Om de Race de Voltooien_

ondergaan hy nie alleen straf vir sy eie opstand nie, maar ook vir al die sondes wat hy
Gods volk gelei het om te pleeg. Sy straf sal baie groter wees as wat diegene ontvang wat
hy verlei het. Nadat almal vernietig is wat ten gronde gegaan het weens sy bedrog, sal sy
straf nog steeds voortduur. In die reinigende vlamme word die goddelose eindelik
verdelg, wortel en tak — Satan die wortel, en sy volgelinge die takke. Die voile straf van
die wet word uitgevoer; daar word voldoen aan die vereistes van geregtigheid: en die
hemel en die aarde, waar hulle dit aanskou, getuig van die geregtigheid van Jehova. {GS
756.1}
Satan se werk van verwoesting is vir ewig beëindig. Mr sesduisend jaar lank het hy sy
wil uitgevoer, die aarde met ellende vervul, en droefheid oor die ganse heelal veroorsaak.
Die hele skepping het gesug en tesame in barensnood verkeer. Nou word Gods skepsels
vir altyd verlos van sy teenwoordigheid en versoekings. “Die hele aarde rus, is stil; hulle
[die regverdiges] breek uit in jubel.” Jes. 14: 7. ‘n Kreet van oorwinning en dank styg op
van die ganse lojale heelal. “Die stem van ‘n groot menigte en soos die geluid van baie
waters en soos die geluid van sterk donderslae,” word gehoor, wat sê, “Halleluja! want
die Here God, die Almagtige, het die koningskap aanvaar.” Openb. 19: 6. {GS 756.2}
Terwyl die aarde omhul is met die vlamme van verwoesting. is die regverdiges veilig
in die heilige stad. Oor diegene wat in die eerste opstanding opgestaan het, het die tweede
dood geen mag nie. Terwyl God vir die goddelose soos ‘n verterende vuur is, is Hy vir Sy
volk beide ‘n son en ‘n skild. (Openb. 20: 6; Ps. 84: 11.) {GS 756.3}
“Ek het ‘n nuwe hemel en ‘n nuwe aarde gesien, want die eerste hemel en die eerste
aarde het verbygegaan.” Openb. 21: 1. Die vuur wat die goddelose verdelg, reinig die
aarde. Elke spoor van die vloek word uitgewis. Daar sal nie ‘n ewigbrandende hel wees
om die verlostes gedurig te herinner aan die vreeslike gevolge van die sonde nie. {GS
757.1}
Daar sal net een herinnering aan die sonde wees: ons Verlosser sal altyd die tekens van
Sy kruisiging dra. Op Sy hoof, aan Sy sy, en aan Sy hande en voete is die tekens van die
wrede werk van die sonde. Waar die profeet Christus in Sy heerlikheid aanskou, sê hy,
“‘n Gians soos sonlig is dáár, ligstrale aan Sy sy; en daar is die omhulsel van Sy krag.”
Hab. 3: 4. Die deursteekte sy waaruit die rooi stroom gevloei het wat die mens met God
versoen het — daar is die Heiland se heerlikheid, ..daar is die omhulsel van Sy krag.”
Magtig om te red deur die offer van verlossing, daarom was Hy sterk om diegene te
oordeel wat Gods genade verag het. En die tekens van Sy vernedering is die tekens van
Sy hoogste eer; deur die ewigheid heen sal die wonde van Golgota Sy lof verkondig en
Sy mag. {GS 757.2}
“En jy, Skaapstoring, Heuwel van die dogter van Sion, na jou sal dit kom, ja die
vroeëre heerskappy.” Miga 4: 8. Die tyd het nou gekom waarna heilige manne uitgesien