jaan
kin. Dan komt der in eks-freon dy't har achterlit mei in blau each. At in
jierdeifeest út de hân rint wurdt se hinne en wer slingere nei har eigen
tragyske ein. It ferhaal is in kombinaasje fan in amusante komeedzje
mei in atmosfear fan ellinde. De karakteristike humor fan Neil Simon is
op syn bêst en it serieuze ferhaal oandwaanlik.
IN NUVER STEL (THE ODD COUPLE)
F 6 Heareferzje fan Neil Simon. Oersetting Tryntsje van der
Zee, 2 dames, 6 hearen
Oscar Madison, goed fjirtiger, is sûnt frou en bern by him weigien binne,
allinne wenjen bleaun yn it lûks appartemint fan in flat yn New York. Alle
freedtejûnen komt in ploechje maten by him te pokerjen. It skynt dat
Oscar, hoewol’t er tige gaotysk is, him aardich goed rêde kin allinne.
Nei’t ien fan de freonen, Felix Ungar, ek by de frou wei rekket, is Oscar
daliks ree dy by him yn ‘e hûs te nimmen. Syn flat mei acht keamers is
grut genôch, n’t wier? En alle freonen binne it der oer iens dat Felix
better net allinne litten wurde kin. Hy soe him sels ris wat oandwaan
kinne. Mar, Oscar en Felix lykje likefolle op elkoar as nacht en dei. Dat
giet dus mis. Ek al mei om’t yn itselde flatgebou twa Ingelske susters
wenje, moaie jonge froulju, dêrt’t Oscar wol wat mei op hat. Yn syn
besykjen it mei de dames oan te lizzen, fynt er Felix op syn paad. Nei’t
Oscar it bloed sawat ta sûpe wurden is, kin er net oars as Felix de doar
út sette. Dy fynt, hoe kin it ek oars, in waarm ûnthaal by, jawol, de
Ingelske susters. Dit is de heareferzje fan de (ek ferfilme) komeedjze fan
Neil Simon, ûnder oaren ferneamd om syn izersterke dialogen. Yn dizze
oersetting prate de manlju (Amerikanen) wâldfrysk, wylst de beide
Ingelske dames klaaifrysk, suver hast boekefrysk, prate.
GRAPPICH WIKSELJILD (FUNNY MONEY)
Klucht fan Ray Cooney, Fryske oersetting Alle Geart
Hof, 2 froulju en 6 mânlju
Harry Bron komt oerallich thús, hy seit neat en siket om de gouden gids,
hy wol in reisburo skilje en dalik mar ôfstekke. Wytske syn frou, o sa
húslik, wol witte wat him mankearret, mar Harry is net bysteat útlis te
dwaan en bûkt wyldwei in reis mei de KLM en jit Wytske de koffers yn te
pakken. Dan fertelt er dat er by ûngelok in ferkearde koffer meinommen
hat út de trein. Yn de koffer sit in grutte slompe jild. Wytske wurdt
fjoerbenaud en wol perfoarst net mei nei Barcelona of wêr dan ek mar
hinne. De doarskille giet en fan dat stuit ôf wurdt it in gekkehûs. Harry
en syn frou komme hielendal yn de benearring te sitten en mei leagen