JAARVERSLAG 2009 1. PERSONEEL 2. 2.1 2.2 2.3 ... - Lstellen.co.za
JAARVERSLAG 2009 1. PERSONEEL 2. 2.1 2.2 2.3 ... - Lstellen.co.za
JAARVERSLAG 2009 1. PERSONEEL 2. 2.1 2.2 2.3 ... - Lstellen.co.za
Create successful ePaper yourself
Turn your PDF publications into a flip-book with our unique Google optimized e-Paper software.
tevrede oud-leerders van die verrykingsonderrig (ongeveer 25 dagleerders en 230 verrykings- of RO leerders) te<br />
kan raakloop en te hoor hoe goed dit met hulle gaan. “Ek was nooit weer bang vir Wiskunde nie,” sê een.<br />
“Nadat ek in die verrykingsgroep van 30% na 70% geklim het, het ek in die hoërskool daar gebly,” sê ‘n ander.<br />
Selfvertroue straal uit. Dis werklik inspirerend.<br />
Die verrykingsonderrig het begin vanuit die situasie dat sommige leerders meer individuele aandag in sekere<br />
leerareas nodig as wat in die groot klassituasie gebied kan word. Mev Marie van der Merwe, wat spesialiseer in<br />
remediërende en verrykingsonderrig, neem dan hierdie leerders – beide diegene wat verryking wil ondergaan,<br />
en diegene wat leerprobleme wil uitstryk. Leerders wat by mev Van der Merwe inskakel, kry onderrig wat<br />
aangepas is vir elkeen se individuele behoeftes. Deurlopende koördinering met die onderskeie klasonderwysers<br />
verseker dat vordering gemonitor kan word en dat leerprobleme vroeg identifiseer en doelmatig hanteer kan<br />
word.<br />
Persoonlik aangepaste programme<br />
Afhangende van die spesifieke omstandighede, kan aanbeveel word dat ‘n leerder daagliks ‘n deel van die<br />
skooldag in die verrykingsgroep deurbring of dat ‘n leerder een of tweemaal per week vir individuele of<br />
kleingroep-onderrig met betrekking tot ‘n spesifieke leerarea of leerprobleem kom.<br />
Dagleerders<br />
Die klein groepie dagleerders ontvang vir twee-en-’n-half uur per dag individueel aangepaste hulp in Wiskunde,<br />
Afrikaans en Engels. Die leerders ontvang dus meer intensiewe onderrig in die gewone werk van hulle<br />
onderskeie grade. Vir die res van die skooldag skakel die leerders by hulle gewone klasse in. Geleidelike herinskakeling<br />
kan ook plaasvind soos wat vordering getoon word in die verrykingsprogram. Leerders ontvang ook<br />
hulp in ander vakgebiede en met spesifieke leerprobleme. Spesiale aandag word ook gegee aan leermetodes en<br />
leesvaardigheid. ‘n Maksimum van 7 leerders skakel in 2010 as dagleerders by hierdie program in en die plasing<br />
word tans gedoen. Daar bestaan sekere riglyne waarvolgens inskakeling as dagleerders geskied. Die plasing<br />
geskied in oorleg met die skoolhoof en die ander gekoppelde spesialisdienste en na psigometriese evaluering.<br />
Remediërende en verrykingsonderrig<br />
Byna 50 leerders kom een- of tweemaal per week na mev Van der Merwe vir verryking of remediëring. Hierdie<br />
vorm van onderrig word aanbeveel waar ‘n leerder ekstra onderrig in ‘n spesifieke vakgebied verlang. Die<br />
sessies kan geneem word in skooltyd of namiddae, afhangende van watter tydsgleuwe nog beskikbaar is.<br />
5.6 Gebedsgroep<br />
Die gebedsgroep van <strong>2009</strong> het bestaan uit ongeveer 20 gebedsma’s wat weekliks verteenwoordigend hul klasse<br />
se gebedsversoeke na die gebedsgroep gebring het.Die groep het tydens die eerste kwartaal ’n bou ’n versie<br />
kompetisie tussen klasse gehou. Tydens die kompetisie is roomyshouers as gebedshouers ingesamel vir skole<br />
wat behoefte daaraan gehad het. Elke klas moes ’n versie kies en dit dan op kreatiewe wyse uitbeeld. Hulle kon<br />
d.m.v. roomyshouers dit uitpak of die versie saam opsê of sing. Dit was ’n belewenis om te sien hoe kreatief ons<br />
kinders is en watter oorspronklike idees vorendag gekom het. Beoordelaars uit die Uitreikaksie het die finale<br />
produkte beoordeel. Roomyse is uitgedeel aan die klas in die junior en senior afdeling wat as wenners aangewys<br />
is. Daar is weer ’n liedjie kompetisie tydens die tweede kwartaal gehou waartydens twee liedjies as wen liedjies<br />
gekies is. Die koor het tydens die lofprysingsaand dit gesing. Die wenners is beloon met geskenkbewyse van Cum<br />
boeke. Die gebedsgroepsleiding is tydens Junie oorgegee aan Mine Kirsten wat sedertdien die groep lei.<br />
Die oortuigende ervaring van die groep deurlopend is dat die vurige gebed van ’n gelowige groot krag het. Jak<br />
5:16. A g.v. die toenemende behoefte aan gebedsondersteuning uit die ander gemeenskappe het die<br />
uitreikaksie in <strong>2009</strong> afgestig as ’n onafhanklike groep wat van buite die skool af onafhanklik funksioneer. Die<br />
groep het gedurende die vierde kwartaal ’n Run for Jesus gereël waaraan atlete van feitlik al die skole op<br />
Stellenbosch deelgeneem het. Op 10 Oktober het ongeveer 400 atlete bestaan uit skoolhoofde, onderwysers,<br />
ouers en leerders vanaf al hul skole na Stellenbosch Laerskool vertrek. Atlete groepe het elk 2 hout kruisies<br />
saamgedra en vanaf 4 hoof roetes wat bymekaar aangesluit het tot by die eindpunt gehardloop. ‘n Intersessie<br />
span bestaande uit voorbidders van al die gemeenskappe het saam God se seëning oor skole afgebid en vir<br />
uitkoms van soveel probleme en uitdagings waarmee skole te doen het. ’n Aanbiddingspan het ook lofprysing