Februarie 2011 - Die Gereformeerde Kerke in Suid-Afrika

Slingervel, Jaargang 52
Nommer 919, Februarie 2011
in hierdie uitgawe ...
2 Die redakteur skryf ...
3 Oom Nico se Possak
4 Bybelleesrooster vir
Maart 2011
5 Blokkiesraaisel 422
6 Jakob se 12 seuns (2)
8 Bolletjie Wol
10 Spreuke vir die tiener
verklaar
11 Verjaardaghoekie
12 Oordenkings vir
laerskoolkinders
14 Cassini-tuig neem foto
van Titaan
15 Die lekker taai toffie!
BOBBEJAAN in
Afrikaanse idiome
16 Blare vir Marita (2)
18 Bome en ander plante
van die Bybel (1)
20 Oordenkings vir tieners
22 Die hasie het sy wortels
weggesteek
Weet jy waarom waai
robbe hulle vinne in die
lug?
Teken die renoster
23 Ons Pretblad
24 Boekeblad
2 slingervel februarie 2011

oom nico
se possak
Liewe Vellies,
Elke skolier, in watter provinsie of skool hy/sy ook al is, is baie besig is met alles en nog wat.
Selfs die maats op laerskool se programme is propvol aktiwiteite dat daar amper nie iewers vyf
minute oop is vir niksdoen nie. Ek wonder soms waar kry julle tyd om darem ’n bietjie te speel!
Dit is ook belangrik. Die maats op hoërskool moet letterlik in groot haas van die een sportveld na die
ander jaag. Terwyl die sweet tap en die stof trek, word genael van oefening na oefening, van wedstryd
na wedstryd. Dan is daar die maats wat ook op kuns- en kulturele vlak baie hooi op die vurk het, want
dit is musieklesse, voordraglesse, toneeloefeninge, oefeninge vir een of ander konsert. Ek kry julle
outjies baie jammer, want daar is party weke nie eens vir julle asemskeptyd tussen al hierdie verpligtinge
en die daaglikse skoolwerk nie. Ek wonder soms: Waar kry julle nog tyd vir stokperdjies en tyd
om sommer net op die gras te lê en na die wolke te kyk en net rustig te wees?
Ouers kyk natuurlik met ander oë na julle vol programme. Hulle sê dat die besige program julle uit
die kwaad hou. En aan die ander kant bewaar dit julle van negatiewe ledigheid. Daar is mos die
Afrikaanse idioom wat sê: Ledigheid is die duiwel se oorkussing. Dit beteken dat as ’n mens niks te
doen het nie, kom jy maklik in die versoeking om kwaad te doen. Onlangs lees ek ’n ander beskrywing
van ledigheid: Ledigheid is die duiwel se “val-nou-betaal-later-skema.” Dit beteken dat jy in jou vervelige
ledigheid versoek word om iets te doen wat later ernstige gevolge vir jou het. Dit bring ons tot die
besef dat jy ook in jou ledige oomblikke positief besig moet wees. In jou ledige oomblikke kry jy dalk ’n
geleentheid om vir ’n slag rustig en nadenkend Bybel te lees. Of jy kry ’n kansie om die artikels in die
SLINGERVEL aandagtig deur te lees.
Maats, sukses en vreugde vir elkeen toegewens waarmee julle ook al besig is. Hartlike groete en
die allermooiste wense vir julle almal en julle ouers.
- Oom Nico
slingervel februarie 2011 3

Bybelleesr Bybelleesrooster Bybelleesr ooster vir vir Maart Maart
Ds. Stephan Briel
Wie is jy in Christus?
DINSDAG 1 MAART – LEES: JOHANNES 1:1-14 (VS 12)
Jy is ’n kind van God.
WOENSDAG 2 MAART – LEES: JOHANNES 15:1-8 (VS 5)
Jy is ’n loot van die ware Wingerdstok, ’n kanaal van
Christus se lewe.
DONDERDAG 3 MAART – LEES: JOHANNES 15:9-17 (VS 15)
Jy is Christus se vriend.
VRYDAG 4 MAART – LEES: MATTEUS 5:13-16 (VS 13-14)
Jy is die sout vir die aarde en die lig vir die wêreld.
SATERDAG 5 MAART – LEES: ROMEINE 6:15-23 (VS 18)
Jy is ’n slaaf van God wat sy wil doen.
SONDAG 6 MAART – LEES: ROMEINE 8:12-17 (VS 15)
Jy is God se kind; God is jou Vader.
MAANDAG 7 MAART – LEES: ROMEINE 8:12-17 (VS 17)
Jy is ’n mede-erfgenaam van Christus wat sy erfenis met
jou deel.
DINSDAG 8 MAART – LEES: 1 KORINTIËRS 3:9-17 (VS 16)
Jy is ’n tempel, ’n woonplek van God.
WOENSDAG 9 MAART – LEES: 1 KOR. 6:12-20 (VS 17)
Jy is geestelik een met die Here.
DONDERDAG 10 MAART – LEES: 1 KORINTIËRS 12:27-31
(VS 27)
Jy is ’n ledemaat van Christus se liggaam.
VRYDAG 11 MAART – LEES: 2 KORINTIËRS 5:16-21 (VS 17)
Jy is ’n nuwe skepsel.
SATERDAG 12 MAART – LEES: 2 KOR. 5:16-21 (VS 18)
Jy is met God versoen en ’n bedienaar van die versoening.
SONDAG 13 MAART – LEES: EFESIËRS 1:1-14 (VS 1, 4)
Jy is ’n heilige.
MAANDAG 14 MAART – LEES: EFESIËRS 2:1-10 (VS 10)
Jy is God se handewerk, nuut gebore om sy werk te
doen.
DINSDAG 15 MAART – LEES: EFESIËRS 3:1-6 (VS 1)
Jy is ’n gevangene in Christus.
WOENSDAG 16 MAART – LEES: EFESIËRS 4:17-24 (VS 24)
Jy is ’n nuwe mens wat as die beeld van God geskep is.
DONDERDAG 17 MAART – LEES: FILIP. 3:17-21 (VS 20)
Jy is ’n hemeling wat reeds plek in die hemel het.
VRYDAG 18 MAART – LEES: KOLOSSENSE 3:1-4 (VS 3)
Jy is saam met Christus verborge in God.
SATERDAG 19 MAART – LEES: KOLOSSENSE 3:5-17 (VS 12)
Jy is deur God uitverkies en Hy het jou baie lief.
SONDAG 20 MAART – LEES: 1 TESS. 5:1-11 (VS 5)
Jy is ’n mens van die lig en nie van die duisternis nie.
MAANDAG 21 MAART – LEES: HEBREËRS 3:1-6 (VS 1)
Jy is ’n heilige deelnemer aan ’n hemelse roeping.
DINSDAG 22 MAART – LEES: HEBREËRS 3:7-15 (VS 14)
Jy deel in Christus se lewe.
WOENSDAG 23 MAART – LEES: 1 PETRUS 2:1-10 (VS 5)
Jy is een van God se lewende stene wat ingebou word
in Christus as geestelike huis.
DONDERDAG 24 MAART – LEES: 1 PET. 2:1-10 (VS 9, 10)
Jy is ’n lid van die uitverkore ras, ’n koninklike priesterdom,
’n heilige nasie, God se eiendomsvolk.
VRYDAG 25 MAART – LEES: 1 PETRUS 2:11-17 (VS 11)
Jy is in die wêreld ’n vreemdeling, ’n besoeker aan die
wêreld waarin jy tydelik woon.
SATERDAG 26 MAART – LEES: 1 PETRUS 5:8-11 (VS 8)
Jy is ’n vyand van die duiwel.
SONDAG 27 MAART – LEES: 1 JOHANNES 2:18-27 (VS 20)
Jy is deur die Heilige Gees gesalf en jy ken die waarheid.
MAANDAG 28 MAART – LEES: 1 JOH. 3:1-10 (VS 1, 2)
Jy is ’n kind van God en jy sal soos Christus wees wanneer
Hy terugkom.
DINSDAG 29 MAART – LEES: 1 JOHANNES 5:18-21 (VS 18)
Jy is uit God gebore en die duiwel kry geen houvas op
jou nie.
WOENSDAG 30 MAART – LEES: ROMEINE 8:26-30 (VS 28)
Jy weet dat God alles vir jou ten goede laat meewerk in
Christus.
DONDERDAG 31 MAART – LEES: ROMEINE 8:31-39 (VS
38, 39)
Jy weet dat niks jou kan skei van die liefde van God in
Christus nie.
4 slingervel februarie 2011

TERSIA
blokkiesraaisel 422
DWARS
1. Simon van Cirene se seun (Mark. 15:21).
3. Elkana was dit van Hanna (1 Sam. 1:8).
5. Die skaap is deur hulle rondgejaag (Jer. 50:17).
7. Die seun van Remalja (2 Kon. 15:25).
8. Insig is ’n bron hiervan (Spr. 16:22).
10. Jy moet moeite doen sodat hy jou nie voor die regter ______ nie (Luk. 12:58).
12. Silpa se oudste seun (Gen. 35:26).
13. Die profeet se naam (1 Kon. 1:45).
AF
1. Dit sal vir altyd krom buig (Rom. 11:10).
2. Askelon sal dit doen en skrik (Sag. 9:5).
4. Die Romeine sal dit van ons tot niet maak (Joh. 11:48).
5. In hierdie plek het die sonde van Sion begin (Miga 1:13).
6. So ’n swaard het twee snykante (Openb. 2:12).
7. Hy het na die geboorte van Reü nog 209 jaar gelewe (Gen. 11:19).
9. Hy voorsien dit vir die aarde (Ps. 147:8).
11. Josua se pa (Deut. 34:9).
Redakteur
Dr Nico vd Merwe
e-pos: slingervel@telkomsa.net
Tipografie en uitleg
Joey Fourie
e-pos: kerkblad@gksa.co.za
MEDEWERKERS
Dr. Nico van der Merwe
Oordenkings vir tieners en
laerskoolkinders
Marina Kotze
Junior Rubrieke en Penmaats
Riana Jonker
Verjaardaghoekie
Susan Lourens
Boekeblad
Tersia van der Merwe en Rina
Myburgh
Blokkiesraaisels en Kopkrappers
Attie Venter
Wetenskap-Artikels
Rika du Plessis
Stories
Artikelskrywers dié uitgawe
Dr. Nico van der Merwe
Nicolaas
Tellie Skoop
Eienaars en uitgewers
Deputate vir Kerklike Tydskrifte
Gereformeerde Kerke in Suid-Afrika
Posbus 20008, Noordbrug 2522
Drukkers
V & R Drukkery
Tel. 012 328 7180
Intekening
Administratiewe Buro
Afdeling Publikasies
Posbus 20008, Noordbrug 2522
Tel: 018 297 3986
Intekengeld
R162,00 per jaar
(posgeld en BTW ingesluit)
Advertensietarief
Op aanvraag beskikbaar
by Wymie du Plessis, tel. 018 297 3986
Die Redakteur
Posbus 6433, Flamwood 2572
Bydraes en briewe
Posbus 6433,
Flamwood 2572
Jaargang 52
Nommer 919, Februarie 2011
slingervel februarie 2011 ISSN 50037
685 X

