Om de Race de Voltooien_

verkondiging van die boodskap wat Hy wou hê dat hulle moes gee, en albei is deur ‘n
verkeerde begrip van hulle boodskap teleurgestel. {GS 403.3}
Maar nogtans het God Sy eie goeie doel bereik deur toe te laat dat die waarskuwing
aangaande die oordeel verkondig sou word soos dit was. Die groot dag was naby, en in
Sy voorsienigheid is die volk getoets deur die vasstelling van ‘n bepaalde tyd ten einde te
openbaar wat in hulle harte was. Die boodskap was bedoel vir die toetsing en reiniging
van die kerk. Hulle moes daartoe gebring word om te sien of hulle hart op hierdie wêreld
was, of op Christus en die hemel. Hulle het voorgegee dat hulle die Heiland liefhet; nou
moes hulle daardie liefde bewys. Was hulle gereed om hulle wêreldse hoop en strewe op
te gee, en om die koms van hulle Here met vreugde te verwelkom? Die boodskap was
bedoel om hulle in staat te stel om hulle ware geestelike toestand te besef; en dit is in
genade gestuur om hulle wakker te skud om die Here in ootmoed en bekering te
soek. {GS 404.1}
Alhoewel die teleurstelling gekom het as gevolg van hulle eie verkeerde begrip van
die boodskap wat hulle verkondig het, het God dit laat meewerk ten goede. Dit sou die
harte toets van diegene wat voorgegee het dat hulle die boodskap glo. Sou hulle, as
gevolg van hulle teleurstelling, hulle geestelike lewe opgee en vertroue in Gods woord
versaak; of sou hulle, in ootmoed en gebed soek om te sien waar hulle die fout gemaak
het wat betref die uitleg van die profesie? Hoeveel van hulle was deur vrees beweeg of
het sommer gehandel uit opgewondenheid? Hoeveel van hulle was halfhartig en
ongelowig? Menigtes het voorgegee om die koms van die Here lief te hê. Sou hulle nou,
waar hulle die bespotting en verwyt van die wêreld moes verduur en ook die
teleurstelling, hulle geloof opgee? Sou hulle, omdat hulle nie dadelik Gods handelinge
met hulle verstaan het nie, al die waarhede verwerp wat duidelik deur Gods woord bewys
is? {GS 404.2}
Hierdie toets sou die krag openbaar van diegene wat in ware geloof gehoor gegee het
aan wat hulle geglo het as die leer van die woord en Gees van God. Dit sou hulle die
gevaar leer, soos so ‘n ervaring dit alleen kon doen, om die verklarings en teorieë van
mense aan te neem pleks om toe te laat dat die Bybel homself verklaar. Vir die kinders
van geloof sou die verleentheid en droefheid wat ontstaan het as gevolg van hulle fout,
daardie fout openbaar en regmaak. Hulle sou tot ‘n narstige ondersoek van die profetiese
woord gelei word. Hulle sou daartoe gebring word om die fondament van hulle geloof
deegliker te ondersoek, en om alles te verwerp, hoewel dit aangeneem is deur die
Christelike wêreld, wat nie die Skrifte van Waarheid as grondslag het nie. {GS 405.1}
Vir hierdie gelowiges, net soos in die geval van die eerste dissipels, sou die dinge wat
in hulle beproewingsuur donker en onverstaanbaar blyk. later verduidelik word. Wanneer
hulle die “einde van die Here” sien, sou hulle weet dat Sy doel van liefde teenoor hulle.
nieteenstaande hulle beproewing as gevolg van hulle dwaling, stadigaan vervul word.