Om de Race de Voltooien_

klip. Deur die eienskappe van God verkeerd voor te stel, lei Satan mense om ‘n valse
besef van die karakter van God te kry. Vele het ‘n filosofiese afgod opgestel in die plek
van Jehova; terwyl die lewende God, soos Hy in Sy woord, in Christus, en in die
skepping geopenbaar is, deur slegs ‘n paar gedien word. Duisende vergoddelik die
natuur, terwyl hulle die God van die natuur loën. Hoewel in ‘n ander vorm, bestaan
afgodediens in die Christenwêreld vandag net so gewis as in die tyd van Israel en Elia.
Die God van baie van die sogenaamde wyse manne, filosowe, digters, politikusse,
joernaliste — die God van die hoëlui, van baie kolleges en universiteite, en selfs van
sommige teologiese inrigtings, is nie veel beter as Baal, die songod van die Feniciërs
nie. {GS 658.2}
Geen dwaling wat deur die Christenwêreld aangeneem is, tas die gesag van die hemel
op vermeteler wyse aan, nie een is so bepaald in stryd met die rede, en nie een is so
skadelik in sy gevolge nie, as die moderne leerstelling wat so vinnig veld win, naamlik
dat Gods wet nie langer bindend op die mens is nie. Elke volk het sy wette wat geërbiedig
en gehoorsaam word; geen regering kan daarsonder bestaan nie; en kan ons ons voorstel
dat die Skepper van die hemele en die aarde geen wet het vir die regering van die wesens
wat Hy gemaak het nie? Veronderstel dat vooraanstaande predikante in die openbaar sou
leer dat die wette van hulle land, wat die regte van die burgers beskerm, nie verpligtend is
nie — dat hulle sou aanvoer dat die wette die vryheid van die volk beperk en om daardie
rede nie gehoorsaam moet word nie; hoe lank sou sulke manne in die kansel gedoog
word? Maar is dit ‘n ernstiger misdaad om die wette van ‘n volk te veronagsaam as om
die goddelike gebooie, wat die grondslag is van alle regering, te verwerp? {GS 659.1}
Baie eerder kan die volke hulle wette afskaf en die mense toelaat om te maak soos
hulle wil, as vir die Heerser van die heelal om sy wet tot niet te verklaar, en die wêreld te
laat sonder ‘n maatstaf om die skuldiges te oordeel en die gehoorsames te regverdig. Wil
ons graag weet watter gevolge daar sal wees as Gods wet tot niet gemaak word? So iets is
reeds probeer. Verskriklik was die tonele wat in Frankryk afgespeel is toe Ateïsme aan
bewind was. Daar is toe aan die wêreld bewys dat die verwerping van alle beperkings wat
God ingestel het, beteken het om die regering te aanvaar van die wreedste tiran. Wanneer
die maatstaf van geregtigheid verwerp word, word die weg geopen vir die vors van
boosheid om sy mag op die aarde te bevestig. {GS 659.2}
Waar ook al die goddelike gebooie verwerp word, hou sonde op om sonde te wees, en
geregtigheid is nie begeerlik nie. Diegene wat weier om hulle te onderwerp aan die
regering van God is heeltemal ongeskik om hulle self te regeer. Deur hulle skadelike
leerstellings word die gees van opstand verwek in die harte van kinders en jongmense wat
van nature nie onder gesag wil staan nie; en ‘n wettelose, bandelose, samelewing is die
gevolg. Terwyl hulle spog met die liggelowigheid van diegene wat die gebooie van God
gehoorsaam, neem die massas gretig die bedrog van Satan aan. Wellus word botgevier,