JAKOB SE 12 SEUNS - 2 Nicolaas
die ruwe en gewelddadige
Jakob se ma en pa was Isak en Rebekka en sy ouma en
oupa was Abraham en Sara. Jakob het 12 seuns en ’n
dogter (Dina) gehad by twee vroue, Lea en Ragel, en
twee slavinne, Bilha en Silpa.
Die name van Jakob se 12 seuns is Ruben, Simeon, Levi,
Juda, Dan, Naftali, Gad, Aser, Issakar, Sebulon, Josef en
Benjamin.
God het die geskiedenis van die 12 seuns in die Bybel
laat opskryf in Genesis 29:31 – 50:26.
In die Bybel lees ons ook wat die betekenis van die 12
seuns van Jakob is. Jakob se 12 seuns is nie belangrik
omdat hulle sulke uitnemende mense was nie, maar God het
hulle die vaders gemaak het van die 12 stamme van Israel.
Simeon: Jakob en Lea se
tweede seun
Omdat Jakob se tweelingbroer,
Esau, hom wou vermoor
(Gen. 27:41) het Jakob
na sy ma se broer, Laban, in
Paddan-Aram gevlug en vir
hom gaan werk (Gen. 28:5,
6). In Paddan-Aram het hy
verlief geraak op Ragel, een
van Laban se dogters. Sy
oom Laban het gesê as hy
vir sewe jaar suksesvol by
hom gewerk het, kan hy met
Ragel trou.
Laban het Jakob egter
gruwelik gekul en hom eers
met Lea, Ragel se ouer
suster, laat trou. Toe moes
Jakob nóg sewe jaar werk
voordat hy met Ragel getroud
is.
Jakob was vir Ragel meer
lief as vir Lea. Hartseer tref
vir Jakob en Ragel, want sy
kon nie kinders hê nie (Gen.
29:30). Maar Lea was die
een by wie Jakob kinders
gehad het. Hulle eerste kind
was Ruben en daarna is
Simeon gebore. In die Ou
6 slingervel februarie 2011

Testament het die mense se
name betekenis gehad,
anders as in ons tyd. Lea
noem haar eerste seun
Ruben, “want die Here het
my smart raakgesien. Nou
sal my man my liefhê,” het
sy gesê.
Toe die tweede seun
gebore word, noem Lea hom
Simeon, want “die Here het
gehoor dat ek nie liefde
ontvang nie. Daarom het Hy
my hierdie seun gegee”
(Gen. 29:33).
Simeon kom op vir die eer
van sy suster, Dina
In die Bybel word daar
niks van Simeon se grootwordjare
gepraat nie. Die
eerste wat ons van hom
hoor, is toe Jakob na Kanaän
teruggegaan het en sy
trek by Sigem aangekom
het, nadat sy tyd by Laban
verby was.
In die heidense dorpie
Sigem het ’n jongman vir
Dina, Jakob se enigste
dogter, verkrag. Toe die
jongman met Dina wou trou,
het haar broers gesê dat al
die mans van Sigem eers
besny moet word voordat die
troue kan plaasvind.
Toe die mans van Sigem
drie dae daarna baie pyn
gehad het, het Simeon en
Levi al die mans van Sigem
met swaarde doodgemaak
en al die broers het gehelp
om die dorpie te plunder. Jakob was baie kwaad vir sy seuns
dat hulle só opgetree het.
Toe Jakob sy seuns geseën het, kort voor sy sterwe, het
Jakob van Simeon en Levi gesê dat hulle die mense van
Sigem wreed behandel het (Gen. 49:5-7). Hulle het al die
mans doodgemaak en verder alles in die dorpie gevat, tot al
die diere ook! Jakob sê vir hulle dat dit ’n vreeslike ding is
wat hulle gedoen het. God het dit raakgesien. Daarom,
wanneer Gód die land wat Hy aan hulle belowe het vir hulle
gaan gee, gaan Simeon en Levi nie elkeen ’n eie stuk grond
kry nie. Hulle gaan tussen die ander broers se mense moet
bly.
Simeon se plek as een van die broers
Toe Josef se 10 oudste broers vir hom baie kwaad was
omdat hy allerhande stories van hulle by hulle pa Jakob
aangedra het, wou die broers hom sommer doodmaak (Gen.
37:20). Van Ruben, die oudste broer, lees ons dat hy vir
Josef, toe 17 jaar oud, ingetree het en gekeer het dat hulle
hom doodmaak. Hy het voorgestel dat hulle hom in een van
die droë putte in die veld gooi; hy was van plan om Josef uit
die put te red en huis toe te stuur (Gen. 37:21-24).
Van Simeon, die tweede oudste broer, lees ons niks dat
hy Josef wou beskerm nie. Dit was Juda wat met die gedagte
gekom het dat hulle Josef nie doodmaak nie, maar as ’n
slaaf verkoop.
Simeon se gesindheid het heeltemal verander
Nadat hulle Josef verkoop het, het ongeveer 20 jaar
verbygegaan. Omdat daar ’n hongersnood was, stuur Jakob
sy oudste tien seuns om in Egipte te gaan kos koop, maar
hulle het nie geweet dat die onderkoning Josef was nie. Toe
die onderkoning hulle as spioene beskou en sê hulle moet
ook hulle jongste broer, Benjamin, Egipte toe bring, gaan
Simeon tronk toe totdat Benjamin kan saamkom. Hy is as’t
ware die gyselaar wat instaan vir sy broers.
Daarin kan duidelik gesien word dat die gesindheid van
Simeon ten goede verander het. Saam met die ander broers
het hy geweet dat hulle groot sonde gedoen het in hulle
optrede teenoor Josef. Toe Benjamin by Josef kom, het hy
vir Simeon uit die tronk laat haal (Gen. 43:23). SV
slingervel februarie 2011 7

Bolletjie Wol
Op ’n groot plaas in die skuur lê ’n klein katjie en wag dat sy
mamma moet terugkom sodat hy aan haar kan drink. Dit is
Wollie en sy ogies het maar gister eers oopgegaan, so hy is
nog baie, baie klein. Sy mamma noem hom Wollie omdat hy sulke
lekker lang, sagte haartjies het en soos ’n bolletjie wol voel.
Wollie se ma is nou al ’n hele ruk weg en dit begin donker word.
Sy het gaan kos soek om te eet. Die boer weet nie dat hulle hier
agter in sy skuur in ’n hoekie in ’n leë kartondoos bly nie. Daarom
gaan sy mamma altyd versigtig na buite toe om te gaan kos soek
en sluip weer sag in sonder omgesien te word.
Die hele nag deur en ook die volgende dag lê Wollie en wag en
wag, maar sy mamma kom nie terug nie. Wollie se magie grom so
honger is hy. Iets moes met sy mamma gebeur het, want sy sal
hom nie sommerso los nie. Sy weet mos hy is nog te klein om self
kos te soek en ook dat hy nog nie kan eet nie. Hy het nog die
melkies nodig wat hy by sy mamma moet kry.
Dit is al weer donker en Wollie huil nou baie hard en kruip in die
doos rond.
“Haai jong, jy moenie so raas nie. As die boer jou hoor en jou
hier sien, gaan hy baie kwaad wees,” sê ’n stem meteens hier
bokant die doos.
Wollie kyk op en skrik vir die grys gesig wat daar inloer. Hy kruip
na die hoekie toe en gaan lê doodstil. Sy hartjie bewe, so bang is hy.
“Jy het nie nodig om vir my bang te wees nie. Ek mag ook nie
hier wees nie, maar ek kom soek vir my koring om te eet en hier is
baie in die stoor. Ek is Tina, die eekhoring wat in die bos in ’n
boomstam woon. Is jy alleen? Waar is jou mamma?”
“Ek is Wollie en my ma is weg om te gaan kos soek en sy het na
twee dae nog nie weer teruggekom nie. Ek is baie, baie honger, maar
kan nog nie eet nie. Ek het nog haar melkies nodig,” antwoord Wollie
nou in ’n fyn stemmetjie.
“Jou mamma sal jou nie sommer vir niks so gelos het nie. Ek ken
haar en sien haar altyd in die bosse op soek na iets om te eet. Iets
moes met haar gebeur het. Ek dink jy moet saam met my kom. Jy
kan nie so alleen hier lê sonder kos nie.”
“Maar waar gaan ek melkies kry?” vra Wollie.
“Ek het baie melk. Ek het
gewoonlik sommer ’n paar
babatjies op een slag, maar
hierdie keer het ek net enetjie.
My melk is te veel vir haar, so jy
kan ook aan my drink.”
“Hoe gaan ek by jou
woonplek kom? Ek is nog te klein
om so ver te loop.”
“Ek sal jou dra, net soos
jou mamma jou dra en soos ek
my klein Strepies ook soms dra.
Kom,” sê Tina en buk en tel
Wollie met haar bek aan sy
nekvel op.
Wollie is nou nie meer bang
nie. Tina werk baie mooi met
hom en hy weet dat hy nou-nou
melkies sal kan drink. Dan sal hy
nie meer honger wees nie, maar
hy is tog nog baie hartseer oor
sy mamma wat weg is. Gaan hy
haar dan nooit weer sien nie?
Tina klouter teen ’n dik
boomstam op en kruip dan met
Wollie by ’n gat in die stam in.
Daar sit sy vir Wollie op ’n sagte
nes van blare en ander
wollerigheid neer. Dit lyk vir hom
na stukkies wol van skape. Dan
sien hy die klein eekhorinkie
langs hom lê.
“Wollie, dit is my babatjie.
Haar naam is Dienie en sy is nog
kleiner as jy. Kyk, sy het nog nie
8 slingervel februarie 2011

eens haartjies nie en haar ogies
is nog toe. Dienie, ek het vir jou
’n klein katjie-maatjie gebring,”
sê Tina.
“Sal die kat my nie opvreet
nie, Mamma?” vra Dienie
benoud.
“Nee, Dienie. Dit is ’n baie
klein babakat en sy mamma het
weggeraak en ons gaan hom
nou grootmaak. Julle kan
maatjies wees.”
“Siestog ja, sy is nog baie
klein. Wanneer jy nie hier is nie,
sal ek styf teen haar lê en haar
warm hou met my lang hare,” sê
Wollie.
“Dankie, Wollie, maar nou
moet jy eers drink,” sê Tina en
kom lê langs Wollie en Dienie.
Outomaties soek Dienie se
bekkie na ’n tietie en Wollie soek
na die ander tietie. Hulle drink
en drink totdat hulle magies vol
is en dan gaan Wollie styf teen
Dienie lê toe Tina opstaan.
“Julle moet nou soet hier bly.
Ek moet nog vir my kos gaan
haal, want ek kon nie my kos en
vir Wollie dra nie. Wollie sal jou
warm hou met sy lang hare,
Dienie.”
Dienie kruip styf teen Wollie
aan en hulle begin met mekaar
gesels. Toe Tina weer daar
aankom, slaap die tweetjies tog
te lekker.
Vir twee dae bly Wollie by
Tina en Dienie; en Tina gee
gereeld vir hom melk. Daardie
volgende aand bly Tina ook
langer weg as gewoonlik en die
tweetjies raak bang, want sê
nou Tina kom ook nooit weer
huis toe nie? Dienie se ogies het
intussen oopgegaan en sy kan
nou vir Wollie sien.
Hulle lê en hou die opening in die boomstam met groot ogies dop.
Dienie skrik toe daar meteens ’n groot katkop inloer. Sy kruip styf
agter Wollie weg. Dan spring Wollie op en sy hartjie klop bly.
“Mamma ... Mamma, ooe ek is so bly my mamma is terug!” sê
Wollie en kruip na sy ma toe wat te groot is om by die gat in te klim.
“My ou bolletjie wol, dankie tog jy is veilig. Ek het in ’n gat geval
en kon nie uitkom nie. Toe kom Tina daar aan en sy het gesoek en
gesoek totdat sy ’n stuk tou gekry het. Daarna het sy dit om ’n
boomstam gedraai en dit in die gat laat afsak. Ek kon toe teen die
tou boontoe opklim. Toe vertel sy my dat sy jou gaan haal het en
solank vir jou gesorg het,” vertel Wollie se ma.
Tina klouter nou by die gat in en gaan langs Dienie sit.
“As ek die gat in die stam groter maak, kan jy en jou mamma
mos sommer hier by ons kom woon. Dan hoef Wollie nooit weer alleen
te bly wanneer jy gaan kos soek nie,” bied Tina aan.
“Dit sal lekker wees, Tina, maar hoe lank gaan jy aan die stam
moet vreet om die gat groot genoeg te maak?”
“Dit sal ’n hele rukkie vat, maar intussen kan klein Wollie maar
hier binne by Dienie bly en jy kan vir jou gaan kos soek en dan
solank daar in die mik van die boom slaap. Kyk, daar is ’n lekker holte
en die takkies hang daaroor.”
Hulle maak toe so en toe die gat eindelik groot genoeg is sodat
Wollie se ma kan inklim, is hulle al vier bymekaar in die boomstam se
gat. Hulle gee hulle kleintjies genoeg melk en bedags soek hulle vir
hulleself kos.
Hulle het groot maats geword en vir mekaar baie stories vertel.
Die ander eekhorings was ook later nie meer vir Wollie en sy ma bang
nie, want Tina het vir hulle gesê dat hierdie twee katte nooit een
van hulle sal vang nie, omdat Tina mos vir Wollie gered en kos gegee
het toe sy mamma weg was. Hulle het almal gedink dat dit darem
baie mooi van Tina was
om ’n ander dier se
babatjie op te pas en
kos te gee terwyl hy
gedink het dat sy
mamma nooit weer
gaan terugkom nie.
Die ander diere in die
bos het altyd na die
klein katjie en klein
eekhorinkie gestaan en
kyk wanneer hulle so
lekker onder die bome
saamspeel. SV
slingervel februarie 2011 9

