oorkondenboek Abdij kloosterrade - Historici.nl

nr. 2 a. 1122
Calixtus a episcopus, servus servorum Dei dilectis filiis Richero abbati et canonicis
in ecclesia Sancti Gabrielis de Rodo b regularem vitam professis, tam presentibus quam
futuris, in perpetuum. c
Preceptum Domini habemus intrare per angustam portam, quia angusta via est quπ ducit
ad vitam.
Quia igitur vos, o filii in Christo karissimi, per divinam gratiam aspirati mores vestros
sub regularis vitπ disciplina coercere et, ut angustam valeatis ingredi portam, communiter
secundum sanctorum patrum institutionem omnipotenti Domino deservire proposuistis, nos
votis vestris paterno congratulamur affectu.
Unde etiam petitioni vestrπ benignitate debita impertientes assensum, religionis propositum
presentis privilegii auctoritate firmamus. Statuimus enim ut nulli omnino hominum
liceat vitπ canonicπ ordinem, quem professi estis, in vestra ecclesia immutare. Nemini etiam
professionis vestre facultas sit alicuius levitatis instinctu vel artioris religionis obtentu sine
prioris vel congregationis licentia de claustro discedere, quod si discesserit nullus eum episcoporum,
nullus abbatum, nullus monachorum sine communium litterarum cautione suscipiat,
quandiu videlicet in ecclesia vestra canonici ordinis tenor Domino prestante viguerit.
Vestra itaque omnia protectione sedis apostolicπ munientes vobis vestrisque successoribus
in eadem religione mansuris ea perpetuo possidenda sancimus, quπ in presentiarum pro
communis victus sustentatione legitime videmini possidere, et quπcunque in futurum largiente
Domino iuste atque canonice poteritis adipisci. Nulli ergo hominum liceat eandem
ecclesiam temere perturbare aut eius possessiones auferre, vel ablatas retinere, minuere vel
temerariis vexationibus fatigare, sed omnia integra conserventur eorum, pro quorum sustentatione
et gubernatione concessa sunt, usibus omnimodis profutura. Obeunte te nunc
eius loci abbate vel tuorum quolibet successorum nullus ibi qualibet surreptionis astutia seu
violentia preponatur, nisi quem fratres communi consensu vel fratrum pars consilii sanioris
secundum Dei timorem providerint eligendum. Electus autem a dicesano d benedicatur
episcopo, a quo etiam chrisma, oleum sanctum, consecrationes altarium sive basilicarum
et ordinationes clericorum vestrorum accipietis, siquidem catholicus fuerit et gratiam atque
communionem apostolicπ sedis habuerit, et si ea gratis ac sine pravitate voluerit exhibere.
Alioquin pro eorundem sacramentorum susceptione catholicum quem malueritis antistitem
adeatis, salvo tamen in omnibus catholici Leodiensis episcopi iure ac reverentia. Sane fructuum
vestrorum decimas, quos propriis sumptibus laboribusve colligitis, vobis absque episcoporum
vel episcopalium ministrorum contradictione habendas statuimus.
Siqua igitur in futurum ecclesiastica secularisve persona hanc nostrπ constitutionis paginam
sciens, contra eam temere venire temptaverit, secundo tertiove commonita, si non presumptionem
suam digna satisfactione correxerit, potestatis honorisque sui dignitate careat,
reamque se divino iudicio existere de perpetrata iniquitate cognoscat et a sacratissimo corpore
ac sanguine Dei et Domini redemptoris nostri Iesu Christi aliena fiat atque in extremo
examine districtπ ultioni subiaceat. Cunctis autem eidem ecclesiπ iusta servantibus sit pax
Domini nostri Iesu Christi, quatenus et hic fructum bonπ actionis percipiant et apud districtum
iudicem premia πternπ pacis inveniant. Amen. Amen. Amen.
2
a b c d Kalixtus B. – Rode B. – hier een leesteken bestaande uit 5 punten en een virgula A. – o bovengeschreven
A, lees diocesano B.
11