Om de Race de Voltooien_

goddelike liefde en genade, was die Jode oorsaak dat die beskerming van God aan hulle
onttrek is, en Satan is toegelaat om na willekeur oor hulle te heers. Die verskriklike
wreedhede tydens die verwoesting van Jerusalem is ‘n voorbeeld van Satan se
wraaksugtige mag oor diegene wat hulle aan hom oorgee. {GS 38.1}
Ons sal nooit weet wat ons aan Christus verskuldig is vir die vrede en beskerming wat
ons geniet nie. Dit is die weerhoudende krag van God wat die mensdom bewaar dat hulle
nie heeltemal onder die mag van Satan kom nie. Die ongehoorsames en ondankbares het
baie stof tot dankbaarheid vir Gods genade en Sy lankmoedigheid waar Hy die wrede,
kwaadwillige mag van die bose in bedwang hou. Maar wanneer die mens die perke van
goddelike verdraagsaamheid oorskry, word Sy weerhoudende krag teruggetrek. God
staan nie teenoor die sondaar as laksman om die vonnis op sy oortreding te voltrek nie;
maar Hy laat die verwerpers van Sy genade aan hulleself oor, om in te oes wat hulle
gesaai het. Elke ligstraal wat verwerp is. elke waarskuwing wat veronagsaam is, elke drif
waaraan toegegee is, elke oortreding van die wet van God, is saad wat gesaai is en wat
gewis ‘n oes sal oplewer. Die Gees van God, steeds weerstaan, word eindelik aan die
sondaar onttrek, en dan is daar geen mag om die bose drifte van die siel in bedwang te
hou, en daar is geen beskerming teen die kwaadwilligheid en vyandigheid van Satan nie.
Die verwoesting van Jerusalem is ‘n vreeslike waarskuwing aan almal wat die aanbod
van goddelike genade en die smeking van goddelike barmhartigheid lig opneem. Xog
nooit is daar sterker bewys gegee van Gods haat teen die sonde, en van die gewisse straf
wat die skuldiges sal tref nie. {GS 39.1}
Die Heiland se profesie aangaande die straf op Jerusalem sal nog ‘n ander vervulling
hê, waarvan daardie eerste verwoesting slegs ‘n floue skaduwee was. In die lot wat die
uitverkore stad getref het, moet ons die verdoemenis van ‘n wêreld sien wat Gods genade
verwerp en Sy wet vertrap het. Vreeslik is die beskrywings van menslike ellende wat op
die aarde plaasgevind het gedurende die lang eeue van misdaad. Mens hart beswyk as jy
daaroor dink. Vreeslik was die gevolge van die verwerping van die gesag van die hemel.
Maar in die openbarings aangaande die toekoms word daar nog ontsettender tonele
geskilder. Die oorkondes van die verlede, — die oproer, die stryd, die omwentelings —
wat is hierdie dinge vergeleke met die verskrikkinge van daardie dag wanneer die
weerhoudende Gees van God heeltemal aan die goddelose onttrek is, en nie langer meer
die uitbarsting van menslike drifte en sataniese woede in bedwang hou nie! Dan sal die
wêreld, soos nog nooit tevore nie, die uitwerking van Satan se regering sien. {GS 39.2}
Maar in daardie dag, net soos tydens die verwoesting van Jerusalem, sal Gods volk
verlos word — almal wat onder die lewendes is. Christus het verklaar dat Hy vir die
tweede maal sal kom om Sy getroues te versamel: “En dan sal al die stamme van die
aarde rou bedryf en die Seun van die mens sien kom op die wolke van die hemel met
grote krag en heerlikheid. En Hy sal Sy engele uitstuur met harde trompetgeluid, en hulle