Spreuke vir die tiener verklaar Dr
Dr
In Spreuke 7:6-23 stel God ’n baie
delikate, maar uiters belangrike
saak aan die orde. Spreuke sê dat
’n jongman wat hom deur ’n ontugtige
vrou (slet) laat verlei, ’n onverstandige
jongman is (vs. 7). In hierdie
verse beskryf Spreuke wat gebeur
wanneer ’n man en ’n meisie hulle
besig hou met verwilderde seks. Versoekings
op seksuele vlak word vir
die tieners in 2011 ’n al hoe groter
gevaar. Daar is ’n golf wat besig is
om oor julle tieners te breek waarvan
die meeste van ons totaal onbewus
is. Dit is die golf van pornografie wat
belaglik maklik beskikbaar is oor die
internet, in tydskrifte en nou ook deur
middel van selfoon-tegnologie. ’n
Mens dink aan die gebeure by verskillende
skole waar kinders aktief
deelgeneem het aan pornografie oor
die selfoon.
Van die skepping af is die saak van
die seksualiteit van die mens belangrik.
Dit is immers deur God in die
skepping van die mens gegee. Op
verskillende plekke in Spreuke word
oor die saak van seksualiteit geskryf
(o.a. 2:16-25; 5:1-23; 7:1-27; 9:13-
18). Vir God is dit ’n terrein van die
lewe waarop elke jongmens rein,
kuis en sedelik moet lewe. Die oortreding
van die sewende gebod is onkuisheid,
sedeloosheid, seksuele verwildering,
seks buite die huwelik en
pornografie. Vir tieners word die oortreding
van die sewende gebod ’n
groot gevaar vanweë die internet en
die selfoon. Dit is waarskynlik die
kragtigste medium vir die beïnvloeding
van menslike gedrag wat, soos
die aanduidings nou is, eers oor ’n
aantal jare in die ouer-wordende kinders
se gedrag, in hulle vermoë om
gesonde verhoudings as jong volwassenes
aan te gaan, na vore gaan
kom.
Waar is die gevaarsone vir julle as
tieners? Oor die Internet word die
opsoek van pornografie verspot
maklik. Toegang tot pornografie deur
middel van selfone is amper nog
Die gevaar van
pornografie en
seksverwildering
• Spreuke 7:6-23 •
makliker. Deur middel van SMSdienste
is pornografie baie maklik
beskikbaar.
As Christentieners moet die Slingervellesers
’n baie sterk standpunt oor
hierdie saak inneem. Wat is daarmee
verkeerd, sou jy vra? Vir ’n gelowige
tiener is dit belangrik wat die Bybel
hiervan sê. Pornografie is onsedelikheid
– die oortreding van die
sewende gebod van God se wet. Die
Griekse woord wat in die Nuwe Testament
gebruik word, is porneia. Dit
is presies die woord waar ons woord
pornografie vandaan kom. Porne
beteken “prostituut” of “hoer” en
grafos is die woord vir “skryf”. Porno
+ grafie beteken letterlik “skrywe
oor prostitusie of oor hoere”. Pornografie
is die uitbeelding in skrif, foto’s,
sketse, films ensovoorts van die
seksuele sy van die mens se lewe op
’n obsene wyse, uitsluitlik met die
doel om te prikkel en te verlei. Dit is
sonde om die seksualiteit van die
mens buite die huwelik te misbruik.
Dit is ’n vernietigende middel in die
hande van Satan om gelowiges van
God afvallig te maak.
God is nie teen seks nie. Die seksuele
belewing het God van die skepping
af vir man en vrou bestem (1 Kor.
7:1-5; Pred. 9:9). Seks het God afgesper
in die huwelik tussen een man
en een vrou (Ef. 5:28-32). Seksuele
genot het God beskik vir man en vrou
in die huwelik (Spr. 5:18-19). Seksuele
bevrediging is bedoel vir man
Dr. . Nico Nico van van der der Merwe Merwe
Merwe
en vrou wat met mekaar getroud is
(Spr. 18:22; Mal. 2:15). Alle seks
buite die huwelik is onsedelikheid en
word deur God as ’n ernstige sonde
beskou. Onsedelikheid behoort tot
die aardse (Kol. 3:5), terwyl elke
Christen moet soek na die dinge wat
God verheerlik (Kol. 3:1-3). Vir ’n
onsedelike, seksueel-verwilderde
mens is daar nie plek in die koninkryk
van God nie (1 Kor. 6:9; Ef.
5:5). Seksuele sondes beskou God as
net so erg soos afgodery (1 Kor. 6:9;
5:10).
Christentieners moet pornografie nie
alleen ten volle vermy nie, maar hulle
ook inspan om dit met wortel en tak
uit te roei. ’n Kind van God strewe
na die vrug van die Heilige Gees
(Gal. 5:22). As jy met pornografie
deurmekaar raak, speel jy met vuur
... Satan se vuur wat jou geestelik kan
vernietig. Nie alleen moet jy pornografie
vermy nie, jy moet ook met
jou maats praat wat daarmee besig
is. Satan wil dit vir die sondige mens
so maklik moontlik maak om te oortree
deur harde pornografie binne ’n
handbreedte van jou te bring.
Christentieners moet nie die stryd
teen pornografie in eie krag aanpak
nie, jy sal op jou eie nie slaag nie.
Maak dit vir jou ’n gebedsaak sodat
God sy Heilige Gees in jou hart gee
om jou met krag te versterk om pornografie
teë te staan en met alles tot
jou beskikking uit te wis. SV
10 slingervel februarie 2011

Ons Ons wil wil al al al die die V VVelliemaats
V elliemaats wat wat in in Februarie ebruarie 2011 2011 ver verjaar ver jaar jaar, jaar
gelukwens. gelukwens. Mag Mag dit dit ’n ’n voorspoedige voorspoedige jaar jaar vir vir julle julle elkeen
elkeen
wees. wees. Hernu Hernu asseblief asseblief julle julle ver verjaar ver jaar jaardae jaardae
dae elke elke jaar jaar. jaar . Ek Ek vra
vra
ook ook die die gemeentes gemeentes gemeentes om om hulle hulle jeug jeug se se ver verjaar ver jaar jaardae jaar dae aan aan my my te
te
stuur stuur stuur. stuur stuur . Dit Dit sluit sluit alle alle alle jongmense jongmense van van geboorte geboorte tot
tot
belydenisaflegging belydenisaflegging in. in. My My adr adres adr adr es is: is: P PPosbus
P osbus 614 614, 614 , P PPaar
P aar aardekraal aar dekraal
1752, 1752, of of e-pos: e-pos: jonkerp@mweb.co.za
jonkerp@mweb.co.za
Gr Groete, Gr oete, T TTannie
T annie Riana
Riana
1 FEBRUARIE – Anna Krause (Krugersdorp), Hanré Grobler
(Derdepoort), Nicole Grobler (Lydenburg), Robin van
Jaarsveld (Phalaborwa).
2 FEBRUARIE – Janno van Veelen (Wonderboom-Suid),
Johan de Koker (Krugersdorp).
3 FEBRUARIE – AJ du Plessis (Buffeldoorns), Carmen
Engelbrecht (Kathu), Dante van Ryneveld (Wapadrant), Onika
van Ryneveld (Wapadrant), Sonette van Dyk (Krugersdorp).
4 FEBRUARIE – Marilee Deysel (Krugersdorp), Tjaart Joubert
(Middelburg-Mpumalanga).
5 FEBRUARIE – Danelle Aucamp (Lydenburg), Dehan
Gouws (Vereeniging-Oos), Dirk Kotze (Middelburg-Mpumalanga),
Francois Roux (Wapadrant).
6 FEBRUARIE – Hein Malan (Wapadrant), Jacobus Cronjé
(Kathu), Leon Möller (Heilbron), Marius van Heerden (Wapadrant),
Minke Badenhorst (Kathu).
7 FEBRUARIE – Lohan J van Vuuren (Kuruman), Moira
Etsebeth (Krugersdorp).
8 FEBRUARIE – Adri Willemse (Wapadrant), Heinrich Nel
(Waterkloofrand), Karini Maritz (Bethal), Le Roy Lourens (Kuruman),
Micarla du Plessis (Bloemfontein-Noord), Milanie de
Ronde (Wapadrant), Rina de Klerk (Wolmaransstad), Willem
Naudé (Krugersdorp).
9 FEBRUARIE – Corinna Wissing (Wapadrant), Ewaldt
Botha (Wapadrant), Nerine Louw (Wonderboom-Suid), Nicolaas
van der Walt (Waterkloofrand).
10 FEBRUARIE – Aldert Greyling (Wapadrant), Jacques
Prinsloo (Lydenburg).
11 FEBRUARIE – Anri Venter (Derdepoort), Berina Pretorius
(Wolmaransstad), Cecilia Boucher (Wonderboom-Suid),
Herman Bouwer (Wapadrant), Hilda Nel (Waterkloofrand),
Menanté du Plessis (Lydenburg), Michelle Stone (Vereeniging-
Oos), NJ Nel (Lydenburg).
12 FEBRUARIE – Anja Spies (Bethal), Drikus Klopper
(Wolmaransstad), Louwtjie Greyling (Wolmaransstad), Stephanus
du Plessis (Krugersdorp), Zonica de Beer (Wonderboom-Suid).
13 FEBRUARIE – Charmoné Griesel (Bloemfontein-
Noord), Clarissa Coetzee (Middelburg-Mpumalanga), Joha
Strydom (Phalaborwa), Marco Nolan (Buffeldoorns).
14 FEBRUARIE – Hanlie Etsebeth (Krugersdorp), Kowie
Spoelstra (Wapadrant), Leonard Kiep (Wapadrant), Nardus
Buys (Wonderboom-Suid).
15 FEBRUARIE – Antoinette Botes (Wolmaransstad),
Carla Vivier (Vereeniging-Oos), DM Hols (Kuruman), Elmané
van der Walt (Krugersdorp), Jacques Truter (Wapadrant), Johan
(jnr) Nel (Waterkloofrand), Phillip van Zyl (Vereeniging-
Oos).
16 FEBRUARIE – Eloise Kruger (Krugersdorp), Heinz Grönum
(Wapadrant), Stefaans van der Walt (Kathu), Suné Wessels
(Wapadrant).
17 FEBRUARIE – Hester Rautenbach (Reitz).
18 FEBRUARIE – Anthony Büchner (Wapadrant), Cerista
de Muelenaere (Wapadrant), Hanro Nel (Wolmaransstad), Luka
Kruger (Wapadrant), Shante la Grange (Krugersdorp), Werner
Pretsch (jnr) (Vereeniging-Oos).
19 FEBRUARIE – Anne-Marie Steyn (Phalaborwa), Francois
Pretorius (Derdepoort), Hendrik Boshoff (Buffeldoorns),
Jaco Maree (Buffeldoorns), Llewellyn Roos (Wapadrant).
20 FEBRUARIE – Kosie Etsebeth (Buffeldoorns), Marita
Theart (Bloemfontein-Noord).
21 FEBRUARIE – Gerhardus Middel (Wapadrant), Ilse van
Vuuren (Reitz), Jolané Mitchell (Kathu), Richard Bean (Middelburg-Mpumalanga),
SD van Heerden (Wolmaransstad), Zanri
Snyman (Kuruman).
22 FEBRUARIE – Chrisna Engelbrecht (Zeerust), Michelle
Marais (Wapadrant), Ruben Vos (Benoni).
23 FEBRUARIE – Johanna Aucamp (Krugersdorp), Marco
Coetsee (Krugersdorp), Marietjie Greyling (Wolmaransstad).
24 FEBRUARIE – Gerrit de Swardt (Wapadrant), Kobus
(jnr) Vorster (Lydenburg), Madeleine Stemmet (Bethal), Paul
Cronjé (Kathu), Petrus Steyn (Krugersdorp), SJ le Roux
(Bloemfontein-Noord), Sonja Kruger (Wapadrant), Willis de
Ronde (Wapadrant).
25 FEBRUARIE – Cara Snyman (Kuruman), Johannes
Dreyer (Waterkloofrand), Kayleigh Joubert (Lydenburg), Lara
van Pletzen (Bloemfontein-Noord).
26 FEBRUARIE – Izak van der Walt (Krugersdorp), Jan-
Hendrik Strydom (Phalaborwa), Kara le Roux (Waterkloofrand),
Rinus van Heerden (Wolmaransstad).
27 FEBRUARIE – Cara van der Walt (Wapadrant), Isabel
Fourie (Wapadrant), Leon Steyn (Kathu).
28 FEBRUARIE – Elouise Lewis (Vereeniging-Oos), Hante
Combrink (Vereeniging-Oos), Joane Venter (Kuruman), Olga
Ras (Bloemfontein-Noord).
slingervel februarie 2011 11
v e r j a a r d a g h o e k i e

dr dr. . nico nico van van van der der merwe
merwe
oordenkings vir laerskoolkinders dr
13. God sê jy moet vrede maak
Lees in jou Bybel Genesis 13:1-18
’n Vredemaker is iemand wat vrede bring waar daar bakleiery,
rusies, konflik en botsings tussen mense is. En ons lewe is vol
daarvan: volke maak oorlog teen mekaar, mense leef in vyandskap
en haat teenoor mekaar, kinders stry gedurig en soms
breek gevegte uit tussen twee. Van jou vriende en maats doen
iets wat jou nie aanstaan nie en nou leef julle in onmin. As ’n
kind van die Here het jy ’n opdrag om vrede te maak. In Genesis
13 lees ons hoe Abram vrede gemaak het tussen sy veewagters
en dié van Lot. Al kry Abram die tweedebeste van die
land, het hy ten minste vrede gemaak soos God dit van die
gelowiges verwag. Christus maak dit moontlik vir jou om vrede
te bring waar daar twis is. Omdat Christus jou sondeskuld betaal
het, is jy in staat om vrede te maak met medemense.
15. Maak jou gedagtes aan Christus gehoorsaam
Lees in jou Bybel 2 Kor. 10:1-6 Teks: 2 Kor. 10:5b
Jy kan in jou gedagtes nie dink wat jy wil nie. Al weet mense
nie van jou gedagtes nie, God ken jou gedagtes. Hy weet as jy
verkeerde dinge dink. Onthou, gedagtes bepaal wat jy gaan
doen (Jak. 1:13-15). Satan wil graag hê dat jy oor lelike dinge
sal dink. Hy weet as hy jou so ver kan kry om aanhoudend aan
slegte dinge te dink, gaan dit nie lank wees voordat jy daardie
slegte dinge doen nie. Jy kan Satan nie met jou eie vermoë
stop nie. Omdat die sonde in jou lewe teenwoordig is, veroorsaak
dit dat jy onchristelike gedagtes en optrede ontwikkel.
Hierop is daar net een antwoord: “Ons neem elke gedagte
gevange om dit aan Christus gehoorsaam te maak.” Om geestelik
te kan oorleef in die oorlog wat innerlik woed, sal jy jou
gedagtes aan Christus gehoorsaam moet maak.
17. Jy en die ander mense in jou lewe
Lees in jou Bybel Genesis 2:20-25
Jy is nie die enigste mens in julle huis of jou skool of jou kerk
nie. Elke mens is deel van ’n groter groep mense. Jy is een van
’n gesin of ’n skool of ’n kerk of ’n sportspan of ’n koor, of
watter groep ook al. God wil nie dat die mens een-een en
alleen moet lewe nie. God het die vrou geskep sodat sy en
Adam vir mekaar medemense kan wees. Een belangrike deel
van elke mens se lewe is medemenslikheid. Satan is nie tevrede
dat mense gelukkige medemense van ander is nie. Daarom
bring hy haat en wrok en vyandskap tussen mense, sodat medemense
gedurig baklei en stry en mekaar seer- en doodmaak.
God wil hê dat die mens na Bo moet kyk om die doel van sy
medemens wees te verstaan. Medemense moet vir mekaar van
betekenis wees. Jy en jou gesin en jou maats moet mekaar
help en bystaan, sê God.
14. Vergeet al die verskonings wat jy het
Lees in jou Bybel Eksodus 3:9-4:17
Met verskonings kan ’n mens met baie dinge wegkom. Dit is
wat met Moses gebeur. God het aan hom opgedra om die leier
van die Israeliete te wees as Hy hulle uit Egipteland verlos.
Maar Moses het die een verskoning na die ander. Hoeveel
verskonings het Moses? Kom ons kyk: 1. 3:11, 2. 3:13, 3. 4:1, 4.
4:10, 5:13. Ja, Moses het 5 verskonings om nie God se opdrag
uit te voer nie. Maar die Here aanvaar nie een van die verskonings
nie. Hy het nie verskoning gemaak om nie jou sonde
te verlos nie. Al het dit God gekos om sy eie Seun te stuur om
aan die kruis vir jou sonde te betaal. God het alles gegee vir
jou verlossing, daarom moet jy uit dankbaarheid die dinge doen
wat God aan jou opdra. Soos wat? Die tien gebooie is God se
opdragte aan jou, hulle moet jy gehoorsaam nakom.
16. God sê dat die mens moet werk
Lees in jou Bybel Genesis 1:26-29
Jy hoor seker hoe die grootmense oor hulle werk kla. Hoe
moeilik dit is en hoe moeg dit ’n mens maak. Jy hoor dat mense
sommer hier teen Woensdag al verlang na die naweek om nie
te werk nie. En elke maand sê mense hulle sien uit na die tyd
dat hulle vakansie kom sodat hulle kan rus. Om te kan lewe,
moet mense geld kry en daarom moet mense werk. Dit is wat
God vir Adam en Eva in die paradys gesê het (Gen. 1:26-29).
Jou enigste werk is die takies wat jy vir Mamma en Pappa by
die huis doen en ook jou skoolwerk en ander opdragte by die
skool. In die skool van Graad 1-12 word jy voorberei om eendag
ook ’n werk te kan hê en jou eie geld te kan verdien. Dit alles
is God se opdrag, want Hy wil hê dat die mens in die skepping
wat Hy gemaak het elke dag sal werk en God se skepping sal
oppas.
18. God sorg vir die ma en die seuntjie
Lees in jou Bybel 1 Konings 17:8-16
In die dorpie Sarfat het ’n vrou en haar seuntjie gebly. Die
seuntjie se pa is dood en hy en sy ma het alleen gebly. Dit het
baie sleg met hulle gegaan. Daar was ’n groot droogte en ’n
hongersnood. Hulle het net genoeg meel gehad vir nog een
ete toe Elia, die profeet van God, by die vrou en die seuntjie
kom en vir hulle vra om vir hom ook iets te gee om te eet. Toe
vertel die vrou vir Elia dat hulle niks meer kos het nie. Lees
weer vers 14. Hoor jy wat het God gedoen. Deur ’n wonderteken
het God gemaak dat die meel in die kruik en die olie in
die kan nie opraak nie. Net God kan so iets doen. Die Here
sien dit raak as mense swaarkry. Hy help ook mense wat van
Hom hulp vra. Dit is waarom ons moet bid. In die gebed prys
ons die Naam van die Here en vertel ons vir Hom wat ons
nodig het.
12 slingervel februarie 2011

19. Jesus bring vreugde in die lewe
Lees in jou Bybel Johannes 2:1-11
Mense maak asof God nie wil hê dat gelowiges in die lewe
plesier en blydskap moet hê nie. So asof die lekker van die
lewe nie vir die gelowiges bedoel is nie. Dis nie waar nie! Toe
Jesus sy eerste wonderteken gedoen het, het Hy tydens ’n vrolike
bruilofsfees die lekkerste wyn vir die mense gemaak sodat
hulle die troue baie kan geniet. Ons moet net nie ons vreugde
soek in die dinge van Satan nie. Sonde maak ’n mens nie bly
nie, maar dit breek net af en maak seer. Regte vreugde kan jy
net in die Here geniet as jy in alles wat jy doen, vra of die Here
dit sal goedkeur. Dan kan jy dit geniet! God wil sien dat gelowige
mense gelukkig is op die mooi aarde wat Hy geskep het.
Ons mag die skepping van God geniet met alles wat God daarin
gegee het. Dit moet jou grootste blydskap wees en jy moet
God daarin vereer.
21. Jesus is sterker as Satan
Lees in jou Bybel Matteus 4:1-11
Mense doen sonde omdat Satan hulle verlei om dit te doen.
Satan is ’n vyand van God en wil mense ongehoorsaam maak.
Toe Jesus 30 jaar oud was, het Satan probeer om Hom ook
ongehoorsaam te maak aan sy Vader. Satan probeer Jesus verlei
om na hóm te luister en nie na sy hemelse Vader nie (lees
weer Matt. 4:1-11 en kyk of jy kan sien op watter 3 maniere
Satan Jesus wou verlei). Hoe het Jesus Satan oorwin? Hoe het
Hy Satan se versoekinge weerstaan? Jesus het elke keer as Satan
Hom wil laat sonde doen, gesê wat in die Bybel staan.
Jesus gee vir ons die Bybel sodat ons ook só vir Satan kan sê
wat verkeerd is as hy ons wil verlei. Daarom is dit nodig dat jy
gereeld jou Bybel lees en ook die Bybel ken. Dis al manier om
te weet wat reg en wat verkeerd is.
23. God gee aan die mens wysheid
Lees in jou Bybel 1 Konings 3:5-15
Jy dink dalk dat ’n mens slim word omdat hy baie leer of omdat
hy al lank op skool is. Party mense dink dat ’n kind vanself
slim is. Natuurlik is dit so dat jy as kind skool toe moet gaan, jy
hard moet leer aan die skoolwerk. Dit is die manier waarop jy
al meer en meer weet. Jy moet onthou dat jy jouself nie slim
kan maak nie. Om net hard te leer op skool, is ook nie die
enigste manier waarop jy slim word nie. Jy het hier in die Bybel
gelees op watter manier ’n mens regtig slim word. Koning
Dawid se seun, Salomo, het na sy pa koning geword van Israel.
Om koning van God se volk te wees, moet ’n mens regtig
slim wees. Salomo het geweet dat hy nie vanself slim genoeg
sal wees nie. Daarom het hy tot God gebid om hom slim te
maak vir sy werk as koning. Saam met Salomo leer ons dat dit
God is wat aan ’n mens wysheid gee.
20. Jesus word as kind groot
Lees in jou Bybel Lukas 2:51-52
Jesus was op aarde ’n gewone Kind net soos jy. Al is Hy ook
God, is Hy as mens uit Maria gebore. Hy was Mens en ook
God tegelykertyd, sodat Hy ons van ons sondes kon verlos.
Daarom, net soos jy nou in jou kinderjare is, was Jesus ook in
sy kinderjare. Jesus moes ook aan sy ouers gehoorsaam wees
soos jy aan jou ouers (lees weer vers 51) en Hy het ook grootgeword
soos jy (lees weer ’n keer vers 52). Maar omdat Jesus
gehoorsaam was aan sy Vader in die hemel, het Hy as Kind so
grootgeword dat Hy in guns was by God en by die mense.
Elke kind wat op aarde gehoorsaam is aan God, sal in guns
wees by die Here en ook by die mense met wie jy saamleef. ’n
Gelowige kind van God sal baie gehoorsaam wees aan die
Here en ook sy ouers omdat die Here dit wil hê. God verwag
dit alles van jou!
22. Jesus maak die storm stil
Lees in jou Bybel Lukas 8:22-25
Jesus se dissipels het storms op die see geken. Tog was hulle
baie bang. Jesus is egter sterker as enigiets in die skepping.
Want Jesus is ook God (Joh. 1:1). Daarom kan Hy die natuur
beheer. Jesus het net gepraat en die storm het bedaar. Jesus
verwyt die dissipels omdat hulle nie geglo het nie en bang
geword het. Watter krisis ook al in jou lewe kom, jy kán die
Here vra om jou te help. Hy hét die mag om dit te doen. Maar
dan moet jy regtig in die Here glo en nie net maak asof jy glo
nie. Deur sy krag red die Here jou. As jy dus bang word vir
iets, kan jy die Here vra om jou te help. Die Here help sy
kinders op verskillende maniere. Elkeen wat in die Here glo
en op Hom vertrou, word deur Hom gehelp. Hy help nie altyd
soos jy dit vra nie, maar op sy eie manier. En God se manier is
altyd die beste.
24. Op soek na die regte insig
Lees in jou Bybel Prediker 7:23-29 Teks: Pred 7:27
Prediker is op soek na die regte insig. Een saak is vir hom duidelik:
dat daar baie min mense is wat insig het. Maar dit verhoed
hom nie om ondersoek in te stel na wat die regte insig is nie. In
vers 27 gee Prediker dus ’n samevatting van sy ondersoek. Prediker
se ondersoek was intensief gewees. Toe hy een en een
bymekaar gesit het, het hy ’n antwoord gekry. Die regte insig
word in die Bybel gevind ’n paar honderd jaar na die Prediker
in die woorde van Paulus. Die antwoord is gegee in Jesus Christus,
die Gekruisigde. Die regte insig waarna gesoek is, is die
geloofsinsig. Dan kyk ’n mens na die gebeure op aarde deur ’n
ander bril. Nie die bril van die politiek, die ekonomie, die
sosiale lewe of die maatskappy nie. As jy soek na geloofsinsig,
vind jy die betekenis van alles in Jesus Christus as Gekruisigde
en Opgestane Koning van die Koninkryk van God.
slingervel februarie 2011 13
oordenkings vir laerskoolkinders

Foto: Wikipedia
Huygens landingstuig land suksesvol
Saturnus het 17 mane. Van die
bekendstes is: Titaan, Atlas, Mimas,
Enkelados, Hiperion, Dione, Helene,
Janus en Iapetos.
Die Huygens-landingstuig van 318 kilogram
het gespesialiseerde ondersoeke op
Titaan gedoen.
Volgens gegewens wat van die Huygenslandingstuig
ontvang is, het Titaan ’n dik
atmosfeer van stikstof en metaan. Terwyl die
Huygens-landingstuig stadig na Titaan se
oppervlakte afgedaal het, is foto’s geneem.
Uit dié foto’s blyk dat Titaan se oppervlak
oranje is. Diep slote of kanale kan ook
gesien word.
Uit die ondersoeke van die
Huygens-landingstuig is
vasgestel dat daar geen teken
van lewe op Titaan is nie.
Wetenskaplikes het tot nou
maar eers ’n klein hoeveelheid
van die data wat van Titaan
kom, ontleed. Uit verdere
ondersoeke sal meer en meer
van dié maan bekend word.
Cassini ondersoektuig bly in
wentelbaan
Die Cassini-ondersoektuig
Cassini-tuig neem
foto van Titaan
Amerikaanse ruimtewetenskaplikes het daarin geslaag
om in Julie 2004 ’n ruimtetuig in ’n wentelbaan om
Saturnus te plaas. Die ruimtetuig het uit 2 dele bestaan:
die Cassini-ondersoektuig in ’n wentelbaan om Saturnus
en die Huygens-landingstuig wat op 14 Januarie 2005
op die maan Titaan geland het.
het van sy wentelbaan om Saturnus foto’s
geneem van Titaan.
Op die foto wat by hierdie artikel (onder)
afgedruk is, is die Sotra Facula-area op
Titaan te sien. Wat sigbaar is, is ’n “cryovolcano”,
dit is ’n ysvulkaan, sigbaar.
Die foto wys twee pieke ongeveer 1000
meter hoog en ander kraters so diep as
1500 meter. Daar is ook “vingeragtige”
uitvloeisels uit die “vulkaan” sigbaar.
(Bronne: Beeld, Saterdag 15 Januarie 2005; Beeld
Dinsdag 18 Januarie 2005; Atlas of the Universe,
1994; Astronomy, April 2005; Astronomy, Mei 2006;
Astronomy, December 2010; NASA/JPL-Caltech/
USGS/University of Arizona)
14 slingervel februarie 2011
Foto: Wikipedia

Die lekker taai toffie!
Die toffie is dekades lank ’n baie gewilde eetding vir die
jongklomp. ’n Toffie is die taai lekkergoed wat van melasse of
bruinsuiker gemaak is en wat die moeite werd is om te koop,
want jy kan lekker lank daaraan kou.
In 1828 is dié lekker in Engels toffy genoem, en in 1862 toffee. Die woord is ’n
fonetiese en betekenisvariant van die Amerikaanse woord taffy. Die Amerikaanse
taffy kom heel moontlik van die Wes-Indiese Kreools taffia of tafia af, wat beteken
“drank van suikerrietsap”.
(Bronne: Etimologiewoordeboek van Afrikaans, 2003. Verklarende Handwoordeboek van die
Afrikaanse taal, 2003)
BOBBEJAAN in Afrikaanse idiome
Bobbejane bly maar interessante diere wat die mens baie amuseer. Soms kan
hulle gedrag lagwekkend ooreenkom met dié van die mens. Mense kan
sonder ophou kyk na programme op TV of video’s oor bobbejane, omdat hulle
so vermaaklik is. Geen wonder dat daar ’n hele paar idiome in
Afrikaans bestaan wat na die bobbejaan verwys nie:
k ’n Uitgebyte bobbejaan = Dit verwys na iemand wat deur sy
vriende verlaat is. Hy is eensaam en alleen. In Engels praat
hulle van ’n “a lone wolf”.
k ’n Bobbejaantjie vang = Om te help met die geboorte van ’n
kind.
k Elke bobbejaan het sy krans = Persone met dieselfde
geaardheid gaan graag met mekaar om. ’n Mens hoor heel
dikwels die Engelse gelykwaardige idioom: “Birds of a feather
flock together.” Tieners kan gerus die Afrikaans gebruik: Elke
bobbejaan het sy krans.
k Die bobbejaan agter die bult (gaan) soek = Moeilikheid tegemoet loop.
k Soveel van iets weet soos ’n bobbejaan van godsdiens = Baie min van iets weet.
k Bobbejaan het daar ’n kierie nodig = Die omgewing is onbegaanbaar.
k Jy lyk ’n mooi bobbejaan = Jy is nie opgewasse vir die taak nie.
k Bobbejaan oppasser van die vyeboom maak = ’n Skelm persoon in ’n
verantwoordelike pos aanstel.
Moenie dat die mense jou ’n bobbejaan noem nie, gebruik Afrikaans se lekker
idiome.
(Bron: Idiome-woordeboek. 1988 & Spreekwoorde, Anton F Prinsloo, 2004)
slingervel februarie 2011 15

Blare vir Marita (2)
Ons nuwe
vervolverhaal
vir tieners -
deur Rika du
Plessis
Die volgende oggend staan Marita
’n uur vroeër as gewoonlik op,
stap sag by die deur uit en draf
eers stadig en dan al hoe vinniger
op die sypaadjie af. Sy draf om
drie straatblokke en kies dan koers
deur die struikryke park terug huis
toe.
’n Oomblik lank kyk sy in die
badkamerspieël na die blos op
haar wange wat die vroegoggend
se draf haar besorg het. Sy draai
die stortkrane oop en stap kort
daarna verfris terug na haar kamer
toe, waar sy haar skoolklere
aantrek en dan kombuis toe gaan.
Sy maak koffie en eet sommer
beskuit daarmee saam. Terug in
haar kamer sien sy dat sy nou nog
’n halfuur oor het om haar geheue
te verfris wat die vorige aand se
leerwerk betref. Die uur vroeër
opstaan het beslis gehelp en sy
het haar dag se oefening gekry.
Sy is verbaas toe sy vanoggend
’n paar dinge in die Wetenskapklas
beter verstaan as die vorige aand.
Dalk is haar brein meer aktief ná
die draf en sy besluit dat hierdie
deel van haar daaglikse rooster
beslis behoort te werk.
Dit is met ’n meer positiewe
uitkyk op die lewe dat sy later
skool toe stap. Haar ma is nog
besig om aan te trek, aangesien sy
later begin werk as wat die skool
begin.
Die dag by die skool verloop
sonder probleme of noemenswaardige
voorvalle. Vandag stap sy nie
direk huis toe na skool nie. Sy stap
by die haarsalon in en vra dat
hulle haar hare skouerlengte afsny.
Korter hare gaan haar soggens
nog ’n paar minute tyd spaar, want
om haar lang hare eers uit te
borsel en dan te vleg, neem
heelwat tyd in beslag. Sy is verras
toe die korter haarstyl haar gesig
fyner laat vertoon en nogeens kom
lê ’n lekker gevoel in haar hart.
Hierdie besluit was ook ’n goeie
een.
Tuis eet sy net jogurt en ’n
groenslaai voordat sy kamer toe
16 slingervel februarie 2011

gaan. Volgens haar rooster trek sy
haar skoolklere uit en stap dan
weer kombuis toe.
Sy skil klaar die groente en
haal die vleis uit om te ontvries
sodat dit haar ma se taak makliker
kan maak wanneer sy tuiskom. Sy
neem ’n glas vrugtesap en gaan
terug kamer toe.
Dit gaan heel goed met die
skoolwerk totdat sy by die Wiskunde
kom. Daar steek sy vas en
onwillekeurig dwaal haar oë na die
glasbak op haar bedkassie met die
sjokolades in.
Die drang om haar hand uit te
steek en ’n hand vol te gryp en te
verslind, is sterk, maar dan
verskyn Isobel se gesig voor haar,
sien sy die teleurstelling op haar
niggie se gesig.
Sy staan vinnig op en stap ’n
draai deur die kamer terwyl sy op
haar tande kners. Sy is nie honger
nie en sy weet die sjokolade gaan
net haar frustrasie vir ’n oomblik
of twee demp en dan sit sy steeds
met dieselfde probleem wat die
Wiskunde betref.
Die voordeurklokkie lui en sy
frons. Niemand kom ooit hierdie
tyd van die namiddag by hulle nie.
Sy maak die deur oop en voor
haar staan ’n seun van omtrent
haar eie ouderdom. Iewers het sy
hom al gesien, maar sy kan nie op
hierdie oomblik weet waar nie. In
sy hande het hy ’n groot mandjie
vol heerlike, ryp vye.
“Middag. My ma stuur dit vir
julle,” sê hy toe sy hom net vraend
aankyk sonder om iets te sê.
“Middag. Dankie ... dit lyk
lekker. Waar kom dit vandaan? Ek
bedoel, woon julle hier naby
iewers?”
“Ons het verlede week in die
huis langs julle s’n ingetrek. My
naam is Wessel Ludick.”
Marita frons weer liggies. Sy
onthou die huis het ’n ruk lank
leeg gestaan en noudat sy mooi
dink, sy het al die top van die
groot vyeboom in die agterplaas
bo die huis se dak sien uitsteek.
Dit is nie snaaks dat sy nie opgelet
het dat daar mense ingetrek het
nie, want wanneer sy by die huis
uitgestap het, was dit altyd in die
teenoorgestelde rigting skool toe
en met dieselfde roete terug.
Hoekom is dit vandag eers dat
sy tot die besef kom dat haar lewe
’n ritueel tussen skool en huis
geword het? Wel, haar nuutopgestelde
rooster gaan dit beslis alles
verander!
“Ek is Marita Louw. Sê vir jou
ma baie welkom en baie dankie vir
die vye.”
“Bly om met jou kennis te
maak, Marita. Ek is in dieselfde
skool as jy, maar net een graad
hoër. Ek het gesien dat jy vanoggend
draf het. Ek draf ook soggens.
Miskien kan ons saam draf,
of hoe?”
“Wel ... ek het eintlik maar
vanoggend daarmee begin en ek
raak maar gou moeg. Jy sal dalk
vinniger wil draf.”
“Ek sal by jou aanpas. Dit is
lekkerder om ’n drafmaat te hê as
om alleen te draf. Wat het jou laat
besluit om te begin draf?”
“Wessel, ek dink die rede is
ooglopend,” probeer sy skerts en
kyk af oor haar lyf.
“As jy daarmee bedoel dat jy
vet is, stek ek nie met jou saam
nie. Jy is bietjie mollig en eintlik
hou ek daarvan. Die meisies wat
so plankdun is en nie eens saam
met ’n mens ’n melkskommel wil
drink nie, omdat dit hulle sal vet
maak, staan my nie regtig aan nie.
Jy het nie regtig nodig om maerder
te word nie, maar die oefening sal
jou fikser maak en jy sal gesonder
voel.”
Marita voel hoe ’n blos teen
haar nek en wange opkruip.
Wessel is ’n aantreklike seun en sy
is seker dat hy sommer gou hier ’n
meisie sal raakloop met wie hy sal
uitgaan. Tog, intussen sal dit vir
haar iets nuuts wees om in te stem
om saam met hom te draf.
“Nou maar goed, ons kan
saam draf en dankie vir jou mooi
woorde ... ek het dit dalk nodig
gehad.”
“Mooi, dan sien ek jou
môreoggend dieselfde tyd as wat
jy vanoggend gaan draf het. Mooi
dag verder.”
“Dankie, Wessel ... dieselfde
vir jou.” (Vervolg)
slingervel februarie 2011 17

OOM OOM A AATTIE
A TTIE VENTER
VENTER
Bome en ander plante
van die Bybel (1)
Die Bybel is ’n “lewendige” boek, en wel in
meer as een sin. Op byna elke bladsy is
daar aksie:
• Daar is stories, gelykenisse, gevegte, optogte,
koorsang en danse.
• Mense en diere word gebore en gaan dood.
• Daar word gesaai, geplant, geoes, verbrand.
• Daar word verduidelik hoe om in hierdie lewe
op te tree teenoor jou naaste en teenoor jou
vyande.
• Wat word van ons as ons ons laaste asem
uitblaas? Gaan ons ’n nuwe lewe begin?
Kyk maar na die rol wat plante (bome, struike,
kruide) in die lewens van die mense en diere speel.
Dit vorm die onderwerp van gelykenisse, byvooreeld
Die Saaier, Die Onvrugbare Vyeboom. Daar word
melding gemaak van watter nut dit vir mense inhou,
byvoorbeeld Rut wat garsare optel, olie wat lampe
laat brand.
’n Mens kan maar sê dat dwarsdeur die Bybel
melding gemaak word van een of ander plant. Die
meeste van hulle, soos die vy, granaat, olyf en
druiwestok, is goed bekend en kan maklik geïdentifiseer
(uitgeken) word. Daar is egter baie ander
plante soos die lelies van die veld en die roos,
waaroor meer as een mening bestaan.
Voorkoms en gebruike
Die bekende dadel (foto regs bo) groei
aan die dadelpalm (Phoenix dactylifera)
wat in oases in Sinai en in die warmer
dele van Palestina voorkom. Die palmboom
is gewoonlik 10 – 20 m hoog, en kan tot 50 m
hoog word. Die slanke stam is bedek met die littekens
van die blare wat afgeval het. Aan die top is
daar ’n kroon van 40 – 60 donkergoen blare wat
soos ’n veer lyk en tot 3 m lank kan word (die “palmtakke”).
Die vorm van die blare is dikwels gebruik
om die kapitele van klippilare in Egipte te versier.
Die palm het een van die nasionale simbole van
Israel geword. Toe Jesus op sy triomftog Jerusalem
op ’n donkie binnegery het, het die mense
“palmtakke” gedra, wat in werklikheid die blare was.
Dadelpalms bloei in die voorjaar en dra vrugte in
die najaar. Dadels is pitvrugte, die grootte van ’n
mens se duim. Die vleis van die vrugte is soet en
voedsaam – dit bevat omtrent 54% suiker en word
vars of gedroog geëet (dadelkoekies). ’n Volgroeide
boom dra 150 – 160 kg dadels (18 000 tot 20 000
afsonderlike vrugte). In die vroeëre eeue was daar
baie meer van dié bome as vandag. Jerigo is selfs
die “Palmstad” genoem.
Die vy (links bo op volgende bladsy) was
’n belangrike vrug in die tyd van die Bybel.
Vyebome (Ficus carica domestica)
18 slingervel februarie 2011

ehoort tot dieselfde familie as die moerbeiboom
en is dikwels langs die pad naby huise en wingerde
gevind. In die Bybel word dikwels na vye verwys en
Jesus het die vyeboom in verskeie gelykenisse en
beelde gebruik. Die boom word 6 – 9 m hoog, het
’n krom stam met blink bas, terwyl die takke in alle
moontlike rigtings uitsprei.
In die somer word die stam en takke verberg deur
die groot, dik, hartvormige blare, groter as dié van
enige ander boom in Palestina (Gen. 3:7). Die blare
ontwikkel vroeg, sodat die boom die aankondiger
van die lente is. Die vrugte word in die somer ryp
tussen die groot lobvormige blare wat in die herfs
afval. Die vorm van die blome is baie eienaardig.
Die besonder klein blommetjies staan binne-in ’n
vaasvormige gemeenskaplike blomsteel. Laasgenoemde
word dik en vlesig tydens die rypwordingsproses
van die vruggies, wat uit die blommetjies
ontstaan. Die “pitjies” in die vy is die eintlike vruggies
en die eetbare vy is die vlesig-geworde top van die
blomme se steel.
Die vye moet met oorleg geoes word, anders val
hulle maklik af (Nah. 3:12). Hulle is sappig
en buitengewoon soet (ongeveer
60% glukose). Wanneer hulle gepluk
word, word hulle in mandjies gesit (Jer.
24:1 e.v.) en gewoonlik vars geëet.
Hulle kan ook gedroog en in “koeke”
saamgedruk en in dié vorm gebêre
word (1 Sam 25:18; 1 Kron. 12:40).
Van die ou dae af is ’n genesende krag
aan hierdie vrug toegeken, veral om ’n
sweer te laat “ryp” word (Jes. 38:21).
Graansoorte het ’n belangrike deel van
die dieet van die mense in ou Palestina
gevorm. Die beste meel en brood is van
koring gemaak. Die armer landbouers
het gars geëet. Die graan is gesaai wanneer die
eerste reëns in die herfs geval het en is dan aan
die begin van die somer geoes. Gas word gouer
ryp as koring. Meelblom is in die offerande van die
Joodse priesters aan die Here gebruik.
Die mirt kom in die ruigtes van Palestina
voor. Die glansende immergroen blare
het ’n lieflike geur en die menigte wit
blomme maak dit ’n pragtige dwergboompie.
Dit is tradisionele gebruik om hutte vir die
huttefees te bou (Neh. 8:16 – Gaan na die berge
toe en bring olyfakke, olientakke, mirtetakke, palmtakke,
takke met digte blare om hutte te maak soos
dit voorgeskryf is). Jesaja noem dit as een van die
pragtigste bome (41:19 – Ek sal in die woestyn
seders laat groei, doringbome, mirte en olyfbome
… sipresse … saam met platane en denne).
Die olyfboom (Oleae europaea) (foto
onder) is een van die belangrikste bome
wat in ou Palestina oeste gelewer het.
Die olywe is geëet nadat dit ingemaak
is, maar die olie van die geparste vrugte was selfs
belangriker. Olyfolie is op groot skaal gebruik vir
kook en as brandstof vir lampe. (Dié olie is natuurlik
in winkels te kry as jy wil sien hoe dit lyk.)
In die droë Mediterreense klimaat was dit ook nuttig
as ’n salf en in die Bybelse tyd is dit gebruik vir
salwing waardeur iemand vir ’n spesiale amp afgesonder
is – derhalwe het dit ook simbolies geword
van die salwing deur die Heilige Gees. SV
slingervel februarie 2011 19

oordenkings vir tieners
dr. nico van der merwe
17. Tieners en God
Lees: Prediker 12:1-8 Teks: Prediker 12:1
Ons kan nie sê dat alle tieners aan God behoort nie. Daar ís tieners
wat God nie ken nie en ander wat God nie wil ken nie. Daar is ook
tieners wat God wel ken en ook deel van die kerk is, maar hulle hele
lewe wys dat hulle afvallig van die Here is. Hulle leef net vir hulleself.
Hulle oortree wat dwelms, alkohol en seks betref. Dit is die hartseer
tragedie van tieners wat langs die lewenspad sterf vanweë hulle gewaagde
lewenstyl. Daar is hoop en uitkoms vir elke tiener wat op hierdie
afvallige pad tot bekering kom. God sê vir elke tiener terwyl jy nog
jonk is en die lewe wil geniet: “Dink aan jou Skepper.” Dit beteken
dat jy jou lewenspatroon sal pas op die wil van God. Uit God se Woord
moet jy die riglyne ontvang van hoe jy sal lewe. Daar is geen ander
manier om reg te leef voor God nie.
19: Sê net: “Ek is vreeslik jammer!”
Lees: Lukas 15:11-24 Teks: Lukas 15:21
Net 3 woordjies: “Ek is jammer.” Hoekom is dit so moeilik om te sê
“Ek is jammer” as jy verkeerd opgetree het? Die verlore seun het die
verkeerde pad gestap toe hy sy erfporsie gekry het en van sy ouerhuis
weggegaan het. Op die verkeerde pad, met verkeerde maats het hy al
sy erfgeld uitgemors. Hy het nie met die verkeerde pad aangehou nie.
Hy het “tot inkeer gekom” (vs 17). Toe kies hy die regte pad terug na
sy pa toe. Dan moet hy sê: Pa, ek is jammer. “Ek het teen God en Pa
gesondig” (vs 21). Watter groot verskil het die woorde gemaak! Gebroke
harte word deur God heel gemaak. Jou hart moet nie net breek teenoor
God aan Wie jy so ongehoorsaam is nie, jy moet ook tot jou medemense,
jou maats en ouers kan sê jy is jammer as jy oortree het – dit is
die eerste stap vir ’n gelowige.
21. Kerk vir die kinders
Lees: Deuteronomium 32:44-47 Teks: Deut. 32:46
Wat doen jy as jy saam met jou gesin die eredienste bywoon? Is jy
verveeld met alles? Sit jy dan die orrelpype en tel, of loer jy by die oop
venster uit na buite, of dagdroom jy oor alles en nog wat? Voel jy dat
die kerk net vir grootmense is en dat God hom nie met kinders ophou
nie? Dis nie waar nie. Op baie plekke in die Bybel gee God die opdrag
aan ouers om hulle kinders uit God se Woord groot te maak. “Julle
moet julle kinders beveel om dit (die Woord van God) te gehoorsaam
en te lewe volgens hierdie wet” (vs 46b). Hierdie opdrag van die Here
moet deur jou ouers nagekom word, maar ook deur die dominee as
hy preek en die katkisasieonderwysers wat klasgee. Elke erediens is
dus ook ’n “kerk vir die kinders”. Jy moet daar wees en ook mooi
luister na die preek.
23. Gee lug aan jou innerlike woede
Lees: Spreuke 29:10-14 Teks: Spreuke 29:11
Woede ontstaan nie meteens in die hart van die mens nie. Woede is
’n innerlike saak wat meteens na buite kan breek en die optrede van
die mens beïnvloed. Dit kan só intens wees dat jy beheer oor jouself
kan verloor en gewelddadig teenoor mense kan optree. As jy geneig is
om woedend te word, moet jy opmerk dat dit elke keer net gaan om
jou persoonlik. Wanneer jy te na gekom word of beledig word of
bedreig word, slaan jou woede na buite deur. God sê: “’n Dwaas gee
vrye teuels aan sy woede.” ’n Gelowige, daarteenoor, blaas nie die
woede aan nie, maar bring die dwaas tot kalmte. Onmiddellik weet jy
nou wat jou taak as Christenjongmens is. Omdat jy in die Here glo en
omdat jy verlos is in Jesus Christus, kan jy oor jou eie woede heers en
dit in bedwang bring.
18. Raad vir tieners onder groepsdruk
Lees: Jeremia 15:19-21 Teks: Jeremia 15:19
Jeremia is moedeloos, want sy vriende het hom eenkant geskuif omdat
hy in God glo. Wat nou? Van hulle vergeet? Maak asof hy hulle nie
ken nie? As hy dit doen, gaan hy sy vriende verloor! Wat nou? Wat
sou jy gedoen het as jou vriende jou uit hulle midde uitskuif omdat jy
’n kind van God is en nie saam met hulle wil deelneem aan die
ligsinnige dinge wat in stryd is met God se wet nie? God sê vir jou dat
Hy jou nie sy kind gemaak het om onder groepsdruk te knak nie. Jy is
God se kind om op aarde ’n leier te wees. Jy moenie ’n Christen wees
wat koes-koes saam met die stroom van die onverskilliges stap nie,
maar jy moet in die kringe waarin jy beweeg die leiding neem om jou
vriende weg te lei van die kwaad na God toe! ’n Verloste kind van
God is ’n leier en nie ’n agterna-droster nie.
20. Jy moet ook kan “dankie” sê
Lees: Lukas 17:11-17 Teks: Lukas 17:15-16
’n Woord wat gans en al te min gebruik word, is die woord “dankie”.
Daarby kan ons die gesindheid van dankbaarheid voeg. Mense kan
kla en kerm van die oggend tot die aand oor dinge wat hulle nie het
nie, geld wat te min is en die werk wat te veel is. So gedra mense hulle
teenoor mekaar – en as dit by die Here kom, gaan dit veel erger. Die
grondreël vir Christene is dankbaarheid. In dié gelykenis onderstreep
Jesus so ’n gesindheid. Van die tien manne wat van melaatsheid genees
is, het net een teruggekom om dankie te sê. Neem ’n stuk papier en
skryf alles op wat jy vandag van God ontvang het. Skryf ook die dinge
op waaraan jy regtig gebrek het. Die eerste lys sal, as jy eerlik is, by
verre die langste wees. Jy moet nie ophou op God te dank vir dit wat
Hy jou gee nie.
22. Wonderlike vriende en maats
Lees: Romeine 12:3-8 Teks: Romeine 12:5
Die dominee is nie die middelpunt van die kerk nie. Die diakens en
ouderlinge is ook nie die sentrum waarom alles draai nie. Die diakens,
ouderlinge en predikante is belangrik, maar nie die belangrikste nie.
Onthou, die kerk is nie ’n gebou van steen, hout en glas nie. Die kerk
is mense. Die Here sê dat die kerk soos ’n liggaam is – Jesus is die kop
en die gelowiges is die ledemate. Jou arms, bene, hande, neus, ore,
knieë ensovoorts is daar om mekaar te help om te kan lewe. Jy is hulpeloos
as jou arms en jou hande nie hulle werk wil doen nie, of jou oë,
of jou bene. Só gaan dit ook met die kerk. As elke gelowige sy/haar
plig doen, dan ondersteun, help en verdra mense mekaar. Dit is die
klompie mense onder wie jy wonderlike vriende en maats het. Saam
met mekaar dien en eer julle die Here God.
24. ’n Gelowige tiener is gehoorsaam
Lees: 1 Petrus 2:11-17 Teks: 1 Petrus 2:12
Maak jou ouers jou soms kwaad? Voel jy hulle kasty jou om gedurig
daarop te hamer dat jy gehoorsaam moet lewe? Onthou dis eintlik
Gód wat verwag dat jy voorbeeldig sal lewe. Dit is nodig dat tieners
vermaan word, want Satan wil jou van God afvallig maak. Omdat die
Here jou verlos het van jou sonde, móét jy jou altyd goed gedra soos
iemand wat verlos is. Dit moet jy doen om jou dankbaarheid vir die
verlossing wat God uit genade aan jou gegee het, te betoon. Jou lewe
moet ’n voorbeeldige lewe wees, nie om jou ouers tevrede te stel of
jou maats te beïndruk nie, maar omdat God dit van jou verwag. Omdat
God jou verlos het, kán jy dit doen, want God het dit vir jou moontlik
gemaak. Sy Heilige Gees woon in jou hart en begelei jou in die lig van
God se Woord om gehoorsaam te wees.
20 slingervel februarie 2011

25. Gebruik die waarheid as liniaal
Lees: Johannes 8:31-47 Teks: Johannes 8:46
Jy moet net praat wat waar is. Die waarheid moet die maatstaf wees
vir jou kritiek oor ander. God sê: “Jy mag nie vals getuienis teen ’n
ander gee nie” (Eks. 20:16). Alle kritiek moet die toets van die waarheid
kan deurstaan. Dit eis God van jou. Jesus daag die Fariseërs uit om
sonde by Hom uit te wys, want hulle kritiek teen Hom is leuens. As jy
die waarheid los, is jy soos ’n soldaat sonder wapens. Jy het niks om
mee aan te val of te verdedig nie. Die waarheid alleen kan jou opregtheid
bewys. Dus mág die gelowige tiener kritiek uitspreek oor ’n saak
of oor ’n persoon, maar die kritiek moet die volle waarheid wees. Dis
maklik om ’n ander mens te kritiseer, en dan is jou kritiek gebaseer op
hoorsê-getuienis. Dit is verkeerd! God eis dit van jou om eers doodseker
te maak van die werklike feite alvorens jy iets of iemand kritiseer.
27. Jou jeugsondes
Lees: Psalm 25:1-7 Teks: Psalm 25:7
Sonde is nie iets wat aan ouderdom gekoppel kan word nie. Of jy ’n
kind, ’n jeugdige, ’n volwassene, ’n middeljarige of ’n bejaarde mens
is, jou lewe is deurtrek van die sonde. Dit is so dat ’n sekere soort
sonde in besondere lewensfases na vore kom. Só maak die Bybel meermale
melding van die sondes in die jeugtyd. Paulus skryf aan Timoteus
(2 Tim. 2:22): “Vermy die begeertes wat ’n jongmens in gevaar bring.”
Psalm 25:7 wil jou opmerksaam maak vir die sondes van die jeugtyd.
Jy as tiener moet gevoelig wees vir die sondes van die tienerjare. Met
sonde is daar net een pad en dit is die pad van sondebelydenis voor
die Here. By Hom moet jy pleit om vergewing. Die profeet Miga skryf
(7:19): “Hy sal ons weer genade betoon. U sal ons sonde tot niet maak.”
29. Niks is vir God onmoontlik nie
Lees: Genesis 18:1-15 Teks: Genesis 18:14
Uit die Bybel bely ons dat God almagtig is. Dit beteken dat God magtiger
is as enigiets anders, of dat niemand so magtig is soos God nie.
Jeremia 32:17 lees: “Niks is vir U onmoontlik nie.” Dit staan in Genesis
18:14: “Is iets te buitengewoon vir die Here?” God sê dit vir
Abraham omdat hy en Sara nie kan dink dat God aan hulle ’n kind kan
gee as Abraham 100 jaar en Sara 90 jaar oud is nie. Ons as mense is
beperk wat ons krag betref. Sommer gou-gou is ’n ding vir die mens
onmoontlik. Daarom moet jy deur die geloof vashou aan die Here,
die Almagtige. Hy is ook sterker as Satan wat jou wil verlei. God het
vir jou die onmoontlik bewerk toe Hy Jesus Christus, sy Seun, gegee
het om jou sondes weg te neem en aan jou die ewige lewe te gee. Jy
moet op niks anders vertrou nie as net op God die Here.
31. Die lewe soos dit normaalweg verloop
Lees: Spreuke 22:1-12 Teks: Spreuke 22:6
26. Jou lewenspad as gelowige tiener
Lees: Psalm 37:16-26 Teks: Psalm 37:23-24
As tiener is jy op pad na die grootmenswêreld. Dis ’n onsekere pad. Jy
weet nie wat wag nie. Dis ook nie ’n maklike pad nie; daar is baie
verkeerde paaie waarop jy kan verdwaal. Omdat jy ’n gelowige tiener
is, is God saam met jou op hierdie lewenspad. Hy staan jou by en
ondersteun jou op jou grootwordpad. Hy bepaal die koers en bring
jou terug as jy afdwaal. Hy ondersteun jou en help jou op as jy struikel
en val. Jy mag dink dat ander tieners wat nie vir God omgee nie, baie
makliker lewe. Moet nie afgunstig wees nie, want hulle het nie God in
hulle midde nie. Jý hoef nie jou toekomspad te vrees nie. Jou opdrag is
om gehoorsaam te bly aan God en sy Woord as 'n lamp te gebruik (Ps.
119:105). Dan sal jou lewenspad voorspoedig wees, want jy volg nie
jou eie wil nie, maar God se wil.
28. Jou opdrag in ’n stukkende wêreld
Lees: Genesis 3:1-24 Teks: Genesis 3:7, 8, 16, 17
God se skepping was volmaak (Gen. 1:31). Maar so het dit nie gebly
nie. God se groot vyand, Satan, het vir Adam en Eva verlei om aan
God ongehoorsaam te wees. Dit was die begin van die sonde. Adam
en Eva se sonde het hartseer gevolge gehad. Genesis 3 vertel hoe alles
verander het ná die sonde van Adam en Eva. Nou was die skepping
nie meer mooi en volmaak nie. Dit was stukkend en die mens sou ’n
opdraende stryd voer. Dit is waar die swaarkry van die lewe vandaan
kom. Dit wortel in die sonde van die mens. Teen die stukkende karakter
van die skepping sal jy vanjaar ook moet stry. Maar moet nie moed
opgee nie. God gee in Christus en deur sy Heilige Gees gawes aan jou
om sukses te kan behaal. Sit skouer aan die wiel en werk toegewyd
aan jou opdragte. God se seën sal dan nie uitbly nie.
30. Die geraamtes in die laagte lewe
Lees: Esegiël 37:1-14 Teks: Esegiël 37:4, 10
In beeldtaal (vs. 11) verduidelik God hoe dit geestelik met sy volk
gaan. Israel lyk soos ’n deurmekaar hoop geraamtes in ’n laagte. ’n
Laagte vol doodsbeendere waar jy nie kan sien waar die een in die
ander pas nie. God beveel Esegiël om vir hierdie doodsbeendere te
preek. Toe begin die dor bene na mekaar beweeg, elkeen na sy regte
plek, totdat daar volledige geraamtes lê. Daarna word spiere, senings,
vleis oor die geraamtes getrek en ’n klomp volledige lyke lê daar, totdat
God daarin lewe gee en dit ’n skare mense word wat God dien. God
skep lewe waar daar net dood is! Nie net in die Ou Testament nie,
maar ook in ons tyd. Vanweë jou sonde is jy soos die geraamtes in die
laagte. Maar deur Christus se bloed en die Heilige Gees se werk maak
God jou lewendig uit die dood om vir Hom te lewe.
32. Die eerste dinge moet eerste kom
Lees: Spreuke 2:1-22 Teks: Genesis 1:1
Spreuke is ’n boek in die Bybel waarin vertel word hoe dit normaalweg In Genesis 1:1 maak die Here bekend dat Hy die Skepper is van alle
in die lewe gaan. Maar in hierdie saak is daar altyd uitsonderings. Ons dinge. Daar is niks onder die son wat God nie geskep het nie. God
teksvers vir vandag klink asof daar geen uitsonderings is nie. (Lees kon dit doen, want Hy is almagtig. ’n Mens kan die vraag vra: Hoekom
weer die teks!) Jy kan seker aan baie gesinne en families dink waar dit is Genesis 1:1 so verskriklik belangrik? Dit beteken dat as jy enigiets in
nie so uitgewerk het nie. Mense wat goed grootgemaak is, maar as die skepping wil verstaan, as jy jouself reg wil ken, as jy ander mense
volwassenes die spoor totaal byster geraak het. Is dit teleurstellend vir wil begryp, as jy wil weet hoe die wêreld en die lewe werk, moet jy
jou? Is Mamma en Pappa se opvoeding van jou dan tevergeefs? Gaan begin by God as die Skepper van alles. In Spreuke 2 staan dat as jy dit
jy dalk ook eendag ontspoor en alles in jou lewe skeefloop? Onthou, in gedagte hou, sal baie dinge vir jou verstaanbaar wees. Jy sal weet
daar is uitsonderings. Maar Spreuke leer ons dinge soos dit normaalweg wat is regverdig en reg en billik (Spr. 2:9). Jy sal oordeelkundigheid
is. Dit beteken dat die goeie dinge wat jy in jou tienerjare leer en ontvang (Spr. 2:10-11, 20-21). Jy sal die verkeerde paaie van die lewe
aanleer, vir jou baie gaan beteken as jy eendag ’n volwasse mens is. ken en dit ook vermy (Spr. 2:12-19, 22).
slingervel februarie 2011 21
oordenkings vir tieners

Die hasie het sy wortels
weggesteek. Kan jy dit kry?
MARINA
MARINA
Weet jy waarom
waai robbe hulle
vinne in die lug?
O m af te koel! Robbe is
met vet en pels bedek en
kan baie warm word wanneer
hulle vinnig swem. Wat van
ver af soos ’n bedding seewier
lyk wat op die water wieg, kan
’n groep robbe wees wat net
onder die water se oppervlak
lê met hulle vinne bo die water
om af te koel.
Teken die renoster deur die kolletjies te voltooi
22 slingervel februarie 2011

Goed Goed vir vir vir rumatiek
rumatiek
Paul: “Is hierdie plek goed vir rumatiek?”
Gert: “Dit moet wees, want ek het my rumatiek hier
gekry.”
Twee wee stukkies stukkies stukkies koek
koek
Daantjie: “Mammie, kan ek asseblief twee stukkies
koek kry?”
Ma: “Al te seker. Sny jou stukkie middeldeur!”
Jy Jy bly bly ver verdwaal ver dwaal
Petrus keer ’n man op die sypaadjie voor en vra:
“Kan jy my sê waar ek nou is, want ek het verdwaal?”
Kallie: “Is daar ’n beloning aan verbonde?”
Petrus: “Nee!”
Kallie: “Wel, in daardie geval is jy steeds verdwaal.”
Tussen ussen die die instrumente
instrumente
Tinus: “Hoe het jy daardie knop op jou
kop gekry?”
Danie: “Ek het saksofoon gespeel.”
Tinus: “Maar ek verstaan nie nou so
mooi nie.”
Danie: “Wel sien, ek het voor die tromboonspeler
gesit.”
Nie Nie so so so dom dom nie
nie
Onderwyser: “Klasie, kan 5 in 1
ingaan?”
Klasie: “Ja, meneer.”
Onderwyser: “Jou dom, onnosel
kind – hoe kry jy dit reg?”
Klasie: “Wel meneer, ek steek
elke oggend vyf tone in een kous!”
Taalgeleer aalgeleer aalgeleer aalgeleerd aalgeleer
Onderwyseres: “Griet, kan jy Frans lees?”
Griet: “Ja, juffrou, as dit in Afrikaans geskryf is.”
Twee wee belangrike belangrike vrae
vrae
Hester: “Pa, mag ek vir Pa twee vrae stel?”
Pa: “Al te seker, my kind. Wat is die eerste vraag?”
Hester: “Pa, kan ek vanaand met Pieter uitgaan?”
Pa: “En wat is die tweede vraag?”
Hester blitsig en bitsig: “Hoekom nie!?”
Geleende Geleende geld
geld
Paul: “Sampie jong, leen my asseblief R5.”
Sampie: “Om geld uit te leen, bederf altyd goeie
vriendskap en ons vriendskap is baie meer werd.”
Paul: “Nou goed, maak dit dan R10.”
Deftige Deftige Deftige bedelaar bedelaar
bedelaar
Man aan bedelaar in die straat: “Skaam jy jou nie
om hier op die straathoek te staan en bedel nie?”
Bedelaar: “Wat wil jy hê moet ek doen – ’n kantoor
open?”
Die Die Die gr groot gr oot gespog
gespog
Drie seuntjies by ’n kleuterskool spog oor hulle
broers. Die eerste een sê: “My broer neem tog
perdry lesse.” Die tweede een: “My broer neem
tog gimnastiek.” Die derde outjie: “My boetie neem
tog antibiotika.”
Speel Speel iets iets anders
anders
Klein Japie oefen in sy kamer met sy viool terwyl
pa Giel in die sitkamer sit en koerant lees. Die
gesin se hond lê langs die stoel waarop sy pa sit
en lees. Elke keer as Japie ’n ekstra hoë noot uit
die viool wring, vlieg die hond regop en tjank iets
allervreesliks. Pa Giel verduur maar die viool en
die hond so lank as wat dit kan. Maar dan vlieg hy
op en gil in die gang af vir Japie: “Nee alla wêreld
Japie, kan jy dan nie iets speel wat die hond nie
ken nie?”
’n ’n P PPaar
P aar examinvlatirs:
examinvlatirs:
� Wat is die vroulike vorm van neef? Teef.
� Wat is die meervoud
van kind?
Tweeling.
� Wat is die teenoorgestelde
van
vreedsaam? Vreet
alleen.
� Wat is die verskil
tussen eenjarige
en meerjarige
plante? Die eenjarige
plante vrek net een keer per jaar.
� Wat beteken dit as die barometer daal? Die
spyker het uit die muur losgetrek.
� Wat is migrasie? Dis ’n soort kopseer wat
voëls kry wanneer hulle noorde toe vlieg vir die
winter.
’n ’n P PPaar
P Paar
aar goeie goeie vrae:
vrae:
� Toe ’n vrou se huis skielik
begin brand, skakel sy
deur die wind die brandweer:
“Kom gou! Kom gou!, my
huis brand af,” gil sy oor die
telefoon.
“Hoe kom ons daar?” vra die
brandweerman. “Het julle
dan nie meer van daardie
rooi lorries nie?” vra sy.
� “Val mense gereeld hier af?” vra die bergklimmer
aan die toergids.
“Nee,” sê die toergids, “net een keer.”
� Leon: “Pa, kan ek vanaand Pa se motor leen?”
Pa: “Hoekom dink jy het jy twee voete?”
Leon: “Een vir die briek en een vir die petrol, Pa.”
slingervel februarie 2011 23
• ons pretblad • ons pretblad •

oekeblad TANNIE
Opel-Götz, Opel-Götz, Susann. Susann. Susann. 2010. 2010. Prinses Prinses Prinses Prinses Prinses Anna; Anna Anna Anna Anna ; of of of, of , Hoe Hoe Hoe Hoe Hoe mens mens mens mens mens ’n ’n ’n ’n ’n held held held held held vind. vind vind vind vind . Pr Pretoria: Pr etoria:
Pr Protea Pr otea Boekhuis. Boekhuis. Prys: Prys: R90 R90,00. R90 R90 ,00. ISBN: ISBN: 978-1-86919- 978-1-86919-389-8.
978-1-86919- 389-8.
Toe prinses Annabel se pa, die ou koning, besluit om af te tree, gee hy vir sy dogter die helfte
van die koninkryk en gaan bly in ’n ouetehuis in Majorka. Toe Annabel verbaas wil weet
waarom sy slegs die helfte van sy koninkryk kry, hoor sy die ontstellende nuus dat die held
wat haar moet red en dan met haar gaan trou die ander helfte sal kry.
Sy is baie vies, want sy het nog altyd alles gekry wat sy wou hê en ook wanneer sy dit wou hê.
Toe begin haar soektog na ’n regte held. Sy verander ook haar naam na Anna, omdat net die helfte
van haar naam by die helfte van die koninkryk moet pas.
Haar oppasser, Moldau, kan nie meer mooi al die prinses-en-heldsprokies onthou nie. Sy dink
tog dit het iets met ertjies en matrasse, of met swart roet, rooi bloed, wit sneeu en sewe dwergies
te doen, of dat die prinses dalk ’n padda moet soen. Moldau se planne het egter geen held opgelewer
nie – en toe ontmoet Anna uiteindelik vir Jakob, die poppespeler. Maar is hy ’n regte held? Wel, die
koning en al die ander mense is daarmee tevrede en prinses Anna is baie gelukkig.
Jong lesers sal baie van hierdie “anderster” storie hou en skaterlag oor die humoristiese
kleurillustrasies wat die storie ondersteun en aanvul. Hierdie boek is ideaal vir voorlees en selflees.
Dirks, Dirks, Cor Cor Cor. Cor . 2010. 2010. 2010. Die Die Die Die Die Otters Otters Otters Otters Otters en en en en en die die die die die huis huis huis huis huis op op op op op die die die die die krans. krans krans krans krans . 2e 2e 2e uitg. uitg. Pr Pr Pretoria: Pr Pr etoria: Pr Pr Protea Pr Protea
otea
Boekhuis. Boekhuis. 144 144 p. p. Prys: Prys: Prys: R100 R100,00. R100 R100,00.
,00. ISBN: ISBN: 978-1-86919-403-1. 978-1-86919-403-1. (Die (Die (Die Otters-r Otters-reeks, Otters-r eeks, 4.)
4.)
Die drie Otters, Buks, Kassie en Litte, hou saam met Litte se ouers by die see vakansie. Litte se
pa maak hulle touwys met visvang en dit beloof om ’n heerlike, sorgvrye seevakansie te wees.
Toe die maats by die pretpark op die stampkarretjies ry, kruis hulle paaie egter dié van die
boelies Biefstuk, Peper en Fielies. Hoewel die Otters uit hulle pad probeer bly, soek die bullebakke
telkens skoor – wat op die amperse verdrinking van Kassie en Fielies uitgeloop het.
Die huis op die krans is in geheimsinnigheid gehul en trek die Otters soos ’n magneet. Maar dan
verdwyn Kassie en word sake ernstig. Litte en Buks is egter vasbeslote om hulle maat weer te vind en
onderneem ’n spannende en gevaarlike reddingspoging. ’n Mens lees naels-kouend verder om agter te
kom of hulle gaan slaag en of hulle gaan agterkom watter geheimsinnige onderduimsheid daar in die
huis op die krans beplan word.
Die Otters en die huis op die krans is ’n spannende tieneravontuurverhaal. Dit lees maklik en die
spanning word goed volgehou tot die einde. Hierdie boek is die vierde in die reeks oor die Otters se
avonture. Tieners wat alreeds met die Otters kennis gemaak het, sal gretig ook hierdie avontuur met ou
vertroudes wil deel. ’n Mens sien daarna uit om ’n volgende boek in die reeks te lees.
Jacobs, Jacobs, Jaco. Jaco. 2010. 2010. Die Die gr groen gr oen hand. hand. Illustrasies Illustrasies Illustrasies deur deur Chris Chris V VVenter
V enter enter. enter . Pr Pretoria: Pr etoria:
LAP LAPA LAP A Uitgewers. Uitgewers. 44 44 p. p. p. Prys: Prys: R60 R60,00. R60 R60 ,00. ISBN: ISBN: 9780 9780 7993 7993 4740 4740 1. 1. (’n (’n Kas Kas vol
vol
monsters.)
monsters.)
Denver-hulle het verhuis en in ’n stokou huis ingetrek. Sy nuwe kamer voel vreemd en in die nag
hoor hy ’n vreemde klopgeluid uit die ou kas. Toe hy die kas oopmaak, skrik hy hom boeglam vir
die vreemde ding wat oor sy voet skarrel.
Sy pa-hulle dink hy het ’n nagmerrie gehad, maar hy kan mos nooit die waarheid vir hulle vertel nie!
– wie sal hom in elk geval glo?
Hy vertel wel vir sy nuwe maat, Meyer, daarvan. Hoewel Meyer eers vir hom gelag het, besluit die
twee dapper seuns om dié nag saam te kyk wat uit die kas kom. En watter groot skrik en verrassing het
daar nie op hulle gewag nie! Hulle moes vernuftig planne maak om die monsters se gemoedere te
kalmeer – en selfs hulle vriendskap te wen.
Kinders sal baie daarvan hou om hierdie spannende avontuurverhaal met die duidelike kleurillustrasies
te lees. Hulle sal dit nie kan neersit wanneer hulle eers begin lees het nie. Die taalgebruik is
maklik en sprankelend. ’n Mens kan uitsien daarna om die volgende boek in die Kas vol monsters-reeks
te lees. SV
SUSAN
24 slingervel februarie 2011